رأيكم في سؤال مصيري بخصوص مجال العمل

[mohamed bakar]

السلام عليكم

مبدئياً انا عضو ليس جديد لكن عضويتي القديمة مبقتش موجودة بسبب اغلاق الميل الأساسي و عدم التمكن من استرجاعه
سؤالي عبارة عن فضفضة و رأيكم يهمني جداً و هعمل بيه

انا اشتغلت في مجال صيانة الكمبيوتر و الهاردات و الشبكات من سنة 2009 حتى 2013 و كان جيد جداً جداً لكن لظروف تغيير محل الإقامة اضطريت اغير الشغل و اشتغلت في سنترال و حالي اصبح من اسوء لأسوء و الحمد لله على كل حال
درست بمعهد التعاون اربع سنوات لكن دخلته متأخر و السنة دي اتخرجت و لله الحمد
حالياً قدامي طريقين و دول اللي محتاج رأيكم فيه

الأول اني اطور نفسي في مجال الصيانة بحيث اني اخد دورة CCNA و +N و يعتبر و لله الحمد ملم بـ 50% من دورة CCNA بسبب طبيعة الشغل اللي كنت بشتغل فيه
عيب الحل ده ان الشغل مش متوفر بسهولة و ان غالبية اللي متوفر هو دعم فني بالشركات عن طريق الاتصال ( كول سنتر ) و ده صعب بالنسبالي جداً لأني بعاني دايماً من الصداع

الحل الثاني اني اخرج من مجال الصيانة خالص للأسف و اشتغل في اقسام المخازن مع العلم اني مش جيد مع الإكسيل لكن مش صعب اتعلمه الحمدلله

كل ده مع العلم ان سني مش صغير انا 24 سنة و في شهر 2 هكون تمت 25 سنة
انا اسف اني بطول عليكم بس محتاج كل نصيحة و رأي لأني متردد و مش عارف اعمل ايه

[abdalhaliem]

مرحبا أخى الكريم

شىء حميد جداا

أن تفكر بشكل عملى وبصوت عالى

وتستمع لنصائح الغير

فقد يجنبك ذلك بعض العثرات بحياتك

أنظر أخى الكريم

سأتحدث لك عن نفسى

فأنا أمتهن تلك المهنه ( الصيانه )

منذ مايقارب فوق العشرون عاماا

حيث أن سنى فوق الخمسون

المهم مهنه الصيانه لم تعد كالسابق

الأن لابد من التوسع لتكون تاجر ولو بصوره مصغره

تمتلك أجهزه وقطع غيار وأكسسوارات

وتكون الصيانه عامل من عوامل الدخل

لاأن تكون أساسيه

وهذا يتطلب بتلك الأيام رأس مال

غير متاح لأغلب المقبلين على تلك المهنه

لذلك أنا لاأنصح بممارستها كوسيله لكسب العيش

لم تعد مجديه أخى الكريم كسابق عهدها

لكنها ممكن تكون مجال من عده مجالات كالبيع والشراء والأستبدال

محل كامل متكامل

به أجهزه وقطع غيار وأكسسوارت بالأضافه للصيانه

أنصحك لأنك بسن أولادى

فكر بمجال مختلف فهذا المجال تأثر كثيراا

بالدخلاء ومدعى المعرفه ومدعى الخبره وماأكثرهم

لكن أن كان يتوفر رأس مال لبدايه جيده فلا بأس

(ولو أنها تخضع لعامل التوفيق والحظ أيضاا )

وبالنهايه أتمنى لك التوفيق بحياتك العمليه

وأن يهديك الله لما فيه الخير والصواب

فائق تحياتى

[Yasser]

اني اخرج من مجال الصيانة خالص للأسف

أرى انك تميل للصيانه من الجمله السابقه ,و ان سنك يسمح بالتعلم فلو - لست مرتبط بالتزامات عائليه حاليا - اذن لديك فرصه للتعلم والرجوع للصيانه والشبكات فهناك من لديه فكره متوسطه فى توصيل الشبكات والصيانه كسوفتوير وهاردوير او تركيب كاميرات لكن بخبره عمليه بيده طبعا بتزيد مع الوقت تجده يعمل بالمسمى الشائع حاليا iT وايضا يرزق فى نفس المجال كعمل حر بعد الوظيفه لحسابه الخاص , اكيد بدايه الرجوع ليست سهله لكن هذا النوع من العمل موجود , طبعا تطوير نفسك بالدورات اللازمه خصوصا الشبكات هو مفيد حتى لو ألممت بالدوره وأجلت الامتحان , تقدر تقارن هذا التصور والذى اراه امامى فى بعض المعارف والاشخاص بالوظيفه المتاحه فى المخازن او غيرها , ولا تنسى أن تستخير وبالتوفيق

[Yasser]

وتكون الصيانه عامل من عوامل الدخل

لاأن تكون أساسيه

كلام سليم فعلا , صيانه الهاردوير والسوفت وحدها ليست عمل كافى حتى لتغطيه الايجارات فى كثير من الاحيان ! خصوصا مع كساد السوق .

[mohamed bakar]

جزاك الله خيراً يا استاذي الكريم رأيك فوق راسي و ربنا يفرحك بأولادك بإذن الله

[mohamed bakar]

فعلاً يا استاذ ياسر انا بميل ليها لأنها قبل ما تكون شغل هي هواية و اني اسيبها مش حاجة سهلة
و انا فعلاً مش مرتبط بإلتزامات عائلية و اتفق مع حضرتك جداً في كل حرف و الإستخارة أساس اكيد لكن كان لازم اخد بـ رأي حضراتكم لأنكم الأدرى و الأوفى من اي شخص
شكراً لكم و ربنا ييسرها علينا آجمعين و يجعل أيامكم سعيدة

[abdalhaliem]

بالتوفيق أخى الكريم

ودعواتنا لك

أن تحقق كل ماتحب وترضاه

تحياتى