مشكله مروحه كارت 1070

[zoro00]

السلام عليكم ورحمة الله وبركاته

عندى كارت gtx 1070 evga فجاه لما طفيت الجهاز وشغلته تانى لقيت المروحه علقت على 100% وفضلت كدا
والغريب ان قرايه ال gpuz والافتر برنر بتقرأ ان المروحه شغاله على 37% وبتتغير كانها طبيعيه لكن حساب ال rpm بيكون صحيح على 4600 لفه
يعنى هيه شغاله على 100% فعلى لكن قرايه نسبه المروحه المئويه فى البرامج كانها طبيعيه والحال دا علطول اول ما الكارت يوصله باور حتى لو الجهاز مطفى او فى وضع البوت

حد قابله مشكله زى دى ؟
وهل ممكن يكون البايوس خرب وعايز يتعمله ريسيت او حاجه ولا ايه اللى المفروض يتعمل فى الحاله دى ؟
علما ان الكارت شغال عادى مفهوش مشكله فى الجيمز او الاداء

[whiteknights]

عليكم السلام و رحمة الله.. إيه حكاية مشاكل المراوح المتتالية.
المراوح بتعمل بأقصى سرعة حتى خارج الويندوز؟ و كمان اول ما توصل الباور من قبل حتى ما تفتح الجهاز؟
لو كده هل حركت الكارت مؤخرا؟ او قمت بتنظيف الجهاز؟ جرب شيل الكارت الأول و نظف بنك ال PCI-E اللى فى المذربورد بفرشاه ناعمة و نظف سنون الكارت ايضا ثم ركبه تانى و إتأكد إن ركب كويس, و ايضا إتأكد إن وصلات ال 6pin واصلة له كويس من الباور.

أيضا و انت مطلع الكارت حاول تبص على كابل المراوح اللى واصل بالكارت, إتأكد إنه داخل للأخر كويس.. لو شكيت حاول تدخله بإيدك.
لو كل ده منفعش.. جرب تركب الكارت فى PCI-E slot تانى غير الحالى.

[zoro00]

الكارت حصلت المشكله فيه لوحده من غير اى تعديل ولا حتى المسه فجأه كدا
وشلته وركبته فى جهاز تانى مختلف على باور تانى وفى اكتر من اسلوت ونفس المشكله وبصيت على سلك المروحه اللى جواه لقيته متركب تمام مفهوش اى شىء غير طبيعى
والمشكله مستمره حتى لو الجهاز لسه هيفتح مجرد ان الكارت وصله باور
تحس ان السينسور بتاع المروحه خرب او حصل حاجه
اخر حاجه بفكر فيها اعمله ريسيت للبايوس او ابديت او اى حاجه ممكن البايوس اللى سبب كدا ؟ مع انى مش حابب اجى جمب البايوس نهائى
لان بالشكل دا المراوح هتخرب بسرعه غير ان صوتهم عالى جدا

[ryko2]

السلام عليكم ورحمة الله وبركاته

عندى كارت gtx 1070 evga فجاه لما طفيت الجهاز وشغلته تانى لقيت المروحه علقت على 100% وفضلت كدا
والغريب ان قرايه ال gpuz والافتر برنر بتقرأ ان المروحه شغاله على 37% وبتتغير كانها طبيعيه لكن حساب ال rpm بيكون صحيح على 4600 لفه
يعنى هيه شغاله على 100% فعلى لكن قرايه نسبه المروحه المئويه فى البرامج كانها طبيعيه والحال دا علطول اول ما الكارت يوصله باور حتى لو الجهاز مطفى او فى وضع البوت

حد قابله مشكله زى دى ؟
وهل ممكن يكون البايوس خرب وعايز يتعمله ريسيت او حاجه ولا ايه اللى المفروض يتعمل فى الحاله دى ؟
علما ان الكارت شغال عادى مفهوش مشكله فى الجيمز او الاداء

شارى الكارت جديد؟
متقلقش من السؤال انا بسأل عشان لاحظت حاجة عندى فى الكارت بس انا جايبه مستعمل وجيل قديم شوية

[whiteknights]

عمل ريسيت للبايوس او تحديثه مش هيبوظ المراوح لكن لو مكنتش عارف بتعمل إيه كويس ممكن يبوظ كارت الشاشة نفسه او يعمل فيه مشاكل.
بما انك جربت كل الحلول و مفيش حاجة تخسرها فا ممكن قبل ما تعمل ريسيت للبايوس تجرب تشيل وصلة المراوح و تشوف لو هناك اتربة على ال fan connector و تركبها تانى بإحكام

ايضا لو تعرف تجرب مراوح تانية زى اللى معاك, ممكن متلاقيهاش فى مصر بس هتلاقيها على مواقع الشحن و اسعارهم رخيصة.
لو ده صعب حاول تجرب توصيل اى مروحة بالكارت و شوفها إذا كانت هتعمل بنفس المشكلة القديمة ولا لأ.. عشان نتأكد الأول إذا كان العيب فى سينسور الكارت نفسه ولا فى المراوح نفسها قبل الدخول فى موضوع البايوس.
أعتقد إن مروحة البروسيسور بتنفع تركب على كارت الشاشة عادى او المشتتات الإحترافية.. شوف مروحة كارتك كام pin و اتأكد.. متهيألى 4pin

كان فيه شخص عنده مشكلة شبيهة بس المراوح مكنتش بتشتغل بإستمرار.. شال وصلة المروحة و ركبها تانى, إشتغلت طبيعى بس بعد إسبوع رجعت تعمل كده تانى فإتضح إن المشكلة كانت فى المراوح نفسها.. مش ضرورى تبقى دى نفس حالتك.. بس طالما معندكش إستعداد توديه صيانة, يبقى كل شىء و لو صغير لازم تجربه لكى تصل إلى نتيجة او إلى سبب المشكلة.

[abdalhaliem]

ياأخى الكريم

كارت الشاشه حاله كحال اللوحه الأم

له دائره لتنظيم عمل الطاقه

وله أيضا متحكم ( Micro controller )

وهو يشبه ال ( مين كنترول ) باللوحه الأم الخاص بالمعالج

وهذا المتحكم

المستشعر أو ال ( sensor ) متصل به

ويتلقى الأوامر منه

بصوره نبضات كهربائيه ( فولتيه )

المقصود من كل ماذكرناه أعلاه

قبل العبث بأى شىء عليك التوجه لفنى

لقياس تلك الفولتيات التى تصل للمراوح عن طريق

هذا ال Micro controller

فربما تذهب للمراوح طاقه أكبر من المفترض

( حسب وصفك لحاله المراوح )

وأنا لاأرجح موضوع البيوس هذا

ألا بعد التأكد من أن كل شىء على مايرام

البيوس ينظم عمل الكارت ككل

لكن Micro controller

هو أحد أهم مكونات دائره الطاقه بالكارت

المهم عند التوجه لأى فنى

لتفادى الفهم الخطأ واللبس

أخبره أنك تريد

قياس دائره الباور بالكارت بصوره عامه

تحياتى للجميع

[zoro00]

تحديث
قمت بفك المروحه من على الكارت بشكل كامل وفصلها تماما وجبت كارت تانى نفس الموديل وفكيت المروحه بتاعته برضه وبدلتهم اكتشفت ان المروحه سليمه والمشكله من حاجه فى الكارت اما سينسور المروحه داخل الكارت او حاجه تخص الموضوع دا فى الكارت نفسه
لان المروحه اشتغلت على الكارت التانى بدون مشكله طبيعى ومروحه الكارت التانى السليم اشتغلت بنفس العيب على الكارت اللى فيه المشكله

كدا اتسدت خلاص اعتقد انه لازم يتم ضبطه او استبداله فى الضمان علما انه ضمانه دولى كنت جايبه من امازون ففيها تكلفه محترمه لو فكرت اشحنه تانى هناك وبفكر صراحه اسيبه كدا وامرى لله بما ان اداء الكارت مفهوش مشكله

[whiteknights]

بجانب الإزعاج لو مش بيضايقك.. لو المراوح ظلت تعمل على RPMs عالية لفترات طويلة طول الوقت هناك إحتمالية تعرضها للتلف فى أقل من 6 شهور.
هو الحل الأسهل و الآمن توديه لمتخصص كما ذكر الأستاذ عبد الحليم.. لكن لو الخيار ده غير متاح بالنسبالك و معندكش حاجة تخسرها ممكن تجرب عمل ريسيت او تحديث للبيوس فى حالة كنت واثق من هذه العملية.

او ممكن تشوف مراوح اخرى بتوصل بالمذربورد او مراوح كيسة و تتحكم بسرعتها من خلال المذربورد.

[zoro00]

او ممكن تشوف مراوح اخرى بتوصل بالمذربورد او مراوح كيسة و تتحكم بسرعتها من خلال المذربورد.
انا عارف ومتأكد انها هتبوظ فى وقت قصير بما انها شغاله على السرعه القصوى وخصوصا ان الكارت انا مشغله حاليا فى التعدين يعنى شغال 24 ساعه

بخصوص فكره اجيب مراوح دى كويسه جدا
ممكن افك المروحه بتعته واشيلها خالص واجيب مراوح واوصلها بالماذر بورد والزقها على المشتت للكارت باى طريقه بس التحكم فيها هيكون يدوى لانها مش هتبقى ماشيه اوتماتك مع درجه حراره الكارت
امكانيه التحكم فيها هيكون من برنامج على ويندوز ولا ايه النظام ؟
لانى دايما بتابع الحراره والجهاز من التيم فيوار كل وقت قصير

وهل فيه طريقه اوصل مروحه الكارت نفسه بالماذر بورد علطول لانى جربت انى وصلها بالبورده علطول لقيت الجاك بتعها اخرامه رفيعه جدا مش عايز يدخل فى بنات مكان المروحه فى البورده

وهل ينفع اقطع الجاك بتاع مروحه الكارت واوصل سلوكه بجاك تانى خاص بمروحه كيسه واوصله بالبورده ولا ممكن يحصل مشكله ؟

[whiteknights]

أعتقد إنك لو جبت مروحة كيسة كويسة و يا حبذا لو مروحتين و ربطهم بالكارت بأربطة بلاستيكية مش هتحتاج اوى انك تتحكم فى سرعة المراوح, ممكن تسيبهم على سرعتهم الطبيعية و هتلاقى درجات الحرارة فى الخمول و الضغط جيدين.
كنت شوفت فيديو من فترة واحد إستخدم مروحة كيسة للكارت, بس كا مروحة مش كا مشتت, يعنى الهواء داخل للكارت.. و درجات الحرارة كانت اواخر ستينات فى الضغط على ما اتذكر, بدون التحكم فى سرعة المروحة.

اما لو عايز تتحكم فيها فا الطبيعى انك تتحكم بها من خلال بيوس المذربورد تدخل كل مرة تعدلها.. لكن متهيألى انك تقدر تتحكم فيها من خلال برنامج Speed Fan

اعتقد برضو إن فيه محولات بتتباع بس مظنش فى مصر.. محول يقدر يخلى مروحة كارت الشاشة توصل بالمذربورد. و فيه ايضا مشتتات بتتباع لكروت الشاشة فيها وصلة 2pin للمذربورد و الوصلة العادية للكارت
ابحث عن Accelero Twin Turbo 2 fan connection


موضوع قطع الجاك بتاع المروحة ده انا معنديش فكرة كبيرة عنه.. لكن طالما مستعد تاخد ريسكات رأيى إنك الأولى تدرس كويس عمل تحديث/ريفريش لبيوس كارت الشاشة لحد ما تحس انك واثق و تجرب
عشان بصراحة جوايا إحساس و فضول فى نفس الوقت إن المشكلة ممكن تكون بايوس كارت. و الله اعلم

[zoro00]

موضوع قطع الجاك بتاع المروحة ده انا معنديش فكرة كبيرة عنه.. لكن طالما مستعد تاخد ريسكات رأيى إنك الأولى تدرس كويس عمل تحديث/ريفريش لبيوس كارت الشاشة لحد ما تحس انك واثق و تجرب
عشان بصراحة جوايا إحساس و فضول فى نفس الوقت إن المشكلة ممكن تكون بايوس كارت. و الله اعلم


أتاخرت فى تحديث الموضوع لانشغالى ولسه مجرب البايوس على الكارت اليوم
قمت بتنزيل نسخه بايوس اصدار سابق للكارت وقمت بتركيبها له والمشكله مازالت مستمره نسخه البايوس اللى كانت مع الكارت 86.04.50.00.72 وركبت النسخه 86.04.50.00.70 اللى قبلها علطول ومتحلتش المشكله
واضح ان المشكله تخص الهارد وير بالكارت وليست البايوس او اى سوفت وير والله المستعان

[whiteknights]

مروحتين كيسة كل واحدة 120mm و أربطة بلاستيكية إربطهم على ال Heat Sink بتاع الكارت.. لو كل مروحة كيسة سرعتها 2000 لفة فى الدقيقة المجموع 4000 لفات فى الدقيقة, و هتحصل على نتايج تبريد أفضل.
و مش هتحتاج تتحكم فى سرعة المروحة ممكن تشبكهم بالباور ع طول.. مروحة الكيسة على 2000 لفة مبتكونش صوتها عالى.

[abdalhaliem]

ياأخى الكريم

ماهى المشكله من اللجوء لفنى

لفحص دايره الباور ؟؟؟

مشاكل الباور تتم معرفتها

من خلال القياس بالأفو فقط

المراوح تحتاج فولتيه معينه للعمل

توقعى أن تلك الفولتيه لاتصل كامله للمراوح

( خصوصاا بعد تأكدك من عمل المراوح بكفائه على كارت أخر )

أحيانا يتم عمل كوبرى

بسلك مخصص لذلك لأمداد المراوح بالطاقه اللازمه

وذلك الكوبرى يتم توصيله من مصدر أخر نفس القيمه

من داخل الكارت نفسه

ألى السوكيت الذى تقوم بتركيب سلك المراوح به

بالتوفيق

[Yasser]

بالاضافه لكلام الاخوه الافاضل , هل الكارت بالضمان ؟ لو كذلك لما تبحث عن حل بنفسك وتؤجل هذه الخطوه لان هذا عيب يتلف المراوح ويقصر عمرها خصوصا مسأله تشغيله 24 ساعه + بالاضافه للصوت المزعج .

[zoro00]

مروحتين كيسة كل واحدة 120mm و أربطة بلاستيكية إربطهم على ال Heat Sink بتاع الكارت.. لو كل مروحة كيسة سرعتها 2000 لفة فى الدقيقة المجموع 4000 لفات فى الدقيقة, و هتحصل على نتايج تبريد أفضل.
و مش هتحتاج تتحكم فى سرعة المروحة ممكن تشبكهم بالباور ع طول.. مروحة الكيسة على 2000 لفة مبتكونش صوتها عالى.

هذا بالفعل انسب حل وشكرا لك





ياأخى الكريم

ماهى المشكله من اللجوء لفنى

لفحص دايره الباور ؟؟؟

مشاكل الباور تتم معرفتها

من خلال القياس بالأفو فقط

المراوح تحتاج فولتيه معينه للعمل

توقعى أن تلك الفولتيه لاتصل كامله للمراوح

( خصوصاا بعد تأكدك من عمل المراوح بكفائه على كارت أخر )

أحيانا يتم عمل كوبرى

بسلك مخصص لذلك لأمداد المراوح بالطاقه اللازمه

وذلك الكوبرى يتم توصيله من مصدر أخر نفس القيمه

من داخل الكارت نفسه

ألى السوكيت الذى تقوم بتركيب سلك المراوح به

بالتوفيق



المشكله انى مش بثق فى فنيين صيانه كروت الشاشه واخاف يخربوه اكتر
فعصفور فى اليد خير من 10 على الشجر .. انا هحاول اجيب مراوح 120 mm وافصل مروحه الكارت الرئيسيه فهذا افضل حل بالنسبى لى حاليا





بالاضافه لكلام الاخوه الافاضل , هل الكارت بالضمان ؟ لو كذلك لما تبحث عن حل بنفسك وتؤجل هذه الخطوه لان هذا عيب يتلف المراوح ويقصر عمرها خصوصا مسأله تشغيله 24 ساعه + بالاضافه للصوت المزعج .





الكارت بالضمان لكنه ضمان دولى علشان اشحنه هناك هيتكلف من 1000 ل 1500 جنيه والموضوع مش مستاهل هشغله بمراوح 120 mm ارخص

[whiteknights]

بخصوص عمل كوبرى الموضوع ده ممكن و اعتقد إنه سهل عند الفنيين.. إنظر هذا الفيديو:
https://www.youtube.com/watch?v=SnnML12Gxk0

فى حال غيرت رأيك مستقبلا..

[abdalhaliem]

بخصوص عمل كوبرى الموضوع ده ممكن و اعتقد إنه سهل عند الفنيين.. إنظر هذا الفيديو:
https://www.youtube.com/watch?v=SnnML12Gxk0

فى حال غيرت رأيك مستقبلا..


وأكثر من ذلك يتم تحقيقه

بل يوجد سلك معين يستخدم بتلك الأمور

مجلفن ومعزول بطريقه أحترافيه

لكنه رفيع ودقيق للغايه

( أرفع من شعر الصيد )

سلمت يداك أخى الكريم

فائق تحياتى