المساعد الشخصي الرقمي

مشاهدة النسخة كاملة : مشاكل التبريد والمراوح GTX 1060 3gb


Mahmoud Samy007
03-12-2017, 12:54
السلام عليكم
انا اشتريت ASSUS GTX 1060 3gb oc dual fan
وصلت الكارت بالجهاز والمراوح دايما ثابتة مبتلفش ودرجة الحرارة ممكن توصل 50 والمراوح ثابتة في برنامج مرفق مع الكارت اسمه GPU TWEAK 11 ده في مود اسمه gamming ده ال deafult بس معمول فيه ان المراوح auto ومع ذلك مبتلفش هل ده طبيعي ولا لازم ازودها انا ولا ايه ؟؟؟؟؟؟
whiteknights
03-12-2017, 13:41
المراوح مش هتلف إلا بعد درجة حرارة 60, تقدر تتأكد من كده بنفسك. الكارت به هذه التقنية للتقليل من صوت المراوح المستمر و الحفاظ على عمرها فترة اطول.
معرفش إذا كان ينفع تعدل المراوح يدويا لكى تعمل قبل ال 60 لو كنت مش حابب كارتك يصل لل 60 فى الخمول.. بس ده شىء طبيعى.
Mahmoud Samy007
03-12-2017, 14:05
المراوح مش هتلف إلا بعد درجة حرارة 60, تقدر تتأكد من كده بنفسك. الكارت به هذه التقنية للتقليل من صوت المراوح المستمر و الحفاظ على عمرها فترة اطول.
معرفش إذا كان ينفع تعدل المراوح يدويا لكى تعمل قبل ال 60 لو كنت مش حابب كارتك يصل لل 60 فى الخمول.. بس ده شىء طبيعى.

شكرا اخى المحترم يعنى ده طبيعي مفيش فيه مشاكل ولو الكارت اقل من 60 يبقا مفيش خوف ولا لازم اتدخل هو ممكن تعديلها من البرنامج بالمناسبة و ازاى اقدر اتاكد ان الكارت سليم مفهوش اي عيوب ؟؟؟؟؟؟؟
whiteknights
03-12-2017, 15:06
العفو أخى.. لأ مش لازم تدخل, كروت الشاشة ممكن تعمل لحد ال 90 درجة عند الضغط عادى.. و الخمسينات فى الخمول درجة طبيعية لكارت الشاشة. عشان كده كارتك اول ما بيصل لل 60 المراوح بتبدأ تعمل عشان تنزله لدرجته الطبيعية تانى
بس فيه ناس مبتحبش تشوف الحرارة دى وقت الخمول فا بتعدل المراوح يدويا عشان تخليه أبرد من كده على حساب المراوح.

انا عن نفسى مبحبش اشوف الحرارة فوق ال 80 كتير عند الضغط.. و بحب اخليها فى التلاتينات وقت الخمول فى الشتاء.
تقدر تتأكد من كفاءة كارتك بإستخدامه عادى فى الضغط مع مراقبة درجات الحرارة فى البداية و الفريمات لكى تطمئن.