مشكلة فى ال NTFS Encryption [الأرشيف] - منتديات عرب هاردوير

مشاهدة النسخة كاملة : مشكلة فى ال NTFS Encryption

serag_007

21-01-2007, 05:10

سلام الله عليكم يا جماعه ....!

معلش انا عندي مشكلة صغيرة .. بس مش عارف احلها ...!

انا الهارد بتاع متقسم بنظام NTFS و عملت تشفير لفولدر بواسطة كليك يمين علية و اخترت Properties و بعدين اخترت Advanced و عملت لة تشفير Encryption ...! و نسيت الموضوع ..!

جيت بأة نزلت ويندوز جديد ..... مش عارف افك التشفير دة خالص ... انا عندي حسابين ... حساب مدير Administrator و حساب ضيف Guest ...! عايز اعرف افك التشفير ازاي ...! مع العلم انى دخلت و شلت علامة التشفير مش راضي و بيقولي ان الملفات غير قابلة لفك التشفير ...!

و ليا استفسار تاني بعد اذنكم ...! ازاي اجيب ال Permissions بتاعت ال NTFS ..! يعني عايز احدد صلاحيات معينة للحساب الضيف Guest ...! اعملها ازاي ؟

و الف الف الف شكر ليكم مقدما ...!

serag_007

22-01-2007, 03:39

محدش جاوبني ... بجد محتاج الملفات دي ضوروى!! و شكرا

serag_007

07-02-2007, 11:30

اخواني الأعزاء ...!

ليا شهر تقريبا و انا حاطط المشكلة دي هنا فى المنتدي و محدش رد عليا .... و للأسف انا معرفش منتدي تاني مختص بمشاكل الكمبيوتر غيركم ..!
لو كنتم متعرفوش الحل .. ياريت تقولولي مفيش حل ...... ! الفولدر واخد مساحة كبيرة عندي و مش متسغلة و مش عارف امسحة .... و اظن مش هعرف افرمت البارتيشن بتاعه ...!
ياريت تردوا عليا بس
و شكرا جزيلا

hamzaazmah

07-02-2007, 15:34

برنامج PowerQuest PartitionMagic 8.02 يمكن يحل المشكلة
تقدر تغير نظام الملفات

احمدالرفاعي

07-02-2007, 16:03

برنامج PowerQuest PartitionMagic 8.02 يمكن يحل المشكلة
تقدر تغير نظام الملفات

متأكد أن المشكلة تحل بهذه الطريقة ؟؟؟

أخشى أن تتلف البيانات لأن لدي نفس المشكلة وبيانات مهمة جداً جداً إلى أبعد الحدود

cobraxp

07-02-2007, 17:07

بياناتك ايه هي اللى تعتبر ضرورية لهذه الدرجة
وريح دماغك صعب شوية من فوق الويندوز ترجع بياناتك
ممكن بطرق تانية
ثانيا انت مش محدد انت مشفر ملفات ولا عامل برميشن على يوزر اكونت معين انه ما يشوفش البيانات
لو عامل برميشن على الفولدر دى سلهة تتضرب لكن لو مشفر فا هايبقي صعب ومليش فيه

mohamed2121

07-02-2007, 19:52

بالنسبه للشق الثانى وهو عن Permissions
ممكن تخليه المستخدم محدد
وتوم بتذويده ببعض الصلحيات عن طريق الرجسترى
وهى بالذهابRUN
REGEDIT
من
HKEY_LOCAL_MACHINE
ألى
HKEY_LOCAL_MACHINE\SOFTWARE
ثم مثلا
HKEY_LOCAL_MACHINE\SOFTWARE\FilterGate
للبرنامج ألى انته قمت بتنصيبه هتلاقيه هنا
FilterGate ده مثلا برنامج معده عندى
كليك يمين
تحتار
Permissions
هيظهر أمامك
المدير وعدد المستخدمين لديك
حدد المستخدم ألى بتريد واعمله
FULL CONTROL
أما للشق الاول انا مش مستخدمين هذه البرامج وليس لى بها خبره

onlineimen

07-02-2007, 21:16

اخى الحل الوحيد لمشكلتك هو انو يجب الدوخول ياسم المستخدم لعملت به التشفير
مفيش احد يمكن يفيك التشفير متسمعش كلام
يجب عليك تذكر اسم المستخدم وكلمة المرور السابقة والا راح الضفضع في الضباب

night0knight

07-02-2007, 22:25

عزيزي, اذا كانت المشكلة في عدم وجود صلاحيات لحسابك تمكنك من فك تشفير المجلد, سيتوجب عليك عمل التالي:
ادخل على لوحة التحكم واختار خيارات المجلد ثم عرض ثو تلغي تفعيل اخر خيار(استخدام مشاركة الملفات البسيطة) ثم الذهاب الى المجلد المطلوب والدخول الى خصائصه واختيار الامان, ثم في الاسفل اختيار متقدم وتتأكد من وضع اسم المستخدم الخاص فيك هناك وحذف اسم المستخدم القديم من هناك.
اما مضوع عدم امكانك من حذف المجلد فذلك لوجود مشكلة في اسمه او مشكلة اثناء تنزيل النظام وتاثيره على الهارد نفسه, حاول تغيير اسم المجلد واذا لم تستطع ذلك غير اسمه عن طريق الدوس.
وخبرني عن كل ما يحدث معك وتتدلل....

cobraxp

08-02-2007, 07:37

اريحك خالص لو سعادتك عامل برميشن على الفولدر انه ما يتفتحش الا لمستخدم معين
فمن على الدوس تقدر فيه برنامج تبوت بيه ويستطيع يقرا ملفات ntfs وينسخها عادى كان مفيش برميشن
اما لومشفر فمقدرش افيدك حاليا

serag_007

08-02-2007, 10:17

اشكركم كلكم اخواتي ..!

و اسمحولي اعرض مشكلتي بناءا علي حلولكم ..!

انا مدير الجهاز ... او الأدمن بتاعة يعني .... و معايا كل الصلاحيات المفروض .... كل اللي انا عملتة انى عملت تشفير Encryption لفولدر ... و بعد شهور احتجت انى اعيد تنزيل الويندوز ... و نزلت ويندوز جديد ... جيت بأة افك تشفير الفولدر دة .... حصلت معايا الحاجات اللي فى الصور دي ..!

https://img291.imageshack.us/img291/1253/encryjg7.jpg

https://img172.imageshack.us/img172/8357/encryptionnh2.jpg

ياريت اعرف بأة ليها حل ولا اية ..!

و شكرا جزيلا ليكم علي اهتمامكم

midomcse2003

08-02-2007, 11:30

awwad111

08-02-2007, 12:50

يمكن أن نجرب حل آخر....
إذهب إلى الفولدر واعمل ريت كاك ثم بروبرتيز....
بعد ذلك اذهب إلى Security ...ثم Advanced...ثم إلى Owner...ثم اختر حساب المدير الذي تستخدمه...ثم ضع علامة صح على Replace Owner

بذلك آمل أن تحل المشكلة ...

أنتظر ردك...

cobraxp

08-02-2007, 16:59

اتفق معاك awwad111

بالاضافة الى خاصية التوريث او ما يسمي انيهريشن

Sam45

08-02-2007, 20:33

كلام الأخ awwad111 هو الصحيح . أي أخذ ملكية الملفات من قبل Administrator أو أي واحد في مجموعة Administrators . أنتظر الرد ...

serag_007

10-02-2007, 10:26

اشكركم كلكم اخواتي الكرام علي محبتكم الكبيرة ... و علي مساعدتكم لي ..!

كل الطرق لم تفلح فى استعادة البيانات داخل الفولدر ... و لكني استطعت بمساعدتكم مسح الفولدر بالكامل من الكمبيوتر ..!

و علي الله العوض فى اغلب شغلي

اشكركم كلكم مرة اخرى ... و اشكر كل من تعب و فكر و حاول مساعدتي ...!

ربنا يعوض تعب محبتكم

mohamed2121

10-02-2007, 19:45

اخى لا تيأس

khallodah

12-04-2007, 05:38

السلام عليكم ورحمة الله وبركاته
راح اختصر واعطي الزبدة (مريت بنفس المشكلة)
لما يكون عندك ملف متشفر ماتقدر تفكه الا بمفتاح (Key)عن طريق هذا المفتاح تستطيع فك الملف الذي تم تشفيره وبما انك مشفره عن طريق الوندوز فالمفتاح موجود في ملفات السيستم اذا فرمت الجهاز او فقدت ملف السيستم فالغالب انك لن تستطيع فكه بدا , وهناك طريقتين اما تنفع احداها
او تنسى أمر الملفات :
الأولى/ انك تستخدم برنامج يقوم ببحث عميق عن كل أنواع مفاتيح الشيفرات بالجهاز ويحتفظ بها وتحاول ان تفك ملفاتك بها وقد فادني في إيجاد مفاتح واحد ولم ينفعني كثيرا لأني كنت قد فرمت البارتيشن الذي كان عليه الوندوز .(Advanced EFS Data Recovery)
الثانية / وهي بعيدة المدى أن تسترجع كافة الملفات المحذوفة والمفرمتةعن طريق احد برامج الإسترجاع ومن ثم تقوم ببحث بالبرنامج عساه يجد مفتاح للشيفرة التي شفرت بها ملفاتك .

معلومات عن البرنامج :
1-يقوم بالبحث عن كل الملفات المشفرة.
2- يقوم بالبحث عن كل مفاتيح الشيفرات .
تحاول تشغيل الملفات من خلال المفاتيح
تحميل البرنامج:
https://up20.net/download-1de7ec2352.rar.html