المساعد الشخصي الرقمي

مشاهدة النسخة كاملة : محتاره ما بين الجهازين دولDell Inspiron 5570 , HP 15-bs035ne


Booh Bo Boh
03-03-2018, 15:35
السلام عليكم

محتاره ما بين الجهازين دول

Dell Inspiron 5570 , Intel Core I5-8250, Ram 4GB , H.D 1TB , VGA AMD 530 2GB , 15.6" FHD


ولا

HP 15-bs035ne , Intel Core i5 , 8GB DDR4 Ram , 1TB H.D.D , AMD Radeon 4G VGA

الاستخدام هيكون برامج تصميم هندسيه واتوكاد وبرامج ثرى دى

الميزانيه لا تتعدى ال 10000

اللى محيرنى انى اختارما بين بروسيسور جيل تامن وريزليوشن شاشه عالى ولا كارت شاشه 4 جيجا ورامات 8 وكمان قريت كتيرعن ارتفاع صوت مروحه الديل ومش عارفه اتحلت ولا لا
وارتفاع حراره ال اتش بى

شكراً
RVD150
03-03-2018, 16:21
ياريت حضرتك تحدد نوع كارت الشاشة بضبط فى الجهاز التانى و نوع البروسيسور بضبط
N3V3RMiND.2016
03-03-2018, 16:58
و عليكم السلام و رحمة الله و بركاته,

بالنسبه للجهاز الHP فهى دى مواصفاته :

https://s14.postimg.org/yg7hviwap/image.png

هل هذه المواصفات اللى حضرتك تقصديها ؟
لو نعم اذا اللاب الDell افضل كثيرا جدا

وهذا لأن اللاب الديل يحمل معالج الجيل الثامن و هو بمواصفات اعلى كثيرا من مواصفات معالج الجيل السابع
فمعالج الجيل الثامن Intel Core I5-8250U يحتوى 4 انويه و 8 خيوط معالجه اى ضعف مصادر المعالجه المركزيه التى يحملها المعالج i5-7200U !!

فمعالج الi5-7200U يحمل نواتين فقط و اربع خيوط معالجه و ايضا السرعه القصوى له هى 3.1GHz بينما تصل السرعه القصوى للمعالج Intel Core I5-8250U الى 3.4GHz

برامج الهندسه و التصميم تعتمد بشكل كبير على المعالج المركزى و يوجد نقطه اضافيه و هى توفير استهلاك الطاقه لمعالج الجيل الثامن بشكل كبير
وطبعا توفير الطاقه يعنى عمر اطول للبطاريه و حراره اقل بشكل عام للجهاز يعنى لن يسخن بقدر معالج الجيل السابع.

اخيرا الذاكره RAM مهمه ايضا للتصميم بشكل اساسى و لكن يمكنكى من زيادة ذاكره الرامات بشراء رامه اخرى 4 جيجا و تركيبها فى لاب الديل بدون مشاكل لتصبح الذاكره الكليه 8 جيجا.
او حتى طلب من البائع استبدال الرامه ال4 جيجا بأخرى 8 جيجا و دفع الفارق.

ان شاء الله توفقى فى اختيار الافضل.
RVD150
03-03-2018, 17:03
تمام الاتنين نفس كارت الشاشة

طبعا خليك فى dell و بنسبة عشان الرامات بتاعتو 4gb فاحضرتك ممكن بعدين تبيع الرامة دى و تجبلك رامة 8gb سهلة جدا
Booh Bo Boh
03-03-2018, 20:55
تمام فعلا دة الجهاز الاتش بى بس فى فرق غير الرامات أن كارت الشاشه فى الأتش بى ٤ جيجا وفى الديل ٢ جيجا .. هل رفع الرامات هيرفع الكارت ؟؟
Booh Bo Boh
03-03-2018, 22:34
تمام الاتنين نفس كارت الشاشة

طبعا خليك فى dell و بنسبة عشان الرامات بتاعتو 4gb فاحضرتك ممكن بعدين تبيع الرامة دى و تجبلك رامة 8gb سهلة جدا

تمام هوا الجهاز بس هل رفع الرامات هيرفع كارت الشاشه لأن كارت الاتش بى ظ¤ والدليل ظ¢ بس
ryko2
03-03-2018, 22:47
تمام فعلا دة الجهاز الاتش بى بس فى فرق غير الرامات أن كارت الشاشه فى الأتش بى ظ¤ جيجا وفى الديل ظ¢ جيجا .. هل رفع الرامات هيرفع الكارت ؟؟

اعتقد كارت الشاشة فى الديل أفضل بصرف النظر عن انه 2 جيجا وان اللى فى الاتش 4 جيجا لان ببساطة الفرق مجرد فرق فى سعة الذاكرة
مع العلم ان اللى فى الديل الرامات فيه من نوع DDR5 واللى فى الإتش بى DDR3 وطبعا DDR5 أفضل وأسرع
RVD150
04-03-2018, 02:51
الكارتين زى بعض مافيش اختلاق فى كارت الشاشة
Booh Bo Boh
04-03-2018, 09:31
الكارتين زى بعض مافيش اختلاق فى كارت الشاشة
يعنى اداء الكارت
2GB DDR5
نفس ال
4GB DDR3
ولو حبيت ازوده فى المستقبل اغير الكارت كله ؟؟؟
RVD150
04-03-2018, 10:28
لا مينفعش تغيير كارت الشاشة فى اللاب توب تقدر فقط تغيير الرامات و الهارد
N3V3RMiND.2016
04-03-2018, 15:00
تمام فعلا دة الجهاز الاتش بى بس فى فرق غير الرامات أن كارت الشاشه فى الأتش بى 4 جيجا وفى الديل 2 جيجا .. هل رفع الرامات هيرفع الكارت ؟؟

للأسف موقع Dell مش موضح هذه النقطه تحديدا لاكن غالبا كروت AMD المخصصه للابات تستفيد من الرامات الخارجيه بالفعل
فأنا شخصيا لدى لاب ديل اقدم من المعروض (Dell 5559) و كارت الشاشه هو AMD Radeon M335 و مع ذلك هو يستفيد بالفعل من الذاكره RAM الخارجيه للجهاز

لاكن يوجد ايضا نقطه اخرى هامه جدا و هى ان اللاب سيعمل بكارتين شاشه معا(كارت شاشه AMD بالاضافه لمعالج الرسوميات المدمج مع المعالج المركزى Intel UHD Graphics 620)
و ذلك لأن المعالج المركزى Intel Core I5-8250U مزود بمعالج رسوميات منفرد من نوع Intel UHD Graphics 620 و طبعا معالج الرسوميات هذا احدث وافضل من الموجود بمعالج الجيل السابع i5-7200U

فيمكن تخصيص معالج الرسوميات المدمج مع المعالج المركزى لعرض الصوره على الشاشه و بالاضافه لتشغيل التطبيقات الاساسيه و البسيطه
و تخصيص الكارت AMD لأعمال الRender و الاعمال الثقيله و هى نفس الطريقه التى استخدمها لدى على اللاب.


يعنى اداء الكارت
2GB DDR5
نفس ال
4GB DDR3
ولو حبيت ازوده فى المستقبل اغير الكارت كله ؟؟؟


طيب هاوضح لحضرتك نقطه ذاكره كارت الشاشه بطريقه مبسطه:

كروت الشاشه تتكون من :
معالج رسومى يعالج كل ما يخص الجرافيك و الرسوميات (Processor)
ذاكره (رامات) خاصه بالكارت فاما ان تكون الذاكره رام مزوده على الكارت نفسه او ان يكون الكارت يستفيد من ذاكره اخرى و هى الرامات العاديه للجهاز نفسه او حتى الاثنان معا.
علما ان رامات كارت الشاشه تسمى VRAM و هذه التى تكون مزوده على الكارت نفسه و مخصصه له.

اهم جزء فى الكارت هو المعالج الرسومى نفسه لأنه هو المسئول عن القيام بكل العمليات على الجرافيك و الرسوميات فان كان المعالج الرسومى قوى فلن يحتاج الى ذاكره رام كبيره غالبا لأن البيانات الرسوميه يتم الانتهاء منها سريعا اول بأول.

اما لو كان معالج الرسوميات ضعيف فستكون عمليه تحليل البيانات الرسوميه بطيئه و فى تلك الحاله ستتخزن كميه من البيانات فى الذاكره الرام او ال VRAM فى انتظار تحليلها او الانتهاء منها عن طريق المعالج الرسومى.

اذا المعالج الرسومى هو الاساس فى كروت الشاشه و عندما يكون لدينا نفس نوع كارت الشاشه و فى هذه الحاله هو الكارت AMD Radeon 530 اذا هو نفس المعالج الرسومى متوفر فى اللابين سواء الDell او الHP
و فى تلك الحاله ربما يكون هناك فرق اداء لصالح اللاب صاحب ذاكره اكبر لكن بشكل طفيف جدا و ستكون حسب البرامج نفسها او التطبيقات المستخدمه على الجهاز لأن هناك برامج و تطبيقات لا تحتاج و لا تستفيد بالأساس من ذاكره الرام الخاصه بكارت الشاشه بشكل كبير.
اذا يمكن القول ان الاداء سيكون واحد.

و بخصوص تغيير كارت الشاشه لللاب فهو غالبا غير ممكن للأسف.

موفقه ان شاء الله.