المساعد الشخصي الرقمي

مشاهدة النسخة كاملة : استفسار عن سماعه بلوتوث للكمبيوتر



fadlool22
20-03-2018, 09:30
السلام عليكم ورحمة الله انا اشتريت سماعه بلوتوث ممكن اعرف هل هى بتشتغل لاجهزة الكمبيوتر ام لا لانى روحت اشترى usb بلوتوث عشان اعرف السماعه بالكمبيوتر صاحب المحل قالى مش هتشتغل لازم السماعه يكون جاى معاها usb ارجو الافاده

N3V3RMiND.2016
20-03-2018, 11:07
و عليكم السلام و رحمة الله,

انا مشغل عندى سماعه بلوتوث على الجهاز المكتبى عادى جدا و لم يكن معها USB Dongle و قمت بشراء USB Dongle صينى رخيص و تعمل السماعات عليه بدون مشاكل منذ سنوات.
و لكن ما هى نوع السماعات لديك؟
بشكل عام لن تخسر شئ لو اشتريت USB Dongle و قمت بتجريبه على السماعه و لكن يفضل لو عندك ويندوز 10 على الجهاز لتسهيل تشغيل السماعات.

موفق ان شاء الله.

fadlool22
20-03-2018, 13:22
تسلمى اخى الفاضل على الاهتمام نوع السماعه mx333 وساقوم بشرائه وخير ان شاء

ryko2
21-03-2018, 06:32
بعد إذن صاحب المشاركة إيه افضل سماعات بلوتوث متوفرة؟

N3V3RMiND.2016
23-03-2018, 03:17
بعد إذن صاحب المشاركة إيه افضل سماعات بلوتوث متوفرة؟

يوجد حاليا فى العالم اكثر من نوع سماعه يقارن بينهم حيث لا يمكن الجزم بأن احداهم افضل من الاخرى
و لكن صيغة سؤالك خاطئه فان اردت شراء سماعه بلوتوث عليك تحديد ميزانيه اولا
و عليك ايضا تحديد هل تريد سماعات رأس ام سماعات صغيره التى توضع داخل الاذن؟

و كمثال فى قائمة افضل سماعات بلوتوث فى العالم حاليا (من سماعات داخل الاذن) السماعه المعروفه

Samsung Gear IconX 2018
و سعرها فى حدود 160 دولار يعنى حوالى 3200 جنيه مصرى!

و الموقع الرسمى للسماعات:
https://www.samsung.com/uk/wearables/gear-iconx-r140/SM-R140NZKABTU/

https://http2.mlstatic.com/fone-branco-samsung-gear-iconx-sm-r150nz-oem-original-D_NQ_NP_150805-MLB25064666586_092016-F.jpg


https://www.misterdeal.co.za/wp-content/uploads/2017/12/samsung-gear-iconx-product-3.jpg
https://cdn.pocket-lint.com/r/s/970x/assets/images/142068-headphones-hands-on-samsung-gear-iconx-2018-wireless-in-ear-earphones-image8-msjmizekvl.jpg

ryko2
23-03-2018, 03:51
المشكلة انى معرفش رينجات اسعارها كم اصلا لانى مكنتش مهتم بها او بمتابعتها قبل كدة

وعلى كل حال انا بفضل اللى بتكون داخل الأذن

لو ممكن تقولى الجودة الجيدة تبتدى من ميزانية كم هقولك الميزانية المتوقعة ليا إيه وممكن تزيد ولا لا

N3V3RMiND.2016
27-03-2018, 11:50
المشكلة انى معرفش رينجات اسعارها كم اصلا لانى مكنتش مهتم بها او بمتابعتها قبل كدة

وعلى كل حال انا بفضل اللى بتكون داخل الأذن

لو ممكن تقولى الجودة الجيدة تبتدى من ميزانية كم هقولك الميزانية المتوقعة ليا إيه وممكن تزيد ولا لا

يا اخى الكريم الجوده نفسها درجات
يعنى فى واحد ممكن يشترى سماعات صينى ليس لها اسم معروف بأسعار فى حدود 200 جنيه و بالنسباله جودتها مناسبه لسعرها

و يوجد شركات صينى تنتج منتجات بدرجه جيده من الجوده و لها اسمها و تكون سماعاتها فى حدود تقريبا 500 جنيه.

و فى واحد ممكن يبحث عن سماعات من شركه كبيره معروفه بأرخص سعر
و يوجد سماعات من شركات كبيره معروفه بأسعار متفاوته تبدأ تقريبا من 800 جنيه الى اعلى.

حتى استخدام السماعات نفسها بالتأكيد سيفرق من شخص لأخر حسب الاحتياج

و كمثال توجد سماعات بها امكانيه اضافه ملفات صوت على السماعه نفسها يعنى تكون السماعه مزوده بذاكره داخليه
فيمكن ان تستخدم تلك السماعه بمفردها دون توصيلها بالموبايل او جهاز الحاسب او اى اجهزه اخرى للاستماع للملفات الصوتيه التى تم حفظها على ذاكرة السماعه
و طبعا يوجد بها ايضا امكانيه توصيلها بالاجهزه الاخرى.

و يوجد سماعات بها خاصيه امكانية التوصيل بأكثر من جهاز واحد فى نفس الوقت و تستخدم تلك الخاصيه لتوصيل مثلا جهازين حاسب مكتبى و اخر حاسب محمول (لاب توب)
او مثلا جهازين تليفون محمول فى نفس الوقت بدلا من اعادة التوصيل الاسلكى والتنقل كل فتره قصيره بين الاجهزه حين تريد استخدام احد الاجهزه لديك.

و يوجد خاصيه ايضا وهى الراديو حيث توفر بعض السماعات (سماعات الرأس فقط) خاصيه الاستماع الى الراديو على السماعه بمفردها دون توصيلها بأى جهاز.

و يوجد ميزات اخرى كثيره جدا منها ان تكون السماعات مقاومه للماء و العرق و خواص الصوت نفسه و درجة الوضوح والجوده
ايضا مواد التصنيع و جودتها تفرق كثيرا جدا فى الراحه عند ارتداء السماعات فكثير من السماعات تسبب عدم راحه عند ارتدائها.
حجم السماعات و وززنها فكلما كانت اصغر و اخف وزنا كانت اكثر راحه و افضل كثيرا
عمر البطاريه و كم تدوم بعد الشحن فهى اهم شئ بالنسبه للسماعات اللاسلكيه
عزل الصوت عن البيئه المحيطه و ايضا امكانيه استقبال مكالمات من عدمه و جودة الميكروفون فى المكالمات.
جوده التوصيل اللاسلكى للسماعات هل هو جيد ام يحدث تقطيع اثناء استخدام السماعه

و الكثير جدا من الخواص الاخرى و لكن تلك فكره عامه عن السماعات البلوتوث

وبشكل شخصى افضل الشركات التاليه للسماعات:
Creative - Sony - Jabra - Anker - SoundPeats - Samsung - Phaiser

بشكل عام السماعات المتوفره فى السوق المصرى قليله و خياراتك ستكون محدوده بالاساس و لكن لو اردت الشراء من الخارج مثلا من امازون ستكون امامك خيارات كثيره.

بالتوفيق.