مشكلة بكارت gt710 [الأرشيف] - منتديات عرب هاردوير

GTX950

14-04-2018, 14:03

انا شاري كارت gt 710 من حوالي 8 شهور و الكرت بقلو اسبوعين بيعمل زغللة في الشاشة غريبة كدة ... في الاول فكرتها الشاشة او كابل الشاشة ... فا غيرت الكبل و لسة المكشلة موجودة . روحت مغير الشاشة كلها بشاشة جهاز اخويا و بردو فضلت الزغللة موجودة قلت اكيد كارت الشاشة فا شيلتو من البوردة خالص ووصلت من الكارت البلت ان الي علي البوردة و اشتغل تمام و مكنش فية اي زغللة... مع العلم كمان انو بيقرا درجة حرارة وهمية يعني ابقي لسة فاتح الجهاز و ولاقي درجة حرارة الكرت 70 و تنزل في ثانية 40 و تططلع بعدها علي طول 72 .. مع اني فتحت الكيسة و حسيت الكارت بايدي و ملقتوش سخن خالص و كمان بيفصل و يخلي الشاشة سودا .. يعني تبقي اعد بتلعب اي لعبة تلاقي مرة واحدة الشاشة بقت سودة مع انك بتسمع صوت اللعبة شغالة جوة و الاغاني و كولو تمام .. بس الصورة مش بتظهر تاني غي لما ارستر الجهاز .دلوقتي الكارت دة كدة عيبو اية ؟ و هل لية تصليح ؟

wcw 321

14-04-2018, 23:31

حضرتك بتقول انك شارى الكارت من 8 شهور فالأفضل وديه الضمان واستبدله او ممكن من تعريف معين للكارت يكون هو سبب المشكلة واستفسار بسيط ماهو الريزلوشن بتاع الشاشة اللى حضرتك بتلعب عليه

GTX950

15-04-2018, 00:08

الريزلوشن بتاعي 1360x768
, و ازاي التعريف يخلي في زغللة جامد في الشاشة و الكارت يفصل ؟
و الضمان دة اعرف مكانو منين او اوصلو ازاي ؟

abdalhaliem

15-04-2018, 07:18

GTX950

16-04-2018, 17:04

مرحباا أخى الكريم

الوكيل أو الضمان

يكون مكتوب على علبه الكارت

( الكرتونه )

هذا أذا كان جديداا

للتأكد عليك تجربه الكارت على جهاز أخر

بصراحه موضوع الحراره

أذا كنت متأكداا منها يقلق

التذبذب الحاد كما يحدث معك

بدرجات الحراره غير طبيعى

قم بتجربه الكارت كما ذكرنا على جهاز أخر

وأذا أعطاك نفس النتيجه

قم بعرضه على فنى

أو الذهاب به ألى التوكيل كما ذكرنا أعلاه

بالتوفيق

العلبة بتاعتو معيا و بصيت عليها كويس معلهاش حاجة تخص الضمان او اي كلام بلعربي و العلبة من جوة مفهاش غير ورقة واحدة فيها كيفية تركيب الكارت و الناحية التانية منها فيها كيفية تسطيب التعريف و كدة ... مع العلم الكارت نسخة manli

abdalhaliem

16-04-2018, 19:17

أذا كنت من سكان القاهره

قم بالذهاب ألى مول البستان

والسؤال هناك

لكن يجب تجربه الكارت أولاا

على جهاز أخر

بالتوفيق

GTX950

16-04-2018, 21:00

طيب ممكن عنوان المول دة ؟ و لما اروح هناك اخش اي شركة فيهم و اقولو يجرب الكارت ؟ ولا اعمل اية ؟

abdalhaliem

16-04-2018, 22:28

على فكره أنا من محافظه الأسكندريه

وببحث بسيط جداا وصلت لعنوان المول

18 شارع يوسف الجندي، باب اللوق، عابدين، محافظة القاهرة

ولايوجد أحد بعينه عليك التجوال والسؤال

GTX950

21-05-2018, 07:08

متشكر لرد و اسف اني اتاخرت في الرد بس كونت مشغول الكام يوم الي فاتو بحكم الشغل ... هو انا بصراحة مقدرتش اروح بلكارت في حتة لاني مش فاضي الايام دية بس و انا شغال علي الجهاز امبارح فضل يعمل نفس الشغلانة بس المرة دية اكتر ... انا لما فكرت لقية انو انا جربت معاة كل حاجة معادا حاجة واحدة ... يعني انا غيرت الشاشة عشان اتاكد و كابل الشاشة و بردو نفس المشكلة و يعدين شلت الكارت خالص من البوردة و نضفتو بتنر و نضفت السوكت بتاعو بتنر بردو و ركبت و بردة فضلت المشكلة موجودة ... كدة مش فاضل غير حاجة واحدة انا مجربتهاش و هي الباور سبلاي .. و بلفعل غيرتو بواحد كان عندي بس اعلي شوية هو مكتوب عليى 450 وات و الي كان شغال علي الجهاز تقريبا 350 وات... مع العلم انو ال 2 بورات تجاري مفيش حاجة فيهم اصلي .. بس المشكلة بطلت تحصل لما ركبت ال 450 وات دة ... السؤال هنا هل ممكن يكون الباور كان السبب فعلا ؟ و لو هو. اية اقل باور في السعر اجيبو و ميكونش تجاري و يشغلي الكارت و الجهاز كويس ؟

abdalhaliem

21-05-2018, 10:22

لهذا طلبنا منك التالى أعلاه

للتأكد عليك تجربه الكارت على جهاز أخر

عموماا كارتك أستهلاكه قليل جداا بالطاقه

( 19w )

لكن الباورات التجاريه غير مضمونه نهائياا

يكفيك باور ( hec ) 300w

Power supply hec (gamma)300w

سيكون سعره بحدود

300 أو 400 أن وجدته

أو حتى نفس النوعيه 400w

رمضان مبارك

GTX950

21-05-2018, 18:33

مكتوب في صفحة الكارت انو Minimum System Power Requirement (W) 300 هل دة معناة انو كدة مينفعش اركب باور اقل من 300 وات حتي لو الكارت استهلاكو 19 وات بس ؟ و انو اكيد لازم الباور يكون اصلي مش تجاري ؟