المساعد الشخصي الرقمي

مشاهدة النسخة كاملة : عاوز اشترك ميجا بلس ومحتاج استفسار من الناس الى مجربه


الحمادوى
28-04-2018, 13:01
انا مش بسأل عن السرعة لانى عارف المشاكل اللى الناس بتشتكى منها ان السرعة حسب جودة الخط
ومش كل الناس بتوصلها السرعة كاملة

انا استفسارى بخصوص حجم الباقة والناس اللى بتخلص البافق وبيتم تخفيض السرعة
الباقة ال 100 جيجا وال200 جيجا فى الشهر

باقة ال100 بتنزل الاسرعة ل 1ميجا وال200 بتنزل ل2 ميجا
انا عاوز اعرف تجربة الناس مع الباقات المذكورة بعد خفض السرعة

كم حجم الاستهلاك المسموح بعد خفض السرعة ؟؟؟؟
وهل الناس اللى استهلاكها عالى وبتخلص الباقة بصفة مستمرة فيه مشكله ؟؟؟


لان فيه بند على موقع الشركة بيقول
ما هى سعة الاستخدام المسموح بها للسرعة المخفضة ؟
سعة الاستخدام لازالت جيدة ومرتفعة للحد المعقول
مع العلم سيتم رصد الاستخدام الغير طبيعى للعملاء من خلال انظمة المصرية للاتصالات المختلفة.
وهذا لضمان أن شبكة المصرية للاتصالات تستخدم بطريقة صحيحة و ليس مسيء لجودة الخدمة.
الحمادوى
30-04-2018, 15:36
شكرا يارجاله
خلاص ما بقاش فيه ميجا بلس
الباقات الجديدة نزلت على موقعهم
زكريا شاهين
30-04-2018, 16:17
كما قال لك الاستاذ الحمادوي ..ان خطط اسعار ميجا بلس تم الغائها .للاسف
وتم اصدار خطط اسعار جديدة ..يمكنك معرفة التفاصيل من هنا
https://drive.google.com/file/d/1-hXAjP0xnwg6wCPaH1Ec852EprmkrTiw/view
بالنسبة الي سرعة 15 ميجا سعة 100 جيجا مفيش فرق كبير عن الاول ...اما المشكلة في سرعة 15 ميجا سعة 200 جيجا فيما فوق
عيب هذا الاسعار الجديد ان سرعة التحميل بتكون 1 ميجا بعد انتهاء الباقة عكس نظام الميجا بلس الذي يتعدد فيه سرعات التحميل (2 ميجا لي سعة 200 جيجا و4 ميجا سعة 300جيجا) بعد انتهاء الباقة حسب السعة التحميل المشترك به

لو انت هتشترك في عرض 15 ميجا سعة 100 جيجا مش هيكون في فرق كبير عن العرض القديم .. لكن لو انت عايز سعة اكبر انصحك الانتظار لمدة حتي يتم اصدار اسعار جديد من قبل شركة اورنج و اتصالات ..من الممكن سوف تكون افضل من هذا
بالنسبة لتحديد سعة التحميل المناسب ليك ..شوف انت عندك كام شخص يستخدم الانترنت في البيت لو 2 (استخدام عادي) الباق مش هتخلص معاك ..لو اكثر من 2 من الممكن ان تنتهي الباقة قبل نهاية الشهر ب 5 ايام (لو استخدام متوسط)
الحمادوى
01-05-2018, 13:32
هو فعلا فيه باقات قريبه من الميجا بلس لكن للاسف كل الباقات بعد انتهاءها بتنزل ل1 ميجا
لكن فيه باقات اضافيه واسعارها احلى من الباقات الاضافية القديمة
القديم كان
1 جيجا =10جنيه
5جيجا =25ج
25جيجا=75
والجديد
20 جيجا =30 جنيه
50جيجا =60ج
100جيجا =100 جنيه
الاسعار من غير الضريبه المضافه
ولكن عيبها
الباقة الاضافيه صالحة لمدة شهر
eSilverfox
10-05-2018, 16:35
لمعلوماتك انا دايما كنت على ميجا بلس 16/1ميجا ومازلت
ولما شهر حبيت اعلى السرعة ل 16/2 ميجا بسعة 200 جيجا اكتشفت ان لسة فى حاجة اسمها استخدام عادل !!
السرعة نزلت 128 كب متخيل السرعة !! والجميل انى انا ال استنتجت لان لا خدمة عميل ولا مبيعات فاهمين حاجة او بيظهرو عدم فهمهم الا نادر منهم !!
الخلاصة ميجا بلس مكنش نظام واو ولا حجة ولا الجديد هيكون غير لما يغيرو الخطوط النحاس و يلغو نظام الباقات والاستخدام العادل !
نصيحة اخيرا اتاكد ان السرعة ل هتوصلك كويسة عشان فى استهبال بيحصل وبيقللو السرعة ل 1 ميجا ويرجع يقلك كفائة الخط
eSilverfox
10-05-2018, 16:36
طبعا الكلام ده موجه لاصحاب الخطوط النحاسية الغلابة امثالى :D
زكريا شاهين
10-05-2018, 16:44
طبعا الكلام ده موجه لاصحاب الخطوط النحاسية الغلابة امثالى :D
انا اعارف واحد خط يستحمل لحد 70 ميجا يعني فايبر كامل و روتر vdsl..كلم خدمة العملاء قال خطك يستحمل 1.5 ميجابت..
ahmed2018
10-05-2018, 23:16
طبعا الكلام ده موجه لاصحاب الخطوط النحاسية الغلابة امثالى :D
للاسف برضة عندى خط التليفون نحاس و اخرى فى السرعة 17 ميجا
بس ركبم بوكسات تحت البيت فايبر بس لسه موصلوش فيها تليفونات لحد دلوقتى
انا مشترك حاليا ميجا بلص و السرعة وصلة 14 ميجا
الحمادوى
11-05-2018, 02:40
انا قدمت قبل الاسعار الجديدة واختارت سرعة 2 م سعة 150 جيجا
وقولت لما اعرف كفاءة الخط احول زى ما انا عاوز حسب كلامهم وانا بقدم
انا خطى فايبر لكن فيه مسافة كيلوا تقريبا بينى وبين الكابينه الفايبر مازالت نحاس
لما سألت عن تغيير سرعتى على النظام القديم قالى ممكن
لكنى مش مقتنع وحاسس لو فكرت اغير هيقولى ما ينفعش ولازم اختار من الجديد
وللاسف لما سألت عن كفاءة الخط قالى يشيل 10 ميجا

لكن السؤال هنا لما الباقة تنهى وتنزل ل1 ميجا هيكون الاستخدام العادل كام جيجا ؟؟؟؟؟؟؟؟؟؟
eSilverfox
13-05-2018, 22:11
انا قدمت قبل الاسعار الجديدة واختارت سرعة 2 م سعة 150 جيجا
وقولت لما اعرف كفاءة الخط احول زى ما انا عاوز حسب كلامهم وانا بقدم
انا خطى فايبر لكن فيه مسافة كيلوا تقريبا بينى وبين الكابينه الفايبر مازالت نحاس
لما سألت عن تغيير سرعتى على النظام القديم قالى ممكن
لكنى مش مقتنع وحاسس لو فكرت اغير هيقولى ما ينفعش ولازم اختار من الجديد
وللاسف لما سألت عن كفاءة الخط قالى يشيل 10 ميجا

لكن السؤال هنا لما الباقة تنهى وتنزل ل1 ميجا هيكون الاستخدام العادل كام جيجا ؟؟؟؟؟؟؟؟؟؟

مش معروف حاجة لان النزام لسة جديد بس لما سالتهم اكدو ان مش هيكون فى استخدام عادل على 1 ميجا
هو بصراحة مكنش فى قبل كدا على 1 ميجا انليمتد او ميجا +
الحمادوى
14-05-2018, 13:55
اتمنى انهم يصدقوا ويكون مفيش استخدام عادل على ال1 ميجا
لكن 1 ميجا مش قليله لو مشترك استخدامه وتحميله عالى واشترك فى باقة 100 جيجا
ممكن يخلصهم ويسحب 100 تانيين بسرعة ال1 ميجا
كنت مع اتصالات ولما الباقة تنهى والسرعة تبقى 256 كيلو ويكون لسه فترة على التجديد
كانو بيفصلو النت خالص على فترات فى سرعة ال256

الشركات كلها بتخدعنا لانهم بيدور على المشترك اللى استهلاكه ميتعداش الباقة اللى هو مشترك فيها