المساعد الشخصي الرقمي

مشاهدة النسخة كاملة : Seagate Barracuda كيف اعرف اذا كان مصنوع في الصين او سنغافورة ..؟!


Emirates
31-01-2007, 18:57
السلام عليكم


اريد شراء قرص صلب من على النت وهو Seagate Barracuda ES

https://www.seagate.com/ww/v/index.jsp?vgnextoid=1d0199f4fa74c010VgnVCM100000dd 04090aRCRD&locale=en-US

معظم المواقع لا تضع صورة للملصق الذي على القرص حتى اتمكن من معرفة مكان الصنع

فهل هناك طريقة أخرى فتفيدونا بها وجزاكم الله خيراً


:)
dxbboy77
31-01-2007, 22:32
ليش في فرق بين الصيني والسنغفوري ؟؟

وشو الاحسن ؟؟
Emirates
01-02-2007, 00:30
ليش في فرق بين الصيني والسنغفوري ؟؟
وشو الاحسن ؟؟

أول شيء مبارك علينا وعليكم الحلوى السلطانية .... :D

بخصوص الهاردسك فمن الملاحظ ان الصناعة السنغافورية تحصلها في كل من منتجات HP و Dell و Apple القديمة والحديثة وما تحصلهم مركبين هاردسك صيني وهذا تجربتي الشخصية وخاصةً على محطات العمل ... يعني اعتمادهم على الجودة السنغافورية أكثر ..!! وأكيد لاسباب هم أدرى فيها ومن تجارب

وثاني شيء بعض الاخوان بالمنتدى حصلتهم ينصحون بالسنغافوري .. هم صحيح ان الهاردسكات Barracuda كلهم ضمان خمس سنوات بس انا ما احب اجازف في تجربة منتج صيني . مجرد تفضيل

:)
dxbboy77
01-02-2007, 12:54
الله يبارك فيك .. الصراحه هدف ولا احسن منه .. ما قصر رفع راسنا فوووووووووووووووووووووووووق ..!!

انزين هارديسك ال7200.10 320Gp ساتا ب 280 درهم ..

ابحث في السوق وبتلقي بس ما اعرف شو صناعته .. لاني ماخذنه لربيعي ..

شو رايك لو تراسل الشركة وتسألهم عن بلد الصنع .. ممكن يردون عليك ..!!!
فلوبي
01-02-2007, 23:04
لاحظت في مواقع البيع فعلا انهم لا يضعون بلد الصنع انما صورة للهارد لا توضح ذلك

انا لا اثق باكثر المنتجات الصينية لاني احس انهم يصنعون بسرعة هههههههه

والاعضاء هنا دائما ينصحون بالسنغافوري

بالنسبة لاجهزة ديل فلدي منها بنتيوم 4 منذ 2003 لاحظت ان الهارد فيه تعطل بعد سنة فقط

وهو ماكستور وصناعته سنغافورة وتخلصت منه و ركبت wd و seagate ولله الحمد افضل
BlueXBlue
01-02-2007, 23:38
انا بعد ما دورت في جميع محلات واسواق جدة للكمبيوتر .. ما حصلت غير Seagate صيني .. 200 جيجا فقط .. وفي محل واحد فقط !

لو ابغى اتشرط صناعة سنغافورية كمان .. ما حشتري بعمري ..

انا عندي واحد للابتوب وواحد عادي من Seagate .. الأول اشتريته سنغافوري والثاني صيني .. ما شفت من قبل 3.5" سنغافوري ..

الله ينولك مرادك
Emirates
02-02-2007, 00:52
انزين هارديسك ال7200.10 320Gp ساتا ب 280 درهم ..

ابحث في السوق وبتلقي بس ما اعرف شو صناعته .. لاني ماخذنه لربيعي ..

شو رايك لو تراسل الشركة وتسألهم عن بلد الصنع .. ممكن يردون عليك ..!!!

لفيت من قبل محلات دبي وااااااااااايد وحصلت الـ 7200.10 ومب محصل الـ Barracuda ES للأسف . :confused:

وعلى فكرة حتى الـ Barracuda 7200.10 تحصلهم 90% صناعة صينية وشركات بسيطة جداً الي تبيع السنغافوري واغلى بشيء بسيط عن الصيني .

بخصوص مراسلة الشركة فانا اريد اشتري 4 هاردسكات من موقع excaliberpc.com (https://www.excaliberpc.com/Seagate_Barracuda_ES_500GB_Internal/ST3500630NS/partinfo-id-567927.html) ورايح اراسلهم إن شاء الله واشوف ردهم . بس اهم ما في الموضوع هو كيف الطريقة الي ممكن فيها نعرف مكان الصنع عشان تكون المسألة اسهل من مراسلة الشركات .
Emirates
02-02-2007, 00:56
لاحظت في مواقع البيع فعلا انهم لا يضعون بلد الصنع انما صورة للهارد لا توضح ذلك

انا لا اثق باكثر المنتجات الصينية لاني احس انهم يصنعون بسرعة هههههههه



وانا مثلك اخوي "فلوبي" بصراحة احس ان الصناعة الصينية أقل اعتمادية (( تمشية حال )) LooL
dxbboy77
02-02-2007, 00:59
ومب محصل الـ Barracuda ES للأسف .

سألت محل الشرق الاقصي ؟؟

لان اهم ييبون من الوكيل ..

في واحد اسمه كونال .. يعطيك اسعار حلوه .. وعميلي ودائما اتعامل معاه

اما ال 3 الي في المحل .. حراميه عيني عينك .. من اشوفهم اطلع من المحل واتصل فيه علي موبايله ..
Emirates
02-02-2007, 01:01
انا بعد ما دورت في جميع محلات واسواق جدة للكمبيوتر .. ما حصلت غير Seagate صيني .. 200 جيجا فقط .. وفي محل واحد فقط !

لو ابغى اتشرط صناعة سنغافورية كمان .. ما حشتري بعمري ..

انا عندي واحد للابتوب وواحد عادي من Seagate .. الأول اشتريته سنغافوري والثاني صيني .. ما شفت من قبل 3.5" سنغافوري ..

الله ينولك مرادك

آمين يا رب

بالنسبة عندنا موجود أكثر من 200 GB ولغاية 750 GB الموديل Barracuda 7200.10 بس للأسف في الغالب صيني . (BB)

طبعاً الهنود يهمهم المشترى الارخص والبيع بسعر الأغلى السنغفوري ... rule:

الله يخلي مواقع البيع خلتنا نعرف امور كثير عن هنودلسوق الكمبيوتر.. LooL
Emirates
02-02-2007, 01:25
سألت محل الشرق الاقصي ؟؟
لان اهم ييبون من الوكيل ..
في واحد اسمه كونال .. يعطيك اسعار حلوه .. وعميلي ودائما اتعامل معاه
اما ال 3 الي في المحل .. حراميه عيني عينك .. من اشوفهم اطلع من المحل واتصل فيه علي موبايله ..

الله يجزيك الخير اخوي

انا اعرف المحل وهو بشكل عام اعتبره مقارنة مع المحلات الثانية اكثر احترافية في الاختيارات المتوفرة .... وخاصة في الكيسات والبور سبلاي

وإذا ممكن

بما انك تعرف البايع في المحل وممكن يعطيك سعر خاص لك يا ريت تسأله عن الموديل Barracuda ES 500GB وهذا رقم الموديل ST3500630NS (https://www.seagate.com/ww/v/index.jsp?vgnextoid=1d0199f4fa74c010VgnVCM100000dd 04090aRCRD&locale=en-US) بس تقوله اهم شيء صناعة سنغافورية مب صيني .. واريد عدد 4 هاردسك منهم

ادري ثقلت عليك بس عاد تحملنا ... والله يجزيك الخير
dxbboy77
02-02-2007, 09:50
من عيوني اخوي امارات وما ثقلت علي ولا شي ..

عطني لين باشر " يوم السبت "

اليوم هم مسكرين ..
Emirates
03-02-2007, 00:36
الله يسلمك اخوي ... وما قصرت

وانا في الانتظار إن شاء الله

:)
dxbboy77
03-02-2007, 19:06
اتصلت فيه قالي الموزعين اليوم مسكرين ..

بتصل باشر .. ولا يهمك اخوي امارات ..
Mel
05-02-2007, 20:50
لا تنسون ان هناك صناعات في الصين الكوالتي فيها عالي جداً
dxbboy77
06-02-2007, 20:48
اعذرني علي تأخري

ولاكن شو اسوي .. احاول اجيب اكبر قدر من المعلومات

اول شي قالي في 3 موزعين .. راسل اثنان ..

والاثنان قالوله صيني ..!!

قالي باقي واحد ما رد علي .. اصبر ورا باشر بعطيك الخبر ..
dxbboy77
10-02-2007, 09:40
للاسف ... الوكالات ال3 في دبي ..

لا تملك غير China

والسموحه منك اخوي .. علي تأخري في الرد
Emirates
20-02-2007, 12:28
الله يجزيك الخير اخوي"dxbboy77" وما قصرت .. كفيت ووفيت

وانا بعد سألت في هذا الاسبوع ، اتصلت في كذا مكان والظاهر انه اصلاً في دبي صعب احصل النوعية Barracuda ES وكل الي يعرفونه هو النوع Barracuda 7200.10 بس :D

بتوكل على الله وبشتري من المواقع .

وآسف جداً تعبت معاي اخوي"dxbboy77"

:)