المساعد الشخصي الرقمي

مشاهدة النسخة كاملة : حرارة I7 8700K خارج السيطرة رغم تركيب كورسير H115i ودون كسر سرعة .. أعمل إيه ؟



nanonona
17-08-2018, 04:12
الحمد لله عندي خبرة جيدة في الأجهزة.. لكني عاجز أمام حرارة المعالج بتاعي I7 8700K على المشتت المائي 280mm كورسير H115i رغم تجربتي للكثير من الأشياء.. ولكن تبقى أشياء لا يمكن تجربتها مثل مشتت آخر أو كيسة أخرى علما بأن المشتت كنت شاريه من سنتين وكاسر عليه سرعة 3770k ودلوقت بقلل سرعة الـ 8700K عن 4300 "سرعته العادية" عشان الحرارة متعلاش:

https://d.top4top.net/p_958w05bl1.jpg (https://up.top4top.net/)

https://e.top4top.net/p_958ivlae2.jpg (https://up.top4top.net/)

https://f.top4top.net/p_958ghpql3.jpg (https://up.top4top.net/)

أنا هنا مش بتكلم في تجارب ببرامج ضغط على المعالج لأ ده استخدام واقعي ببرنامج handbrake والحرارة بتزيد أكتر لو فعلت خيار مساعدة كارت الفيجا الداخلي في الانكودنج

ودي قائمة بالتجارب التي قمت بها:
1- تغيير المعجون إلى Master Gel Pro و ARCTIC MX-4 وتجربة تقليل كمية المعجون أو زيادتها ووضع نقطة من المعجون أو خط أو مجموعة نقاط من المعجون.. والغريب جدا إن الحرارة كانت بتتحسن وتبقى في السبعينات "مش حلو قوي يعني" بعد كل تغيير للمعجون لكن بعد يوم ولا اتنين ترجع الحرارة تعلى تاني !!
2- تغيير وضعية مراوح المشتت المائي إلى نفخ وإلى طرد للهواء والتأكد من تركيبها جيدا على المعالج.. بس أنا الكيسة عندي قديمة ومينفعش معها غير ان المشتت يكون علوي فوق البوردة
3- تحديث بايوس البوردة وإعادة ضبط المصنع للبوردة وإلغاء بروفايل الـ XMP للرام
4- ضبط تهوية الكيس وتشغيل المراوح بأقصى طاقة سواء الكيس أو المشتت (وضع performance)


أنا شاري المعالج من شهر 3 وكان الجو كويس وقتها وكانت الحرارة أحسن من كده لكنها كانت أحيانا بتوصل للـ 80 وحاليا في تكييف مفروض الحرارة تكون أحسن من كده بكتير

ملاحظة: مفيش أي مشاكل في الألعاب لأنها مبتتغطش على المعالج جامد المشكلة بتظهر لما استهلاك البروسيسور يعلى 80-90% وللا أكتر

كنت حشتري مبرد هوائي بس خايف أرمي فلوس في الأرض + إن الرامات عندي عالية وأعتقد مش حينفع يتركب مشتت هوائي ضخم

أنا شاكك إن الـ H115i ضعف أو إنه غير قادر على الـ 8700K وده مش معقول أو إني محتاج أغير الكيسة بكيسة تانية تسمح لي بتركيب المشتت من الأمام بدل فوق لكن مش حقعد أشتري كل ده عشان أعرف مصدر المشكلة أفيدوني أفادكم الله: إزاي أحكم إذا كان المشتت المائي معيوب علما بأنه وارد الخارج بدون ضمان ؟؟!!

nanonona
17-08-2018, 22:08
أنا جربت برضه إني أفتح غطا الكيسة ومفيش فرق !!
وبحط إيدي على مواسير الكولر بحس باهتزاز بسيط "يدل على ان المضخة شغالة" ولاحظت إن ماسورة باردة والأخرى دافئة ده برضه دليل إنه شغال !!

لو قللت تردد المعالج لـ 4.0 GHZ الحرارة لا تصل للـ70 وتظل في الستينات وأداء المعالج مرضي جدا.. لكن لو قللت لـ 3500 - 3300 طبعا الأداء بيقل جامد واستهلاك الكهرباء بيقل برضه والحرارة بتقل بسيط عن حرارة على 4.0 جيجاهرتز.. الغريبة إن المعالج خارج من المصنع 4.3 مش 4.0

في حاجه جديدة لسه ظاهرة انهاردة لما يكون البروسيسور 100% والحرارة 88 - 93 والكولر على الوضع الهادئ Quiet أول ما أحول الوضع لـ Performance والمراوح تشتغل بأقصى طاقتها الحرارة بتعلى مش بتقل وبتوصل لـ 100 أنا جربت أكتر من مرة والحرارة بتعلى لما أجيب الوضع Performance أو Balanced رغم إني بسمع بوضوح صوت المروحة اللي شغالة على أقصى سرعة ؟!

إيه يا جماعة معدش في حد في المنتدى عنده خبرة في المشتتات المائية ؟!

abdalhaliem
17-08-2018, 23:39
مرحبا أخى الكريم

برجاء الأنتظار ألى أن يرى أحد موضوعك

فكلنا لنا أشغالنا أخى الكريم



أنا شاكك إن الـ H115i ضعف


من وصفك للمشكله أنا مع هذا الشك قلباا وقالباا

المعالج يتحمل درجه حراره حتى 100 درجه مئويه

لكن أيضا العمل عليه بظل درجات حراره مثاليه

سيفرق بالأداء والأمان بالنسبه للمعالج

ومتحكمات الطاقه بسوكيت اللوحه الأم


لوتستطيع أستعاره مشتت هوائى من أحد أصدقائك

ومشاهده النتيجه أعتقد ستكون أفضل

وتردد المعالج يأتى مصنعياا 3.7

لكنه يصل مع خاصيه Max Turbo

ألى 4.7


https://ark.intel.com/products/126684/Intel-Core-i7-8700K-Processor-12M-Cache-up-to-4_70-GHz



كما أنصحك بتجريب

المعجون الحرارى المعدنى السائل

Thermal Grizzly Liquid Metal

سيعطيك نتائج مبهره


https://www.overclockers.co.uk/media/image/thumbnail/TH021TG_121750_800x800.jpg
https://www.thermal-grizzly.com/produkte/25-conductonaut



<span class="value"><span>
https://www.youtube.com/watch?v=c4Wi9OUmoJw



عيد مبارك

nanonona
18-08-2018, 22:49
أشكرك على المساعدة .. المشكلة إني فقدت الثقة في المبردات المائية.. احباط الصراحة الـ H115i يدوبك كمل سنتين.. ومش عارف حينفع أركب مشتت هوائي ضخم لأن الرامات عندي عالية جدا وراكب على البوردة تبريد مرتفع حول مكان المعالج .. أنا بفكر في CRYORIG R1 Dual Tower Heatsink بس خايف ما يركبش

Black_Spy
18-08-2018, 23:13
والله لو قررت تشتري مشتت هوائي انصحك بالمشتت دا Scythe Mugen 5

حسب ما شوفت يعتبر دا افضل مشتت بيراعي الرامات وارتفاعها ومش بيتعارض لا مع الرامات ولا مع كارت الشاشه

وعلى فكره انا شغال بالمشتت دا حاليا فى جهازي

بس المشتت مش متوفر فى مصر اعتقد وممكن تشتريه من امازون من هنا (https://www.amazon.com/Scythe-SCMG-5100-Mugen-Processor-Cooler/dp/B06ZYB8K77/ref=sr_1_1?s=electronics&ie=UTF8&qid=1534626439&sr=1-1&keywords=mugen+5&dpID=51Ly2YwrEpL&preST=_SX300_QL70_&dpSrc=srch)

abdalhaliem
19-08-2018, 03:13
الشكر لله أخى الكريم

تستطيع بكل بساطه

قياس الأبعاد المسموح بها عندك

وتقوم بمراجعه لأبعاد المشتت من موقعه

حيث يتم ذكر كافه التفاصيل

وأرتفاع قاعده المشتت

وجسم المشتت نفسه

طول + عرض + أرتفاع

بالتوفيق أخى الكريم

عيد مبارك

nanonona
19-08-2018, 03:18
أشكرك .. وبفكر في ده: CRYORIG H5 ULTIMATE With QF140 لأنه موجود في السوق المصري.. لكن ما زلت بفكر برضه في
CRYORIG R1 Dual Tower Heatsink لضمان أقل حرارة ممكنة.. ومش حتصدق بفكر مشتريش حاجه لأن بعد تخفيض سرعة المعالج لـ 4GHZ معدش في مشاكل في الحرارة.. لكن ما زالت الحرارة بتزيد لما أجيب سرعة الـ H115i على أقصى سرعة ,حاجة غريبة جدا وكنت حفهمها لو مفيش تكييف لأن التبريد المائي مينفعش في جو حار .. طبيعي لوجود سائل محتاج يبرد عشان يكمل دورته !!

abdalhaliem
19-08-2018, 03:39
معك حق بالنسبه للمشتت

مايحدث غير منطقى

لكنى أعزو ذلك لخلل ما بالمشتت المائى

وأذا كانت درجات الحراره جيده الأن مع خفض التردد فلابأس

وكأضافه لخياراتك

يوجد أيضا هذا المشتت

Cooler Master MasterAir MA610P CPU Cooler (MAP-T6PN-218PC-R1)

يباع بالأسكندريه بدلتا كمبيوتر

بسعر 1100

وستجده بالقاهره 1250 وأحياناا 1350

لاأعلم لماذا ؟؟


https://cf5.s3.souqcdn.com/item/2018/01/29/30/46/31/22/item_XL_30463122_102390997.jpg


https://assets.coolermaster.com/products/masterair-ma610p/img/2xmoreairflo.png


https://assets.coolermaster.com/products/masterair-ma610p/img/section5-bg.png


https://assets.coolermaster.com/products/masterair-ma610p/img/rgb_cb_04_02_08.gif




لوتلاحط أرتفاع قاعدته لتناسب أرتفاع الرام

التفاصيل والأبعاد كلها


هنا (https://www.coolermaster.com/cooling/cpu-air-cooler/masterair-ma610p/)


عيد مبارك