مشاهدة النسخة كاملة : مشكلة فى صورة الشاشة بعد تثبيت ويندوز
السلام عليكم
معلش حقول المشكلة من بدايتها بالتفصيل
انا الجهاز كان عندى كويس ومفيش اى مشكلة لغاية ما قررت انى انزل نسخة جديدة حملت نسخة ويندوز 7 وقمت بتثبيته .. المشكلة لما جيت اعرف كرت الشاشة الجهاز لم يتعرف على التعريف win7-64bit-radeon-software-crimson-relive-16.12.2 وكانت النتيجة driver not found .. بعد كده حملت اخر تعريف لكروت AMD
radeon-software-adrenalin-edition-18.8.1
وقمت بتثبيته اتثبت عادى المشكلة بقى كانت فى الصورة لما اتصفح واطلع بالصورة فوق او تحت احس بتموج واضح فى الصورة وكمان لما احرك اى شىء لليمين واليسار بسرعة بشوف تقطيع واضح فى البرنامج او الفولدر الى بحركه
شيلت التعريف وحبيت انى انزل اى تعريف قديم للاسف ولا تعريف عاوز يتثبت ... قمت شايل النسخة خالص وثبت النسخة الى كنت مثبتها قبل كده وكمان ثبت اخر تعريف للشاشة كان شغال معايا win7-64bit-radeon-software-crimson-relive-16.12.2 الحمد لله اتثبت .. بس المفاجأة ان مشكلة التموج والتقطيع الى شرحتها فوق كانت موجودة ومش لاقى حل ليها خالص فكرت ان المشكلة تكون فى الكابل غيرته واشتريت واحد جديد ب150 جنيها واستمرت المشكلة موجودة شيلت الجهاز وغيرت مكانه خالص و فتحت الكيسة ونضفتها ومفيش فايدة وطبعا قبل كل ده غيرت resolution 1920x1080 و screen refresh rate 60Hertz
نوع الشاشة عندى : samsung syncmaster s24b750v
نوع كرت الشاشة : gigabyte r9 280x
نوع المعالج : intel(R) core(TM) i7-4770 CPU @ 3.40ghz
الرامات : Kingston Hyperx Beast 8GB (2X4gb
البوردة : gigabyte b85-hd3
abdalhaliem
27-08-2018, 06:39
مرحبا أخى الكريم
لماذا تعمل ألى الأن على ويندوز 7 ؟؟؟؟
لما لاتعمل على ويندوز 10
وخاصه ان جهازك جيد
وسيعمل بصوره جيده مع ويندوز 10
كانت تقابلنا أحيانا مشاكل بتعريفات كروت الشاشه
تم التغلب عليها بعد تثبيت
windows 10 pro 64 bit
بشرط أن لايقل عن الأصدار 1703
بل أن هذا الأصدار لم تقابلنا منه أى مشكله
نصحيه قم بترقيه نظامك
وتأكد من درجات حراره الكارت
بالتوفيق
شكرا للرد .. حجرب واشوف .. بس هل الويندوز ممكن هو الى يسبب التقطيع ده
ودرجة حرارة الكرت 64- 57- 57
الفولت 0.950v - 0.95 v - 1.200v
abdalhaliem
27-08-2018, 21:38
مشكله تموج الشاشه غالباا
ماتنتج من عدم توافق التعريف مع النظام
والأصدار الذى رشحناه لك
قضى على أغلب تلك المشاكل
ودرجات حراره الكارت 64 وقت الخمول ؟؟
وماهو نوع مزود الطاقه عندك
بالتوفيق
اولا بشكر حضرتك على المساعدة وعلى فكرة تغيير ويندوز 7 من الاساس لأن المشكلة تم حلها بس حقول لحضرتك ايه الى حصل بالتفصيل
اولاً : درجت حرارة الكارت كانت من برنامج CPUID HWMonitor وكانت 3 ارقام جمب بعض بالشكل ده 64- 57- 57 وقت الخمول
ثانيا ً : نوع مزود الطاقة : thermaltake smart se 730w
ثالثاً : ودى اهم نقطة انا عملت زى ما قولت حضرتك وبرده المشكلة موجودة على ويندوز 10 وقمت بتنصيب تعريف Adrenalin Edition 18.8.1 ولقيت المشكلة موجودة وفى حاجة انا عايز اضيفها قبل تثبيت النسخة من البويس و قبل عمل فورمات لويندوز7 لاحظت مؤشر الماوس يتحرك برعشة واضحة وقمت بتحريك صفحة تسطيب الويندوز فوجدت نفس المشكلة حتى من البويس قبل اقلاع النظام ففكرت العيب حيبقى فى الشاشة او الكارت مش كده ؟ مع العلم انى جربت شاشة التلفزيون العادية نوعها سامسونج سمارت ولقيت فى اهتزاتز برده .. قولت يبقى ممكن المشكلة فى الكارت بس رجعت وقولت اكيد طبعا شاشة التلفزيون حتعمل رعشة لأنها مش للpc
رابعاً : حملت Windows.8.1.Pro.x64.En.Aug.2018 وقمت بتنصيبه مكان ويندوز 10 طبعا التموج والتقطيع كانوا موجودين قبل تنصيب التعريف ولكن بعد تنصيب التعريف المشكلة تم حلها الحمد لله بس فى حاجة اخر تعريف لويندوز 7 و 10 من موقع amd هو Adrenalin Edition 18.8.1 لكن اخر تعريف لويندوز 8.1 لقيته Crimson ReLive Edition 17.7.1 Optional وده الى ظبط معايا الحمد لله انا اسف على الاطالة بس ليا ثلاث اسئلة ؟
1- هل كده فى مشكلة فى كرت الشاشة او الشاشة عندى ام تعريف Adrenalin Edition 18.8.1 هو الى فى مشكلة مع الكارت ؟ مع العلم انى فى ويندوز 7 قمت بتنصيب اكثر من تعريف وبرده كانت المشكلة موجودة وهم crimson-relive-16.12.2-dec19 و amd-catalyst-15.7.1
و amd-catalyst-omega-14.12
2- هل ويندوز 8.1 ده كويس ؟ انا عاوز اجرب ويندوز 10 مع التعريف Crimson ReLive Edition 17.7.1 Optional الذى حل المشكلة على ويندوز 8.1 بس خايف المشكلة ترجع مع العلم ان درجة الحرارة للكارت الان فى وضع الخمول على ويندوز 8.1 انخفضت الى : 59 - 45 - 46
3- سؤال خارج الموضوع انا ناوى اشترى هاردين
هل النوع ده كويس ؟
Kingston A400 120GB Solid-State Drive (SA400S37/120G
اما الهارد الثانى فمحتار بين
Seagate Barracuda ST2000DM006 2TB 64MB SATA 6Gb/s HDD و Western Digital (WD) Blue WD20EZRZ 2TB SATA 6.0Gb/s HDD انا ميال اكثر لSeagate فأيه رأى حضرتك فيه ؟
abdalhaliem
28-08-2018, 00:45
طالما الكارت عمل معك بثبات
أذا لاتوجد مشكله به
لكن الغريب
أنك تقوك أن هناك أهتزاز بالشاشه
من البيوس ؟؟؟؟
وبالتأكيد
windows 10 pro 64 bit
بدايه من الأصدار 1703
سيكون أفضل
بالنسبه لهارد A400
فهو جيد بالنسبه لفئته السعريه
والمفاضله بين الهاردان ال HDD
ستكون لصالح السيجيت
نظراا لأنه 7200 rpm
بينما الويسترن 5400 rpm
بالتوفيق
معلش هو الهارد ssd طريقة تركيبه تختلف عن الهارد العادى ؟ يعنى بوصله بمكان تانى فى اللوحة
abdalhaliem
30-08-2018, 01:12
معلش هو الهارد ssd طريقة تركيبه تختلف عن الهارد العادى ؟ يعنى بوصله بمكان تانى فى اللوحة
بالنسبه للوحه عندك
gigabyte b85-hd3
فهى بها منافذ
sata 3 + sata 2
فأذا كان الهارد لديك sata 3
قم بتوصيله بمنافذ sata 3 على البورده
لتستفيد من سرعته
وأذا كان sata 2
فلن يفرق المنفذ معك شيئاا
ولايوجد أختلاف
عدا ذلك بالتركيب
هارد ال
ssd توصيله كهارد ال hdd
تماماا
بالتوفيق
Black_Spy
30-08-2018, 02:34
معرفش المشكله عندك سببها ايه بالظبط بس من وصفك للمشكله هيا مشكلة تعريف كارت شاشه
كل تعريفات الكارت بتاعك موجوده فى الصفحه دي من موقع AMD مباشر من هنا (https://www.amd.com/en/support/graphics/amd-radeon-r9-series/amd-radeon-r9-200-series/amd-radeon-r9-280x)
تقدر تنزل التعريف اللى يناسبك لاي إصدار ويندوز
انا نزلت اشترى الهاردين من الديب مول فى الاسكندرية بس فوجئت ان المعروض قليل جدا الهارد الاول Kingston A400 لقيته ونوعه sata 3 بس للاسف ملقتش الهارد السيجيت وجبت الويسترن الى حضرتك قولتلى عليه ان دورانه 5400 .. هل حيفرق لو حستخدمه للتخزين ؟
الغريب كمان انى ملقتش كابلات sata data وحضطر انى الغى ال dvd واخد الكابل بتاعه ( يعنى ربنا يستر لو اى كابل باظ حتبقى مشكلة عندى ) مش غريب ان مفيش كابلات ساتا بتتباع ؟
abdalhaliem
31-08-2018, 03:52
كابلات الساتا متوفره بكثره
لكن لاتسأل عنها بمحلات الهاردوير
أسأل عنها بمحلات أكسسوار الكمبيوتر
متوفره بكثره
ولو أنت قريب من ميامى أو ش45
أسأل عن شيكو تحت كوبرى الأكاديميه ش جمال عبد الناصر
أو الكينج لمستلزمات الكمبيوتر بش 45
بالتوفيق
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir