محتاج رأيكم فى اختيار مازربورد بالله عليكم [الأرشيف]

Mahmoud99

16-09-2018, 23:09

السلام عليكم ورحمة الله وبركاتة
اتمنى ان الموضوع ميكنش فيه اى اخطاء تتسبب فى حذفة

الموضوع انى محتاج اشترى مازربورد جديده بس للاسف مش عارف اختار بين الموجود حاليا لانهم كتير اوى ومش بفهم اوى فى المازربوردات والبروسسور اللى ممكن تركب عليه
انا جبتلكم صور لمازربوردات اسعارهم عجبتنى بس يارب يكونو كويسين محتاج منكم تنصحونى بالافضل

1
https://c.top4top.net/p_989w8d801.png

2
https://d.top4top.net/p_989czk0b2.png

3
https://e.top4top.net/p_989mpkge3.png

4
https://f.top4top.net/p_989uhbbf4.png

5
https://b.top4top.net/p_989q69n05.png

abdalhaliem

17-09-2018, 08:40

مرحباا أخى الكريم

مبدئياا واضح أنك تحتاج للمشوره فعلاا

فأنت وضعت صور للوحات

تدعم معالجات الجيل الرابع

وأخرى تدعم الجيل السادس

وأخرى تدعم الجيل الثامن

!!!!!!!!!!!!!

تعالى نبدأ بصوره صحيحه

كان عليك من البدايه

أن تحدد الميزانيه المتاحه

للمعالج + اللوحه + الرام

لنقدم لك النصيحه الأنسب

بأنتظارك

بالتوفيق

Mahmoud99

17-09-2018, 12:56

abdalhaliem (https://arabhardware.net/forum/member.php?u=16359)

شكرا لرد حضرتك يا محترم
اولا بعيدا عن الميزانية انا محتاج مازربورد يكون فيها كارت شاشه لانى مش هشترى كارت شاشة دلوقتى
ثانيا بخصوص الميزانية قولى على حاجه كويسة وبيركلبلها اى برسسسور يعنى اجبلها برسسور رخيص دلوقتى وفيما بعد ابقى احدثها
عاوز حاجه الناس كلها تكون بتستخدمها وبتشكر فيها
وربنا يباركلك يارب

Mahmoud99

17-09-2018, 12:58

سؤال تانى معلش هوا اى جيل فيهم الاحسن والاحدث .
الرابع ولا السادس ولا الثامن ويعنى ايه جيل ؟

abdalhaliem

17-09-2018, 14:27

الشكر لله أخى الكريم

اولا بعيدا عن الميزانية انا محتاج مازربورد يكون فيها كارت شاشه لانى مش هشترى كارت شاشة دلوقتى

ياأخى الكريم لابد من تحديد الميزانيه

لتسهل الأمور عليك وعلينا

تلك قوانين المنتدى ياأخى الكريم

وكارت الشاشه الداخلى لايكون باللوحه

لكنه يكون مدمج بالمعالج المركزى

سؤال تانى معلش هوا اى جيل فيهم الاحسن والاحدث .
الرابع ولا السادس ولا الثامن ويعنى ايه جيل ؟

جيل يعنى معماريه جديده أحدث وأفضل

وبالطبع الجيل الثامن هو الأفضل والأقوى

سينقل الموضوع للقسم المناسب

بالتوفيق

Mahmoud99

17-09-2018, 14:56

طيب مثلا نقول ان الميزانية 2000 جنية

abdalhaliem

17-09-2018, 18:57

الميزانيه لاتكفى

للذهاب مع الجديد والحديث

بالنسبه للجيل الثامن

أقل سعر للوحه أقتصاديه

سيكون بحدود

1500

وتحتاج معالج

وحتى لوكان Pentium

سيكون بحدود 1000

( أذا كان متوفراا )

وتحتاج رام DDR 4

حتى لوكانت 4GB فقط

ستكون بحدود 750 جنيهاا

تلك أقل أمكانيات

وليست كما تقول

عاوز حاجه الناس كلها تكون بتستخدمها وبتشكر فيها

لكى تقوم بأقتناء شىء معقول ألى حد ما

ستحتاج حدود 5000

للبورده وللمعالج والرام فقط

بالتوفيق

Mahmoud99

17-09-2018, 21:48

حضرتك انا مقلتش انى عاوز مازربورد تكون الجيل الثامن انا كنت بستفسر يعنى ايه جيل ثامن فقط

واريد منك نصيحة اخرى تنصحنى باى مازربورد من اللى فوق دول ؟

Galilioz

17-09-2018, 22:19

حضرتك انا مقلتش انى عاوز مازربورد تكون الجيل الثامن انا كنت بستفسر يعنى ايه جيل ثامن فقط

واريد منك نصيحة اخرى تنصحنى باى مازربورد من اللى فوق دول ؟

بص لو انت عايز تشتري جديد فالموجود بالسوق حاليا اخر جيل وهو الجيل الثامن وطبعا الجيل ده اقل حاجه فيه هتدفع للبرسسور والبورده والرامات زى ما قالك ا.عبد الحليم مش اقل من 3500جنية ومش هتبقي كويسه كاداء فعلا لانها اقل امكانيات فاذا كانت ميزنيتك 2000 جنية يبقي عليك بالمستعمل ادخل ودور بقسم البيع هنا او ممكن تجيب ديسكتوب استيراد وسيكون امكانياته ضعيفه الى حد كبير

abdalhaliem

17-09-2018, 23:41

ماهو حضرتك لوحات الجيل الرابع

لن تجد لها معالجات جديده

وغالباا تلك اللوحات المتوفر منها

سيكون أستوك عند البائع

وسيكون خارج الضمان الفعلى حضرتك

وبعدين حضرتك بدايه من الجيل السادس ألى الثامن

الأسعار متقاربه حضرتك

لذلك عندما نرشح لك شيئاا

سنقوم بترشيح الأفضل حضرتك

طالما أن السعر متقارب

أنما لو تريد لوحات جيل رابع

كمثال h81 أو p81

ستقوم بشراء المعالجات مستعمله حضرتك

المشكله أنك محتاج تراجع معلوماتك قليلا

بالنسبه للهاردوير

أنت حاطط بورده جيل رابع ب 1200

فى حين أن البورده جيل ثامن 1440 !!!!!!!!!!

طيب حضرتك هل هذا منطق ؟؟!!!

كما ذكر لك الأخ الكريم

عليك بمتابعه سوق المستعمل

Mahmoud99

18-09-2018, 02:58

Mahmoud99

18-09-2018, 04:01

abdalhaliem (https://arabhardware.net/forum/member.php?u=16359)
المشكلة حضرتك انى معنديش اى معلومات
انا كنت بطمع تقولى كل مازربورد من اللى انا عارضهم بتشغل رامات نوعها ايه يعنى ddr3 او 4 او 5
وتقولى كل مازربورد برضو اقل واعلى برسسور بيشتغل عليها
وهل كلهم فيهم كروت مدمجه ولا لا

ومتاسف على تعب حضرتك

abdalhaliem

18-09-2018, 10:10

لايوجد أى تعب أخى الكريم

كل ماهنالك أن هناك فجوه بالمعلومات

بين ماتملكه من معلومات

وبين ماتريد الأطلاع عليه

لذلك طلبت منك الأطلاع

وقراءة العديد من المواضيع

التى يذخر بها هذا المنتدى

على كل حال بالأجيال الحديثه المعالج الرسومى

( كارت الشاشه الداخلى )

يوجد بالمعالج المركزى وليس باللوحه الأم

( البروسيسور )

لاتوجد لوحه الأن

أو مما أرفقتهم أعلاه

بها كارت شاشه داخلى

وكأجابه على سؤالك بالنسبه للوحات التى أرفقتهم أعلاه

( h81 + p81 ) جيل رابع

( h110 ) جيل سادس

( h310 ) جيل ثامن

وبالنسبه للوحه ( h81 )

قد أجبتك أعلاه

ماهو حضرتك لوحات الجيل الرابع
لن تجد لها معالجات جديده
وغالباا تلك اللوحات المتوفر منها
سيكون أستوك عند البائع
وسيكون خارج الضمان الفعلى حضرتك

لكن لأن هناك فجوه بالمعلومات كما ذكرت لك

لم تنتبه لما ذكرته لك

نصيحه

أطلع أكثر أخى الكريم

لكى تعى ماأنت مقبل عليه

بالتوفيق

Mahmoud99

18-09-2018, 19:25

استاذى الفاضل بعتذر لحضرتك جدا لاطالة الردود فى الموضوع وتعب حضرتك معايه لكن انا فعلا محتاج افهم عشان مجبش حاجه واندم عليها
انا كلمت شركة فى القاهرة واسمها سيجما
كنت هشترى GA-H81M-S2P2 على اد الفلوس يعنى
فا رد عليا وقلى فى منها PV ولما سالته يعنى ايه دى قالى دى موديل تانى منها
فانت ايه راى حضرتك انهو فيهم الافضل وهل ال H81 في منها موديلات تانى
وتنصحنى اشتريها ولا لا

وسؤال اخر انا متاسف ياريت تحط قدام كل مازربورد نوع الرام اللى بتشغلها ان كانت ddr3 او ddr4 او ddr5

abdalhaliem

18-09-2018, 23:57

ياأخى الكريم لما لاتستمع للنصيحه ؟؟؟

نحن ننصحك لوجه الله تعالى

حاول الأطلاع والقراءة أكثر

وهذا لن يوفره لك

موضوع أو رد من هنا أو هناك

عليك التجول بالمنتدى وقرائه العديد من المواضيع

أو البحث خلال الأنترنت للأطلاع والدرايه

حتى لاتكون عرضه لأى أستغلال

ولاأعلم لما أنت مصر على لوحه h81

ألن تدفع مقابلها نقوداا

الفرق سيكون قليل بينها وبين اللوحه h310 مثلا ؟؟؟

لما الأصرار على شراء مايقوم غيرك ببيعه للتحديث ؟؟؟

وسؤال اخر انا متاسف ياريت تحط قدام كل مازربورد نوع الرام اللى بتشغلها ان كانت ddr3 او ddr4 او ddr5

لايوجد شىء أسمه ddr5

والقصه لاتحتاج وضع الرام المناسب أمام كل لوحه

بأختصار شديد

اللوحات ألى الجيل الرابع

( وبعض لوحات الجيل الخامس )

تستخدم ddr3

واللوحات التى أنتجت بعد ذلك جميعها ddr4

أرأيت لما نقول أذهب مع الأحدث

أكرر النصيحه لك

عليك القراءة والأطلاع كثيراا

بالتوفيق

Mahmoud99

19-09-2018, 02:59

طيب تنصحنى اشترى اية طيب انا محتار
حلوة ال 310 يعنى ؟

abdalhaliem

19-09-2018, 05:36

طيب تنصحنى اشترى اية طيب انا محتار
حلوة ال 310 يعنى ؟

والله أنا محتار أكثر منك

سألتك على الميزانيه وأجبت بالتالى

طيب مثلا نقول ان الميزانية 2000 جنية

وأوضحنا لك أن تلك الميزانيه لن تكفى بردودنا السابقه

راجع الردود أعلاه !!!

موفق

Mahmoud99

20-09-2018, 03:58

يا غالى انا قلتلك ان الميزانية 2000 لانى عاوز حاجه متوسطه
انا مش من هواة انى اشترى احدث مازربورد واشترى احدث برسسور
انا عاوز حاجه امشى بيها نفسى وخلاص
حتى لو ال H81 او ال H110 او H310 قديمة دا الحال هعمل اية طيب الحمد لله

abdalhaliem

20-09-2018, 10:29

أنا فاهمك

كان الله بعون الجميع

لكنك تسألنى المشوره

هناك معضله بالموضوع

أولاا الأسعار تغيرت ولم تعد كما كانت

ثانياا عند اللجوء لبورده جيل رابع جديده

لن تحقق شيئاا بالنسبه للسعر مقابل الأداء

ستدفع نقوداا أقل بنسبه بسيطه

مقابل أداء أقل كثيراا

وجهه نظرى هى مادمت تبحث عن جيل رابع

فلتتابع قسم البيع بالمنتدى

لأنك بأغلب الأحوال حتى لو أشتريت البورده جديده

ستشترى الرام مستعمل + المعالج !!!

أنا لاأفرض عليك شيئاا

فقط أوضح لك ماهو متوفر بالسوق

أسمعنى جيداا

أمامك خياران بظل تلك الميزانيه

أما البحث بين المستعمل لشراء بندل مستعمل

أو اللجوء لخيار الأجهزه الأوريجنال

وهذا أسوأ الخيارات

بالتوفيق

Galilioz

21-09-2018, 14:28

Galilioz (https://arabhardware.net/forum/member.php?u=11282689)

يعنى ال H81 مفيش منها جديد حاليا ولا فى منها جديد بس البرسسور اللى بيركبلها هوا اللى مفيش منه جديد

واية اسم المازربورد من اللى انا حاططهم دول بتشغل الجيل الثامن بحيث انى ممكن اشترى مازر جيل ثامن واشيلها واشترى حاجتها فيما بعد

بص مفيش مازبورد او برسسور بيتباع جديد في السوق الا جيل تامن ولو لقيت حاجات قديمة زى ما قالك ا.عبد الحليم مش هتلاقي فيها ضمان لانها ستوك قديم
الميزانية اللى انت بتتكلم فيها لازم تخليك تروح للمستعمل
لو عندك برسسور او رامات قديمه اذكر نوعهم وممكن اقولك تشتري بوردة ايه تدعمهم
انما لو محتاج تجيب البوردة والبرسسور والرامات والتلاته بالفين جنية فمستحيل تلاقي جديد يبقي عليك بالمستعمل تدور على ما هو في حدود امكانياتك الاسعار خلاص بقت نار واقل جهاز جديد ب7000ج

Mahmoud99

27-09-2018, 01:12

Galilioz (https://arabhardware.net/forum/member.php?u=11282689)

شكرا لرد حضرتك يا غالى

Mahmoud99

06-10-2018, 09:11

استاذى الفاضل هل ال H310 يوجد منها اصدارت اخرى ام التى فى الصورة فقط ؟
وان كان كذلك فأى اصدار منهم الافضل

abdalhaliem

06-10-2018, 17:59

نعم توجد أصدارات

عديده وكثيره

الأداء سيكون واحداا

لأن الشريحه واحده h310

الفارق

سيكون عباره عن أضافات من هنا وهناك

لكن الأداء واحد

بالتأكيد ستذهب مع الأقل سعراا

حتى تناسب ميزانيتك

بالتوفيق

Galilioz

06-10-2018, 18:19

استاذى الفاضل هل ال H310 يوجد منها اصدارت اخرى ام التى فى الصورة فقط ؟
وان كان كذلك فأى اصدار منهم الافضل

لوحات اقل فئه و هى لوحات الشريحه

H310:

Gigabyte H310M S2H Socket LGA 1151 Motherboard = 1400
ASUS PRIME H310M-D Socket LGA 1151 Motherboard = 1400
MSI H310M PRO-VD Socket LGA 1151 Motherboard = 1300
MSI H310M PRO-VDH Socket LGA 1151 Motherboard = 1450

منقول من هنا

https://arabhardware.net/forum/showthread.php?t=473684

كل شركة من الشركات التلاته منتجين للبورده دى وخد الارخص فيهم مفيش فرق فيهم يذكر

Mahmoud99

07-10-2018, 01:38

Mahmoud99

07-10-2018, 01:38

Galilioz (https://arabhardware.net/forum/member.php?u=11282689)

انا عاوزها جيجابيت
يعنى عاوز اصدار كويس من جيجابيت
هل الاصدار اللى حضرتك ارفقته كويس ؟

وشكرا على متابعتك الكريمة للموضوع يا محترم

Black foxer

07-10-2018, 03:38

الافضل بينهم عن تجربة
ASUS - MSI واخيراً جيجابايت

Mahmoud99

07-10-2018, 05:39

الافضل بينهم عن تجربة
ASUS - MSI واخيراً جيجابايت

بس انا مع جيجابيت من زمان وبفهملها شوية عن باقى المازربورد
حضرتك معاك H310 ؟

abdalhaliem

07-10-2018, 13:17

بس انا مع جيجابيت من زمان وبفهملها شوية عن باقى المازربورد
حضرتك معاك H310 ؟

وأنا أحب وأحترم الجميع

جميع الشركات تنتج جميع الفئات

وبالنسبه لى لاأفضل أبداا أى شركه على أخرى

بالمناسبه

لى تجارب أكثر من رائعه مع لوحات جيجابايت

وبالتأكيد الأستاذ فوكسر

له تجارب جيده مع الشركات التى ذكرها

بصراحه شديده الجميع سواء بالنسبه لى

تحياتى للجميع

abdalhaliem

07-10-2018, 13:47

abdalhaliem (https://arabhardware.net/forum/member.php?u=16359)
مقولتليش برضو انهو اصدار فيهم احسن لانى معرفش ولا اصدار فيهم ولا اعرف مميزات كل اصدار
وعلى فكرة انا عملت بنصيحتك وهجيب ال H310 لانها جيل ثامن
طبعا انت تعبت معايه عشان تقنعنى بشكر حضرتك جدا وربنا يكتر من امثالك يارب

الشكر لله أخى الكريم

توضيح بسيط

أنا أنصحك فقط حفاظاا على أموالك ولاأريد أقناعك بشىء

ياأخى الكريم توجد العديد من الأصدارات

H310M DS2V 2.0 (rev. 1.0)

H310M S2P 2.0 (rev. 1.0)

H310M S2V 2.0 (rev. 1.0)

H310M S2 2.0 (rev. 1.0)

H310M DS2 2.0 (rev. 1.0)

H310M H 2.0 (rev. 1.0)

H310N (rev. 1.0)

H310M S2H (rev. 1.1)

H310 D3 (rev. 1.0)

H310M HD2 (rev. 1.0)

H310M DS2V (rev. 1.0)

H310M DS2 (rev. 1.0)

H310M H (rev. 1.0)

H310M A (rev. 1.0)

هل تريد أن أشرح لك مواصفات كل تلك الأصدارات !!!

العبره بأستخدامك أنت

هل ستقوم بشراء هارد m.2 مثلاا

هل تحتاج منافذ usb + sata أكثر

الأداء سيكون واحداا بتلك اللوحات

وأنت ميزانيتك محدوده

كما أنك ذكرت

يا غالى انا قلتلك ان الميزانية 2000 لانى عاوز حاجه متوسطه
انا مش من هواة انى اشترى احدث مازربورد واشترى احدث برسسور
انا عاوز حاجه امشى بيها نفسى وخلاص

فأذهب مع أرخص لوحه متوفره وتوكل على الله

بالتوفيق