ممكن حل مشكلة لصب كريتيف

[ryko2]

السلام عليكم

عندى صب كريتيف 4×1 الماوس المسئول عن التحكم فى مستوى الصوت بينور لكن مش بيعلى الصوت ولا بيخفضه مفيش صوت خالص ودورت عليه مش لائيه إيه الحل؟

[abdalhaliem]

هو أنا أسيبك هنا تطلعلى من هنا

https://i.imgur.com/Vgmh9I4.pnghttps://i.imgur.com/Vgmh9I4.png

ماأحنا أتكلمنا بالموضوع ده قبل كده

وقلت لك أنا عامل قافله ومريح دماغى

لو الموضوع صعب بالنسبه لك

أى فنى يصلحهولك

فنى تليفونات ألكترونيات أى حد

الموضوع سهل

حايلغى مؤشى رفع الصوت وخفضه

وتقوم بالتعامل من داخل الويندوز

أنا عاملها بقالى سنوات وشغال عادى جداا

[ryko2]

ممكن تشرحهالى؟

انا عارف وجبت الموضوع القديم بس مشرحتليش فيه طريقة عمل الكوبرى .

وبعدين انا قلقان لاتكون المشكلة فى البيز مش بكرة رفع الصوت وخفضه .

ممكن التراب يسبب اختفاء الصوت؟

[abdalhaliem]

أشرحلك دى صعبه

لأنها دايره بلوحه صغيره ألكترونيه

كل مانفعله هو ألغاء عمل مؤشر رفع وخفض الصوت

لو تلاحظ ستجد أن السوكيت المتصل بمخرج الصوت من الكمبيوتر

متصل مباشره بال Control volume

وهذا الأخير متصل بالصب الذى بدوره متصل بالسماعات

لكن فعلا عليك أن تتأكد من عمل الصب بكفائه أولاا

أنصحك بالذهاب لفنى لفحصه

وممكن تجد تلك القطعه بتوكيل مترا

لأنه وكيل creative

https://www.metracomputer.com/services.aspx?id=8

[ryko2]

انا كنت عايز اعرف بتطبق ازاى خاصة وانك قلت لى سهلة فى الاول ففهمت ان الموضوع مقدور عليه ومفيهوش مشاكل

وخاصة انى معرفش فنى كويس مضمون

انا واخويا قبل كدة رحنا لفنى فى محل فى مول عشان المازربورد وكمل عليها بدل مايصلحها .

أما بالنسبة لتوكيل مترا فمشواره فى اخر الدنيا بالنسبة لى خاصة ان مواعيدهم زبالة بالنسبة لشغلى ومع ذلك طلعت من شغلى ورحت عليهم وبعد مارحتلهم قالولى احنا سايبين توكيل السماعات الكريتيف من 4 او 5 سنين .

[abdalhaliem]

طيب أنا ممكن أشرحلك

لكن هل أنت تملك

hot air

كاويه وقصدير

أفو ميتر

وأدوات كثيره من بينها

أداه لشفط القصدير القديم بعد أذابته بالهوت أير وأضافه الفلكس


https://ae01.alicdn.com/kf/HTB1SlSdd3oQMeJjy0Foq6AShVXal.jpg

العمليه سهله جداا لمن يملك تلك الأدوات

لن تأخذ أكثر من دقيقه

وأيضاا ليس كل أنواع ال Control volume

متشابهه

عليك فكها وتصويره صوره كبيره للتوضيح

وللأمانه

توجد طريقه تصلح مع بعض أنواع الصبات

وهى ألغاء ال Control volume من الأساس

وتوصيل الصب لمخرج الصوت من الكمبيوتر مباشره

لكن هل ال Control volume عندك

به دائره لتكبير وتحسين الصوت ؟؟

هل العيب منه أم من الصب نفسه ؟؟؟

لأنك غير متأكداا من ذلك

الموضوع فعلاا سهل

لكن لابد من التأكد من مكمن الخلل

وأن تكون لك سابق خبره بالموضوع

[ryko2]

السماعات اشتغلت بس حاسس ان البيز مش شغالة علما بانى فتحت البيز نضفتها من جوه ومشيت بفرشاة اسنان على اللوحة الالكترونية من الداخل

إيه اللى ممكن يكون اتهز سبب عدم عمل البيز

وفتحت الكنترول فوليم نضفتها من جوه برضه .

انا كنت سألتك قبل كدة على الانواع اللى اشتريها من الادوات دى بس عايز اعرف منك ان كان موجود اماكن شهيرة بتبيع الحاجات دى ولا لا عشان قلقان من المحلات اللى بتبيع الحاجات دى اللى قابلتنى لحد دلوقتى حاسس انها مستعملة بالرغم من انهم مغلفنها .

[abdalhaliem]

الذى أثق به توكيل مترا

[ryko2]

تقصد تقول ان توكيل مترا بيبيع الافوميتر والهوت إير؟

وإيه اللى ممكن يك اتهز فى اللوحة الالكترونية عطل صوت البيز ؟

[abdalhaliem]

أتحدث عن ال Control volume !!!

أى مكون ألكترونى

لابد من فحصه وقياسه لتبيان العطل الذى به

لايجوز أطلاق الأحكام على عواهلها

[ryko2]

لا يااستاذ عبد الحليم ماانا قلت لك مترا مبئاش فيها تخص كريتيف

انا بتكلم بالنسبة لمعدات الصيانة من هوت اير وافوميتر وخلافهم فى اماكن مشهورة للشراء منها عشان معظم المحلات اللى صادفتنى حاسس انه مستعمل وغالى ومغلفينه التغليف الشفاف اللى بالك منه .

[abdalhaliem]

بالنسبه للقاهره فتوجد محلات شهيره وذو سمعه طيبه

أشهرهم متجر رام الغنى عن التعريف

https://ram-e-shop.com/oscmax/catalog/

التحرير - باب اللوق - 32 شارع الفلكى

تليفون أرضى 23923500

وأيضاا النخيلى أخوان

16 شارع هدى شعراوى - باب اللوق

تليفون أرضى 23916718 - 23916724

وغيرهم كثيرون

عليك الذهاب ألى منطقه باب اللوق

[ryko2]

ماهو انا لما بنزل غالبا بنزل باب اللوق خاصة وانها قريبة منى بس مفكرتش اروح للنخيلى اخوان

هروح اشوف كدة

متشكر ليك

[ryko2]

يااستاذ عبد الحليم

لاحظت مشكلة تانى فى نفس الصب

3 سماعات وقفوا مش شغالين وسماعة واحدة اللى شغالة

دة ممكن يكون له علاقة بكارت الصوت او تعريف كارت الصوت؟ولا كدة السماعات باظت؟ولا عايزة تتفتح تتنضف برضه؟

[abdalhaliem]

ياأخى الكريم

لابد من فحص الصب ككل

وليس السماعات فقط

كما ذكرت مراراا وتكراراا

ماعدا ذلك أذا أجبتك أى أجابه

سأكون كمن يفتى بدون علم

توجه به لأقرب مركز صيانه

وأطلب منه أن يلغى ال Control volume

أذا كان مايزال يسبب مشكله

ويقوم بفحص الصب + السماعات

ومراجعه توصيلاته الداخليه

ولاأعتقد أن للتعريف دخل بالقصه


بالتوفيق

[ryko2]

المتحكم فى الصوت اشتغل عادى المشكلة اللى ظهرت بتاعة السماعات اللى وقفت دى .

تقترح شراء صب جديد؟ولا الصب دة لو اتصلح يرجع لحالته؟ولو هشترى جديد إيه الانواع الكويسة فى السوق؟

[abdalhaliem]

بالتأكيد لابد من صيانه الصب الحالى أولاا

[ryko2]

تمام متشكر جدا

[ابراهيم ابوحمزة]

السلام عليكم ورحمه الله

اولا مشكور استاذ عبد الحليم
للنصائح وسعه الصدر
ثانيا نصيحه لوجه الله تعالى
اذهب بالصب لاي فني
كمبيوتر او كاسيت أو تلفيزيون
او حتي غسالات
انها مشكله حلها بسيط
ووفر عليك عناء الوقت والجهد

بالتوفيق

[abdalhaliem]

بالتأكيد كما قال أخى أبراهيم

ستوفر عليك كثير من التساؤلات

تحياتى للجميع

[ryko2]

استاذ عبد الحليم ازيك ياباشا

دلوقتى ياباشا انا عايز منك خدمة او تقدر تقول اكتر من خدمة فى بعض

عايز اشترى صب كويس إيه الانواع الجيدة؟الحاجة التانية انى عايز اعرف انواع كويسة من ادوات الصيانة من افوميتر وكاوية ولحام وهوت اير والذى منه ومش لازم حاجات غالية زى اللى كنت ارفقتهالى قبل كدة عايز حاجات تفى بالغرض كاستخدام شخصى وبقولك كدة بعد ما رحت سألت عند النخيلى على kada 852D+ اللى كنت رشحتهولى وموجدتهوش والنوع اللى لئيته حاجة pro's حاجة بس مش فاكر الاسم بالظبط وسعره غالى جدا ب2700 تقريبا .
دلوقتى النخيلى كان بيقولى ان عنده انواع افوميتر صينى ب135 وان الانواع الصينى اللى عنده هاى كواليتى وعليها ضمان سنة مش زى برة فرأيك إيه؟ولو رأيك انى اشترى منها إيه المطلوب اتأكد من توفره فيه؟لان الرجل قالى الانواع دى مبتقيسش كل القياسات مع بعض بيكون فيه نوع مخصص لقياس الفولت ونوع مخصص للمقاومات وهكذا .

طبعا الموضوع دة رجع قام فى دماغى تانى بعد ما حاولت انى اعمل بنصيحتك واروح اصلح الصب واتحرق دمى لانى لئيت الفنى بيحور عليا بشكل واضح وقلت لا انا عايز اشترى الادوات المطلوبة واتعامل انا مش مشكلة فياريت تساعدنى فى الموضوع دة لان موضوع صيانته مش سهل فى وقت شحت فيه الضمائر .

[abdalhaliem]

والله يأخ ريكو أنا شايف أسهل لك تشترى صب جديد

https://i.imgur.com/Vgmh9I4.pnghttps://i.imgur.com/Vgmh9I4.png

وبالنسبه للأفو

ماستحتاجه فعلاا

هى قياس الفولتيات بالأضافه للبظر

وقياس الأوم ( المقاومه ) سيأتى بمرحله لاحقه

لذلك الأنواع الصينى لابأس بها

( أنا شغال بواحد صينى )

بالنسبه للهوت أير لاأعلم ماهو المتوفر عندكم بالقاهره

لكن السعر الذى ذكرته عالى جداا

الهوت الكادا سيكون بحدود 700 أو 800

وهو يكفيك


بالتوفيق

[ryko2]

لو هشترى صب جديدإيه الانواع اللى تنصحنى اختر من بينها؟علما بانى عايز حاجة صوتها عالى ونقى .

بالنسبة للافوميتر حضرتك كاتب ما ستحتاجه فعلا قياس الفولتيات بالاضافة لإيه؟؟؟

وبالنسبة للافوميتر اللى كنت نصحتنى به قبل كدة سانوا موديل cd800A سعره 655 مناسب ولا عالى؟دة اذا تيسر امرى وقدرت اجيبه .

واعتقد دة فيه قياس كل حاجة .

إيه اللى بحتاجه للحام لان الرجل فصل السماعات من السلك الملحوم بها عشان لو احتجت اشترى سماعات واركبها بنفسى .

معلش انا عارف انى طولت عليك حصل معايا موقف النهاردة توهنى لان الموضوع جديد عليا لما الرجل اللى كنت موديله السماعات يعملها خلانى اروح اجيب سماعات عشان يركبها جوه علب السماعات وجدت انواع كتير ومشعارف أى الانواع افضل هى تقريبا مقاسها 3 بوصة ونصف والرجل اللى فى المحل كان ورانى سماعات بيقولى دى المانى وصوتها احسن من اللى معاك بس مشكلتها انها بتحتاج تتلحم بشمع او امير مش بتتثبت بمسامير زى الاصلية بتاعة السماعات الكريتيف بتاعتى فرأيك إيه الافضل؟

[ryko2]

ومسدس الشمع دة بحتاجه؟

https://egypt.souq.com/eg-ar/%D9%85%D8%B3%D8%AF%D8%B3-%D8%B4%D9%85%D8%B9-100-240-%D9%81%D9%88%D9%84%D8%AA-80-%D9%88%D8%A7%D8%AA-38635230/i/

[abdalhaliem]

ياأخى ريكو

أنت تتحدث عن عده للصيانه كامله شامله

من أجل تصليح سماعات أو صب ؟؟؟؟؟؟؟

هل أنت جاد ؟؟؟؟


are you serious !!!!!



موضوع اللحام مجرد جزء بسيط

وليس هو كل شىء

أذا كان عندك هوت أير فلن تحتاج لكاويه

وأن كان سن الكاويه بالهوت أير ليس جيداا كفايه

وستحتاج لقصدير

وستحتاج لشفاطه قصدير

وستحتاج لفلكس

وقبل كل هذا ستحتاج لتدريب

مع توقع أتلاف أشياء عديده

فليس معقولاا أن تنفق كل تلك النقود سدى !!!

والذى ذكرته أعلاه بجوار الفولتيه هو وضع البظر

the Buzzer


https://4.bp.blogspot.com/-AE3f6OReyyQ/V0bKYovLotI/AAAAAAAAB9M/eD96mnWxA7Q6q5s03zQjRGAkui5kQlbFwCLcB/s320/%25D9%2582%25D9%258A%25D8%25A7%25D8%25B3%2B%25D8%2 5A7%25D9%2584%25D9%2585%25D9%2588%25D8%25AD%25D8%2 5AF.jpg



نصيحه أخى الكريم حتى لاتندم لاحقاا

حاول أن تتدرب أولاا على أستخدام تلك المعدات بأى وسيله

ثم تأتى لاحقاا مرحله الأقتناء والتجارب الشخصيه


بالتوفيق

[ryko2]

اكيد طبعا يااستاذ عبد الحليم مش عشان السماعات بس عشان اى حاجة تحتاج تصليح فيما بعد

أما بالنسبة لانى اتدرب قبل الاقتناء طيب هتدرب ازاى من قبل الاقتناء وفين؟

لو تقصد محلات حضرتك شغال فى المجال دة وعارف ان الاغلبية دلوقتى مش عايز يدرب حد وكله بيحاول يمشى حاله بالعافية .

انا عندى السماعات البايظة عايز اجرب ألحم طرفى السلك عليهم قبل مااجرب لحامهم على سماعات جديدة واسمها كدة كدة بايظة على حسب كلام الفنى اللى كنت عنده امبارح وافتكر انك كنت قلت لى الموضوع بسيط مش هيحتاج حاجة فالتحوير اللى انا شوفته امبارح هو اللى خلانى ادور اجيب العدة واتدرب على حاجات بايظة فى بادئ الامر ولا هو حبا فى اهدار مال (حتى لو تاخد بالك لما سألتك على الافوميتر السانوا قلت لو تيسر الامر بالنسبة لى ) بس انا اكره ما عليا التحوير بحس انى باكل على قفايا وبرضايا .

لو عندك طريقة موفرة اتدرب بها بالادوات دى زى ان مثلا تنصحنى بادوات متواضعة اتدرب عليها وفيما بعد لو لئيت نفسى اقدر اتعامل بها وقدرت اجيب الانواع المشهورة اللى قلت لى عليها ممكن ساعتها اجيبها .

ونرجع لموضوعنا تانى اذا احتجت اشترى صب إيه الانواع اللى تنصحنى اختار من بينها؟

والنوع دة كويس ولا تعبان؟
https://egypt.souq.com/eg-ar/%D8%B5%D8%A8-4-%D8%A8%D9%88%D8%B5%D8%A9-%D9%82%D8%B7%D8%B9%D8%AA%D9%8A%D9%86-%D8%B1%D8%A7%D8%AF%D9%8A%D9%88-%D9%88-%D8%A8%D9%87-%D9%85%D9%83%D8%A7%D9%86-%D9%84%D9%84%D9%81%D9%84%D8%A7%D8%B4%D8%A9-%D9%88%D8%A7%D9%84%D9%85%D9%8A%D9%85%D9%88%D8%B1%D 9%89-37136720/i/

[abdalhaliem]

وافتكر انك كنت قلت لى الموضوع بسيط مش هيحتاج حاجة


بسيط للفنى المتمرس

وليس للمبتدىء ياعزيزى

أذا كانت تستهويك القصه

فتوجد مراكز عديده للتدرب وأكتساب الخبرات

فلا بأس من المتابعه على الأقل

دوره أو دورتين

وطبعا ستقوم بشراء الأقل سعراا

وذكرت لك أعلاه أيضا

أننى أعمل بأفو صينى ب 140

ويعمل معى بكفائه

بالنسبه للسماعات

فأنا لم أجرب المنتج الذى ذكرته أعلاه

كنت سابقاا أتعامل بالكرياتف

لكن يبدوا أنها لم تهد كسابق عهدها

حاليا عملاء كثيرون يشكرون بماركه تايجر

بالنسبه لى جربت منتجات شركه Gamma

ومنتجات شركه 2b

وكان أداؤها جيد

( أتحدث عن ال Subwoofer المستخدم بالمنازل )


بالتوفيق

[ryko2]

فعلا فيه شكاوى كتير من الكريتيف دلوقتى .

شركة تو بى كويسة؟

اصل شوفتها وكانت ؤدامى؟

يعنى تقصد دى مثلا
https://2b.com.eg/ar/2b-4-1-subwoofer-with-round-shape-on-the-front.html

خامات تصنيعها نظيفة وصوتها عالى ونقى؟

وإيه المراكز اللى ممكن اروحها؟لانى فاكر اتكلمت معاك قبل كدة فى موضوع اكاديمية سموحة والناس دى مظنش انك تقصد دول يااستاذى .

انا فعلا نفسى اتعلم التعامل بالادوات دى وعندى دروس فيديو لاستخدامها من على النت لكن على حسب كلامك انها غير كافية وانى لازم استخدمها تحت اشراف خبير .

[abdalhaliem]

شركة تو بى كويسة

بالتأكيد منتجاتها جيده

وقد جربناها مرات عديده




انا فعلا نفسى اتعلم التعامل بالادوات دى وعندى دروس فيديو لاستخدامها من على النت لكن على حسب كلامك انها غير كافية وانى لازم استخدمها تحت اشراف خبير .


هذا ماأقصده تحديداا

وكلنا تعلمنا وتدربنا بتلك الطريقه

بغض النظر عن نوع دراستك

فالنظرى شىء والعملى شىء أخر


بالتوفيق

[ryko2]

طيب إيه الاماكن اللى ممكن اتدرب فيها؟

وشايف ان تو بى افضل من الكريتيف القديمة الاربعه فى واحد؟

كنت عايز اعرف الفرق بين السماعات التو بى دى وسماعات F&D خمسة فى 1 دى من حيث الامكانيات والجودة

https://egypt.souq.com/eg-ar/2b-universal-4-1-subwoofer-black-sp-84-7-28162672/i/

https://egypt.souq.com/eg-ar/%D8%B5%D8%A8-%D9%88%D9%88%D9%81%D8%B1-%D9%85%D9%86-%D8%A7%D9%81-%D8%A7%D9%86-%D8%AF%D9%8A-f3800x-%D8%A3%D8%B3%D9%88%D8%AF-26905807/i/

وفيه سماعات اسمها دوبS5500
اربعة فى 1 سعرها زى تو بى ب900 وشوية بس مشعارف اخبارها لو كويسة ممكن اجيبها قسط .
(https://egypt.souq.com/eg-ar/%D8%B5%D8%A8-%D9%88%D9%88%D9%81%D8%B1-%D9%85%D9%86-%D8%A7%D9%81-%D8%A7%D9%86-%D8%AF%D9%8A-f3800x-%D8%A3%D8%B3%D9%88%D8%AF-26905807/i/)