المساعد الشخصي الرقمي

مشاهدة النسخة كاملة : استفسار بسيط وجزاكم الله خيرا


Mahmoud99
29-10-2018, 17:45
السلام عليكم ورحمة الله وبركاتة
فى استفسار بسيط وهوا
هل اللوحة gigabyte H370 لا يعمل معاها الا برسسورات الجيل الثامن فقط
وهل اللوحة gigabyte H310 يعمل معها اى معالج من اى جيل

وهل كل اللوحات الحديثة لا يعمل معها الا معالجات الجيل الثامن ام اللوحة H370 فقط

وشكرا لكم
الواد ميشو
29-10-2018, 19:43
وعليكم السلام ورحمة الله وبركاته ..
هو حضرتك شرائح 300 بمختلف فئاتها نزلت مع الجيل الثامن من انتل ومخصوصة له (وايضا يعمل على سوكيت 1151) فكانت المشكلة انها نفس السوكيت في اللوحات الخاص بالجيل السادس والسابع ولكن انتل قامت بفرض تشغيل الجيل الثامن بشرائح جديدة اللي هي 300
فأي لوحة بشريحة 300 (أي H310 -b360-h370-z370) هي مصنوعة خصيصا للجيل الثامن وكتر خير انتل(تهكم) سمحت بتشغيل معالجات الجيل التاسع على نفس الشرائح 300 لكن شرط تحديث البايوس بالطبع
وممكن حضرتك تدخل على صفحة اللوحة وترى ما تدعمه من معالجات

وبالتوفيق ...
Mahmoud99
29-10-2018, 22:08
الواد ميشو (https://arabhardware.net/forum/member.php?u=11309922)

شكرا لحضرتك ولردك الجميل والمبسط فى توصيل المعلومة

انا كنت فعلا خلاص هشترى ال H370 ولكن بعد ما عرفت انها مش بيشتغل عليها غير معالجات الجيل الثامن فقط تراجعت عن قرار الشراء
خصوصا انها غالية مش رخيصة ف حرام تكون هيا غالية وكمان مش بتشغل غير معالجات مخصصة ليها هيا بس
يعنى نفترض انى عاوز اشترى المازربورد واشترى معالج رخيص لية يجبرو الناس انها تشترى معالج من جيل واحد بس

حاجه كمان هل حضرتك كل لوحات الجيل الثامن لا يعمل معها الا معالجات جيل ثامن ام اللوحات التى تبدا بفئة 300 بس
وان كان فى لوحة حديثة وبسعر معقول بتشغل اى جيل من المعالجات فما هى
وشكرا لحضرتك
abdalhaliem
30-10-2018, 00:37
حاجه كمان هل حضرتك كل لوحات الجيل الثامن لا يعمل معها الا معالجات جيل ثامن ام اللوحات التى تبدا بفئة 300 بس



ياأخى الكريم

الفئه 300 هى لوحات الجيل الثامن ؟؟

الشرائح مختلفه ياعزيزى

وتدعم معالجات مختلفه ومقابس مختلفه أيضاا

هناك شرائح للجيل الأول

وشرائح للجيل الثانى والثالث معاا

وشرائح للجيل الرابع

وأخرى للجيل الخامس

وأخرى للجيل السادس والسابع معا

وأخيرا لوحات الجيل الثامن وهى الفئه 300

h310 / b360 / h370 / z370

فأى جيل معالج لديك

أو ماهى ميزانيتك لتقديم النصيحه

أذكر ميزانيتك أذا كنت مقبل على الشراء

( أذا كان الأمر كذلك سيتم نقل الموضوع لقسم نصائح تجميع الأجهزه )


بالتوفيق
Mahmoud99
30-10-2018, 04:22
abdalhaliem (https://arabhardware.net/forum/member.php?u=16359)

اهلا بيك استاذى الفاضل
فى الحقيقة انا مش معايه اى معالجات
ولكن محتاج من حضرتك تقولى هل اللوحة H310 واللوحة H370 بهم كروت علشان لو اشتريت اى لوحة منهم مش هيكون معايه فلوس اشترى كارت شاشه حاليا فمحتاج لوحة تكون فيها كارت شاشة
ومحتاج حضرتك تقولى اسم ارخص معالج يركب للوحة H310 او اللوحة H370
وشكرا لحضرتك
abdalhaliem
30-10-2018, 05:40
مرحبا أخى الكريم

أنتهى عصر وجود تشبايه الفيجا على البورده

وتم نقل الفيجا الداخليه

( المعالج الرسومى )

بداخل المعالج نفسه

لاتوجد لوحه أم حديثه بها فيجا داخليه

لكن المتوفر منافذ فقط

لعرض مايقوم المعالج الرسومى

المدمج بالمعالج المركزى بمعالجته

وبالنسبه لأرخص معالجات تعمل على تلك اللوحات

فهى معالجات


Pentium G5600

Pentium G5400

Celeron G4920

Celeron G4900


لكن المشكله أنها ليست متوفره عند التجار بمصر

هنا المعضله

أقل معالج متوفر هو i3 8100

وسعره كان من شهر تقريباا بألفين وكسور

ثم أرتفع سعره هو وجميع المعالجات

ليصبح سعره بحدود 3000 جنيهاا ؟؟


بالتوفيق
Mahmoud99
31-10-2018, 05:04
سؤال اخير انا اسف هيا لوحة h310
بتشغل معالجات amd ولا intel
abdalhaliem
31-10-2018, 05:30
لايوجد أى داعى للأسف أخى الكريم

الشريحه 310

مخصصه لمعالجات أنتل فقط

وكقاعده عامه لم تخترع بعد لوحه أم

تعمل على intel / amd

أما هذا أو ذاك


بالتوفيق
Mahmoud99
31-10-2018, 18:35
استاذى الفاضل مش عارف اشكرك ازاى
بارك الله فيك وجعلك نفعه لنا
شكرا شكرا شكرا ليك
abdalhaliem
31-10-2018, 19:03
استاذى الفاضل مش عارف اشكرك ازاى
بارك الله فيك وجعلك نفعه لنا
شكرا شكرا شكرا ليك


الشكر لله أخى الكريم

وبارك الله بك وفيك


بالتوفيق دائماا
Mahmoud99
02-11-2018, 18:56
استاذى الفاضل لدى استفسار اخر وبعتذر بشدة لكثرة الاسئلة

لماذا الـ H310 بها كارت شاشة

صورة للتوضيح
https://d.top4top.net/p_1036nxc2o1.png
https://prntscr.com/ldmxip
https://prntscr.com/ldmxip


والـ H370 لا يوجد بها كارت شاشة
صورة ايضا توضح عدم وجود كارت شاشة فى اللوحة
https://b.top4top.net/p_1036i2hu21.png
abdalhaliem
02-11-2018, 23:37
ياأخى الكريم

أقرأ الردود جيداا

لقد ذكرنا أعلاه

أن ماتراه بالجزء الخلفى من اللوحه

عباره عن منافذ فقط

وما تقول عليه أنت كارت شاشه

هو عباره عن منفذ فقط للتوصيل للشاشه !!!

لاأكثر ولاأقل

ولاتوجد على أى لوحه حديثه أياا كانت

بها أى كارت شاشه

فقط هو متواجد بالمعالج المركزى

( البروسيسور )

والصور أعلاه لكلا اللوحتين بهما تلك المنافذ

فقط المنافذ تختلف


البورده ( h310 ) بها منفذ

D-Sub

التقليدى القديم

( أغلب الشاشات الحديثه لاتدعمه )


بينما البورده ( h370 ) بها نفس القصه

ولكن بصوره منافذ أحدث

hdmi

وهو الأفضل والأحدث بالطبع

أذا الأثنان بهما منافذ للتوصيل بين المعالج الرسومى

الذى يوجد بالبروسيسور

وبين الشاشه


نحن نريد أرشادك لأفضل شىء بأقصر الطرق

فقط عليك قرائه الردود جيداا


بالتوفيق
Mahmoud99
02-11-2018, 23:59
يعنى ممكن لو اشتريت ال H370 اشتغل عليها من غير ما اشترى كارت شاشة موقتا بوصلة VGA اتفرج على افلام مثلا حجات خفيفة كدا
abdalhaliem
03-11-2018, 01:19
https://i.imgur.com/Vgmh9I4.png https://i.imgur.com/Vgmh9I4.png https://i.imgur.com/Vgmh9I4.png

طيب أحلفلك بأيه علشان تصدق ؟؟؟

والله العظيم قسما بالله

لاتوجد بورده بها كارت شاشه

للمره الثالثه على التوالى

كارت الشاشه بالمعالج الرئيسى

( البروسيسور )

لاعلاقه بين البورده وبين كارت الشاشه المدمج

تستطيع بالطبع اللعب

على كارت الشاشه المدمج بالمعالج

ووظيفه البورده فقط

ستكون وسيطه بين الشاشه والبروسيسور

لعرض مايقدمه كارت الشاشه المدمج به

أنظر ألى المداخل التى بشاشتك

وراعى أن تكون أحداها متواجد بالبورده

يعنى مثلا لو شاشتك بها المنفذ التقليدى


D-Sub

https://www.avxperten.dk/billeder/rs232-adapter-9p-hun-hun-big.jpg

فلن تستطيع تشغيلها على بورده h370

ألا بعد تركيب كونفرت

لعلى نجحت بتوصيل الألتباس الذى عندك

بخصوص كارت الشاشه الداخلى

هو لاعلاقه له بالبورده أيا كان نوعها

لكنه يكون مدمجاا بالمعالج المركزى


بالتوفيق
Mahmoud99
03-11-2018, 04:57
هههههههههههههههههههههه انا عارف ان اسالتى صعبه وغريبة بس انا بستفاد منك

المهم انى اقدر اشغل المازربورد من غير ما اشترى كارت شاشة دلوقتى تمام
كدا انا هشترى المازربورد والبرسسور ورامات وبور سبلاى صح
abdalhaliem
03-11-2018, 18:49
هههههههههههههههههههههه انا عارف ان اسالتى صعبه وغريبة بس انا بستفاد منك

المهم انى اقدر اشغل المازربورد من غير ما اشترى كارت شاشة دلوقتى تمام
كدا انا هشترى المازربورد والبرسسور ورامات وبور سبلاى صح


صح

وستحتاج لهارد


بالتوفيق
Mahmoud99
03-11-2018, 20:49
عاوزك بقى تقولى اقل وارخص برسسور ممكن يركب على الـ H370 AORUS GAMING 3 WIFI
وماركة متوسطة السعر من الرامات تكون 8GB
وبور سبلاى يكون كويس وسعره كويس
الهارد معايه
abdalhaliem
03-11-2018, 22:58
عليك أنشاء موضوع جديد

بقسم نصائح تجميع الأجهزه

https://arabhardware.net/forum/forumdisplay.php?f=89

وتذكر به ميزانيتك

وتحدد ماتنوى أعاده أستخدامه

بالتوفيق


يغلق