[مصر] طلب تجميع جهاز + شاشه ب 25,000 جنيه للالعاب

[subzrk]

السلام عليكم ورحمة الله وبركاته



- أقصى ميزانية محددة: 25 الف جنية
- استخدامك للجهاز: اساسى للالعاب
- حجم الشاشة و الدقة التي تستخدمها: لا يوجد
- القطع التي تنوي شراءها: جهاز كامل + الشاشه
- القطع التي ستعيد استخدامها من الجهاز القديم: لا يوجد
- ميعاد شراء الجهاز: فى خلال يومين ان شاء الله
- مكان الشراء: سوق العصر او البستان
- محل سكنك: القاهرة


- انا دورت كتير بس مش عارف احدد حاجه معينه كل شوية رأييى بيتغير , يعنى ك مثال الشاشه ديه عجبتنى MSI Optix G24C 24 Inch Curved Gaming Monitor
بس طلعت غاليه حوالى 5,250 على حسب الاسعار على النت انا كنت ناوى على ال gtx 1060 6gb بس لقيت انها بتدعم خاصية FREESYNC الخاصة ب AMD ف عشان استفاد بيها لازم يكون عندى كارت AMD فا فكرت ف RX580 8GB و كل شوية اكتشف حاجه تخلينى اغير رأيي او مراجعات ودماغى لفت بصراحه ف قلت اسأل هنا واتمنى حد يريح بالى ويساعدنى وهل فعلا الشاشة ديه هتفرق كتير معايا ولا اوفر الفرق ف حاجة تانية ..
آسف على الاطاله وشكرا مقدما

[الواد ميشو]

وعليكم السلام ورحمة الله وبركاته ..
أولا ربنا يوفقك لما فيه الخير واهلا بك في المنتدى

لراحة البال سواء ذهبت مع انفيدا أو AMD بالنسبة لكروت الشاشة \أو ذهبت مع انتل أو AMD للبروسيسور مش هتخسر حاجة ان شاء الله الاجيال الحالية بتقدم أداء محترم جداا.
وتأتي نقطة مهمة بالنسبة لحضرك لابد من تحديد أيه أهم حاجة \أو لها الاولوية للحصول عليها-فالقصد حضرتك حابب تجرب خاصية FreeSync وعايز شاشة بالطبع حلوة وأكيد تدعهما -أم يهمك أفضل كارت ممكن تحصل عليه ويعطي أداء؟
فحضرتك تحدد الاولوية هيساعد في تحديد الغرض بالظبط.
وبالنسبة للشاشة ممكن اعتقد كان فيه شاشات أقل في السعر وتدعم الخاصية(لكن الشاشة المذكرو في قائمة الاماني الشخصية أيضا) لكن حتى لا تتشتتخلى الشاشة حسب ما يتبقى من ميزانية(زي ما تقول تحيجم الى حد ما)
واتفضل اقتراح ..
Cooler Master MasterBox MB511 Mid Tower Desktop Case = 1300
SeaSonic S12II Bronze 620W 80 PLUS Certified PSU = 1550

Intel Core I5-8400 Coffee Lake 6-Core 2.8GHz LGA 1151 Desktop Processor = 4050
MSI B360M MORTAR Socket LGA 1151 Motherboard = 2100
Team T-Force VULCAN 1x 16GB DDR4 2400 CL16 Desktop Memory = 2400

Samsung 970 EVO Series 250GB M.2 Internal Solid State Drive (SSD) = 1900
Seagate Barracuda ST2000DM006 2TB 64MB SATA 6Gb/s HDD = 1200

MSI Radeon RX 580 Armor OC 8GB GDDR5 = 6500
بمجموع = 21000

ملحوظة ::
متبقى حوالي 4000 للشاشة(وحاولت أقتصد قدر الامكان في القطع لتوفير مبلغ يكفي الشاشة) لكن لو مش مهمة أوي ممكن تزود في القطع(القصد تجيب رامتين 2*8 بدل رامة واحدة-تجيب بوردا فيها واي.فاي وكدا زي Gigabyte B360 AORUS GAMING 3 WIFI
-أو تجيب كارت GTX 1060 وتوجد نسخ في نفس حدود 6500 أو نسخ أعلى زي Msi Gaming X بحوالي 7200
وتجيب شاشة مثلا في حدود 3000

ممكن نقلة تانية حضرتك تبقى على كل باقي القطع وتغير المعالج والبوردا فقط الى (AMD RYZEN 5 2600 6-Core 3.4GHz = 3850 +MSI B450M MORTAR Socket AM4 Motherboard = 2050)
بمجموع = 20750
والمبلغ المتبقى اعتقد يغطي الشاشة الــMSI (وتكون حققت الاماني ومعالج ان جاز التعبير يفرق في بعض الحالات)
وممكن آخر حاجة وتبقى بجد عظيمة تجيب شاشة مثلا على 2500 والفرق تضيفه وتجيب GTX 1070(في حدود 9000-9500) على التجميعة بمعالج 2600

ودي أشهر شاشات مناسبة في السوق..
ASUS VS248HR 24 Inch Full HD LED Monitor = 2750
ASUS VX248H 24 Inch Full HD LED Monitor = 3450
Samsung S24D330H 24 Inch LED LCD Monitor = 2500
Samsung S22F350FHM 22 Inch LED LCD Monitor = 2000 * في الغالب بتدعم الــFreeSync لكن تأكد بالنسبة للموديل داه بالتحديد
Samsung LC24FG73FQMXZN 24 Inch Curved QLED Gaming Monitor = 5350 *وتدعم الفريسينك

- هنا القصد أن حضرتك تحدد الاولويات حتى تستقر على شكل التجميعة.

وبالتوفيق ....
ومبرووك مقدماا

[abdalhaliem]

عندما أردت الرد

وجدت رد الأخ ميشو

بصراحه شديده

بارك الله به وعليه

غطى أغلب تساؤلاتك

فقط تنويه بسيط

أذا كان الغرض الأساسى الألعاب كما ذكرت

أذهب مع معالج أنتل

الذى رشحه لك الأخ الكريم

i5 8400

سيكون مناسباا جداا للألعاب

ولاداعى للتردد

بعالم التكنولوجيا

دائما سيكون هناك الأحدث والأفضل

وأذا ظللت متردداا

ستظل هكذا ألى مالا نهايه


تحياتى للجميع