على وشك شراء كارت شاشة جديد محتاج مساعدة فى أفضل نسخة من حيث السعر مقابل التبريد

[whiteknights]

أعتذر إنى عملت موضوعين فى وقت قصير بس انا خلاص ان شاء الله غالبا قررت اشترى كارت GTX 1050 TI .. عايز اللحقه قبل ما يخلص و الميزانية يدوب و ال 100 جنيه هتفرق بالنسبالى..

أمامى التالى:
1- Gigabyte Geforce GTX 1050 TI 4GB سعره 3700 جنيه و بمروحة واحدة

2- Zotac Gefroce GTX 1050 TI OC Edition 4GB سعره 3800 جنيه و بمروحتين

3- Palit Geforce GTX 1050 TI Dual OC 4 GB سعره 3650 جنيه و بمروحتين.. أعتقد إن هذا الأنسب بالنسبالى من حيث السعر و التبريد و لكن المشكلة إنى أول مرة أسمع عن نسخة Palit هذه, كنت أفضل Gigabyte و لكن للأسف نسختها بمروحة واحدة..

ما رأيكم؟؟

ولا فى رأيكم أنتظر شهر او شهرين على أمل نزول أجيال جديدة أفضل؟ .. انا كارتى الحالى 7870XT.. لو حدثت إلى 1050ti اكيد هيعتبر تقدم و لكن لا ادرى لو كان تحديث يستاهل.. أنا كنت عامل حسابى من كام سنة إنى يوم لما احدث كارت الشاشة أحدثه بواحد مثل GTX 780 .. و لما قريت شوية وجدت إن ال 1050TI بمثابة ال GTX 770 من حيث الأداء ( بعيدا عن المعمارية و الحداثة انا فقط مهتم بالأداء) فأعتقد إنه تحديث مش بطال و قريب من ال 780؟

[abdalhaliem]

مرحباا أخى الكريم

وخيار موفق بأذن الله

بالنسبه للأختيارات

لو مكانك لذهبت مع

Zotac Gefroce GTX 1050 TI OC Edition 4GB


مبروك مقدماا

وبالتوفيق

[الواد ميشو]

مرحباا أخى الكريم

وخيار موفق بأذن الله

بالنسبه للأختيارات

لو مكانك لذهبت مع

Zotac Gefroce GTX 1050 TI OC Edition 4GB


مبروك مقدماا

وبالتوفيق



+1111 بالنسبة للكارت 1050ti
لكن لو يهمك الاداء ممكن تدور في المستعمل على كارت زي AMD Rx 570 أو حتى 1060 3gb ممكن تكون في حدود الميزانية

وبالتوفيق ...
ولك التحية

[whiteknights]

شكرا لكم.. طب بالنسبة لنسخة ال Palit Geforce دى إيه نظامها و ليه سعرها أقل سعر؟ هل عشان الآخريين مكسورين السرعة بشكل اكبر ام عشان تبريدها جودته أقل؟

[abdalhaliem]

الفارق

سمعه الشركات

وأسماء مشهوره من عدمه

ثم أين الفارق !!!

أيعتبر فارق 150 جنيهاا يمثل فارقاا !!!

مبروك مقدماا

[whiteknights]

آه للأسف حاليا ال 100 جنيه ممكن تمثل فارق بالنسبالى مثل ما ذكرت فوق, لأن ميزانيتى محدودة جدا و الوقت ضيق..
عموما شكرا لحضرتك أستاذنا عبد الحليم.

[abdalhaliem]

آه للأسف حاليا ال 100 جنيه ممكن تمثل فارق بالنسبالى مثل ما ذكرت فوق, لأن ميزانيتى محدودة جدا و الوقت ضيق..
عموما شكرا لحضرتك أستاذنا عبد الحليم.


ماأقصده بظل أنخفاض قيمه الجنيه للأرض

أن تلك القيمه لاتمثل أختلاف جوهرى بالثمن

وفقك الله لما تحب وترضى

ومبروك مقدماا

[whiteknights]

أعتذر لرفع الموضوع مرة اخرى بس فيه حاجة و محتاج نصحيتكم فيها.. قبل ما كنت على وشك شراء كارت GTX 1050TI عرفت إن على يوم 20 تقريبا فى هذا الشهر هيكون معايا حوالى 5000 جنيه..
فا حضراتكم إيه رأيكم أنتظر ليوم 20 تكون ميزانيتى اصبحت 5000 جنيه و اشترى كارت GTX 1060 ولا أتوكل على الله و اجيب كارت 1050TI الآن؟

هى المشكلة فى الإنتظار و مخليانى محتار هى إنى خايف يكونوا خلصوا من السوق.. خصوصا لما كلمت المحل من كام يوم قالى ممكن بعد 10 أيام متلقيهوش.. و مفضلش انى اجيب مستعمل.

تعملوا إيه لو كنتم مكانى؟ هل يستاهل إنى انتظر؟.. و إيه الحل لو انتظرت ليوم 20 و فى الآخر لقيت إن 1060 خلص من السوق؟

[abdalhaliem]

مرحباا أخى الكريم

لايختلف أثنان على أن 1060

أفضل وأقوى

ولايختلف أثنان أيضاا

على أن الجديد أفضل

( على الأقل نفسياا )

أما مسأله أختفائه من السوق

فتلك علمها عند ربى

وسيكون أى أدلاء بالرأى فى تلك الجزئيه

كمن يتنبأ بالغيب

لكن كقناعه شخصيه

تلك الكروت مستمره لفتره كبيره


بالتوفيق دائماا

[whiteknights]

السلام عليكم مرة أخرى.. انا خلاص الحمدلله الله جالى فلوس.. كنت قررت أصبر لحد ما يجى فلوس بحيث أشترى حاجة اقوى من GTX 1050TI .. و الحمدلله الآن معى حوالى 9000 جنيه.. فقررت أشترى ال GTX 1060

بالنسبة بس للنسخ انا مازلت محتار قليلا.. ملاحظ إن نسخة ال Gigabyte هى الأغلى.. لا أدرى هل ده بسبب الضمان ولا جودة المراوح, زائد ان البوردة عندى جيجابايت ايضا فأعتقد إنى مرتاح نسبيا لها..

MSI Geforce GTX 1060 3GT OCV2 3GB سعرها 5100 جنيه

Zotac Geforce GTX 1060 AMP! Edition سعرها 5200 جنيه

Gigabyte Geforce GTX 1060 Windforce 3GB (GV-N1060wf2oc) سعرها 5300 جنيه

انا خمنت بما إن الجيجابايت هى الأعلى سعر يبقا بالتالى هى الأعلى جودة و أمان ولا مش شرط؟

تانى حاجة انا لاحظت إن CompuData هو المحل الوحيد اللى بيبيع نسخة ال Zotac ب 5000 جنيه بس.. فكنت بفكر أشترى من عنده و اوفر ال 300 جنيه.. بس موضوع إن يكون فيه محل مرخص أسعاره بشكل ملحوظ مقارنة بباقى المحلات بيقلقنى شوية, ولا ده عادى؟

معلش انى بدقق بزيادة بس لأنى كنت بواجه مشاكل كتيرة مع نسخه الكارت القديم اللى عندى زائد إن دى تقريبا آخر مرة فى حياتى هقوم بتحديث كارت الشاشة فا كنت عاوز اجيب أفضل المتاح

[abdalhaliem]

مرحباا أخى الكريم


نسخة ال Zotac ب 5000 جنيه

لو تريد رأيى

أذهب مع الأقل سعراا

تقريباا الأداء واحد

مبروك مقدماا على الكارت

وكفاك الله شره

بالتوفيق دائماا

[zozo 22]

اخى الفاضل كما قال لك استاذى الفاضل عبد الحلبم
أذهب مع الأقل سعراا

تقريباا الأداء واحد يعجبنى فى
Zotac انة اصغر فى الحجم من جيحا بايت بالتوفيق دائماا

[whiteknights]

شكرا لكم على المساعدة.. إذن على خيرة الله

[Black foxer]

بالنسبة لاختفاء البطاقات بالفعل ستختفي قريبا بسبب RTX 2060 و اخاه الاصغر GTX 1160TI ان صحت التسريبات

نصيحة ابعد عن شركة PALIT مفيش مصريين شكروا فيها وخصوصاً ان المحلات الي بتدخلها في مصر مرفوع عليها قضايا من شركات كبيرة زي ASUS بسبب انهم بيجيبوا بضاعة مجهولة المصدر بدون ضمان وبيبعوها للناس على انها ضمان محلي

الزوتاك هي الافضل كما ذكر استاذي عبدالحليم وافضل الشركات التي تبيع النسخ الزوتاك بتوكيل محلي هو البدر جروب عن تجربة تعامل معاهم زادت عن العامين ومتوفر عندهم ب5100

https://elbadrgroupeg.store/index.php?route=product/product&product_id=1395&search=GTX+1060&description=true&category_id=0&sub_category=true&sort=p.price&order=ASC

[whiteknights]

بالنسبة لاختفاء البطاقات بالفعل ستختفي قريبا بسبب RTX 2060 و اخاه الاصغر GTX 1160TI ان صحت التسريبات

نصيحة ابعد عن شركة PALIT مفيش مصريين شكروا فيها وخصوصاً ان المحلات الي بتدخلها في مصر مرفوع عليها قضايا من شركات كبيرة زي ASUS بسبب انهم بيجيبوا بضاعة مجهولة المصدر بدون ضمان وبيبعوها للناس على انها ضمان محلي

الزوتاك هي الافضل كما ذكر استاذي عبدالحليم وافضل الشركات التي تبيع النسخ الزوتاك بتوكيل محلي هو البدر جروب عن تجربة تعامل معاهم زادت عن العامين ومتوفر عندهم ب5100

https://elbadrgroupeg.store/index.php?route=product/product&product_id=1395&search=GTX+1060&description=true&category_id=0&sub_category=true&sort=p.price&order=ASC

شكرا لك أستاذ Black Foxer أنا إن شاء الله خلال إسبوع بالكتير هشترى الكارت هل تعتقد بقريبا مثل شهر مثلا؟ ولا ممكن فى أى يوم ابتداء من الآن ستختفى؟
ايضا مشكلة البدر جروب انه هيكون بعيد عنى جدا.. الأقربلى هو السخاوى, فا شبه قررت إنى اشتريه من Compu Data Center ب 5000 جنيه..
هل عند حضرتك اى خلفية عنهم؟

[Black foxer]

باذن الله ستبقى لمدة الشهر واكثر اتحدث هنا عن وجودها عالمياً ولكن عندنا في مصر كما تعلم ستختفي البطاقات من العالم ويصدر بدلاً منها الكثير من البطاقات الاقوى بنفس سعر السابقة ومن الممكن اقل وفي مصر تزداد اسعار البطاقات الاقدم !!!

عموماً للبدر فرعين احدهم في المهندسين مول 3M والثاني في وسط البلد مول البستان ان الوصول اليهم مستحيل اقتني من النخيلي او ماكسيموم ان امكن فهم ايضاً من المتاجر الجيدة

[whiteknights]

تم بحمد الله شراء كارت Zotac GTX 1060 3GB بضمان شركة Venus لمدة سنتين.. و لو إن الواحد مستحرم الفلوس دى كلها فى حتت كارت بس قلت بما إنها غالبا هتكون آخر مرة فى حياتى أحدث كارت شاشة فأمرى إلى الله..
عند تركيب الكارت و التشغيل الجهاز كان بيقف عند اللوجو بتاع البايوس مكنش بيدخل على الويندوز ولا بيدينى صلاحية استعمال الكيبورد, مجرد ثابت على لوجو البايوس..
خمنت إنه قد يكون محتاج تحديث للبايوس بس قبل الخطوة دى جربت تغيير ال Device Rom من UEFI إلى Legacy و لسبب ما إشتغل.

عندى طلب و إستفسار آخير..
الإستفسار: هل 8 جيجا رامات DDR3 هتكون كافية مع كارت كهذا فى الألعاب الحديثة؟.. انا شفت كام لعبة كده متطلبات تشغيلها الصغرى 8 و لكن المتطلبات الموصى بها 12 و احيانا 16 جيجا.. هل ممكن اواجه تقطيع مزعج مع العاب كهذه؟

الطلب: انا اول مرة فى حياتى استعمل كارت من Nividia فمعرفش أنزل التعريف منين و انهى تعريف هيكون المطابق لنظام تشغيلى.. انا windows 7 64bit .. فهل ممكن مساعدة فى هذا الأمر؟

تحديث: انا تقريبا خلاص وجدت التعريف 417.71 WHQL حجمه 500 ميجا.. ناقص بس الإستفسار

[abdalhaliem]

مبارك عليك الكارت أخى الكريم

بارك الله لك به

وكفاك الله شَرُّهُ

الأن لم يعد حجم 8gb كافى

عاجلاا أم آجلاا ستتوجه لزياده حجم الرام

لكنك ستعمل حالياا مع حجم الرام الذى لديك

بدون أى مشاكل

ولن تشعر بقدر كبير مما ذكرته



هل ممكن اواجه تقطيع مزعج مع العاب كهذه؟


لكننا نتحدث عن الأفضل والأصح

حجم 16gb ram

هو الحجم المثالى الأن


مبروك مره أخرى وبالتوفيق

[whiteknights]

شكرا لك أستاذنا عبد الحليم.. لو أمكن آخر سؤال, انا لاحظت إن مراوح الكارت لا تتوقف ابدا فى وضع الخمول حتى بعد تسطيب التعريف, سرعات المروحة طبيعية و الحرارة طبيعية و لكنها لا تتوقف. و كنت قد سمعت إن كروت الأجيال الحديثة هذه به خاصية ال Freeze توقف المراوح فى عدم الحاجة.. فما رأيك؟

[abdalhaliem]

غريبه جداا

مع أن تلك الكروت كما ذكرت بالظبط

لاتعمل ألا مع تصاعد درجه الحراره !!!

جرب أستخدام بروفايل للرام

عن طريق أحد البرامج المخصصه لذلك


بالتوفيق

[whiteknights]

للأسف أستاذ عبد الحليم الظاهر إن سرعة المراوح لا تنزل أبدا عن 33% فى الخمول حتى بعد تجربة بروفايل او التجربة يدويا لتوصيل السرعة إلى 0% لا تريد أن تنزل عن 33%, جربت إزالة برنامج MSI afterburner و تسطيب اخر نسخة و مازالت المشكلة
عموما انا معنديش مشكلة طالما سرعة المروحة تتصاعد مع صعود الحرارة بشكل طبيعى.. انا بس كنت فاكر إن تقنية الفرييز هذه بدونها يكون هناك مشكلة فى المراوح و ممكن تؤدى إلى سرعة تلفهم بما انها شغالة طول الوقت.

[abdalhaliem]

عموماا

كل شركه لها أسلوب بتطبيق التقنيه

حسب النظام المتبع بالتبريد الخاص بها

كما ذكرت أنت أعلاه

واضح أن نظام الكارت هكذا

بالمناسبه عمل المروحه بنسب منخفضه

( 33% )

أو ماشابه

لايمثل أى ضغط على المروحه

فلا تقلق من تلك الجزئيه


بالتوفيق

[Black foxer]

للأسف أستاذ عبد الحليم الظاهر إن سرعة المراوح لا تنزل أبدا عن 33% فى الخمول حتى بعد تجربة بروفايل او التجربة يدويا لتوصيل السرعة إلى 0% لا تريد أن تنزل عن 33%, جربت إزالة برنامج MSI afterburner و تسطيب اخر نسخة و مازالت المشكلة
عموما انا معنديش مشكلة طالما سرعة المروحة تتصاعد مع صعود الحرارة بشكل طبيعى.. انا بس كنت فاكر إن تقنية الفرييز هذه بدونها يكون هناك مشكلة فى المراوح و ممكن تؤدى إلى سرعة تلفهم بما انها شغالة طول الوقت.


مبارك عليك البطاقة اخي الكريم

قم بتصطيب برنامج Zotac المخصص لادارة البطاقات من هنا (https://hkftp.zotac.com/External/FireStorm/FireStorm.zip)

[whiteknights]

مبارك عليك البطاقة اخي الكريم

قم بتصطيب برنامج Zotac المخصص لادارة البطاقات من هنا (https://hkftp.zotac.com/External/FireStorm/FireStorm.zip)

شكرا لحضرتك أستاذ Black Foxer ... بالفعل انا كنت سطبت برنامج الفاير ستورم هذا و مازالت المروحة لا تنزل عن سرعة 33%.. الظاهر إنه بالفعل نظام التبريد هكذا عشان لما دخلت على صفحة الكارت وجدت مكتوب cooling: Dual IceFans (Freeze Technology not available)
على الرغم إنه فى الورقة اللى فى علبة الكارت مكتوب إنه به تقنية الفرييز.. لكن تخمينى إن فى هذه النسخة من Zotac ال 10M التبريد بهذا الشكل

[nazeh000]

لا تقلق انا كان عندى نسخة زاتوتك GTX 970 كانت نفس القصة فى موضوع المراوح دة

[Black foxer]

وناس كتيرة بتشتكي منها للGTX 1070 و 1080 TI ومفيش فايدة كل مرة يقولوا هنحلها في تحديث جديد ومبيحصلش

[abdalhaliem]

الخلاصه أخى الكريم لاتقلق

كما ذكرنا أعلاه

بالتوفيق