مطلوب تجميعة للمدى الطويل

[medo tarek]

- أقصى ميزانية محددة:15 ألف
- استخدامك للجهاز: تصفح الانترنت +اليوتيوب+ الأفلام+ الفوتوشوب +الأدوب بريمير في اتجاه مستقبلا انه يشغل الهاكنتوش
- حجم الشاشة و الدقة (Resolution) التي تستخدمها: 1080
- القطع التي تنوي شراءها: كيسه كاملة بهارد sdd وحاليا انا مش عاوز اشتري كرت شاشه عشان مش معايا فلوس بصراحه فيفضل يكون الموذر بورد او المعالج بيدعمو كرت داخلي
- القطع التي ستعيد استخدامها من الجهاز القديم:الشاشه فقط
- ميعاد شراء الجهاز: الشهر القادم
- مكان الشراء:القاهرة
- محل سكنك:القاهرة
يفضل معالج i7 وياريت اعرف هو احسن واللا ryzen 2700x
أنا مش هافكر أحدث قبل 5 سنين ولو هاجيب كرت شاشه خارجي فهيكون بعد سنه من دلوقتي وألعابي خفيفه اصلا انا مش جيمر

[medo tarek]

لو سمحتم محتاجه اشتري التجميعه دي الشهر الجاي

[abdalhaliem]

مرحبا أخى الكريم

تفضل


Gigabyte H370 AORUS GAMING 3 Socket LGA 1151 = 2750

Intel Core I7-8700 6-Core 3.2GHz LGA 1151 = 6750

Crucial Ballistix Sport LT 8GB DDR4 2400 CL16 1.2V = 1550

Western Digital (WD) Caviar BLUE WD10EZEX 1TB SATA 6Gb/s 64MB Cache HDD 7200RPM = 850

Samsung 860 EVO Series 250GB M.2 SATA 6Gb/s = 1200

Cooler Master MasterBox MB501L Mid Tower Desktop Case + Cooler Master Elite V3 600W PSU = 1950

بأجمالى = 15050

بالنسبه لنظام

ال Macintosh المعدل

( Hackintosh )

لايعمل مطلقاا مع معالجات amd


بالتوفيق

[medo tarek]

تمام متشكر جدا لاهتمام حضرتك
انا شوفت التجميعه وشوفت اسعارها لو هاجيبها من امازون لقيت نفسي ممكن اجيب حاجات منه بسعر اقل منه زي البروسيسور ممكن بالسعر 6750 الاصدار 8700 k
,والرامات لقيتها منها ترددات اعلي من 3000 ليه حضرتك رشحتلي تردد 2400 وانا اعتقد اني بسعر الرامات دي اقدر اجيب دي
Corsair Vengeance LPX 16GB (2x8GB) DDR4 DRAM 2133MHz C13 Desktop Memory Kit - Black (CMK16GX4M2A2133C13)من امازون بسعر 1800 او اعلى حاجات بسيطه


وحضرتك ترشحلي اجيب من امازون حاجات زي البروسيسور والرامات والهاردات عشان السعر والوزن احسن من هنا واخلي البورده والباور والكيسه من ههنا من مصر واللا ايه راي حضرتك

[medo tarek]

الحاجه التانيه لو هستغني عن نظام الهاكنتوش ومش هاعتمد عليه اوي يعني
ايه الافضل فى التجميعه الرايزين واللا الانتل فى الامكانات دي وعلى حسب طبيعه عملي

[abdalhaliem]

الشكر لله أخى الكريم




انا شوفت التجميعه وشوفت اسعارها لو هاجيبها من امازون لقيت نفسي ممكن اجيب حاجات منه بسعر اقل منه زي البروسيسور ممكن بالسعر 6750 الاصدار 8700 k



مكان الشراء كما تريد وكما تحب





والرامات لقيتها منها ترددات اعلي من 3000 ليه حضرتك رشحتلي تردد 2400 وانا اعتقد اني بسعر الرامات دي اقدر اجيب دي


Corsair Vengeance LPX 16GB (2x8GB) DDR4 DRAM 2133MHz C13 Desktop Memory Kit - Black (CMK16GX4M2A2133C13)

















لأن الترددات العاليه

لن تعمل ألا مع الكسر !!!

اللوحه بالتجميعه بشريحه h370

وتلك الشريحه + المعالج

غير قابلين للكسر

واللوحه تدعم تلك الترددات

2666/2400/2133

وأيضا المعالج أقصى مايدعمه

تردد 2666

فلماذا أرشح لك ترددات عاليه ؟؟؟؟







الحاجه التانيه لو هستغني عن نظام الهاكنتوش ومش هاعتمد عليه اوي يعني
ايه الافضل فى التجميعه الرايزين واللا الانتل فى الامكانات دي وعلى حسب طبيعه عملي



بالنسبه لما ذكرته أعلاه بخصوص طبيعه عملك

فلم تذكر شيئاا به تخصص

لاأنت جيمر مثلا وتمارس الألعاب

لتذهب مع أنتل

ولاأنت مبرمج ومحرر فيديوهات

لتذهب مع amd

ماذكرته أعلاه أغلب الناس تستحدمه

عموماا بالنسبه للرايزن

فأغلب معالجاته بدون معالج رسومى مدمج

لذلك ستذهب مع معالجات apu

وبالطبع معالج

ك 8700 سواء العادى أو ال k

سيكون أفضل وأقوى كثيراا

من معالجات ال apu


بالتوفيق

[medo tarek]

اصل انا مش فاهم في الأرقام بتاعه الرامات ولا حاجه وكنت فاكر ان التردد الأعلى يعني الراامات بتبقى اسرع وكدا
وياريت لو فيه لينكات شارحه للموضوع دا وموضوع المعالج المدمج عشان اقدر اشغل عليه رسوميات والعاب عشان انا مش هاشتري كرت دلوقتي بسبب نقص الميزانيه بس هاشتري مستقبلا بعد سنه ان شاء الله
فحابب اكون فاهم الموضوع

[medo tarek]

وانهي هارد احسن فى دول
السامسونج اللى حضرتك اقترحته واللا دا عشان بنفس السعر على امازون
WD Blue 3D NAND 500GB PC SSD - SATA III 6 Gb/s, M.2 2280 - WDS500G2B0B

[abdalhaliem]

القصه لاتحتاج شرح مطلقا

كل بورده + كل معالج

يتحكمون بسرعه الرامات

بالكيفيه التى تم تصنيعهم بها

وعندما تصل ألى أقصى تردد تدعمه هذان القطعتان

أى سرعه زياده عن ذلك

ستكون مهدره

وتكون هى والعدم سواء

فالرام لابد أن يعمل بتناغم تام

مع المعالج وأيضا نواقل اللوحه الأم

وهو مقيد بما تسمحان به من سرعات

لذلك يتم الكسر

لفتح معامل ضرب المعالج

وبالتالى زياده فى سرعته

وسيسمح بتلك الحاله بتردد أعلى للرام

( طبعا هذا بحال أن اللوحه والمعالج داعمان للكسر )

ماعدا ذلك

عليك التقيد بالنسب الطبيعيه

للمعالج واللوحه الأم

والمعالج الرسومى المدمج

هى مساحه بالمعالج المركزى

مخصصه للمعالجه الرسوميه

ويطلق عليها مجازاا

( الكارت الداخلى )

وهذا المعالج تتفاوت قوته

من شركه ألى أخرى ومعالج ألى أخر

لكنه بالنهايه يبقى محدود الأمكانيات

وألا وفر الجميع

ألوف الجنيهات ثمن كروت الشاشه

فكارت الشاشه

له رام ومعالج وبورده ودوائر طاقه

ألخ ألخ ألخ

يكاد يكون كمبيوتر مستقل بذاته

لذلك لاوجه للمقارنه

بينه وبين المعالج الرسومى المدمج




وانهي هارد احسن فى دول
السامسونج اللى حضرتك اقترحته واللا دا عشان بنفس السعر على امازون


WD Blue 3D NAND 500GB PC SSD - SATA III 6 Gb/s, M.2 2280 - WDS500G2B0B

















بالطبع السامسونج


بالتوفيق دائما

[medo tarek]

تمام انا كدا فهمت حاجات كتير
ودخلت على موقع المعالج i7 8700 لقيت بيدعم رامات لحد تردد 2666 كدا يبقى اشتري رامات ماتزدش عن التردد عشان أوفر فلوس على الاقل
ولقيت قدامي انواع كتيره من الرامات بس السعر اللى محدده ليها 100 دولار مثلا لقيت دول
Ballistix Sport LT 16GB Kit (8GBx2) DDR4 2666 MT/s (PC4-21300) SR x8 DIMM 288-Pin - BLS2K8G4D26BFSBK (Gray)

بسعر 99 دولار
ولقيت دي بسعر 103 دولار
Corsair Vengeance LPX 16GB (2x8GB) DDR4 DRAM 2666MHz (PC4 21300) C16 Desktop Memory Kit - Black (CMK16GX4M2A2666C16)

وبالنسبه للبورده ان شاء الله هاشتري اللى حضرتك قلتلي عليها دي بس انا مش شايف المخرج بتاع كابل الشاشه اللى احنا متعودين عليه هل هي كدا بتتدعم انها تشتغل واللا لازم اشتري كارت شاشه دلوقتي
وياترى الهارد اللى حضرتك اقترحته m.2 ]دا هينزل عليه الويندوز وبرامجي وكدا واللا دا حاجه زي الرامات
اصل انا عارف ان الهاردات يالعاديه يال sdd اول مره اشوف دا وشوفت شكله مافهمتهوش هو عاوز ايه بالظبط وبلاقي نفس السعه واكتر باسعار اقل من اللى حضرتك اقترتحته فايه سر ارتفاع دا عن اللى قلته حضرتك ومساحته 500 جيجا مانا عاوز استفاد
من المساحه برضو
فاهمني حضرتك
ولو فيه الكارت دا هل كفيل انه يشغللي برامج الفوتوشوب والادوب بريمير ببشكل مؤقت لحد اما اشتري واللا هيأثر عالأداء جامد
وبالنسبه للباور سبلاي انا ناوي ان شاء الله مستقبلا ابقى اشتري كرت في حدود 6 الاف بحد أقصي بعد سنه كدا هل هيبقى كافي من دلوقتي
وانا اسف جدا عالإطاله
اعذرني عشان انا مش فاهم حاجه فى المكونات بصراحه وحابب أفهم الدنيا ماشيه ازاي
من الاخر كدا انا عاوز اشتري احسن حاجه فى السعر دا دلوقتي حتى لو هزود الف او الفين كمان بس عشان انا مش ناوي اغير غير بعد 5 او 7 سنين عالاقل

[abdalhaliem]

مرحبا أخى الكريم




ودخلت على موقع المعالج i7 8700 لقيت بيدعم رامات لحد تردد 2666 كدا يبقى اشتري رامات ماتزدش عن التردد عشان أوفر فلوس على الاقل
ولقيت قدامي انواع كتيره من الرامات بس السعر اللى محدده ليها 100 دولار مثلا لقيت دول
Ballistix Sport LT 16GB Kit (8GBx2) DDR4 2666 MT/s (PC4-21300) SR x8 DIMM 288-Pin - BLS2K8G4D26BFSBK (Gray)
بسعر 99 دولار
ولقيت دي بسعر 103 دولار
Corsair Vengeance LPX 16GB (2x8GB) DDR4 DRAM 2666MHz (PC4 21300) C16 Desktop Memory Kit - Black (CMK16GX4M2A2666C16)



الرامتين ممتازين فالذهاب مع أيهما خيار جيد




وبالنسبه للبورده ان شاء الله هاشتري اللى حضرتك قلتلي عليها دي بس انا مش شايف المخرج بتاع كابل الشاشه اللى احنا متعودين عليه هل هي كدا بتتدعم انها تشتغل واللا لازم اشتري كارت شاشه دلوقتي


لا طبعا مش لازم تشترى كارت شاشه الأن

البورده بها مخرجان HDMI / DVI-D
https://static.gigabyte.com/Product/2/6507/2018033010054314_big.png
أذا كنت تقصد مخرج ( VGA )

فقد أنتهى عصرها تماماا




وياترى الهارد اللى حضرتك اقترحته m.2 ]دا هينزل عليه الويندوز وبرامجي وكدا واللا دا حاجه زي الرامات
اصل انا عارف ان الهاردات يالعاديه يال sdd اول مره اشوف دا وشوفت شكله مافهمتهوش هو عاوز ايه بالظبط وبلاقي نفس السعه واكتر باسعار اقل من اللى حضرتك اقترتحته فايه سر ارتفاع دا عن اللى قلته حضرتك ومساحته 500 جيجا مانا عاوز استفاد
من المساحه برضو



الهارد الذى أخترته لك ذو سعر أقتصادى بفئته

وبسعر 1200

( حتى لاتزيد الميزانيه )

هو صحيح هارد M.2 لكنه SATA

أى أن سرعته ليست كبيره 6GB/S

( توجد هاردات M.2 ذو سرعات كبيره لكن بأسعار مرتفعه وتتمتع بتقنيه NVMe )

وممكن أستبداله بهارد 2.5 inch من نفس النوع


https://static1.caseking.de/media/image/thumbnail/ssss-134_ssss_134_01_800x800.jpg


وبالطبع توجد أحجام منه كبيره أنما السعر هو من يحدد

وشركه Samsung رائده

بتصنيع شرائح V-NAND

لذلك نفضلها على غيرها

لكن أن كان هناك مايروق لك فلا بأس




ولو فيه الكارت دا هل كفيل انه يشغللي برامج الفوتوشوب والادوب بريمير ببشكل مؤقت لحد اما اشتري واللا هيأثر عالأداء جامد



عن أى كارت تتحدث ؟؟




وبالنسبه للباور سبلاي انا ناوي ان شاء الله مستقبلا ابقى اشتري كرت في حدود 6 الاف بحد أقصي بعد سنه كدا هل هيبقى كافي من دلوقتي



بأذن الله سيكفى





من الاخر كدا انا عاوز اشتري احسن حاجه فى السعر دا دلوقتي حتى لو هزود الف او الفين كمان بس عشان انا مش ناوي اغير غير بعد 5 او 7 سنين عالاقل



أذا كان الأمر كذلك

أستبدل هارد ال M.2 بهذا الهارد
https://images-na.ssl-images-amazon.com/images/I/81ikkZBkIgL._SL1500_.jpg
Samsung 970 EVO 500GB - NVMe PCIe M.2 2280

فهو يتمتع بتقنيه NVME

وأسرع كثيراا من الهارد السابق ذكره أعلاه


بالتوفيق دائما

[medo tarek]

تمام كدا انا فهمت حاجات كتير
بس انا ملاحظ ان البروسيسور مش معاه مروحه دا عادي يعني واللا ايه
كمان
انا كنت بتكلم عالكرت المدمج فى المكونات سواء المعالج او البورده هل دا هيشتغل معايا كويس عالادوب بريمير والافتكر ايفكيت لحد ماشتري حاجه تانيه ومثلا اداءه هل هيشتغل لعبه زي pes 2018 مثلا
واعرف منين المعلومات دي
سؤال اخير هو فيه فرق في الأداء مثلا فى سرعه الجهاز في الفتح والقفل والنقل وفتح البرامج بين المعالج اللى فيه كسر سرعه والمعالج اللى مافيهوش وهل الفرق دا يستاهل التمن اللى بندفعه في بقية لوازمه واللا مين الفئة المعينه اللى بتحتاج الحاجات دي اصل انا طلعت في دماغي اجيب الجيل التاسع ولقيت مافيش منه غير اللى بيكسر السرعه وزياده حوالي الفين ونص مثلا دا غير التبريد بتاعه وفرق البورده والرماات
الحقيقه انا دكتور جامعي ومحتاج جهاز للاعمال المكتبيه فى المقام الاول + عمل تصميمات عليه وشروحات لشرح برامج جرافيك ومونتاج زي مجموعه ادوبي وكدا وبفكر مستقبلااني اشتغل عليه شغل ديزاين لنفسي فري لانس يعني
فهل انا محتاج حاجه فيها كسرسرعه واللا مش انا الفئة دي
وانا اسف جدا عالاطاله

[abdalhaliem]

المعالج الرسومى وظيفته

التصفح ومشاهده الفيديو

وبعض الألعاب المتوسطه

لاتنتظر منه الكثير

وبالنسبه لمشتت المعالج

أذا كان غير موجود مع المعالج

ستقوم بشراء مشتت

[medo tarek]

تمام كدا انا استقريت عالتجميعه دي خلاص
لو لحضرتك اي ملاحظات عليها قبل ماطلب نصها من امازون والنص التاني هنا من القاهره ياريت تبلغني
Intel Core i7-8700 Desktop Processor 6 Cores up to 4.6 GHz LGA 1151 300 Series 65W
Gigabyte H370 AORUS GAMING 3 Socket LGA 1151
CORSAIR Vengeance RGB PRO 16GB (2x8GB) DDR4 2666MHz C16 LED Desktop Memory - White
Samsung 970 EVO 500GB - NVMe PCIe M.2 2280 SSD (MZ-V7E500BW)
Cooler Master MasterBox MB501L Mid Tower Desktop Case + Cooler Master Elite V3 600W PSU

مع ملاحظه اني هشتري المعالج من امازون امريكا هيقف عليا بما يعادل مصري 5950
والرامات بما يعادل 2250
والهارد بما يعادل1600
والباقي هاجيبه من هنا من القاهره
فياريت لو فيه ملاحظات تقوللي وياريت لو فيه كيسه احلى من دي عشان دي شكلها مشش لطيف بصراحه انا اخري للكيسه 1500

[الواد ميشو]

الباور أخي الكريم ..
حاول توفير باور أكثر اعتمادية قدر الامكان يعنى ممكن تبقى على الكيس
بس فيه باور زي Cooler Master MWE 550 230V 80 Plus EU PSU وداه مع الكيسة ممكن يكون في حدود 2000

[medo tarek]

https://e.top4top.net/p_1153ljx8y1.png
https://e.top4top.net/p_1153ljx8y1.png (https://up.top4top.net/)
طب دلوقتي انا طلبت الرامات دي أمازون عن طريق موقع وسيط و
قاللى ان الشحنه دي خطيره وكدا
حد طلب قبل كدا رامات وحصل فيها مشاكل في الجمارك
وبعدين ايه الباور البديل طيب اللى عاوزييني اغيره

[abdalhaliem]

ياعزيزى القصه وما فيها

أحنا مش عاوزينك تغير حاجه

أحنا ملتزمين بسقف الميزانيه التى قمت بتحديدها

والباور المدمج بالكيس سيعمل معك

وهو معتمد وليس تجارياا !!!

وقد سألتنى سابقاا

وذكرت لك أنه سيعمل معك بدون مشاكل !!

لكن لو أردت الأفضل بالطبع

الباور المنفصل أفضل

لكن سيكلفك

القصه حسب ميزانيتك

أليك باور أفضل


SeaSonic S12II Bronze 620W 80 PLUS Certified PSU = 1700


بالنسبه للكيس هناك أشكال وألوان

وأنا بصراحه لاأهتم بالشكل

فقط أهتم بالأداء

وأعتبر النقود التى تنفق

من أجل شكل الكيس الخارجى

أهدار للأموال

والأفضل أنفاقها على العتاد الداخلى

عموماا لك حريه التصرف

أدخل وأختار ماتريد


من هنا (https://goo.gl/AiZ7na)
(https://goo.gl/AiZ7na)

بالتوفيق

[medo tarek]

متشكر جدا على ردوكم والله وبعتذر جدا عن الاطاله بس انا بواجه مشكله فى شراء الرامات من الخارج وميزاتيني للرامات محدود فلقيت فيه رامات جيجا بايت فى مصر 16 جيجا ب2500 Gigabyte16GB (2 X 8GB) DDR4 2666 CL16 Desktop Memory
Capacity: 16GB
Kit (2 x 8GB)Frequency:DDR4-2666 MHz
Timing:16-16-16-35
Voltage:1.2VProfile: XMP 2.0
إيه رأيكم فيها

[abdalhaliem]

ياريت تكتب كود الرامه أفضل

بانتظارك

[medo tarek]

ياريت تكتب كود الرامه أفضل

بانتظارك[/QUOTE]
انا معرفش فين كود الرامه انا لقيتها فى موقع اسعار مصر
https://www.********.com/en/price/gigabyte-16gb-2-x-8gb-ddr4-2666-cl16-desktop-memory

ودخلت على موقع جيجا بايت لقيت دا GP-GR26C16S8K2HU416
وياريت لو أمكن حضرتك كنت اقترحلتي اجيب هارد samsung evo 250
انا قلت ازود حوالي 700 جنيه واجيب samsung evo plus 500 gb
بس لاحظن ان سعر البلس فى ال500 ارخص من سعر العاادي
هو مين فيهم الاحسن البلس واللا العادي

[abdalhaliem]

لن تستطيع أرفاق رابط مباشر

لموقع أيجى برايس

لأنه محظور هنا

بالنسبه للهارد والأسعار

فتختلف من تاجر ألى أخر

والفئتان لايختلفان كثيراا

بالنسبه لكود الرام

فهو مهم للبحث عن أى معلومه تخص الرام

وأيضا لمراجعه جدول الرامات المدعوم

من قبل اللوحه الأم

كمثال

تلك الرامه


https://www.amazon.com/HyperX-Kingston-Technology-PC4-19200-HX424C15FBK2/dp/B013H7Q86C/ref=sr_1_2_sspa?keywords=ddr4&qid=1551454823&s=gateway&sr=8-2-spons&psc=1



ستجد الكود الخاص بها

HX424C15FBK2/8


وعند أجراء بحث عن هذا الكود

جميع النتائج

ستوصلك ألى الرام المنشوده


بالتوفيق

[abdalhaliem]

أنا أيضا عندى سؤال فنى

هو حضرتك كعضو

الكينج محمد عمار

ولا ميدو طارق

؟؟!!!

[abdalhaliem]

أزدواج العضويه

ممنوع حسب قوانين المنتدى

ومخالفتها أزاله العضويتان تماماا

لكننا سنفترض حسن النيه

مع تجنب تكرار ذلك

أرسل رساله خاصه

أذكر بها العضويه التى ترغب بأزالتها


بأنتظارك

[medo tarek]

أشكرك شكرا جزيلا لسعة صدرك وحرصك على تمام النفع والافادة
وأتمن ان ترح بالي في الانتهاء من هذه التجميعة التي تعبتني كثيرا والله

[الواد ميشو]

وأتمن ان ترح بالي في الانتهاء من هذه التجميعة التي تعبتني كثيرا والله
اذا سمحت ..
حاول تحدد الميزانية بالظبط ولا تخرج عنها أي لا تفكر مثلا اذا ضفت كذا وكذا واشتري الاعلى أحسن وكدا(اذا كانت دي الفكرة)
أما لو الحيرة في عدم الاستقرار على قطع معينة هات أعلى حاجة ممكن تجبها\أو متاح شراؤها يعنى في حالة الرمات لو متاح تردد 3000 هاته وكدا في الهارد هات الموديل الاحسن طالما مش هتفرق كثيرا الزيادة..
وفي النهاية..الصرف هيبان أثره في المستقبل ويقعد أطو فترة ممكنة ان شاء الله

ولك التحية ...

[medo tarek]

الميزانية 18 ألف جنيه بدون كرت الشاشه وهارد sdd واحد مع الاخذ في الاعتبار ان هاشتري البروسيسور والرامات من بره ودول هيوفرولي عن سعرهم فى مصر هنا مع بعض حوالي الفين جنيه يعني على سبيل المثال
اقدر اجيب البروسيسور i7 8700 ب5900 في حين ان سعره فى مصر هنا مش اقل من 6700
والبروسيسوير i7 8700k ب6800 في حين ان سعره هنا فى مصر بيبدأ من 7700
والبروسيسور i7 9700 اقدر اجيبه ب7800 من بره
واجيب الرامات 16 جيجا بسعر لايتجاوز 2500 في حين إن مثيلتها هنا في مصر مش اقل من 3500
والهارد تقريبا نفس السعر
ياريت بقى تظبطولي التجميعه على كدا شوفو احسن حاجه ايه اجيب حاجه بتدعم كسر السرعه واللا اجيب حاجه عاديه
وانا متأسف جدا جدا عالاطاله اعذروني انا مش بشتري كل يوم انا تقريبا بشتري كل 5 سنين او 6 سنين
انا الحقيقه

[الواد ميشو]

تماام..
يبقى حضرتك ممكن تجه للخارج وتكون القطع
i7 9700k بس خد بالك لازم هتجيب مشتت لان مافيش 9700 بس حاليا
MSI MPG Z390 GAMING PRO CARBON هي عاملة هنا 4500
أو MSI MAG Z390 TOMAHAWK Socket LGA 1151 Motherboard عاملة 3650 هنا
وتجيب الرمات
بس يرجى التأكد أن ممكن توفير كيسة وباور منفصلين من هنا أولا(وكمان الباور يفضل ألا يقل على 750 وات-أو لو هتجيب حاجة لوحدها من هنا شوف هينفع ولا لأ.
وشوف لو الميزانية وسعت.. يبقى هتختار الــ8700K حتى لو لا توجد نية للكسر(من وجهة نظري) لان أداؤه قوي بغض النظر عن الكسر

وبالتوفيق ..
واتمنى يكون فكرتي وصلت لحضرتك ولك التقدير والتحية..

[medo tarek]

مافهمتش تقصد ايه بحته ان 9700 مالوش مشتت ماكلهم مالهمش مشتت ولازم نشتريله واللا قصد حضرتك انه مش متوفر ليه فى مصر مشتت
وليه البورده غاليه اوي كدا انا كنت عامل حسابي فى بوردتين بحد اقصى 3300 مثلا
لو مش هكسر السرعه هاخد
Gigabyte H370 AORUS GAMING 3 WIFI Socket LGA 1151 Motherboard = 3150
ولو هكسرها هاخد
Gigabyte Z370 AORUS Gaming K3 Socket LGA 1151 Motherboard = 3300 بس مش عارف دي فيها واي فاي واللا لا انا عاوز حاجه فى نفس السعر دا فيها واي فاي
ومش فاهم حضرتك تقصد ايه بان ال8700k احسن من العادي حتى لو مش هكسر مش المفروض الاتنين واحد
الحاجه الاخيره اللى نفسي افهمها تردد الرامات اللى هو 2666 و 3000 واكثر مين اللى بيبحددها المعالج واللا البورده

[abdalhaliem]

مرحبا أخى الكريم

تم حذف العضويه الأخرى كما طلبت

مبدئياا حتى نركز معك أجد أنك لاتستقر على شىء معين

حدد ماذا تريد

فأذا ذهبت مع الجيل التاسع مثلا

عليك تحديث البيوس لشريحه z370 أو h370

لكى تستطيع العمل على تلك المعالجات

أو تذهب مباشره مع الشريحه المخصصه لهذا الجيل Z390

حدد ماذا تريد تحديداا حتى لاتتشتت

وتذهب ترشيحاتنا ادراج الرياح

هل تذهب مع الجيل الثامن أم التاسع ؟؟؟

( الفارق بينهما مخيب للآمال )

هل ستقوم بالكسر من عدمه ؟؟؟



ومش فاهم حضرتك تقصد ايه بان ال8700k احسن من العادي حتى لو مش هكسر مش المفروض الاتنين واحد


بالحقيقه الأجابه هى نعم

بدون الكسر يعتبر الأثنان واحد

https://ark.intel.com/content/www/us/en/ark/compare.html?productIds=126684,126686


فقط المعالج من الفئه ( k )

يتميز بتردد أعلى قليلاا لكن بنسبه لاتؤئر بالأداء

وعموماا معالجات الجيل الثامن أتت بتردد

مع خاصيه Max Turbo Frequency

لن تحتاج معه أى كسر

كمثال المعالج العادى 8700 مع تلك الخاصيه

يصل تردده ألى 4.60 GHz

ماذا تريد أكثر من ذلك !!


الحاجه الاخيره اللى نفسي افهمها تردد الرامات اللى هو 2666 و 3000 واكثر مين اللى بيبحددها المعالج واللا البورده



الرامات ذو التردد العالى ( أكثر من 2666 )

لابد من الكسر لكى تستفيد من ترددها العالى


الموضوع ببساطه كالتالى

منصه تقبل الكسر

ومنصه أخرى لاتقبل الكسر

المنصه الأولى

لابد من توافر لوحه تدعم الكسر

بالأضافه لمعالج يدعم الكسر

وسبب أن الرامات ذو التردد العالى

لن تصل ألى هذا التردد

ألا بحاله الكسر

لأنه ببساطه شديده المعالج يدعم أفتراضياا

بالوضع الطبيعى

أقصى تردد للرام 2666

وهناك علاقه وثيقه بين الرام والمعالج

عباره عن قنوات اتصال بينهما

لذلك الرام مقيد تماماا

بما يسمح به المعالج من سرعه

واذا أردنا أن نجعل المعالج من الفئه ( k )

أن يسمح للرام بسرعه أعلى

( تردد أعلى )

علينا أن نكسر المعالج نفسه

كما أن اللوحه الأم أيضا لها دور بتحديد

سرعه تردد الرام حسب ماتسمح به النواقل التى عليها

أظن الكلام واضح جداا ألى الأن
*************

بالنسبه للمنصه الغير قابله للكسر

بطبيعه الحال لن تستطيع كسر أى معالج عليها

وبالتالى لن تستطيع الوصول بالتردد

ألا ألى أقصى مايسمح به المعالج نفسه

( 2666 )


بالتوفيق

[medo tarek]

تمام جدا جدا يا أستاذ عبدالحليم حضرتك وضحتلي حاجات كتيره جدا كنت محجتاج أفهمها
وبناء على كلامك طالما الفرق مخيب للامال بين الجيل التاسع والجيل التامن وبالاضافه لوجود خاصيه التيربو اللى بتعلي بالمعالج العادي 4.60 GHz
فانا خلاص قررت اجيب العادي منه طالما مش هاحس بفرق
وعامه استخدامي فى الفتره المقبله هيكون بكل أمانة البرامج الاتيه ادوبي بريمير وانديرايزن واليستراترو وفوتوشوب وافتر افيكت دا غير التصفح الكثير للانترنت
دا طبيعة شغلي
فحضرتك رشحلي اكتر حاجه مناسبه مع الاخذ بالاعتبار الحاجات اللى هشتريها من بره بسعر اقل من هنا في مصر
وشكرا جزيلا لسعة صدرك