ممكن افهم ليه الشركات بتشرط على العميل لشراء تجميعه كاملة ؟ !

[Mahmoud99]

السلام عليكم ورحمه الله وبركاته
من يومين عملت مشاركة فى المنتدى هنا وفى نفس القسم وكنت بسال احسن مكان اشترى منه تجميعة كمبيوتر
كلمت شركة البدر جروب بما ان 2 من الاعضاء شكرو فيها
كلمهتم على الفيس بقولهم عاوز لوحة H370 gaming 3 wifi قالولى سعرها 3100
كلمتهم بعدها على التليفون عشان اتفق معاهم ويبعتوهالى عن طريق شركة شحن وانا بكلمهم قالولى ان سعرها 3500 والشحن عليك
بقولهم ازاى وانتو قلتولى انها ب 3100 قالولى لو خدتها مع تجميعه هتاخدها ب السعر دا لكن لوحدها ب 3500 والشحن عليك
قلتلهم انا عاوزها دلوقتى وفيما بعد هكمل باقى التجميعه من عندكم قالولى لا مينفعش لازم على الاقل برسسور ورامات قلتلهم ماشى هاخد معاها رامات قالولى مينفعش لازم برسسور ورامات

اللى عاوز افهمه لية الشركات بتعمل كدا ؟؟؟ هما مش عارفين اننا فى مصر ولا ايه وان الواحد بيجمع تمن الحاجه بصعوبة لية بيشرطو على العميل انه يشترى حجات هوا مش عاوزها
وفى النهاية احب ترشحولى شركة تانى يكون متوفر عندها اللوحة دى مش عارف هيا ليه مش موجوده عند كل الشركات وشكرا ليكم

[abdalhaliem]

مرحبا أخى الكريم

شاهدت موضوعك

الذى تسأل عن شركات البيع ولم أعلق

لسبب بسيط

كلهم تجار همهم الأساسى الربح

وقد يكون شخص ما أرتاح لشركه معينه

وتجد شخص أخر مع نفس الشركه ذاق الأمرين

القصه ليس لها مقياس ثابت

نصيحه أخى الكريم

لاتلتفت لأى ترشيحات لأى شركه أو تاجر

تجول بمختلف المولات

وأسأل تجار بقدر ماتستطيع

ألى أن تجد مبتغاك بأفضل سعر

وستجد حتما

من يوافق على بيع البورده منفصله

أما لماذا يقوم التجار بذلك

هو الجشع والعياز بالله



بالتوفيق

[Mahmoud99]

استاذى الفاضل عبد الحليم لك منى تحية طيبة وانى احبك فى الله لما قدمته لى من نصائح فى مواضيع سابقة لن انساها لك ابدا
وبما يخص الموضوع ف حسبى الله ونعم الوكيل فعلا انا بمشى ورا كلام الناس ولكن انا كلمت شركة البدر لان الناس هنا ليها خبرة فى المواضيع دى قلت اخد رأيهم
لانى للاسف مش من القاهرة علشان اسال واروح المحلات والشركات

فى شركة حاليا لقيت عندها اللوحة اسمها up to date computer اية رايك فيها انا هاخد اللوحة من عندهم شحن
محتاج فعلا اعرف رايك

وهل لو استنيت شوية ممكن اقدر الاقيها فى شركة تانى ولا Gigabyte مش هتنتج منها تانى
وعاوز حضرتك تقولى اية ارخص برسسور ممكن يركب عليها
وشكرا ليك جدا

[abdalhaliem]

مرحبا أخى الكريم

أشكرك اخى الحبيب على كلماتك الطيبه

ويسعدنا دائماا دوام التواصل معك
*******************

بالنسبه للتجار ياأخى الكريم

لانستطيع أن نزكى أحداا

وبالنسبه لشركه البدر

فهى فعلا شركه محترمه

لن هذا لايكفى لكى نرشحها

فالمفروض ضمنا

أن كل الشركات تتمتع بالسمعه الحسنه

وما يجعلنا نفضل هذا عن ذاك

السعر وخدمه مابعد البيع

وللأسف كونى من أبناء محافظه الأسكندريه

فأغلب تلك الشركات

لايوجد تعامل مباشر معها


لكن طالما أتفقت

مع أى شركه على الشحن

وكان الدفع وقن الإستلام

أذا لاتوجدمشكله

وأنت كنت أفضل التعامل مباشره

حتى لو أضطريت للنزول للقاهره يوما

**********************

وبالنسبه لجيل الفئه 3xx

فمازالت مختلف الشركات تنتج كافه موديلاتها

لكنه السوق المصرى وتحكم التجار به !!!!

بالنسبه لجزئيه أقل معالج

فتوجد معالجات Celeron

كمعالج G4900 أو G4920

وتوجد معالجات Pentium

كمعالج G5500 أو G5600

وصولاا لمعالجات ال Core

كمعالج i3 8100

ثم i5 / 17 / 19


بالتوفيق دائما

[Mahmoud99]

شكرا استاذى الفاضل
للعلم تواصلت مع الاستاذ محمد المدير فى شركة البدر جروب والراجل قالى هبعتلك اللوحة من غير ما تاخد اى حاجه معاها
محتاج اعرف من حضرتك بقى ضمان اللوحه المفروض يكون اد اية

[abdalhaliem]

الشكر لله أخى الكريم

غالباا الضمان الفعلى 11 شهراا

وأحيانا ضمان مترا يعطى 3 سنوات

لكن الضمان الفعلى

لأغلب قطع الهاردوير 11 شهرا

بالتوفيق

[Mahmoud99]

شكرا لك استاذى الفاضل
واخيرا كيف لى ان اعرف ان اللوحة لم يتم فتحها مسبقا وانها سليمة ولا يوجد بها عيوب
ومتاسف للاطالة على حضرتك

[abdalhaliem]

الشكر لله أخى الكريم

لو تقصد عدم فتح الكرتونه

فهذا يحدث كثيراا

يتم معاينه عده لوحات

من قبل العميل قبل الشراء

لذا فموضوع فتح الكرتونه

للنظر ألى اللوحه ومعاينتها

أمر وارد الحدوث ولاتوجد مشكله منه

العبره هل تم تركيبها وتجربتها أم لا

قم بمعاينه سوكيت المعالج جيداا

سيكون مغطى بغطاء بلاستيكى

قم بنزعه ومعاينه

مكان السوكيت جيداا

الجديد الذى لم يستعمل يختلف حتما

عن الذى تم تركيب معالج عليه

كما أنى أعتقد

أن ماتتحدث عنه نادر الحدوث

لاتقلق وتوكل على الله


موفق دائماا

[Mahmoud99]

اولا شكرا لك استاذى الفاضل
وفعلا حضرتك فهمت قصدى

شكرا لك مره اخرى لما تقدمه لنا احبك فى الله

[abdalhaliem]

اولا شكرا لك استاذى الفاضل
وفعلا حضرتك فهمت قصدى

شكرا لك مره اخرى لما تقدمه لنا احبك فى الله


الشكر لله أخى الكريم

موفق بأذن الله

وبأنتظار جديدك

[ryko2]

نفس اللى انا مريت به لما فكرت اشترى قطعة قطعة من الجيل التامن وسددوها فى وشى ربنا يسددها فى وشهم

وكنت بقول نفس اللى بتقوله ان الواحد بيحاول يجمع تمن القطعة الواحدة بالعافية ويمكن الواحد بيحتاج الفلوس دى فى حاجات اهم بس هى هواية الحاجات دى هى اللى بتخلى الواحد يبص انه يحدث بالرغم من الظروف الصعبة اللى بئينا عايشين فيها

[abdalhaliem]

نفس اللى انا مريت به لما فكرت اشترى قطعة قطعة من الجيل التامن وسددوها فى وشى ربنا يسددها فى وشهم
وكنت بقول نفس اللى بتقوله ان الواحد بيحاول يجمع تمن القطعة الواحدة بالعافية ويمكن الواحد بيحتاج الفلوس دى فى حاجات اهم بس هى هواية الحاجات دى هى اللى بتخلى الواحد يبص انه يحدث بالرغم من الظروف الصعبة اللى بئينا عايشين فيها


صدقت

مع أضافه مهمه

عند شراؤك قطعه قطعه

بتواريخ مختلفه

قد تجد مفاجأه بأنتظارك

كمثال

عدم وجود لوحه داعمه للمعالج الذى قمت بشراؤه

أو العكس

الأفضل والأضمن توفير الميزانيه أولاا

وشراء القطع المهمه مره واحده

تحياتى للجميع