استفسار بعد شراء باور seasonic 620w

[bido22]

كان عندى مشكلة فباور قديم ان القرايات من غير ضغط كان ال12v بيدى 11.9 ولو ضغط بيدى11.3

فغيرته بناءا على نصيحة الاخ عبدالحليم
وجبت seasonic s12ii 620w 80plus bronze

القرائات من غير ضغط 12.096 ل 12.024
عند الضغط من 11.800 ل 11.763
كان اقل حاجه بوصلها 11.763
دلوقتى لعبت pes 19 ماتش كدا
ببص على الminimum لاقيته وصل 11.664 اثناء الضغط

دا عادى ولا المفروض ميقعدش يقل كدا
ولا المفروض اكون اعلى من كدا


تعديل فى واحد اعرفه معاه نفس الباور مع كارت amd vega 56
ف الخمول زيى 12.096
ف الضغط بيبقى 12.00v

هل كدا وضعه احسن منى
واحنا الاتنين شارينه جديد،؟؟

[abdalhaliem]

مرحبا أخى الكريم

ماهو البرنامج الذى تستخدمه لمتابعه القرائات ؟؟

أذا كنت تستخدم برنامج

AIDA64 Extreme

حاول تثبيت أخر أصدار وتفعيل البرنامج

المفروض أن لايكون هناك هبوط بالقرائات

بتلك النسب !!

( على الرغم أنها داخل النسب الأمنه )

الوضع الطبيعى هو بجهاز صديقك

لكن مع باور جيد وماركه محترمه كماركه


seasonic

الأمر يبدوا غريبا

على العموم جرب أكثر من برنامج

أحيانا يوجد تعارض

بين أحد البرامج والنظام

وأخبرنا بالنتيجه

رمضان مبارك

[bido22]

كنت بستخدم برنامج hwinfo64
وعملتله ابديت وبيطلع نفس النتايج اقل قراءه تحت الضغط كانت 11.736

حملت برنامج aida64 متفعل
طلع نفس القراءات

دخلت ع البيوس القراءة كانت 12.024


انا تعبت والله يعنى بعد ما اجيب باور جديد واجيب اغلى نوع ففئته
يطلع بيقل برضه

انا مندهش جدددا
ازاى انا معايا كارت gtx 660 وبيحصل الفقد دا
وصاحبى معاه كارت vega 56 واكيد دا اشرس ف استهلاك الطاقه
وتحت الضغط فقط يوصل ل12v ؟!

هل ممكن نسخة الويندز عندى فيها مشكله؟
هل لو انها مش مفعلة دا سبب؟

غيرت المشترك بالمناسبة وجبت واحد كويس ب ٦٥جنيه


عملت كل جاجه اقدر عليها

اخر ملحوظة
انا اول مجبت الباور سالت حضرتك بنفس القرايات كانت اقل جاجه 11.763 وحضرتك قولتلى كويس
بس انهاردة اتفاجئت مرة واحد ببص لاقيت الminimum 11.6
بس متكررتش تانى

مش عارف اعمل ايه يعنى كدا فيه عيب الباور ولا ايه النظام بالظبط
ولا العيب عندى فقطعة ف الكيسه ولا انزل ويندز

استحمل اسالتى معلش عشان خايف الفلوس اللى دفعتها فيه اكنها اترمت ع الارض

[abdalhaliem]

هى مرحله الخطر

أن تكون القرائه بحاله الأنخفاض

11.400

وبحاله الأرتفاع المفرط

12.600


https://arabhardware.net/forum/showthread.php?t=464562&p=3140612#post3140612


وحقيقه الأمر

مرت على أجهزه عديده

كانت بها القرائه غير منطقيه

بسبب تعارض

بين تلك البرامج ونسخه الويندوز

لاأقول أن الويندوز به مشكله

لكن بالفعل احياناا يكون هناك تعارض

هناك حل يجعلك تقطع الشك باليقين

هذا الصديق الذى تتحدث عنه

أما أن تجرب الباور الذى لديك على جهازه

أو العكس

تجرب الباور الذى لديه على جهازك

وأخبرنا بالنتيجه

[bido22]

للاسف صعب اجرب الباور عند صديقى لانه ف محافظه تانيه
هجرب انزل ويندز واشوف
بس لو القراءات هى هى
هل دا يدعو انى اودى الباور التوكيل؟

[bido22]

غيرت الويندز
ونزلت احدث فرجن من كل برامج القراية ومازال الانخفاض يصل ل 11.736

والجديد انى برضه سالت واحد ع الفيس عنده
1660ti +i3 8100

من غير ضغط كان 12.288 ولم شغل ويتشر ٣
كانت 12.192


دلوقتى كدا فى عيب ف الباور اللى عندى
اروح بيه لماكسمم ولا ايه

لان التوكيل قالى لو طلع فيه عيب هنبدله

بس ماكسمم اقنعهم بدا ازاى هيقعد يقولى انه لسه ف الsafe zone وان 11.6 كويس


اتصرف ازاى يا استاذ عبدالحليم

[abdalhaliem]

بلاشك

أن خرج ال 12v به أنخفاض ملحوظ

وأنت مش شارى باور جديد

وماركه

علشان تكون دى قرايته !!!

أذا كنت متأكداا أن كل شىء على مايرام عندك

والعيب بالباور قم بالذهاب أليهم وتمسك بحقك

عيد مبارك

[bido22]

حضرتك تقصد ايه ب ان كل شيئ على ما يرام
قصدك ان العيب فحاجه تانيه
عندى انا؟
طب اعرف دا ازاى؟


طب لو كان العيب من عندى
الباور القديم كان بيوصل ل 11.3
الجديد وصل ل 11.7

فكدا مش دى اشارة ان العيب فالباور


او اتاكد ان الدنيا عندى تمام ازاى

[abdalhaliem]

المقصود بكل شىء على مايرام

أن تلك البرامج تقرأ الفولتيه كما يجب

ولاتوجد مشكله بخصوص السوفت وير

لذلك أردنا التأكد عندما طلبنا منك التالى



أما أن تجرب الباور الذى لديك على جهازه
أو العكس
تجرب الباور الذى لديه على جهازك


أبحث عن أى أحد تجرب عنده الباور

والباور القديم النسبه المئويه

بداخل منطقه الخطر


عيد مبارك

[bido22]

عذرا هتعبك معايا
ساالت احد المراجعين لقطع الهاردوير على الفيسبوك
قالى انه لحد 11.5v مسموح بيه والتوكيل هيقولى مفهوش حاجه
وهيرجعلى تانى
وقالى انه تذبذب التيار عندى وان امكنياتى غير امكنايات صاحبى
هم السبب ف اختلاف القراءات
وقالى ان التيار الكهربى فى حاجه ممكن هى اللى تكون نزلت القيم عندى كدا

وبرضه احتمال ان جهاز صاحبى احدث فدايرة الكهربا فيه بتقلل الفقد دا بطريقه ما (معرفش صح ولا لا)

انا كلمت ماكسمم وقالى لو جبته دلوقتى هيتركن لبعد العيد ويتحشن بعد العيد وهناك يشوفو لو فى عيب هيتبدل

بس بعد كلام المراجع مبقتش عارف اتصرف ازاى


فكرت احدث البايوس عشان ممكن يكون مش داعم للبرامج لان البوردة قديمة
ولم بنزل cupid hw monitor مش بيطلعلى قراءات
ال12v،3.3،5

وعرفت ان دا بسبب البرنامج مش داعم للبوردة

فخطر فبالى احدث البايوس ودا اخر تحديث للبوردة b85 hd3
دا الوصف بتاعة
Update CPU microcode for win10 support with Pentium AE

[abdalhaliem]

ياأخى الكريم

أنت تسأل ونحن نجيبك

ليس لى شأن بأى مراجعين !!!

لايوجد شىء أسمه هاردوير أحدث يقلل الفقد ؟!!

( توجد فقط بورده تالفه )

كل شىء بعالم الهاردوير له معيار

والسبيل الوحيد للوصول للسبب الرئيسى للمشكله

تجربه كل شىء وتحييد الأحتمالات

لذلك طلبنا منك تجربه الباور على جهاز أخر

هكذا نعمل بالصيانه

( القصه ليس وضع رداا والسلام )

وموضوع تذبذب التيار عندك

تستطيع قياسه بسهوله

بأى أفوميتر

وكيف علم هذا المراجع

أن التيار عندك متذبذب !!!

كما أنه بالتأكيد

البيوس ليس له شأن بتلك القصه

عيد مبارك

[bido22]

عرضت المشكله على صاحب المحل فمكاسيمم هاردوير ورده كان ان مفيش مشكله ف الباور وهيرجعلى تانى

كان جوايا تخوف انى اخسر الباور لمدة ١٥-٢٠ يوم وف الاخر يرجعلى

تواصلت مع توكيل كيرومينا لم يفيدنى بوجود مشكله من عدمها وف الاخر وصلنى مع مهندس الصيانه (على كلامهم)
عرضت عليه المشكله وقعدت اشرحله ان لحد الان دلوقتى خمس اجهزة عندهم الباور والفقد تحت الضغط اقل شيئ بيوصله هو 11.9 وبتكون لحظيه وبريجع 12.00
(المشكله انى مش عارف اجرب الباور على جهاز تانى)

وانا باورى بيفضل 11.7 وبينزل ل11.6 ساعات بس اغلب الوقت 11.7

بعد مقولت كل دا لاقيته بيقولى
" يعنى الباور فيه مشكلة؟"

قولتله منا كنت بشرح لحضرتك العيب!!

قالى خش على موقع سي سونك.هتلاقى الارقام وهو كدا كويس
وف الاخر للاسف حسيته لا يعلم شيى عن القرائات ولا الrails
ولا اى حاجه وف الاخر قالى ١٠ دقايق وهخلى مهندس تانى يكلمك

ولحد الان مخدتش عقاد نافع
مفروض اعمل ايه تانى


اخر حاجه وصلتلها
اتصلت تانى بعد اكتر من ١٠ دقايق
رد عليا واحد وبقوله حضرتك قولتيلى اتصل تانى وبتاع
قالى اه دا مشى اللى كان بيكلمك معلش
قولتله طب حضرتك مهندس او فنى بمعنى اصح
قالى اه اؤمر فشرحتله الوضع قالى اصل سى سونك معندناش مترجعات منه وبرضه لا يفقه شيئ فموضوع الrails والقراءات
ولا اى شيئ
طبعا واضح عدم النيه ف استبدال الباور
اخر كلام قالهولى انى ابعتله صورة الكلام اللى انا بقوله
وهو هيبعته للشركة الام ويا مسهل بقى بيقولى اسبوع ممكن يردوا

قولتله هو الموضوع يستعدى انك تراسل الشركة الام!
قالى اصل احنا اول مرة نتعرض لحاجه زى كدا ومحدش بيرجعلنا ف المرتجعات اى باور سي سونك

فمن الواضح انى صعب اخد حقى !
بس مش عارف اتصرف ازاى يعنى معلش تعبت حضرتك يا استاذ عبدالحليم

[abdalhaliem]

لايوجد أى تعب أخى الكريم

ماذكرته أنت أعلاه

ماهو ألا تجسيدا لما يحدث

( جلب بائعى الطرشى ألى التوكيلات )

واضح جداا أنهم لايعلمون عن ماذا تتحدث !!!

أنت الباور ده بقاله عندك قد أيه بالظبط

( ماهو تاريخ شراؤه ) ؟؟

[bido22]

تاريخ الشراء بالظبط يوم ٢١ ابريل ٢٠١٩

ويادوبك ركبته ساعتها وجربته لاقيته بينزل مبين 11.8 و11.7
مطولتتش ف التست
وقولت لحضرتك ساعتها وكان رد حضرتك ايجابى
ونظرا لانشغالى بالكلية وكان فاضل قليل على امتحاناتى فشغلتش الجهاز غير لم خلصت بالظبط يوم ٣٠ مايو ٢٠١٩

[abdalhaliem]

نعم بالفعل لقد ذكرت أنت التالى



الضغط بالالعاب متغير من11.8 ل 11.736




وقولنا لك أطمئن وطلبنا منك التالى



ودائما راجع القرائات على الأقل بالبدايه


حتى تضمن ثبات القرائه عند هذا الحد

لكنك تركت الجهاز

والأن على حد قولك يحدث هبوط بتلك القرائه




بس انهاردة اتفاجئت مرة واحد ببص لاقيت الminimum 11.6



أنت أخطأت أخى الكريم

كان عليك المتابعه وأذا وجدت عدم ثبات بقيمه الفقد

كان عليك المبادره ألى أرجاعه فوراا

أو أسترجاعه من المحل مباشره

وليس الأنتظار كل تلك المده !!!

لكنى أيضا أعذرك لظروف أمتحانك

حاول تتفاهم معاهم بأى وسيله

حتى أن تستبدله بباور أعلى بالقدره ودفع الفارق

المهم تستبدل الباور

وأذهب أليهم وأصطحب أحداا معك

ولاتخجل من مطالبه الحق

بالتوفيق

[bido22]

انا فعلا كنت بجرب كذا مره وكانت بتثبت عند ١١.٧
بس مش بقعد ساعة مثلا
انا كنت كل مفتح الجهاز
براقب القرايه بس عدد مراتى لفتحه قلت خالص
عشان الامتحانات
وحتى فى يوم ٣٠ لم خلصت مظهرش حاجه
لحد يوم ٢ يونيو لم عملت الموضوع دا هنا

كنت بتاكد من خرج الفولتيه وبتابعه
لدرجة انى حسيت انى افورت ف الموضوع

الفكره حتى لو وديته للمحل اول مجبته
هيقولى ١١.٦ تمام برضه ونفس الكلام

عاوز اقول لحضرتك ان كان فى عرض كاش باك ١٠٠ جنيه من الوكيل والمفروض كنت اخدها من ماكسيمم ولكن لم يعلمنى بشيى
وعرفت دا صدفه من صفحة كيرومينا
وماكسمم رفضو يدهونى
وقالى اتعامل مع الوكيل
بم معناه انا مليش دعوة
والوكيل خدو بيناتى ع اساس يبعتولى الفلوس ولم يصلنى شي لحد الان


ارهقونى ف التعامل وكل شيى بمشكله
ابتداءا من عدم وجود لوجو كيرومينا على الباور
لحد الان

شكرا لك جدا
ادعيلى اوصل لحاجه

[abdalhaliem]

ربنا معك أخى الكريم

خليك وراهم

ألى أن تصل لشىء أيجابى

بالتوفيق

[bido22]

لو اشتريت الجهاز اللى بيقيس القراءات ف الباور
وطلعت برضه 11.7 او 11.6

هيبقى ايه الوضع مع الشركة او اى طرف مقتنع ان القراءات دى عادية

[abdalhaliem]

مرحبا أخى الكريم

كنت قد ارسلت رساله لى توضح بها

أنك قمت بمراسله الشركه نفسها

وقامو بالرد عليك

وبعد الأطلاع على ردهم أجبتك بالتالى

هم يشككون بمصداقيه تلك البرامج

وقد يكونوا محقين ببعض الحالات كما ذكرت سابقاا

لكن بأغلب الأحيان

تلك البرامج يعتمد عليها منذ أمد بعيد

عموماا ممكن أن تقطع الشك باليقين

طالما ليس أمامك فرصه

لتجربه الباور على جهاز أخر

قم بشراء

Power supply Tester

https://cf1.s3.souqcdn.com/item/2017/12/13/81/12/92/8/item_XXL_8112928_85722605.jpg

من هنا (https://egypt.souq.com/eg-ar/%D8%AC%D9%87%D8%A7%D8%B2-%D9%82%D9%8A%D8%A7%D8%B3-%D9%88%D8%A7%D8%AE%D8%AA%D8%A8%D8%A7%D8%B1-%D8%B3%D9%84%D8%A7%D9%85%D8%A9-%D9%81%D9%88%D9%84%D8%AA-%D8%AA%D8%BA%D8%B0%D9%8A%D8%A9-%D9%88%D8%AD%D8%AF%D8%A7%D8%AA-%D8%A7%D9%84%D9%83%D9%85%D8%A8%D9%8A%D9%88%D8%AA%D 8%B1-%D8%A7%D9%84%D9%85%D8%AE%D8%AA%D9%84%D9%81%D8%A9-8112928/i/)





لو اشتريت الجهاز اللى بيقيس القراءات ف الباور
وطلعت برضه 11.7 او 11.6
هيبقى ايه الوضع مع الشركة او اى طرف مقتنع ان القراءات دى عادية


لسنا بصدد أقناعك بشراء

Power supply Tester

فقط لتعذر أمكانيه تجربه الباور على جهاز أخر

أو تجربه باور أخر بديل على جهازك

لتقارن بين القرائات

وال Power supply Tester

سيقوم بالرد على تشكيك الشركه

بالبرامج والأدوات التى نستخدمها دائماا

وأنظر للموضوع بهدوء

فالقصه ليس مانقوله ضد مايقولونه

أنت الأن تقوم بتغديه كارت شاشه أو معالج

( أياا كان )

من خط ال 12v

هو يحتاج 12v

ويصله أقل من ذلك

فى ذلك خطوره بالغه

على أى مكون ألكترونى يتعامل مع تلك الفولتيه

من المعروف أن من المفترض

ان تكون نسبه الفقد + / - 5%

لمزودات الطاقه الجيده
********************

وتكون النسبه + / - 3%

لمزودات الطاقه الافضل
********************

وتكون النسبه + / - 2%

لمزودات الطاقه الافضل على الأطلاق

***************************

ولو ذهبنا مع النسبه الأكبر بالفقد

%5 فقد للطاقه من 12v

تعنى 6. / 60. / 600.

أى أن مرحله الخطر الحقيقى تكون بقرائه 11.400

أو تكون بال + 12.600

لكن الطبيعى أن تكون نسبه الفقد غير مستمره بالأنخفاض

وألا فما فائده الماركه والموديل المحترم

؟؟؟؟؟؟؟؟؟؟؟؟؟؟؟؟

القصه الأن أننا نريد التأكد من القرائه

وليس شرط شراء Power supply Tester

ممكن تستعير باوروتقوم بتجربته

الملخص المفيد

القرائه عنك بباور جديد من SeaSonic

قرائه متدنيه وسيئه وليست طبيعيه

ولو كان الأنر كذلك لتركنا تلك الباورات منذ أمد بعيد

لكن تلك أول نره يصادفنا هكذا قرائات

لباورات SeaSonic

عليك التأكد أخى الكريم


بالتوفيق

[bido22]

انا فاهم حضرتك
بس بفترض عموما انى اتأكدت ان القراءات دى صح
من التيستر او حتى هنعتبر انى شوفت الباور على جهاز تانى
وطلع نفس القراءات برضه فف الاخر الباور هيكون بيدى ١١.٧


انا كمستهلك هتصرف ازاى بعد ما هم اصلا شايفين ان ال11.6و 11.7 زى الفل ومفيش اى مشكله من الباور ومش محتاج RMA

للعلم بعد تجربه كذا مره وساعات طويلة
هو تحت الضغط الجامد بيجيب 11.7 ثابته

نزول ل 11.6 مش بيبقى كتير خالص ومحصلش غير مرتين
بس بنسبه كبيرة بتبقى لحظيه وبيرجع 11.7 تانى


باختصار
هم بيشككو ف القراية + لوطلعت صح
بيقولو انه دا عادى وكويس ومش عيب

[abdalhaliem]

بيقولو انه دا عادى وكويس ومش عيب



عادى وكويس

لا طبعاا

مش عيب

جائز

لكن بماركه أخرى غير SeaSonic

!!!!



أنظر أخى الكريم

تلك قرائات لباور أقل شأنا من الباور الذى لديك

https://i.imgur.com/rJvUsFl.png

وأستطيع أن أرفق لك العديد من القرائات

لو تم التأكد أن الباور لديك

يقرأ 11.7 بأستمرار

أذا هناك فقداا معيبا للفولتيه

لباور جديد وماركه مشهوره

حتى لانكرر ماذكرناه أعلاه مراراا

تأكد من أن تلك قرائه الباور الحقيقيه

وليس عيبا بالبرامج أو السوفت وير عندك

أذا تأكدت من ذلك

أذا قولا واحداا

الباور عندك سيعمل صحيح

لكن قرائاته معيبه

وعند هذا الحد سينتهى دورنا

فنحن نخبرك بالحقيقه المجرده

أما ماذا تفعل فالكره بملعبك

أحدهم سيقبل تلك القرائه على مضض

والأخر لن يقبل بذلك

الملخص لقد سألتنا رأينا

وردينا عليك بكل أمانه

أنما مايحدث بينك وبين البائع

لاأستطيع ألا ان أقول لك

حاول بشتى الطرق أستبدال الباور


بالتوفيق

[bido22]

انا عارف تعبت حضرتك معايا
بس اللى بيقولى ان 11.7 تمام دى شركة سى سونك نفسها
هعافر مع الشركة او اقنعها ازاى دا اللى بسأله لحضرتك
لانه مبقاش بائع دا بقى الشركة نفسها

[ayoub_bob]

السلام عليكم جميعا
==
بعد اذن استاذنا الغالى عبد الحليم
حكايتى مع نفس الشركة بس مع موديل اخر وهو

Seasonic X-Series 1050W 80+Gold
full
طلع عنية وعين اهلى رغم ان اشترريتة من الوكيل من معرض من جوانزو فى الصين
بعد ما وصل لى ووصلتة بجهازى كان يشتغل وفجاءة يغلق من حالة
ارجع اشغل كان لا يعمل لازم تغلق زر الباور خالص وترفع عنة الكهرباء
وبعد 5 دقائق ارجع اشغلة يشتغل ساعات كان يقطع باور وساعات كان يتسبب فى عمل ريستارت
ولاحظت ايضا ان زر الباور من الخلف كنت لما اوصلة كنت اسمع صوت شرزز كهربا من حالة كدة بصراحة خفت على الكمبيوتر روحت فكيتة ورجعت ركبت واحد اخر
وابلغتهم بهذا الكلام ولكن مين يسمع كان لازم اسافر لهم واكسر الباور على راسة
يعنى من الاخر لايوجد شركة بدون عيوب تصنيع
تحياتى لكم ولجميع الاخوة الكرام

[abdalhaliem]

انا عارف تعبت حضرتك معايا
بس اللى بيقولى ان 11.7 تمام دى شركة سى سونك نفسها
هعافر مع الشركة او اقنعها ازاى دا اللى بسأله لحضرتك
لانه مبقاش بائع دا بقى الشركة نفسها


طيب سيبك من الشركه نفسها

لو عرض عليك شراء باور

أنت أو أى أحد

تلك قرائاته

هل ستشتريه !!؟؟

الموضوع ليس به أى تعب والله

يوجد باور يعمل بكفائه وأخر لا

وأنت نفسك ذكرت بموضوعك هذا

أن هناك شخصاا عنده نفس الباور

لكن بقرائات جيده

ماأسهل أن نرد عليك بطريقه سلبيه

ونقول لك أن الأمور ممتازه

وكما ذكر لك الأستاذ أيوب

مهما كان أسم الشركه

وارد جداا

أن يكون هناك منتج به خلل

ولو حتى خلل طفيف

بغض النظر

عن رأى تلك الشركه فى ذلك

وتحياتى لك وللأستاذ أيوب


بالتوفيق أخى الكريم