المساعد الشخصي الرقمي

مشاهدة النسخة كاملة : سبب علو سرعة وى المفاجئة



Mohamedkhattab
11-06-2019, 09:28
انا موصل على we سرعة 5ميجا ولما جددت الاشتراك السرعة بقت 15 وجددت ودفعت فلوس سرعة 5ميجا والسرعة 15 ميجا .ياترى ايه السبب?

abdalhaliem
12-06-2019, 00:48
مرحبا أخى الكريم

قد يقومون بتجربه تحمل الخطوط للسرعات

وقد تكون القرائه داخل الراوتر كما ذكرت

لكن على أرض الواقع

( عند القيام بعمل داوون لوود )

بأغلب الأحبان

يكون السرعه المتعاقد عليها هى المتاحه

وبعدين باراجل ياطيب

هو حد يكره

الحمد لله أن القرائه مرتفعه

وليست متدنيه

بالتوفيق

Mohamedkhattab
12-06-2019, 07:41
هههه انا مستغرب بس والله الحمد لله على فكرة حتى فى الداونلود بتبقا 15 ميجا .ياريت تفضل بقا على كدا 😂

abdalhaliem
12-06-2019, 20:22
هههه انا مستغرب بس والله الحمد لله على فكرة حتى فى الداونلود بتبقا 15 ميجا .ياريت تفضل بقا على كدا ًںک‚

اللهم لاحسد https://i.imgur.com/Vgmh9I4.png

ryko2
26-06-2019, 15:32
ايوة يااستاذ عبد الحليم هو بيتكلم صح نفس الحاجة انا لاحظتها
سرعتى 2 ميجا unlimited وماشاء الله ملاحظ ان سرعة الدونلود تقريبا 5 ميجا بس لاداهية لا يكونوا هيحولوا الخطوط الغير محدودة للمحدودة فى الحالة دى بئا الواحد ممكن يخلع من عندهم لان خلاص هيبئوا زيهم زى غيرهم

زكريا شاهين
26-06-2019, 16:54
ايوة يااستاذ عبد الحليم هو بيتكلم صح نفس الحاجة انا لاحظتها
سرعتى 2 ميجا unlimited وماشاء الله ملاحظ ان سرعة الدونلود تقريبا 5 ميجا بس لاداهية لا يكونوا هيحولوا الخطوط الغير محدودة للمحدودة فى الحالة دى بئا الواحد ممكن يخلع من عندهم لان خلاص هيبئوا زيهم زى غيرهم

للعلم من فتره شركة وي ..قررت انه تغير بشكل تلقائي خطوط 2 ميجا الي 5 ميجا ..وتقدر ترجع لعرض 2 ميجا اول شهر وبعد كده مش هتعرف ترجع ..علي حسب تجربة اكتر من حد حصل معه موضوع التحويل تلقائي من غير ما يطلب من الشركة. ... افتح mytedata واتأكد لحسن يكون الخط عندك اتعمل معه كده

ryko2
26-06-2019, 17:13
طب لو سمحت اعرف ازاى؟
ولو مش عايزها وعايز ارجع لل2ميجا الغير محدود اعمل إيه؟علما بان ميعاد تجديد الاشتراك يوم 20

زكريا شاهين
26-06-2019, 22:14
طب لو سمحت اعرف ازاى؟
ولو مش عايزها وعايز ارجع لل2ميجا الغير محدود اعمل إيه؟علما بان ميعاد تجديد الاشتراك يوم 20

اعمل اكونت علي موقع بتاع الشركة وشوف في حجم باقة ظاهر ليك ولا لا
https://mytedata.net

او تكلم خدمة العملاء ..وتسأل فاضل كام من الباقة عندك او تقول انا علي باقة ايه

ryko2
26-06-2019, 23:01
خلاص ياباشا اللى كنت متوقعه حصل وبالفعل النهاردة فى نفس اليوم اللى راسلتك فيه وقعولى السرعة واضح انهم مراقبين رسايلنا كويس
الكوميدى فى الموضوع انه فى بداية المكالمة لما شاف البيانات ؤدام عينه بيقولى حضرتك متعاقد على سرعة 2 ميجا unlimited مظبوط يافندم؟
بيقولى بعد كدة واضح ان استخدام حضرتك كان تقيل وعشان كدة السرعة نزلت لواحد ميجا (مابين 14 ل20كيلوبايت فى الثانية)هى دى الواحد ميجا اللى فى ذمتهم
حسبنا الله ونعم الوكيل

ryko2
26-06-2019, 23:03
احنا بئينا عايشين جوه دولة لا تعرف تروح فيها ولا تيجى ولو حاولت تعمل أى حاجة تطلع بها فوق يكعبلوك على وشك وينزلوك لتحت تانى على وشك
احنا بنحرق دمنا بفلوسنا ياجماعة

زكريا شاهين
27-06-2019, 14:45
خلاص ياباشا اللى كنت متوقعه حصل وبالفعل النهاردة فى نفس اليوم اللى راسلتك فيه وقعولى السرعة واضح انهم مراقبين رسايلنا كويس
الكوميدى فى الموضوع انه فى بداية المكالمة لما شاف البيانات ؤدام عينه بيقولى حضرتك متعاقد على سرعة 2 ميجا unlimited مظبوط يافندم؟
بيقولى بعد كدة واضح ان استخدام حضرتك كان تقيل وعشان كدة السرعة نزلت لواحد ميجا (مابين 14 ل20كيلوبايت فى الثانية)هى دى الواحد ميجا اللى فى ذمتهم
حسبنا الله ونعم الوكيل
للاسف ده حال الشركات في مصر .....

ryko2
27-06-2019, 19:36
طب حد جرب اورانج؟
وياترى فعلا لما السرعة بتنزل فى اورانج من 15 ميجا بتنزل ل2ميجا فعليا ولا هجس برضه؟

ayoub_bob
28-06-2019, 00:04
للعلم شركة WE هى الام وهى اللى بتعطي الشركات الاخري
انتا بس كلم خدمة العملاء لتعرف كل شيىء عن اشتراكك
طب انا مشترك 15 ميجا والتحميل حولت الى سعة 200 جيجا ومن بعد تركيب الفايبر لا اشاهدها 15
اغلب الاوقات اما 19 ميجا او اقل شيء 17 ميجا

https://www.m5zn.com/newuploads/2019/06/27/jpg//m5zn_0c6eee8521fb27d.jpg (https://www.m5zn.com/out.php?code=17075106)

ربنا يجعل كلامنا خفيف عليهم
ههههه

تحياتى لكم جميعا

ryko2
29-06-2019, 10:54
لو هى الشركة الام مختلفناش لكن انك تعمل نظام خاص بك فى الاشتراك كنوع لجذب بعض المشتركين معتقدش انها تقدر تمنع دة بدليل ان السرعة دى اللى حضرتك بتتكلم عنها لما بتنزل بتنزل لواحد ميجا فى وى انما فى اورانج(انا مجربتش)بس على حسب كلامهم 2 ميجا

وللعلم بالشئ مش ميزة ان السرعة توصلك اعلى من اللى انت متعاقد عليه طالما ان ليك نسبة تحميل محدودة لانك لو بتحمل مش هتحس بال200 جيجا فى خلال 4 او 5 ايام بالكتير ودة اللى حصل معايا الداون ستريم قارى 5000 وشوية والسرعة مضاعفة خلصت 200 جيجا فى 5 او 6 ايام ونزلنى لسرعة 128 صفحة الفيس بوك مبتفتحش

يعنى اللى مشترك على السرعات المحدودة لما بتنزل سرعته بتنزل لواحد ميجا والمشترك فى فى سرعة غير محدودة السرعة بتوصله بعد كدة 128

Mohamedkhattab
02-07-2019, 12:40
كلامك صح يا استاذ عبد الحليم شكلهم كانو بيجربو السرعة اللى الخطوط بتتحملها ..علشان كانو ناويين يطبقو النظام بتاعهم الجديد اللى اقل سرعة فيه 30 ميجا وسعة تحميل 140ميجا .بس معرفش النظام دا هيبقا اجبارى ولا لا خصوصا ان فى ناس كتيرر السرع. زادات عندهم وهما على النظام القديم.

زكريا شاهين
02-07-2019, 15:52
كلامك صح يا استاذ عبد الحليم شكلهم كانو بيجربو السرعة اللى الخطوط بتتحملها ..علشان كانو ناويين يطبقو النظام بتاعهم الجديد اللى اقل سرعة فيه 30 ميجا وسعة تحميل 140ميجا .بس معرفش النظام دا هيبقا اجبارى ولا لا خصوصا ان فى ناس كتيرر السرع. زادات عندهم وهما على النظام القديم.
مكتوب علي موقع الشركةالمصرية للاتصالات- وي ان عملاء 5 ميجا هيتحول تلقائي للعروض الجديد لمدة شهرين من غير يدفع فلوس زياده .. وطبعا تقدر تكلم الشركة وتقول ليهم انك مش عايز العرض وعايز ترجع للعرض القديم لكن الكلام ده في خلال شهرين من تفعيل التحويل
للعلم موقع الشركة كاتب جزئية ان العرض هينزل تلقائي للعملاء لمدة شهرين مجاني ...اما جزء بتاع الخروج من العرض ومين العملاء المقصود ب الموضوع موجود علي موقع المال

ده الخبر علي موقع الشركة
https://ir.te.eg/ar/CorporateNews/PressRelease/110/%D8%A7%D9%84%D9%85%D8%B5%D8%B1%D9%8A%D8%A9-%D9%84%D9%84%D8%A7%D8%AA%D8%B5%D8%A7%D9%84%D8%A7%D 8%AA-%D8%AA%D8%B9%D9%84%D9%86-%D8%B9%D9%86-%D9%86%D9%82%D9%84%D8%A9-%D8%AC%D8%AF%D9%8A%D8%AF%D8%A9-%D9%81%D9%8A-%D8%AE%D8%AF%D9%85%D8%A7%D8%AA-%D8%A7%D9%84%D8%A5%D9%86%D8%AA%D8%B1%D9%86%D8%AA-%D9%81%D9%8A-%D9%85%D8%B5%D8%B1

ده الخبر علي موقع المال
https://almalnews.com/%d8%aa%d8%b9%d8%b1%d9%81-%d8%b9%d9%84%d9%8a-%d8%b3%d8%b1%d8%b9%d8%a7%d8%aa-%d9%88%d9%80%d8%b3%d8%b9%d8%a7%d8%b1-%d8%a7%d9%84%d8%a7%d9%86%d8%aa%d8%b1%d9%86%d8%aa-%d8%a7%d9%84%d8%ac%d8%af%d9%8a%d8%af/

Mohamedkhattab
02-07-2019, 20:05
ينفع بعد ما استفيد بلشهرين اكلمهم وارجع للنظام القديم
ولا لازم اكلمهم قبل التجديد?

زكريا شاهين
02-07-2019, 21:59
ينفع بعد ما استفيد بلشهرين اكلمهم وارجع للنظام القديم
ولا لازم اكلمهم قبل التجديد?
مش عارف ..وغير كده الموضوع مش مكتوب صريح في الموقع الرسمي للشركه ...ف مش مضمون انك وتقدر ترجع بعد تاني شهر بشكل تلقائي
...هو اصلا موضوع التحويل التلقائي معمول (تقريبا) عشان مواقع زي speed test ترفع ترتيب مصر في متوسط الانترنت ..لحد دلوقتي ليبيا اللي فيها حرب اعلي من ترتيب مصر.. عموما هي حكاية شهر او شهرين والترتيب مصر في سرعة الانترنت هرتفع بعد تطبيق العروض الجديده

Mohamedkhattab
02-07-2019, 22:53
تمام متشكر جدا يا استاذ زكريا على هذا التوضيح

Fish3r
18-08-2019, 17:22
طب يا جماعة الخير انا مشترك من ايام ما كان اسمها تي داتا و سرعة انلمتد من سنوات طويلة

و لما عرفت ان السرعة زادت بدون اسباب زي ما حصل في 2016 شيء شبيه وتضاعفت السرعة و طبعا اكيد باقة محدودة اشتكيت وقتها ورجعت لسرعتي ساعتها لما كانت عليه

حاليا: زادت السرعة تاني اضعاف سرعتي القديمة بدون اسباب و لفيت على السنترال و خدمة العملاء و المركز الرئيسي و الشات عشان ارجع لباقتي القديمة البطيئة الانلمتد، كله بيقول ان باقتي الانلمتد القديمة زي ما هي بدون تغيير

احاول اقولهم انا بحمل باضعاف السرعة اللي متعاقد عليها وفيه خبر عن سرعات تجريبية نزلت لكل العملاء لمدة شهرين و من حق العميل القديم يرجع لباقته القديمة يقولوا مفيش تغيير وكله يراجع بيانات الخط ويقولي زي ما انت بتدفع و البيانات زي ما هي.

يبقى ازاي انا باقة قديمة و انلمتد يقولي دي البيانات قدامي وخطك مفيهوش تغيير والفلوس ثابتة اللي المفروض تدفعها

وحاليا فاضل كام يوم و يستحق ميعاد تجديد الاشتراك ، ايه الاجراء اللي المفروض اتبعه ؟ اقدم شكوى فين ؟ كل الاماكن روحتها من سنترال التعاقد للمركز الرئيسي لخدمة العملاء للشات على الانترنت و كله نفس الاجابة

هل حصل مع الخطوط القديمة كدا ؟ هل بقى اجباري عليا في ظل ان كله بينكر ان خطي اتعدل

abdalhaliem
18-08-2019, 23:47
طالما أنت ستدفع المقابل الذى كنت تدفعه سابقاا

أذاا لاتوجد مشكله

أنا قبل التحويل كنت 2ميجا

وكانت السرعه بتوصلنى 5 ميجا

وكان هو نفس أشتراكى القديم

وظليت على هذا الحال

فتره طويله جداا

لاأجد سبب بالنسبه لك

يستدعى عمل شكوى

أذا كان لك أكونت على تى داتا ( WE ) حالياا

أدخل عليه ستعلم بيانات أشتراكك

بالتوفيق

whiteknights
21-08-2019, 17:51
على فكرة انا كمان سرعتى من فترة زادت من 512KB إلى 4 ميجا بدون أسباب و بدفع نفس اللى كنت بدفعه فى السرعة القديمة و هو حوالى 120 جنيه... مسألتش الشركة نفسها بس سألت ناس قالولى تلاقيهم عملوا أبديت من نفسهم عشان سرعة 512 المفروض تكون اتلغت من زمان بس كانوا ناسيناك