مشكلة فصل الشاشة

[mohmed1235011]

السلام عليكم ورحمة الله وبركاتة
عندي مشكة مزعجة جدا جدا انا معيا جهازي بالمواصفات الاتية
GA-H61SP2
intel -3550
ram 4*4= 8gb
hd=320gb hd
psu 300w
gtx 750ti gigabyit
وشاشة led 22 بوصة 1080p

انا لو استخدمت الجهاز في التصفح و اليتيوب ولو بالساعات قليل جدا تحصل المشكة الي في الفيديوا
ولو بلع لعبة خفيفة مثلا زي legend of legends او pubg moblie علي محاكي تينسنت او بعب كروس فاير او كريتف ديستركشن يعني العاب ضعيفة شوية مبتعملش ضغط علي الجهاز
انا نزلت لعبة sekiro shadows die twice و hellblade senua's sacrifice الشاشة بتعمل زي الي في الفيديو البظبط جربت شاشة تاني نفس المشكلة
غيرت اسلاك الغرفة لاسلاك 3 م وما فيش جديد و الغرفة فقط فيها الكمبيوتر و الدش و مروحتين و لمبة فقط
شغال علي كبل hdmi اخذت الكيسة في محل صيانة و شغلت العبة sekiro shadows die twice عشان المشكة بتظهر فيها جامد ولا حصل اي شيئ ولا اي اغلاق للشاشة نهائي لمدة ربع ساعة لعب
فا استغربت جدا فا مش عارف السبب ناس قلتلي كهرباء هنا في المنتدي اخر مرة وغيرت الاسلاك ل 3م ولم يتغير هل ممكن يكون السبب ان البيت عندي 3 ادوار علي عداد واحد و كل الشقق محملة علي العداد دة فا بيحصل كدا ؟
ولو دي فعلا مشكلة كهرباء هل لو جبت مثبت تيار يحلي المشكلة دي
رابط الفيديو
https://4.top4top.net/m_1314ye0do1.mp4

[mohmed1235011]

5 ايام مفيش رد 1 يا شباب الافادة من فضلكم لان الموضوع متعب جدا و مقرف بدرجة لا يتخيلها عقل

[محمد فاروق غازي]

عليكم السلام ورحمة الله وبركاته
المشاكل اللي زي دي احتمالاتها كتير
ومحتاجة منك تعمل تيست على كل القطع
ورغم كدا مش أكيد إنها مشكلة هاردوير ممكن في الآخر تطلع مشكلة سوفت وير
زي مثلًا عدم توافق بين تعريف كارت الشاشة والويندوز أو مشكلة في تعريف كارت الشاشة عمومًا
وممكن مشكلة هاردوير وتكون المشكلة في كارت الشاشة نفسه
أو أي قطعة تانية من قطع الهاردوير
لكن عمومًا بما إنك أخدت الكيس لمحل
وجربت والمشكلة محصلتش " وإن كانت ربع ساعة وقت غير كافي"
فخلينا نبدأ ببعض الحلول السهلة إن شاء الله
جرب تشتغل ع الكارت الداخلي بكيبل فيجا عادي
وسطب أحدث تعريف من أنتل متوافق مع المعالج والويندوز
لو الأمور مشيت تمام يبقى كدا المشكلة اتحصرت في كارت الشاشة وتعريفه والكيبل الـ HDMI
لو لسه نفس المشكلة
جرب الحل الثاني
شوف أي كهربائي وخليه يجي يظبطلك الشدة بتاعت البيت
أوقات أطراف الشدة مع الوقت بتكربن وبيبقى عليها بعض المواد العازلة
ودا بيأثر على ثبات التيار بشكل عام ودا حصل عند أحد قرايبي واللمبات كانت بترعش
والكمبيوتر والأجهزة اللي في البيت كانت هتتضرر فعلًا بسبب تذبذب التيار
ولما سألنا حد في محل أدوات كهربائية قالنا دي الشدة
فكلمنا كهربائي جه ظبطلنا الشدة وفعلًا بعدها مباشرة المشكلة اتحلت
فأنت خلي الكهربائي يجي يقص كام سم من الشدة ويوصلهالك توصيلة كويسة
ومتنساش تبقى تفصل الثلاجات والأجهزة اللي فيها مواتير
لحد ما الكهربائي يرجع يوصل وتتأكد إن كل حاجة تمام وبعدها ابقى شغلهم مرة تانية
جرب الخطوتين دول وبلغنا بالجديد
وإن شاء الله خير

[mohmed1235011]

اولا شكرا علي ردك ووقتك
ثانيا بالنسبة لموضوع كرت الشاشة انا كان عندي كرت قبل دة gt 710 كانت بتحصل نفس المشكلة برضوا
بالنسبة للمشكلة دي بتظهر في لعبة سكيروا لما ارفع الاعدادات اكثر من 600*800 يعني لو شغلتها علي fullhd ينهاري ممكن مشوفش قدام لكن لو لعبت لعبة مثلا زي كروس فاير علي فول اتش دي ولا كريتف ديستركتف ولا ليجند اوف للجندس ندرا لما تحصل
اعتقد اني لما بلعب العاب ثقيلة ويبداء الجهاز يحتاج كهرباء زيادة تظهر المشكلة
بالنسبة لموضوع زيادة التيار للاسف صعب تتعمل لان بيت عيلة ومشاكلة كثير
فا انا بسال كا التالي هل مثبت التيار هيفي بالغرض يثبت التردات ؟ وهل في انواع كويسة منتظر من حضرتكم الافادة وكام احتاج اسبليتر 1 كيلوا ولا 1.5 وهل 1 كيلو فعلا بيقدر يثبت لغايت بوارات 700 وت وشكرا

[mohmed1235011]

الحمد الله وبفضل لله تعال تم حل المشكلة الغريبة دي ان اخذت جهازي عند صاحبي و اخذت كبلة وكان جايبة معي ب25 جنية تقريبا
و انحلت المشكلة معا العمل ان الكبل بتاعي الي جبتة معاة و بيقطع معيا اخذة و اشتغل تمام وانا ما يشتغل معيا لك كبلة اشتغل معيا من غير مشاكل ولا فصل مرة تانية
اعتقد المشكلة هيا جودات الكبلات حبيت ارد تاني لافادة الجميع ويارب حد يستفاد
وشكرا للجميع