المساعد الشخصي الرقمي

مشاهدة النسخة كاملة : مشكله بكارت الشاشه RX 570 8 GB


Mr_mohab
17-03-2020, 00:59
السلام عليكم اخواني الكرام اتمني ان تكونوا في تمام الصحة والعافية
اليوم كنت بنظف الكيسه فوجئت ان كارت الشاشه المفروض يركبله كابل 8 pin
و اللي راكب 6 pin المهم نظفت ولما ركبت تاني الكارت وركبت الكابل الـ 6 pin في اول 6 من ناحية اليمين وشغلت
لقيت زي شياط ودخان بسيط جدا وروحت قافل الكهربا علي طول ولقيت ظهر الشكل ده
https://www.up-00.com/i/00164/f7a3ngkc8fij.jpg
بعد كده شيلت الكابل وركبته في اول 6 من ناحيه الشمال وشغلت الجهاز مشتغلش روحت طفيت وقعدت ادوس شوية في منظر النحاس اللي ظهر ده وشغلت تاني راح اشتغل
دلوقتي انا خايف والله تنصحوني بإيه ولا اعمل ايه وهل الكارت كده مش شغال بكل كفاءته ولا ايه بالظبط
https://www.up-00.com/i/00164/47ms677kgwlc.jpg
abdalhaliem
17-03-2020, 02:48
وعليكم السلام ورحمه الله وبركاته

بالبدايه

من المفروض ان تقوم

بتوصيل كابل باور 8pin

طالما الكارت مهيأ لذلك

عموماا بالنسبه لما حدث معك

فلا نريد القفز على الاسباب

فالاسباب والإحتمالات عديده

من بينها عدم ثبات منفذ الطاقه بالكارت

( ال 8pin )

والتى تظهر بالصوره أعلاه

بهيئه دبابيس ملحومه على بورده الكارت

لكنه سيبقى أحتمال يقبل الصواب والخطأ

لأن الفحص العينى والدقيق

من قبل فتى متمرس

هو السبيل الوحيد لذلك

لذلك أذا كانت هناك من نصيحه

إذا ظهرت معك

أدنى مشكله بخصوص الكارت

قم بالذهاب به لمركز صيانه متخصص

بالتوفيق
Mr_mohab
17-03-2020, 03:00
تسلم اخي الحبيب يعني اشتغل دلوقتي عادي
وايه رايك اجيب الكونفرتر اللي بيحول ل 8 بين ؟
وايه اللي ظهر في الصورة ده وازاي الكارت طلع شياط واشتغل والحمد لله
وهل الكارت كده مش شغال بكامل ادائه ؟
abdalhaliem
17-03-2020, 06:05
المشكله عندك بمنفذ الطاقه

عليك فحص الكارت

للتأكد من سلامه هذا المنفذ

ولابد ان يتم الفحص عينيا

ولن تفيد بتلك الحاله

أستنتاجات وحلول من وراء الشاشات

هذا هو الرأى الصواب

موفق
Mr_mohab
17-03-2020, 12:50
تسلم علي المرور طيب انصحني اجيب الكونفرتر الل بيطلع 8 بين ولا افضل علي هذا الوضع لتفادي اي مشكلة
abdalhaliem
17-03-2020, 14:33
الكونفرت ضرورى بالنسبه للكارت

لكن القصه أننا نريد

أن نطمئن على سلامه

موصلات الطاقه

( POWER CONNECTORS )

أو مدخل ال 8pin

موضوع إنبعاث رائحه شياط من الكارت

غير مطمئنه

لذا نريد فقط الإطمئنان

على سلامه مكونات الكارت

ولاسيما دايره الباور ببدايتها

أرجوا أن تكون فهمت ماأقصده

لكن بكل الأحوال

تركيب كونفيرت 8pin

شىء مفروغ منه

بالتوفيق
Mr_mohab
18-03-2020, 02:28
فاهم قصدك اخي الحبيب المشكلة ان مفيش فني كروت شاشه او صيانه لي
انا حتي عندي كارت RX 480 شغال والمروحه بتلف وكل شئ لكن مش بيقرا الشاشه ومش بيقوم مش عارف اصلحه فين او افحص الكارت ده فين :(
abdalhaliem
18-03-2020, 02:59
حسنا أخى الكريم

ممكن تتوجه لتوكيل مترا

وتخبرهم أنك ستقوم بالصيانه على حسابك

فهم يقبلون كروت خارج الضمان

وتلك عنواينهم وأرقام تليفوناتهم

https://www.metracomputer.com/services.aspx?id=8


بالتوفيق
tawfikelsayed
30-03-2020, 00:00
الكارت ده مشكلته انه بيستهلك باور عالي يعني المفروض يكون عندك باور سبلاي 500 وات من ماركة معروفة وطالما انك معندكش وصله 8 بن فغالبا انت عندك باور اقل م المطلوب نصيحة لو كلامي صح اشتري باور احسن لان الموجود حاليا هيشتغل بس ممكن ف اي لحظة يحصل تلف ف اي من مكونات الجهاز
abdalhaliem
30-03-2020, 02:06
الكارت ده مشكلته انه بيستهلك باور عالي يعني المفروض يكون عندك باور سبلاي 500 وات من ماركة معروفة وطالما انك معندكش وصله 8 بن فغالبا انت عندك باور اقل م المطلوب نصيحة لو كلامي صح اشتري باور احسن لان الموجود حاليا هيشتغل بس ممكن ف اي لحظة يحصل تلف ف اي من مكونات الجهاز

ليس شرطاا

توجد باورات بدون وصله 8pin

ذو قدره 500w
tawfikelsayed
04-04-2020, 19:52
كلامك صح بس حاليا الباورات اللي كفاءتها كويسه بيجي معاها وصله 8 بن انا بس برجح انه عنده باور مش من الباورات ذات الكفاءه المطلوبة خاصة ان الكارت ده بيحتاج باور محترم


ليس شرطاا

توجد باورات بدون وصله 8pin

ذو قدره 500w