عايز اسجل الكورسات اللى انا بعملها بشكل محترف

[i.hima]

السلام عليكم
كل عام وانتم بخير
انا مهندس نظم معلومات ومدرب معتمد من ميكروسوفت ، وفى ظل ازمة كرونا فانا بدون عمل حاليا فقولت ارجع اشتغل دورات اونلاين تانى
ولكن
انا كل خبرته فى عالم المونتاج والاخراج هى انى بصور الشاشه بتاعت اللاب وانا بشرح عن طريق برنامج سناج ات Snagit والصوت بيتسجل من مايك اللابتوب
والنتيجه
طبعا شكل فيديوا تقليدي واوقات كتير الصوت بيكون مش كويس

انا معايا موبايل نوت 10 بلص عايز استخدمه فى تصوير فيديوا ليا انى اطلع اتكلم الاول شويه فى الفيديوا عن الاشياء النظري والمقدمات وبعدين ادخل اشرح العملى عن طريق اللابتوب وتكون جوده الصوت ممتازة ويبقى فى طريقه احترافيه وسهله علشان ادمج الاتنين فيديوا الموبايل واللابتوب مع بعض

هل ممكن حد يقولى ايه الادوات زى المايك والاضائه وحامل الموبايل " للعمل مش معايا فلوس حاليا انى اشتري كاميرا مخصوص والفلوس قليله علشان باقى الادوات " اللى هحتاجها وايه البرامج اللى استخدمها
ولو فيه شرح للبرامج والادوات دى على النت ياريت تبعتولى

[hisham_wz]

في رأي أنت مش محتاج غير مايك وتعرف تشتغل علي برنامج تعديل فيديوهات.
مايك اللاب توب ممكن يوفي بالغرض بشرط تجربه الأول بكذا بعد لحد لما توصل لافضل جودة صوت.

برامج تعديل الفيديوهات كتير، شخصيا بفضل camtasia studio لانه سهل جدا وبيتعامل مع تصوير الشاشة بطريقة سهله وبسيطة.

يظل المحتوى هو الملك، ركز في المحتوى وموفق بإذن الله

[i.hima]

في رأي أنت مش محتاج غير مايك وتعرف تشتغل علي برنامج تعديل فيديوهات.
مايك اللاب توب ممكن يوفي بالغرض بشرط تجربه الأول بكذا بعد لحد لما توصل لافضل جودة صوت.

برامج تعديل الفيديوهات كتير، شخصيا بفضل camtasia studio لانه سهل جدا وبيتعامل مع تصوير الشاشة بطريقة سهله وبسيطة.

يظل المحتوى هو الملك، ركز في المحتوى وموفق بإذن الله

شكرا لرد حضرتك طبعا التسجيل والمونتاج بكمتاجيا انا بقدر استخدمه كويس
لكن الكورس محتاج انى اطلع اتكلم بشخصى فى الفيديوا
انا جربت اسجل بالموبايل وعرفت طرق انى اوصل لاحسن فيديوا بالموبايل لكن الصوت يظل هو المشكله لانه مش بيطلع نقى جربت استخدم مايك سماعة بلوتوث برضه مظبطش معايا وللاسف الموبايل مفيش فيه مدخل 3.5 ملى علشان كدا كمان مش قادر اركب عليه مايك