رفع رامات الجهاز

[BeBo_Boy]

السلام عليكم

عايز ارفع رامات جهازى من 8 جيجا لـ 16 وهل هتفرق كتير؟ استخدام الجهاز اللعاب.

وكنت عايز اعرف اقدر اركب رامات DDR4 على مازربورد جيجابيت H81 ولا لا

ولو مينفعش فهل فى رامات فى السوق جديدة DDR3

ولو مفيش وهضطر اشترى مستعمل اشترى منين و اعرف منين ان كانت الرامات كويسه مفهاش مشاكل

[abdalhaliem]

بحقيقه الأمر جهازك يقبل فقط ddr3

ونادرا ماستجد ddr3 جديده

حتى التى بمواقع البيع

كسوق وماشابه

ستجدها لأجهزه أوريجنال

عليك نزع الرام القديم

وشراء مثلها متطابقه للقيم التى عليها

أو الذهاب بالجهاز كله لمركز صيانه

لتركيب الرام الملائمه

أو أرفاق صوره

لأحدى الأدوات المتخصصه بقرائه قيم الرام

كمثال CPU-Z

وذلك من تبويب

Memory / SPD

حتى ننصحك بالقيم التى عليك مراعتها

عند الشراء

بالتوفيق

[BeBo_Boy]

تمام كدا مفيش غير المستعمل.


انا حاليا مركب رامات 2X4 ومعنديش غير مكانين للرامات فى البورده فهركنهم واشترى 2X8 مستعملين.


كدا فاضل نقطة اشترى منين واتاكد ازاى ان الرامات شغاله مفهاش مشكله ومتوسط سعر الرام 8 مستعمله كام.

[abdalhaliem]

مبدئيا كان من المفروض

أن تذكر موديل اللوحه الأم كاملا

على كل حال

الرام المستعمل 8gb

ستكون بحدود من 350 ألى 400

والرام حتى لو كانت مستعمله

ستكون لها فتره ضمان

( لهذا عليك إختيار محل أو تاجر ذو سمعه جيده )

وعند جصولك على الرام وتركيبهم بالجهاز

قم بتثبيت نظام جديد

( حيث يعتبر تثبيت الويندوز أفضل إختبار للرام )

بالتوفيق

[BeBo_Boy]

للاسف مش فاكر موديل البورده كامل والعلبه مش معايا.

معلش عندى كمان سؤال ازاى اعرف ان الرامتين نفس التردد وانا بشتريهم لو مش مكتوب عليهم. وهل التردد بس اللى مهم يتطابق ولا فى حاجة تانية مهمة.

وهل لازم اشترى رامات عليها Heat sink ولا مش هتفرق كتير.

[abdalhaliem]

للاسف مش فاكر موديل البورده كامل والعلبه مش معايا.


لاعليك ياأخى

ولكنك تستطيع معرفه كافه المعلومات

عن قطع الهاردوير بجهازك

عن طريق البرامج المتخصصه بذلك

كمثال هذا البرنامج المجانى

Speccy



معلش عندى كمان سؤال ازاى اعرف ان الرامتين نفس التردد وانا بشتريهم لو مش مكتوب عليهم. وهل التردد بس اللى مهم يتطابق ولا فى حاجة تانية مهمة.


طالما الرام لايوجد عليه ملصق به مواصفاته

فلا سبيل لمعرفه ذلك

ألا من داخل الجهاز بعد تركيبه

والقيم التى عليك مراعتها هى

التردد + التوقيت + الفولتيه


وهل لازم اشترى رامات عليها Heat sink ولا مش هتفرق كتير

لا لن تفرق كثيرا

موفق

[BeBo_Boy]

تمام شكرا جدا لحضرتك.

وإن شاء الله لما اجيبهم هصورهم واعرضهم على حضرتك.

[abdalhaliem]

تمام شكرا جدا لحضرتك.

وإن شاء الله لما اجيبهم هصورهم واعرضهم على حضرتك.


الشكر لله أخى الكريم

بالتوفيق دائما

[BeBo_Boy]

استاذ عبدالحليم انا من فتره سالت حضرتك عن مشكله فى الجهاز فى الموضوع دا

https://forum.arabhardware.net/showthread.php?t=485492&highlight=

حاليا المشكله اتكررت تانى وانا بركب الكولر الجديد

لما بركب رامه فى سوكت بيشتغل الجهاز عادى ولو ركبت الاتنين مع بعض بتحصل المشكله

فجربت لقيت ان فى المكان الاول للرامات لو حطيت فيه اى رامه من الاتنين الجهاز مش بيشتغل

ولو ركبت اى رامه بردو بس فى المكان التانى الجهاز بيشتغل طبيعى

كدا اظن فى مشكله فى المكان الاول لكن لما وديتها للصيانه اخر مره بسبب نفس المشكله قالى ان المكان سليم

وعمل صيانه للبوردة وغير حاجة زى مقولت لحضرتك قبل كدا والجهاز اشتغل بالرامتين من غير مشاكل لكن مرضيش يقولى السبب كان فين

فانا دلوقتى مش فاهم المشكله فى ايه بالظبط وعايز اتاكد قبل مشترى الرامات

دى صوره للرامات من برنامج CPU Z

https://j.top4top.io/p_1978e85vp1.png (https://top4top.io/)https://k.top4top.io/p_1978zgeoe2.png (https://top4top.io/)

[abdalhaliem]

ياأخى الكريم

نحن إذ نرشدك للإمور الصحيحه

لانبغى غير وجه الله ومصلحتك فقط

ونحن عملنا أساسا بالصيانه منذ أبد بعيد

فقد تخطينا الأن سن ال 55 عاما

وترد علينا تلك المشاكل بكثره

والحلات التى تشبه حالتك

يكون السبب أحد 3 أسباب

1- تلف بنك الرام نفسه ونقوم بتغييره

ويكون واضحا أنه تم تغييره

لأنه غالبا يأتى بشكل أخر

وتظهر اللحامات الجديده بوضوح

من ظهر اللوحه

كما أن تكلفتها عاليه نسبيا

وينبغى إعلام العميل

2- تلف بدايره الرام نفسها

وتلك غالبا ماتجعل البنكان لايعملان

وليس بنك واحد

لكن هذا لايمنع من امكانيه حدوث ذلك

والصيانه بهذا الخصوص

ممكن التأكد منها أيضا بسهوله

عن طريق معاينه ومناظره اللحام

بظهر البورده أسفل بنك الرام

وهنا يجب أيضا إعلام العميل بذلك

3- وهذا الأكثر حدوثا أتساخ أو أكسده النواقل

بداخل بنك الرام نفسه

مما يعرقل عمل الرام

وتلك نقوم بتنظيفها جيدا

بقرشاه أسنان وبنزين تنظيف

وبنسبه %99.9

تعود الرام للعمل بعد تلك العمليه

وهنا يأتى دور ضعاف النفوس

من الدخلاء على مهنه الصيانه

فهم يريدون أستنزاف أموال العميل

بجعل الإمور مبهمه وعدم أخباره بالسبب

وهذا خطأ وعدم أمانه

كما تناقشنا بالموضوع الأخر

https://forum.arabhardware.net/showthread.php?t=485492&highlight=

والأن أنت لاتعلم ماهو سبب العطل

لعدم أخبارك بالسبب كما ذكرت

وأن كنت أميل شخصيا للسبب الثالث

السؤال هنا من خلال الصور التى أرفقتها

فهى كما هو واضح لرامتين

لكنهما على بنك واحد أيضا ( slot 3 )

فهل البنك الأخر لايعمل ؟؟؟؟

كما أنه كان عليك أرفاق صور من تبويب

memory أيضا

و سؤال أخر

ما هو موديل لوحتك تحديدا ؟؟؟؟

بالتوفيق

[BeBo_Boy]

انا افترض حسن النية فى المقام الاول بلاضافة ان مركز الصيانه دا رشحه ليا اكتر من شخص ومنهم استاذ احمد البربرى.

بالنسبة للاسباب التلاته اللى حضرتك ذكرتهم

النوع الاول تغير بنك الرام والظاهر عندى انه متغيرش

السبب التانى انا مفكتش البورده فمش عارف اذا كان حصل اى لحمات من الاسفل

السبب التالت انا نضفتها انهردا الصبح بفرشاه بس من غير بنزين تنضيف (( ممكن انضفه تانى بس معنديش بنزين ينفع استخدم Akai ؟ ))

وزى محضرتك قولت الصورتين على البنك نفسه والاخر لا يعمل.. علشان اخد الصور كنت بقفل الجهاز واركب الرام واصورها وافكها واركب التانية واصورها.

صورة لبيانات البورد من برنامج Speccy

https://l.top4top.io/p_1978v08i91.png (https://top4top.io/)[/IMG]

[BeBo_Boy]

اتفضل صور للرامتين من تبويب Memory

https://c.top4top.io/p_1978me2am1.png (https://top4top.io/)



[IMhttps://d.top4top.io/p_1978hveoa2.png (https://top4top.io/)G]

[abdalhaliem]

انا افترض حسن النية فى المقام الاول بلاضافة ان مركز الصيانه دا رشحه ليا اكتر من شخص ومنهم استاذ احمد البربرى.



نحن هنا نتحدث بصوره عامه

أى مركز صيانه

لايذكر سبب المشكله

قولا واحدا

لايجب التعامل معه نهائيا

بغض النظر عن حسن النيه من عدمه




وزى محضرتك قولت الصورتين على البنك نفسه والاخر لا يعمل.. علشان اخد الصور كنت بقفل الجهاز واركب الرام واصورها وافكها واركب التانية واصورها.


إذا المشكله مازالت قائمه ؟؟!

كيف بالله عليك ستقتنى رامتين أكبر حجما !!

كما أن توقيت الرامتين مختلف

( لكن هذا ليس سبب المشكله )

عليك التأكد من عمل البورده بكفائه أولا

بالتوفيق

[BeBo_Boy]

المشكله مكنتش موجوده وانا بكتب الموضوع دا

عموما هنضف البنك تانى بس ياريت حضرتك تقولى ينفع انضفها ب Akai وارش منه مباشره على البنك ولا ازاى

[abdalhaliem]

نعم أكاى الأزرق يصلح

قم بتركيب الأنبوب البلاستيك الرفيع

الذى يأتى مع العبوه

ثم أغمر بنك الرام من الأكاى

( رشه جيدا )

ثم بفرشاه أسنان جديده تقوم بتنظيف بنك الرام جيدا

وذلك عن طريق تحريك الفرشاه يمينا ويسارا

مع الضغط عليها بإعتدال

وممكن تكرار تلك العمليه

للتأكد من التنظيف التام

بالتوفيق دائما

[BeBo_Boy]

نضفت البنك بلاكاى والفرشة زى محضرتك قولتلى بس نفس النتيجة مشتغلش.

لكن جربت حاجة تانية مع انى عارف ان كدا غلط

ركبت رامه فى البنك السليم وشغلت الجهاز و اشتغل ووهو شغال ركبت الرامة التانية فى البنك اللى فيه مشكله

الجهاز اتجمد ورسترته من زرار الكيسه وفتح طبيعى بالرامتين

برنامج Speccy قارى ان رامات الجهاز 8 جيجا

وبرنامج CPU Z قارى ان الرامتين راكبين طبيعى بردو لكن واحدة فى Slot 1 والتانية فى Slot 2 على عكس لما بركب واحده بس بيقراها فى Slot 3

و فى System الجهاز قارء انها 4 جيجا رامات بس.

واسف لو اطلت على حضرتك.

[abdalhaliem]

لكن جربت حاجة تانية مع انى عارف ان كدا غلط
ركبت رامه فى البنك السليم وشغلت الجهاز و اشتغل ووهو شغال ركبت الرامة التانية فى البنك اللى فيه مشكله


ياراجل ياطيب

أيوجد أحد يفعل ذلك !!!

اللهم إلا إذا أراد أن يحيل الجهاز برمته للتقاعد مبكرا
*********

واضح أن عندك مشكله باللوحه الأم

تتعلق بالرام

إما ببنك الرام أو بدايره الرام

بالنهايه من وجهه نطرى أمامك طريقان لاثالث لهما

أما أن تقنع ببنك واحد فقط

وتقوم بشراء رامه 8gb

وقتها ستكون الأمور جيده

أو تذهب لمركز صيانه محترم

يفحص لك اللوحه الأم

ويذكر لك سبب تلك المشكله بعد الفحص

بالتوفيق

[BeBo_Boy]

انا فعلا كلمت حد هشترى منه رام 8 جيجا.

لكن هل هتحصل مشاكل لو ركبت رامتين بنفس التردد لكن ال CL مختلف لما اصلح اللوحة ان شاء الله.

[abdalhaliem]

لكن هل هتحصل مشاكل لو ركبت رامتين بنفس التردد لكن ال CL مختلف لما اصلح اللوحة ان شاء الله


القاعده تقول

عند إستخدام رامتين بالجهاز

لابد من التطابق التام بينهما

وهناك بعض المغالين

الذين يوصون بالتطابق

حتى بالشركه المصنعه !!

وذلك به بعض المغالاه وغير حقيقى

يكفى فقط التطابق بالمواصفات

التردد + التوقيت + الفولتيه

وكلهم بنفس الأهميه

وعدم الألتزام بتلك القاعده

تجلب عدم الأستقرار

وظهور مايسمى بالشاشه الزرقاء

حتى لو لم يحدث ذلك بصوره عاجله

لكنه غالبا سيحدث عاجلا أم آجلا

بالتوفيق

[BeBo_Boy]

شكرا جداا لحضرتك معلش طولت عليك

[abdalhaliem]

شكرا جداا لحضرتك معلش طولت عليك


الشكر لله ياأخى الكريم

ولايوجد أى إطاله

على العكس تماما

إستمتعنا بالتواصل معك

بالتوفيق دائما

[BeBo_Boy]

الشكر لله ياأخى الكريم

ولايوجد أى إطاله

على العكس تماما

إستمتعنا بالتواصل معك

بالتوفيق دائما


الله يجازى حضرتك كل خير.

انهردا نزلت اشتريت رام 8 جيجا وركبتها فى البنك السليم لوحدها حصلت مشكله فتح وقفل الجهاز اللى حضرتك عارفها.

فكيتها وركبت الرام بتاعتى اشتغل طبيعى.

فهل دا معناه ان البوردة متشغلش رام 8 قطعه واحدة ولا ممكن يكون بسبب سرعه تردد الرام ولا سبب تانى

دى صوره الرام اللى اشتريتها انهردا.


https://i.top4top.io/p_1982s9qzt1.jpg (https://top4top.io/)

[abdalhaliem]

الله يجازى حضرتك كل خير.

انهردا نزلت اشتريت رام 8 جيجا وركبتها فى البنك السليم لوحدها حصلت مشكله فتح وقفل الجهاز اللى حضرتك عارفها.

فكيتها وركبت الرام بتاعتى اشتغل طبيعى.

فهل دا معناه ان البوردة متشغلش رام 8 قطعه واحدة ولا ممكن يكون بسبب سرعه تردد الرام ولا سبب تانى

دى صوره الرام اللى اشتريتها انهردا.


https://i.top4top.io/p_1982s9qzt1.jpg (https://top4top.io/)

وجزاك الله خير الجزاء

ماأتعجبله حقا

هو أننا تناولنا كل شىء بهذا الموضوع

وأجبنا على كل أستفساراتك

الأن أريد أن أسألك

على أى أساس إشتريت تلك الرام !!!!

فالرام التى لديك

ترددها 12800 أى 1600

وتوقيت 10 وفولتيه 1.5

الرام التى إشتريتها

ومن خلال الكود الذى على الرام

khx24c11t3k2/8x

حيث تستطيع أن تصل إلى كل المعلومات

فهى ترددها 19200 أى 2400

وتوقيت 11 وفولتيه 1.65

https://www.amazon.co.uk/Kingston-Technology-KHX24C11T3K2-8X-PC3-19200C11/dp/B00C6A5XZY

https://www.newegg.com/hyperx-8gb-240-pin-ddr3-sdram/p/N82E16820104373

أى لن تعمل على جهازك مطلقا

فبوردتك تدعم حتى 16gb

بواقع 8gb لكل بنك رام

وذلك كأقصى حد

ولكن تدعم ترددات

1600 / 1333 فقط


https://www.gigabyte.com/arabic/Motherboard/GA-H81M-S2PT-rev-11/sp#sp

نصيحه ياأخى

قم بأرجاع تلك الرامه فورا

بالتوفيق

[BeBo_Boy]

تمام انا عارف انها 2400 وكنت هركبها لوحدها كقطعه واحدة مش معاها رام من بتوعى مؤقتا واشترى واحدة زيها بالظبط.

لكن اللى مكنتش اعرفه ان البورده بتاعتى اخرها تردد 1600

هرجعها ان شاء الله واشوف واحدة بتردد 1600 وتوقيت 10

[abdalhaliem]

تمام

بالتوفيق دائما

[BeBo_Boy]

تمام رجعتها الحمدلله

واشتريت دى بدالها مطابقة فى التردد والفولتيه لرامه من اللى عندى.

https://mrkzgulfup.com/uploads/162334980363051.png (https://mrkzgulfup.com/)


https://mrkzgulfup.com/uploads/162334980364312.png (https://mrkzgulfup.com/)