الاطمئنان على قراءة psu

[bido22]

جهازى i5 4440
b85 hd3
ram 8 gb
vga : gigabyte gtx 660 2gb
psu : seasonic 620w 80plus bronze

الباور تم شرائه ف ابريل 2019
ساعتها كان ف حالة الخمول قرائة 12 قولت كانت 12.096 تنزل 12.024 وتطلع 12.096 وهكذا ف الخمول ساعتها سالت هنا والاستاذ عبدالحليم قالى انه دا طبيعى
من كام يوم الجهاز رستر لواحده مجرد م فى اسلاك ورا تهزت
وانهاردة الجهاز حصله فريز فجأه حتى الكيبورد مكانش بيستجيب ولا بينور مثلا زار الnum lock له لمبه مكانتش بتستجيب والماوس مكانش بيتحرك فرسترت الجهاز واشتغل عادى

قولت الايام دى اجرب ابص بصه ثابت على 12.024 دا الماكسمم بتاعه مبيزدش عن كدا
الصورة فى المرفقات

فهل كدا تمام ولا

[abdalhaliem]

مرحبا أخى الكريم

القرائات لاغبار عليها

وللتأكد

إعطنا قيمه الفولتيه من داخل البيوس

والعبره ليس بالقرائه الجيده من عدمه

لكن العبره بثبات خرج الفولتيه

وخاصه أن هناك إنخفاض بسيط بالفولتيه

بخط ال 12v

وذلك بأدنى مستوى وصل إليه هذا الخط

ال minimum

عليك مداومه مراجعه

القرائات بصوره مستمره

إلى أن تطمئن

أنه ليس هناك إنخفاض حاد

بقيم الفولتيه

بالتوفيق

[bido22]

بعد قرابة العام من هذا الموضوع

نفس الباور سبلاى ونفس جهازى

امبارح وانا بلعب على الجهاز لاحظت تهنيج
وشميت رائحة بلاستك ساخن او محروق بس مش ريحة حريق صريحة

دققت ف الكيسة واكتشفت انها من الباور سبلاى
بس هو عامة الجهاز فى تراب كتير وعاوز انضفه

شغلت hwinfo اثناء لعبى اتفاجئت انه نزل ل 11.4 للحظات
وبعد كام دقيقه عمل 11.373 للحظات برضه
واغلب الوقت بين 11.5و 11.7


عملت gpu /cpu/memory stress ببرنامج aida64

لمدة ٥ دقائق القراءة ثابتة على 11.5 واحيانا 11.7

للعلم درجات الحرارة لم تتعدى ٦٥ للكارت والcpu


الباور دا كنت شارية ابريل ٢٠١٩
واول تجربة ليه كانت القراءات ثابته على 11.7

حضرتك ساعتها قولتلى انه فيه مشكلة

ولازم ارجعه
لكن ملقتش حد اساسا من الوكيل نفسه فاهم يعنى ايه rails وان ليها حدود الخ
ومحدش رضى يرجعهولى بحجة انه مفهوش مشكلة وشغال

راسلت الشركة الام seasonic وردهم ان القراءات ف الحد المسموح بيه وهم كدا كدا مش بياخدو بقراءات البرامج دى


دلوقتى مش عارف اتصرف ازاى بعد م ضمانه خلص

هل تنضيفه ممكن يحل المشكلة ولا انا قدام انى اغيره لا محاله؟

[abdalhaliem]

مرحبا أخى الكريم ... دلوقتى أنت عبدك سياره .... المصنع المنتج لتلك السياره يقول بالديباجه الإعلانيه .... أنها تستهلك كل 10 كيلو متر لتر واحد بنزين لكن عند الممارسه وجدت أنها تستهلك لتر كل 7 كيلو فقط ... أيهما ستصدق المصنع الكاذب أم تجربتك الشخصيه ..... تجربتك الشخصيه أليس كذلك .... الأرقام الأخيره بها مشكله .... حسب العديد والعديد من التجارب .... وحدوث مشاكل وخسائر وارد جدا بتلك القيم ... المهم التأكد من سلامه قرائه تلك البرامج وتوافقها مع السوفت وير لديك .... ولتحقيق ذلك طلبنا التالى بمشاركتنا منذ عام ولم تعقب !!!! ( إعطنا قيمه الفولتيه من داخل البيوس ) موفق

[bido22]

عفوا انا مخدتش بالى من انك طلبت قراءة من داخل البايوس
كنت مفكر ان حضرتك بس قولتلى اتابع القراءات باستمرار

هنضف الجهاز وافتحه واقول لحضرتك
بس عامة هل للتراب دور فى الريحة دى؟

[bido22]

بعد منضفت الجهاز سبته ساعتين وبعدين شغلته ودى الbios https://d.top4top.io/p_245857ez60.jpg (https://top4top.io/)


حاليا بعدالتنظيف واللعب لمدة ساعتين منزلش عن 11.6

بس الفكرة انا مش قادر احدد هل الريحة دى مقلقة ولا لا
هو انا لازم اقرب عشان اشمها
بتبقى عبارة عن هوا سخن طالع من الباور ليه ريحه سخونه بس مش لدرجة حرق فهل دا عادى ولا لا


اخر سؤال

انا بنضف الباور سبلاى ببلاور بس بحس المروحة نفسها مش بتنضف كويس لانى بخاف افكه عشان سمعت انى ممكن اتكهرب وكدا
فهل فى طريقة اضمن لتنظيفه

[abdalhaliem]

القرائات من داخل البيوس مطمئنه ... لكن عليك أن تعلم إنها قرائات بحاله الخمول بدون أى ضغط على الباور .... والقيمه 11.6 هى أقل قيمه مسموح بها لكن الأستمرار عليها سيكون مقلق .... بالنسبه للرائحه للأسف فأنت مايحدد مدى خطورتها ... فأذا كانت بسيطه ونطرا لعمر الباور فممكن حدوث ذلك ... أما أذا كانت قويه فمعناها أنه نتيجه للحراره المرتفعه بداخل الباور ( نتيجه للضغط عليه ) قد بدأت بعض مكوناته تنتج تلك الرائحه وهنا لايوجد وقت محدد لإنتهاء عمل الباور ... لكن متوقع حدوث خلل به بين وقت وأخر ... وأكبر دليل على ذلك إنخفاض قيمه الفولتيه وتذبذبها كما ذكرت أعلاه تلك ( القراءة ثابتة على 11.5 واحيانا 11.7 ) .... القصه أنه سهل جدا أن أذكر لك أن كل الأمور على مايرام .... لكن القول الفصل بالنسبه للباور إذا كانت الرائحه المنبعثه منه ( إن كانت قويه ) فأنصحك بالتفكير بالبديل فورا .... موفق

[abdalhaliem]

لا ممكن فك الباور وفك المروحه منه وتنضيفها ورش الموتور بها بأكاى أزرق بدون أن تلمس أى مكثف ( خصوصا المكثف الضحم بمنتصف الباور ) موفق