المساعد الشخصي الرقمي

مشاهدة النسخة كاملة : اختيار نسخة 1650


ryko
13-03-2022, 08:49
السلام عليكم كل عام وانتم بخير نصيحة لاختيار نسخة من كارت1650 وهل فعلا الكارت ده مازال موجود جديد وبضمان 3 سنوات؟ Galax GALAX GeForce GTX 1650 EX (1-Click OC) OC 4G – GDDR6 السعر 5000 Palit Palit GeForce GTX 1650 GAMINGPRO 4G – GDDR6 السعر 6000 والكارتين اتنين فان والكيسة جيل رابع انتل
abdalhaliem
13-03-2022, 10:41
وعليكم السلام .... ممكن تجده عند أحد الباعه من الإستوك القديم .. وبعدين أنت جاى فى الحرب والدنيا مقلوبه وكورونا ومشاكل التجاره الدوليه وبتسأل عن تواجد كارت من عدمه ! ... ياأخى الكريم هناك مشاكل فى إستيراد ونقل القمح نفسه ... ( الخبز سلعه الحياه نفسها ) ... ربنا يهدى الأحوال بقادم الأيام ويسترها على الجميع ... تحياتى
ryko
13-03-2022, 21:23
عارف يابشمهندس عبد الحليم بالازمات والقلق اللى حاصل ده كله لدرجة انى اصلا مستقرتش انى هشترى ولسه متردد بسبب اللى احنا شايفينه ده بس الموضوع مش مسألة بسأل على وجوده من عدمه انا قصدى انى شوفته موجود والبائعين بيقوله انه ضمان 3سنوات اتأكد انه جديد ازاى وشايف انه بالاسعار دى فى الوقت ده كويس ولا الجيل ده دلوقتى خسارة فيه المبلغ ده واداؤه متواضع وميستحقش فكرت اشتريه ومازلت متردد عشان السعر والازمات اللى من المتوقع انها تشتد الفترة اللى جاية الواحد من غلبه بيدور على اى منفس يفك نفسه به بالرغم من العيشة اللى بقينا عايشينها والتهديدات اللى بقينا مهددين بها واللى وصلت لرغيف العيش اللى استكتروه علينا وبالمناسبة انا معيش اكيش مبلغ زى ده ولو معايا هستخسره فى كارت شاشة كل الحكاية ان معروض عليا اشتريه قسط بدون فوائد وبرضه متردد اشتريه
abdalhaliem
13-03-2022, 22:36
نصيحه ياأخى الكريم لاتشترى الأن إنتظر حتى تهدأ الأمور ... لوشىء يساعد على المعيشه وقتها أؤيد هذا الشراء ... كشراء سياره للعمل عليها على سبيل المثال ... ماعدا ذلك لايستحق أى شىء الشراء الأن ... وطبعا معروف أن هناك مغالاه بأسعار الكروت منذ فتره ... وكان من المفترض والمتوقع أن تنفرج الأزمه ... لكن أتت تلك الحرب لتعقد الأمور أكثر وأكثر ... كما بالتأكيد أن هذا الكارت لم يعد متاح جديدا الأن .. لكن كما ذكرت لك يحدث أحيانا أى قطعه بجهاز الكمبيوتر وليس كارت الشاشه فقط ... ينتهى خط أنتاجها لكن تظل كفالتها عن طريق الوكيل إلى نفاذ الكميه تماما ... ويحدث هذا بكل شىء وليس الكمبيوتر فقط ... تحياتى
ryko
13-03-2022, 23:24
شكرا جزيلا وهعمل بنصيحتك ان شاء الله
abdalhaliem
15-03-2022, 05:49
الشكر لله .. موفق دائما