استفسار فى كارت شاشه قبل الشراء [الأرشيف]

BeBo_Boy

03-05-2022, 20:23

السلام عليكمان شاء الله ناوى اشترى كارت RTX 3050 الفتره دى لكن عندى كام سؤال جهازى الحالى برسيسور I5 4590 H81 رام 8/12 باور سبلاى ساسونك 520 وات فهل هيكون فى عنق زجاجه كبير؟ ناوى ان شاء الله احدث باقى الجهاز بعد كدا الباور 520 وات هيكون كافى ؟هل فى فرق كبير بين النسخ زى جيجا بيت او msi او زوتاك ؟هل فعلا الكروت بتتباع منفرده دلوقتى من غير تجميعه؟شكرا

abdalhaliem

04-05-2022, 01:11

وعليكم السلام ورحمه الله وبركاته .... نعم سيكون هناك عنق زجاجه لكن يمكنك التغلب عليه مؤقتا بخفض الإعدادات قليلا لحين ترقيه جهازك ... والباور يفضل 550 وات فما فوق كما هو موصى به من موقع شركه الكارت نفسه ... وطالما اللوحه الأم بنفس الشريحه فالأداء سيكون واحدا بغض النظر عن إسم الشركه المنتجه للوحه الأم ... وموضوع بيع الكارت منفردا من عدمه فتخضع لحاله السوق والبائع نفسه .. بمعنى ليس لها قاعده محدده لكن يحكمها آليه السوق ورغبه البائع نفسه .... عيد سعيد

BeBo_Boy

04-05-2022, 03:00

كل سنه وحضرتك طيب يا استاذ عبدالحليم...... شكرا جدا لحضرتك ..... حاليا ملقتش غير النسخه دى بتتباع من غير تجميعه لكن معرفش الماركه دى PALIT GeForce RTX™ 3050 Dual OC 8G GDDR6.... بالنسبه لموضوع الباور ال 520 ميكفيش مؤقتا لحد التحديث ان شاء الله ولا هيكون خطر

abdalhaliem

05-05-2022, 00:40

كل عام وأنت طيب ياأخى الكريم .... شركة Palit من الشركات الرائدة في تصنيع بطاقات الرسوميات ... لكنها غير شائعه عندنا بمصر ... فلا تقلق من تلك الماركه ... بالنسبه للباور يستحسن التقيد بالحد الأدنى الذى حددته الشركه المنتجه حتى لاتخاطر بحدوث أى مشاكل لاقدر الله ... عيد مبارك

BeBo_Boy

05-05-2022, 02:23

وحضرتك طيب وبصحه.... طيب ليه فرق السعر الكبير دا بين نسخه Palit و msi ( 1500 جنيه) فرق.

abdalhaliem

05-05-2022, 05:04

هناك ماركات أو شركات منتشره بمصر وتلك يحدث مبالغه بأسعارها حيث يقبل عليها الجميع ... وهناك ماركات غير منتشره ولاتحظى بنفس الصيت ولهاذا لايقبل عليها البعض ... ليس لأنها ليست بجوده مثيلاتها ... فقط لأنها ليست معروفه للجميع ... ممكن قرائه بعض المواضيع التى تخبرك بمدى أهميه تلك الشركه ... https://arabhardware.net/search?type=all&s=Palit .... بالتوفيق

BeBo_Boy

05-05-2022, 11:04

مع حضرتك حق شوفت لينك حضرتك وعرفت ديده بالنسبالى ان عرب هاردوير لها متجر ههههه ..... معلش هرجع حضرتك لنقطة الباور تانى انا عارف ان زى محضرتك قولت الاحسن واامن يكون باور 550 وانا بتاعى 520 فهل فرق ال 30 واط دول خطر اوى يعنى ممكن مؤقتا اشغل بيه لحد ما اجمع باقى الجهاز.... حضرتك عارف الكروت بتختفى بسرعه وسعرها بيزيد .. كمان فى زياده جايه تانى فى سعر الدولار فا عايز اجيب الكارت فاسرع وقت ممكن.

abdalhaliem

05-05-2022, 21:53

إنظر ياأخى الكريم ... عن نفسى لن أستطيع تحمل مخاطره تشغيل الكارت على مصدر طاقه أقل مما تنصح به الشركه المنتجه ... سيعمل الكارت بدون أدنى شك على الباور ال 520 خاصه إذا كان بحاله جيده ... لكن هل ستمر الأمور بسلام ألى حين زياده قدره الباور ... أمر وارد ..... هل سيتضرر الكارت بصوره أو بإخرى ... هذا أمر وارد أيضا ... هذا لإن الكارت ليس دائما سيكون بحاله الإستهلاك القصوى للطاقه ... لكن ماذا إن حدث هذا ؟؟؟؟ ... كما ذكرت تلك مخاطره لاأستطيع النصح بها ... أنت كمن يضع 3 لتر زيت بمحرك سياره تنصح الشركه بكميه 3.5 لتر ... سيعمل المحرك لكن هل سيتضرر هذا ماستعرفه لاحقا عند أول مشكله تقابلك ... بالتوفيق

abdalhaliem

05-05-2022, 21:56

من الممكن شراء الكارت وتجربته فقط وتقوم بركنه إلى أن تقوم بترقيه الباور ... موفق

BeBo_Boy

05-05-2022, 23:59

دى كدا عذاب اكبر ههههه..... عموما ان شاء الله هجيب باقى التجميعه خلال الشهر دا .... هعمل تجميعه مع كيس بباور واعرضها على حضرتك تقولى رايك فيها اذا كانت مناسبه ومتوافقه مع بعض والكارت او لو شايف حاجة افضل... اعملها فموضوع منفصل ولا انزلها هنا؟

abdalhaliem

06-05-2022, 22:46

زى ماتحب ياأخى الكريم سواء موضوع منفصل أو هنا ... بالتوفيق دائما

BeBo_Boy

07-05-2022, 02:10

شكرا جدا لحضرتك.... انهردا الحمدلله جبت الكارت لكن نسخه msi الباليت كانت فى تجميعات فقط.... دى تجميعه انا عاملها كنت ناوى على ال I7 لكن موضوع البور لخبط الميزانيه شويه فاهضطر ارجع لل I5 شوفها حضرتك وقولى اذا كانت متوافقه مع بعض كويس او لو عند حضرتك تجميعه افضل.... بخصوص الكيس والبور انا لقيت كيسات كتير ماركات عارفها وفى كتير معرفهاش فامقدرتش اختار حاجة مناسبه...https://i.ibb.co/3f8c8L2/2.png (https://ibb.co/3f8c8L2)

abdalhaliem

07-05-2022, 17:58

الشكر لله ياأخى الكريم ومبارك عليك الكارت ... هنأك الله به وكفاك شره ... التجميعه جيده خصوصا أنها تلائم ميزانيتك ... بالنسبه للكيس هل هناك ميزانيه لها ؟؟ ... فقط أنصحك بشراء باور مستقل والبعد عن الكيسات التى بها باور مدمج ... فبرغم أن تلك الكيسات تحتوى على باور محترم ... لكن الباور المستقل دائما مايكون أفضل وأقوى .... بالتوفيق دائما

BeBo_Boy

07-05-2022, 19:35

الله يبارك فى حضرتك ... معلش اخويا كان مستعجل فانزل اشتراها انهردا.. لكن بورده ايسوس Prime B560M-K... وركبناها وكله تمام الحمدلله... حراره المعالج مش عايزه تظهر هنا معرفش ليه لكن هى عموما فى رينج من 50 ل 55 فى الخمول بالمبرد الخارجى مش بتاع المعالجhttps://i.ibb.co/yQtgg5P/Screenshot-3.png (https://ibb.co/yQtgg5P)

BeBo_Boy

08-05-2022, 12:59

لو فى برنامج كويس اقدر اتحكم فيه ب RGB مراوح الكيس نزلت برنامج Signal RGB بس مش ظاهر فيه RGB الكيس

abdalhaliem

08-05-2022, 20:54

مبارك مره اخرى ياأخى الكريم ... بالنسبه للمراوح فهناك برامج تكون مصاحبه للوحه الأم تتحكم لسرعه المراوح أنما ال RGB فهو سوفت وير غالبا مايأتى مع المراوح بسبب مشاكل عدم دعم المراوح لهذا البرنامج أو ذاك ... وهناك بمواقع اللوجه الأم برامج أيضا لكنها تتحكم بأضواء اللوحه الأم + كارت الشاشه + الرام + الكيبورد والماوس كمثال RGB FUSION ... الخاص بلوحات جيجابايت ... وهكذا بكل الشركات يمكنك تجريب البرنامج ... ويمكنك المحاوله مع تطبيق https://arabhardware.net/how/how-to-use- ... asus aura-sync .... أو ASUS AURA Creator ... ويمكنك كتابه أسم التطبيق على اليوتيوب لمراجعه أيا من التطبيقين ... بالنسبه لبرنامج قياس درجه حراره المعالج فممكن تستخدم AIDA64 Extreme بعد تفعيله ... بالنوفيق

BeBo_Boy

09-05-2022, 03:43

انا فعلا جربت برنامجين الايسوس وبرنامج سجنال مجيش نتيجه فامشغلهم حاليا بالريموت الى جى معاهم... بالنسبه للحراره فى الخمول الحراره طبيعيه من 35 ل 40 لكن فى الالعاب بيبقى فى رينج من 70 ل 77 واوقات بيوصل 80 مع ان المعالج القديم كان اعلى درجه ليه 72 والاتنين بمشتت الكولر ماستر مع ان الكيس القديم كانت بمرحتين فقط والتهويه اسوء من الكيس الجديده.

abdalhaliem

09-05-2022, 20:58

لاأعلم ماهو المعالج القدبم .. بالنسبه لدرجات الحراره المذكوره أعلاه فهى مرتفعه نسبيا لمعالج I5 4590 ... قد تكون تلك الدرجات مقبوله بالنسبه لكارت الشاشه لكنها تمثل إختناق للمعالج ... ماهو نوع المشتت الذى لديك تحديدا .... أعتقد أنه لايعمل بكفائه ... موفق

BeBo_Boy

09-05-2022, 21:30

المعالج القديم كان I5 4590 درجه حرارته كانت اقصى حاجة 72.... اما الدرجات الى فى الرد الى فات هى للمعالج الجديد I5 11400 ..... المبرد هو كولرماستر H410R.. كنت بستخدمه على المعالج القديم ودلوقتى مركبه للجديد.

abdalhaliem

09-05-2022, 23:43

سألتك لأنك كتبت بمشاركتك الأولى أن المعالج الحالى I5 4590 ولم أنتبه أنك قمت بالترقيه ... على كل حال المعالج الجديد المفروض أستهلاكه للطاقه أقل ... وبالتالى درجات حراره أقل وليس العكس لكن المعالج الأخير تردده مرتفع عن القديم ولتجنب أرتفاع درجات الحراره وقت الضغط يجب الإهتمام بتوفير تبريد جيد له .... موفق