اذاكر ال mcse2003 ولا استنى MCSE 2008

[gn_hanna]

ارجو المساعدة من كبار المشرفين فى هذا الموضوع
اذاكر ال mcse2003 ولا استنى MCSE 2008
انا بدأت فى داونلود MSCE2003 CBT Nuggtes و بكمل كل الكتب المساعدة فهى متوفرة
وعرفت من مايكروسوفت ان windows 2008 هتنزل اخر السنة ودة معناة انة هيبقى فى MCSE2008

واول امتحان اعتقد انة هيتعدل بعد كدة وهو :
Exam 70-620: TS: Microsoft Windows Vista, Configuring

ارجو فتح باب المناقشة فى هذا الموضوع

[YasrKasem]

السلام عليكم
اخى العزيز لن يوجد MCSE فى الويندوز الجديد لكن كما انت زكرت انها امتحانات جديده تبدأ بـ MCTS وايضا MCITP وأخرها المفروض MCA
لكن اذا قدرت تخلص 2003 قبل 30 يوليو القادم يمكنك عمل امتحانين ابجراد للويندوز لونج هورن الجديدة هذا كما ذكرت ميكروسوفت والله اعلم
بالتوفيق

[Scorpion007]

طب لو ما لحقتش يا اخ ياسر اخلص MCSE

اية اللى المفروض اعملة ؟؟

[YasrKasem]

السلام عليكم
لا عادى كمل دراسه بس مش هتاخد الـ 40% الخصم على امتحان الابجراد لويندوز لونج هورن
بس كده

[Scorpion007]

ااة متشكر جدا اخ ياسر وربنا يسهل لانى لسة بادىء الطريق فى MCSE

[gn_hanna]

السلام عليكم
اخى العزيز لن يوجد MCSE فى الويندوز الجديد لكن كما انت زكرت انها امتحانات جديده تبدأ بـ MCTS وايضا MCITP وأخرها المفروض MCA
لكن اذا قدرت تخلص 2003 قبل 30 يوليو القادم يمكنك عمل امتحانين ابجراد للويندوز لونج هورن الجديدة هذا كما ذكرت ميكروسوفت والله اعلم
بالتوفيق

مشكور على الرد اخى الكريم
ارجو منك مراجعة الرابط التالى ثم الرد على الرسالة
https://www.mcmcse.com/articles/new_microsoft_certifications.shtml

وفقا للرابط : ان MCSE 2003 سوف يتم الغاء الامتحان فى March/April 2008 .
فما الفائدة من دراستها الان - انا من راى ان اكمل تحميل الفيديو للــ MCSE 2003 من CBT Nuggets واذاكر هذة الشهادة دون دخول الامتحان (توفيرا للوقت والمصاريف) وادخل التراكات الجديدة

ارجو من الاخوة مساعدتى هل هذا كلام معقول ام وجب على دخول الامتحانات فى MCSE 2003 ؟

[Scorpion007]

ايوة يا اخ ياسر انا مش فاهم اية اللى هيتلغى يعنى شهادة MCT هتبقى بدل شهادة ال MCSE ألحالية ؟؟؟

[sheko334]

ياريت ياجماعة تنصحونا لان فعلا الموضوع دة مهم علشان احنا بندرس فالمناهج الحالية وانا شخصيا معنديش استعداد بعد ما اخلص منهج واتعب فالمذاكرة الاقى المنهج اتغير وارجع اذاكر من الاول ..لان الدراسة دلوقتى على windows server 2003 والجديد اللى نازل او يمكن نزل خلاص هو windows server 2008 ...ياريت حد يدلنا لان حرام الواحد حتى لو لحق يخلص المنهج وياخد الشهادة انه ميلحقش يفرح بيها ويلاقى نفسة لازم يحدث الشهادة بمنهج جديد...ياريت ردو علينا بسرعة او على الاقل نبتدى ندرس ايه وناجل ايه لغاية مايعتمد بالنسبة لميكروسوفت على انه منهج جديد

[digital_cico]

شهاده mcse هتفضل موجوده لكن في مناهج windows 2000 و 2003 اما لونج هورن ستمنح فيه شهاده mcts و mcitp وللعلم لايمكنك الأبجريد من 2000 ل 2008 لكن يمكنك من 2003 ل mcitp

[sheko334]

شكرا اخ digital_cico

بس برضه موصلناش للهدف...يعنى نذاكر ولا نستنى؟؟ ولو زاكرنا فنذاكر ايه ونأجل ايه لغاية المنهج الجديد لما يعتمد ؟؟

[kood]

ياشباب انا زيكم اذاكر الان mcse 2003
والفرق بينهم في بعض التسميات اما الوضائف فهي نفسها
وبالصراحه اللي يقدر يكمل 2003 احسن اقل في التكاليف من ناحيه ومن ناحيه اخرى
ماتخش الاختبارات تبع 2003 روح ذاكر كتب 2008 وحتشوف الفروق بسيطه صدقوني
وخش اختبارات 2008 من دون ماتختبر 2003

[Scorpion007]

عندك حق اخ كود بس بتوع الشركات بيخنقو فى الانتر فيو وتلاقى واحد طالع من النص يقولك احنا عندنا ويندوز 2003 وعندنا ديبارت شغال على ويندوز ميلينيوم قولى دة اتصرف معاة ازاى وتبقى انت رايحلة ياحدث حاجة زان قولتلو انا ويندوز 2003 \ 2000 يقولك دة احان خلاص بدنا لونجهورن
والله مش عارف نعمل اية علشان نملا عينيهم ولا هوة مجرد احباط فينا وخلاص

[YasrKasem]

السلام عليكم
ياشباب مكبرين الموضوع ليه
ويندوز 2003 شغاله ومش هتتلغى واللى هيتلغى امتحانات الابجراد من 2000 الى 2003
وقلنا ان اللى بيخلص MCSA او MCSE على 2003 قبل 30 يوليو هياخد خصم 40% على الامتحانات بتاعت الابجراد لويندوز لونج هورن وهما امتحانين بس يعنى فى ايدينا مكسب من ناحيتين
المهم تذاكرو وتفهمو و تدربو والباقى على الله
الشغل مقرف والحياة العملية مختلفة عن الكتب لكن نعمل ايه على الاقل احسن من غيرنا اللى قاعدين على القهوة
بلاش نعمل احباط لبعض وخلينا نبص على اللى احسن مننا مش كده ولا ايه !!!
ربنا يوفقك كل مجتهد

[Scorpion007]

عندك حق اخ ياسر انا هتوكل على الله فى MCSE وربنا يسهل ويخيلك معاونا لينا فى المنتدى

وهنزاكر ونعمل اللى علينا والباقى على الله زى ما بتقول وزى ما اتعودنا وربنا يجزيك كل خير

[sheko334]

انا بالنسبالى ابتديت فى mcse وهكمل ان شاء الله...لو لحقت اخلص يبقى الحمد لله وبعدين هفكر فالابجريد...لو ملحقتش يبقى برضه الحمد لله وعلى الاقل احس انى مفضلتش استنى وضيعت وقت...وعامة اى حاجة جديدة بتاخد وقت على متنتشر يعنى هنلاقى فيه شركات كتير لسة شغالة على server 2003 يعنى هيكون معانا وقت ان شاء الله وربنا يوفقنا كلنا ويسهلنا كل صعب ويوفق كل طالب علم وكل واحد بيسعى لتنمية قدراته

[MO3TAZ20]

انا شايف ان الناس تذاكر الmcse 2003 لان ده اللي موجود دلوقتي و المستخدم عقبال ما الشغل يحتاج longhorn الكلام ده اعتقد كمان سنتين و معتقدش انه هيكون الاختلاف كبير لدرجه ان اللي معاه 2003 ميقدرش يشتغل عليه يعني بشويه قرايه العمل هتتلم اما من ناحيه الابجريد اعتقد مش هيبقي فيها برضو مشاكل هيبقي امتحانين مش 7 يعني عادي اعتقد المهم الناس متخليش حاجه زي كده توقفم و لا تأخرهم عن المذاكره

[gn_hanna]

انا بشكركم كلكم
طيب انا لسة معملتش حاجة خالص انا خلصت الداونلود بس - هل امامى فرصة اخلص MCSE قبل 30/6/2007 ؟ وكيف ابدأ - اذاكر الاسئلة وخلاص ولا اية ؟
وارجو التوضيح الفرق بين mcts و mcitp وما هى الامتحانات المطلوبة ؟

[MO3TAZ20]

مش لازم تخلص قبل 30/6/2007 مين قال كده ؟؟ الكلام كان عن ان التخفيض علي امتحانات الترقيه للونج هورن هتخلص في الميعاد ده

اعتقد من اللي قريته في الوقت الحالي مفيش حاجه هتتلغي غير امتحانات الترقيه من mcse2000 الي mcse2003 لكن امتحانات الmcse2003 و امتحانتها لم يعلن عنهم اي شيء غير انهم مستمرين لكن امتي يوقفوها لسه متحددش حاجه

[orabeexabee]

معتقدش ان شهادة MCSE 2003 حتتلغى دلوقتى خالص,,ليـــــه:-

بنظرة بسيطة كده (H)

ذى مانتم شايفين ان ميكروسفت لحد دلوقتى فاتحة الباب لعمل ابجريد لويندوز 2000 مع انها نزلت 2008 ,,,وطبعا 8 سنين فرق بين النسختين,,,ولو كانت حتلغى 2003 مكنتش حتقولهم اعملو ابجريد لويندوز 2003 فى فى فترة مدتها ,,,كذا
والا بقى يبقى بتضحك على دقون الناس

نفس الحال حيكون مع سيرفر 2003 ,,,يعنى ميكروسفت احتمال تلغى 2003 بانزال نسخة جديدة من السيرفر ...غير 2008سيرفر ,,ومش معروف حيكون سنة كام ..احتمال 2012 او 2011 ربنا يحينا ,,

والله اعلم
بس اهم حاجة الان الواحد يخلص الى هو فيه,,,,وميستناش
وبالتوفيق للجميع:frnd"