استفسار عن وقت استلام الشهادة

[wolf000]

السلام عليكم اعضاء المنتدى

انا حابب اسال عن حاجة

بالنسبة للناس المقيمين فمصر وحصلوا على شهادة CCNA ياريت يقولولى الشهادة خدت وقت قد ايه لغاية موصلتلهم من ساعة ماتبعتت من شركة سيسكو...انا راجعت البيانات فموقع الشركة ولقيتهم كاتبين تاريخ فى القسم test history تحت kit sent واعتقد ان دة بيدل على انهم بعتوها خلاص ...لكن فالقسم check (https://www.certmanager.net/cisco/fulfillment_track.aspx) fulfillment status لقيت انهم مش كاتبين تاريخ انهم بعتوها ,, وفات حوالى اسبوعين من وقت التاريخ اللى بيقولوا انهم بعتوها فيه واكتر من شهر على الامتحان...سالت فمكتب البريد قالولى مفيش حاجة وصلت..ياريت تفيدونى وياريت الناس اللى فمصر تحديدا تفيدنى لانى مقيم فمصر..وشكرا ليكم كلكم على مساعدتكم مسبقا

[bandas256]

انا برضك اعاني نفس المشكلة حيث مر اكثر من شهر ولم نصلني الشهادة حتي الآن.. ادينا منتظرين

[yahya2000]

حبيب قلبي إذا كنت تقصد أن Sent Date في Certification Fulfillment Tracking and Reporting مكتوب فيها na فهذا غير مهم لأن سيسكو تتأخر في كتابة التاريخ حتى بعد وصول الشهادة إليك..

ادخل على Certificate Status انظر التاريخ المكتوب تحت Kit Sent هذا هو تاريخ ارسال الشهادة من أمريكا , سوف تصلك من فترة بين 10 - 25 يوم من هذا التاريخ..

طبعا هذا في حال أنك وضعت عنوان البريد لمركز الامتحانات الذي قدمت فيه امتحانك أما إذا وضعت عنوان بريدك الخاص فأخشى يا صديقي أن لا تصلك الشهادة أبدا و قد نبهنا إلى ذلك كثيرا في المنتدى..

لك حبي..
أخوك يحيى من سوريا.

[Scorpion007]

ولو اديتلهم بريدىة الشخصى اية الخطورة فى ككدة ولية الشهادة ممكن ما توصلش ؟؟

[sheko334]

نفس سؤال الاخ Scorpion007 وهو ايه المشكلة انى احط عنوان بريدى الشخصى....انا مش شايف فيها مشكلة لان المهم يكون العنوان صحيح...ياريت ياخ يحيى توضح ايه الخطورة فكدة...وشكرا

[yahya2000]

نعم يا صديقي هنالك احتمال بأن لا تصل الشهادة إلى بريدك الشخصي..

الكلام الذي قلته يا سيدي الفاضل سليم من الناحية المنطقية فيكفي أن يكون البريد صحيحا لكي تصل الشهادة إليه و لكن تجربة بعض الأخوة مع مؤسسات البريد أثبتت أنه من الأفضل و الأأمن أن تضع عنوان مركز الامتحانات فقد أصبح مكانه معروفا لشركة البريد و لا مجال للخطأ في إيصال الشهادة إليه و من ناحية أخرى فالمعهد يصبح هو المسؤول عن شهادتك و المطالبة بها في حال تأخرها أو عدم وصولها..

لك حبي..
أخوك يحيى من سوريا.

[sheko334]

شكرا اخى يحيى ولا يسعنا سوى قول ربنا يستر على شهادتنا

[wolf000]

مشكورين جميعا

[Scorpion007]

طب يا اخ يحيى الاسكو تست مش يثبت انى نجحت ؟؟؟ ولا.....

اثبت ازاى انى نجحت لو شهادتى ما وصلتش ؟؟؟ ...

ماكنتش لازمة يعنى يا اخ Wolf000 تحط المشاركة دى ..

[yahya2000]

طب يا اخ يحيى الاسكو تست مش يثبت انى نجحت ؟؟؟ ولا.....

اثبت ازاى انى نجحت لو شهادتى ما وصلتش ؟؟؟ ...

ماكنتش لازمة يعنى يا اخ Wolf000 تحط المشاركة دى ..


مرحبا يا صديقي...

الشهادة ليس لها أي قيمة و إثباتك بأنك نجحت في الامتحان هو اسمك الذي سيدرج في قائمة سيسكو على الانترنت ...

ولا يهمك حبيب قلبي انشاء الله سوف أكتب موضوعا أشرح فيه طريقة إظهار اسمك على سيسكو و كيف تستطيع إرسال إيمايل باسم سيسكو إلى الشركات يظهر الامتحانات التي نجحت بها....

لك حبي..
أخوك يحيى من سوريا.

[sheko334]

ماكنتش لازمة يعنى يا اخ Wolf000 تحط المشاركة دى ..

انت قلقان يا Scorpion007 ولا ايه LooL LooL LooL

اكيد طبعا السكور ربورت بيثبت انك ناجح وكمان اثبات اكتر ان اسمك بيكون موجود عندهم على الموقع الخاص بسيسكو...لكن السؤال هو عن الشهادة وامتى ممكن توصل لان طبعا الشهادة اهم من الريبورت دة غير انك بتحس انك كدة مبسوط بيها :Big: ..انا شخصيا قاعد مستنى الفرج لحد ملاقى الباب بيخبط واعرف انها وصلت:Big: ..يامسهل ... وكل يوم مزهقهم فمكتب البريد وبسال اذا كان فى حاجة وصلت من امريكا ولا لا...بيتهيألى انها لو وصلت من غيظهم ممكن يرموهالى فالنيل ...:Big: :Big: :Big:

[Scorpion007]

بصراحة انا شكيت وخفت لتقع فى ايد الراجل اللى بيوزع الجوابات وهوة مش بيعرف انجليزى ممكن يفكرها ورقة كرتون بتلمع مدينهالو علشان يلم فيها الجوابات بتاعة الناس

ياريت يا اخ يحيى بجد كتير الف خيرك لو عملتلنا الموضوع اللى بتقول علية دة بالنسبة ليسيسكو
وربنا يبارك فيك

[sheko334]

بصراحة انا شكيت وخفت لتقع فى ايد الراجل اللى بيوزع الجوابات وهوة مش بيعرف انجليزى ممكن يفكرها ورقة كرتون بتلمع مدينهالو علشان يلم فيها الجوابات بتاعة الناس

:Big: :Big: :Big: :Big: :Big: :Big: :Big:

انت زى العسل يا Scorpion007 وعلى فكرة انا كنت قلقان وبفكر زيك بالنسبة للانجليزى والموزع بتاع البريد:Big: ...وكنت بقول ربنا يستر ويعرف يقرا الاسم او اللى بيترجم يترجم صح لانهم لما بيكتبوا العربى بيعكو فمابالك لما يكتبوا انجليزى او " عنجليزى:Big: "...لكن اعمل زيى وخليك ورا مكتب البريد واعرف مين الموزع واتكلم معاه وعرفه عنوانك بالضبط وان الجواب جاى من امريكا...انا عملت كدة ولسة مستنى:Big: ...وربنا يستر

[Scorpion007]

انا مش عارف اية اللى وقعنى فى الحوار دة .. استغفر الله العظيم ياارب

اخ يحيى بيقول و قد نبهنا إلى ذلك كثيرا في المنتدى.. وانا من ايام لما كنت بزاكر ما لاقتش الكلام دة ولا حد عرفنى
وانا يوم ما روحت امتحن بتوع المركز قالوزلى املا البيانات والله العظيم وكتاب الله قولتلة اكتب عنوانكم انتم علشان تيجى فى وسط العفش .. فتح بقة وبيقولى اللى هتخليها تجيلى يبقى هتجيلك وكان زى ما يكون مش عاوزها تروحلة
وفعلا الاخ يحيى بيقول ان المركز هوة المسؤل وهوة اللى بيتابع .. والمهندس اللى هناك ما خلانيش ابعتها عليهم والايميل ورقم التليفون وكل حاجة بتاعتى
دلوقتى اروحلهم البريد ااقولهم الورقة الامريكية جت ولا لسة فى بيتها ؟؟
ربنا يستر بقى وانقزنا يا اخ يحيى بحل من حلولك الله يكرمك

[yahya2000]

مرحبا يا صديقي..

حبيب قلبي أنا لا أريدك أن تبقى قلقا الموضوع بسيط و حياتك يا حبيبي مش مستاهل هالتفكير كله...

أولا أنا لم أقل أن الشهادة لن تصلك إذا لم تضع عنوان مركز الامتحان أنا قلت أن هنالك احتمال بأن لا تصل الشهادة و ذلك بحسب تجربة الأخوة و يبقى مركز الامتحانات هو الأأمن لك و لشهادتك لذلك تراني أنصح دائما أن تضع مسؤولية الشهادة على عاتق المعهد ..

الآن لنفرض أنه لا سمح الله انتظرت شهرين و لم تصلك الشهادة ما هو الحل؟
ما عليك يا صديقي إلا أن تدفع مبلغ 15$ تقريبا و سترسل لك سيسكو شهادة أخرى لكن لا تنسى أن تضع عنوان بريد مركز الامتحانات..

أرجوك أن لا تنساني من دعائك..
أخوك يحيى من سوريا.

[Scorpion007]

الله يخليك اخ يحيى وبارك الله فيك

انا عملت زى شيكو وروحت نبهت عليهم فى مكتب البريد انهم ما يبعتوهاش البيت وانا هروح اخدها منهم وهبتدى اتابع وربنا يسهل .. الف شكر يا شيكو

[sheko334]

اخ Scorpion007 متقلقش هما بعتولى الشهادة من اسبوعين بالضبط وكنت حاطط عنوانى الشخصى ولسة وصلانى من حوالى ساعة...انا حبيت اطمنك لانه مفيش داعى تقلق طالما انت كاتب عنوانك صح وواضح,,, والاخ يحيى بينبهنا للاحتياط مش عشان نقلق يعنى الاضمن زى ما قال انه مركز الامتحانات عشان معروف مكانه,,, ان شاء الله هتوصلك قريب جدا بس للاحتياط اعمل زى ماقلتلك وشوف انت تابع لاى مكتب بريد وكلمهم واكد عليهم...وان شاء الله هيوصلولك شهادتك لغاية عندك زى ما وصلتنى...وبالتوفيق

[Scorpion007]

ألف مبروك يا شيكو وعقبالنا

[sheko334]

ألف مبروك يا شيكو وعقبالنا

الله يبارك فيك يا Scorpion007 وهننتظر تطمنا ان شهادتك وصلت ان شاء الله

[essam_116]

السلام عليكم ياشباب

انا نجحت امبارح فى امتحان CCNA بس مش عارف اجراءات استلام الشهاده هل بستنى يبعتوا اميل ولا بدخل على اللنك اللى فى الربورت واعمل باسورد ارجو الافاده وشكرا

[sheko334]

السلام عليكم ياشباب

انا نجحت امبارح فى امتحان CCNA بس مش عارف اجراءات استلام الشهاده هل بستنى يبعتوا اميل ولا بدخل على اللنك اللى فى الربورت واعمل باسورد ارجو الافاده وشكرا

ادخل على موقع سيسكو وسجل نفسك علشان تقدر تتابع بيانات الشهادة هل اتبعتت ولا لسة وعلشان لو عاوز تغير العنوان او لو عاوز الشهادة تكون مطبوعة او الكترونية وغيره...هتلاقى هناك كل حاجة وهتفهمها لوحدك...بالتوفيق ان شاء الله

[essam_116]

شكر يا اخ شيكوا جزال الله خيرا انا فعلا عملت كدا وربنا يسهل

[essam_116]

دخلت على الموقع اليوم وشفت Certification Fulfillment ولقيت Queued Date14/6 ولقيت SENT DATE NA مامعنى NA هل كده هى اتبعتت ولا لسه مش فاهم

ارجو الافاده وشكرا

[weamfox]

NA يعني Not Applicable

[sheko334]

دخلت على الموقع اليوم وشفت Certification Fulfillment ولقيت Queued Date14/6 ولقيت SENT DATE NA مامعنى NA هل كده هى اتبعتت ولا لسه مش فاهم

ارجو الافاده وشكرا

اخى سيبك من Certification Fulfillment ادخل على test history ومنها Certificate Status هتلاقى حاجة اسمها Kit Sent هى دى تاريخ ارسال الشهادة....ودمتم

[essam_116]

دخلت عليها لقيت مكتوب فيها n/a

دى معناها ايه

[sheko334]

دخلت عليها لقيت مكتوب فيها n/a

دى معناها ايه

معناها لسة متبعتتش

[weamfox]

N A يـــعــنــــي NOT APPLICABLE......
يعني Not yet being applied
يعني لسه الحاج Cisco وأولاده بيكتبولك الشهاده .. ثم إنت مستعجل ليه دا إنت لسه مخلص الإمتحان من كام يوم... الصبر مفتاح الفرج

[essam_116]

ياجماعه كدا بقالى 20 يوم مخلص امتحان ولسه send date زى ماهو مش محدد غير ب NA هل ده طبيعى ولا فى مشكله ارجو الإفاده

[yahya2000]

ياجماعه كدا بقالى 20 يوم مخلص امتحان ولسه send date زى ماهو مش محدد غير ب NA هل ده طبيعى ولا فى مشكله ارجو الإفاده

حبيب قلبي أظن أنك تبحث داخل Check Fulfillment Status و هذا لن يعطيك المعلومات التي تريدها..

إذا أردت معرفة تاريخ ارسال الشهادة ادخل إلى Certificate Status و انظر إلى Kit Sent

لك حبي..
أخوك يحيى من سوريا.