فيدونى افادكم الله بخصوص ccna

[Nightspy]

السلام عليكم ورحمة الله وبركاتة
قررت بامر الله الدخول فى مجال الشبكات بعد مجاهدات عقلية والمفاضلة بين البرمجة والصيانة
الشبكات والجرفيك فاخترت الشبكات وبما ان اول قدم فى الشبكات هى ccna
فسوف اقدم بامر الله فى يات لابداء دراستة
اريد منكم افادتى
هل تتطلب لغة انجليزية جيدة ام ماذا
خلفيتى ليست بالجيدة عن الشبكات فانا اعرف معلومات عن الايبيهات والجتواى والدى اس ال
والشبكات اللان
فهل هذا يكفى
وماهى الاخطاء التى يجب ان اتفادها فى نظام التعليم والدراسه




محتاج ردودكم مهما كانت

[sheko334]

اخى Nightspy بعد التحية

اكيد لازم تكون اللغة الانجليزية عندك كويسة...مش شرط انك تكون محترف لغة انجليزية لكن على الاقل تكون فى المستوى المقبول علشان الدراسة والامتحان بالانجليزى ولا انصحك ان تدرس المنهج باللغة العربية لان المصطلحات وحجات كتير بالانجليزى وشغلك كله بالانجليزى...دة بالنسبة للغة..اما بالنسبة للخلفية عن الشبكات ففى اعضاء فالمنتدى كانوا نصحوا بدراسة network+ قبل دراسة ccna...لكن اعتقد بما انك عندك الخلفية من الاول عن الشبكات فاعتقد انها كفاية علشان تدرس ccna على طول....دى وجهة نظرى وقد يختلف معى الغير....ربنا يوفقك

[Nightspy]

شكرا اخى الكريم على التجاوب لاكن هل توجد مصطلحات لحفظها او اى شئ لتقوية اللغة فى هذا المنهج

[sheko334]

اخى انا لم اقصد مصطلحات فاللغة تحديدا ولكنى اقصد مصطلحات خاصة بالشبكات لانه من الافضل فهمها باللغة الانجليزية ...وعندما تبدأ بإذن الله فى دراسة المنهج ستفهم قصدى....ولا تظن انها صعبة...فهى مادة سهلة وجيدة واللغة فيها ليست صعبة...

[amna_ali]

كلام الاخ شيكو صحيح ستحتاج لان تكون على معرفة باللغة الانجليزيه ولكن لا يشترط ان تكون خبير بها لان معظم المصطلحات التي ستقابلك هي اسماء لاجهزه او تعريفات لاجزاء الشبكه يعني حتى لو كانت لغتك قوية قد لاتكون قد سمعت بها قبل الان لكن اللغه ستفيدك جدا لو رغبت بمشاهدة السيديهات التعليميه لل CCNA

لو عاوز تعرف ماهي الموضوعات التي تحتاجها لتكوين خلفيه متازه عن الشبكات راجع اي كتاب للNetwork + اذا وجدت انك على درايه بمعظم المواضيع فابتدا بال CCNA مباشره امافي حالة العكس فاقرا كتاب مبسط لمنهج ال Network+ ثم ابدا بال CCNA

ستجد معظم المواد ومعلومات مفيدة في المقالين التالين

الخطوات والأدوات الصحيحة لإحتراف ال Cisco وال CCNA ، CCNP
https://www.arabhardware.net/forum/showthread.php?t=49509

معظم ما تحتاجه لشهادة ccna من كتب وبرامج وإمتحانات
https://www.arabhardware.net/forum/showthread.php?t=47093

[Nightspy]

مش عارف اعمل اية انا خايف اتيجى اسئلة ما اعرف معناها

[sheko334]

مش عارف اعمل اية انا خايف اتيجى اسئلة ما اعرف معناها

اخى الموضوع مش زى ما انت متخيل...انت بتختبر شبكات مش بتختبر لغة انجليزية...واحنا وضحنالك ان المطلوب مش انك تكون محترف لغة ولكن يكون عندك دراية باللغة ...واذا كنت فاكر ان ممكن يجيلك سؤال انت متفهموش فالموضوع سهل لانك مع ممارستك للمنهج هتلاقى نفسك بتزيد عندك المعلومات فى اللغة وهتلاقى نفسك طبيعى فالنهاية فاهم الكلام اللى بتذاكره دة غير ان معظم الكلام والمصطلحات بتتكرر يعنى اللى معرفتهوش فالاول هتلاقى انك عرفته بعدين...لكن المفروض يكون مستواك مقبول فاللغة لان زى ما قلتلك الاخت امنة فى ان اللغة هتفيدك لما تكون بتدرس من سيديهات تعليمية .... الموضوع بسيط ومش محتاج تقلق نفسك...اتوكل على الله وحدد هدفك وان شاء الله هنسمع قريب انك حصلت على شهادة ccna وابتديت فالشهادة اللى بعدها

[Scorpion007]

اسمع كلام شيكو على الرغم من انة حاطط جهازة فى المطبخ تحت الشباك بس كلامة صح :)

ما تسالش على هتعرف تحل ولا خايف لما تفهمش السؤال الحاجات دى احنا بنسالها كلنا لنفسنا قبل الامتحان يعنى حجزنا وزاكرنا وراجعنا فبعد ما تخلص هتلاقى حاجات واسئلة كتيرة اختفت واصبح الموضوع ابسط
انت احجز كورس فى مكان بس علشان خاطرك وخاطرى حاول تتاكد ان الانستركتر اللى هيشرحلك راجل فاهم وبعد كدة زاكر معاة وفى لااخر راجع وحل اسئلة ( الاسئلة موجودة فى شكل ملفات هما فى الكورس هناك هيفهموك كل حاجة )
من الاخر ما تقلقش وموفق بازن الله

--------------------
ماعليشى يا شيكو النت عندى وحش فبدخل الحق حاجة واخرج :)

[sheko334]

اسمع كلام شيكو على الرغم من انة حاطط جهازة فى المطبخ تحت الشباك بس كلامة صح :)
--------------------
ماعليشى يا شيكو النت عندى وحش فبدخل الحق حاجة واخرج :)


مش بقلك يا Scorpion007 انت ورايا ورايا:Big: :Big: ...اذا كان النت عندك وحش ومع ذلك كل ما اروح فمكان لازم الاقيك...اومال لو كان كويس هتعمل فيا ايه؟؟؟:Big: :Big: :Big: :Big: مش بعيد الاقيك بتخبط عليا باب بيتى:Big: :Big:

بقلك ايه,, تحب اديلك اسامى باقى المنتديات اللى انا مشترك فيها علشان تطاردنى هناك والاقيك حاطط ردودك معايا؟؟؟:Big:

معلش يا Nightspy انا اسف خرجنا عن موضوعك..ياريت تقبل اعتذارى وربنا يوفقك

[lumark_s]

أحلى إثنين في المنتدى: شيكو و سكوربيون هههههههههههههههههههههههههههه

ربنا يخليكوا ويديم عليكوا المحبة يا رب

[Scorpion007]

ربنا يخليك يا لومارك .. اخجلت الجميع بتواضعك و خلقك الكريم وادابك وتعاليمك الدينية
صدقنى انا افتخر بثناءك وحبك واحترامك المتبادل للاخرين
ربنا يخليك لينا وللمنتدى دائما لااننا تعودنا على وجودك معنا

[sheko334]

صدقنى يا لومارك انت الاحلى فالمنتدى دة من كل النواحى سواء علميا او فى اخلاقك الراقية وانت مكسب لينا لانك مشرف الشهادات العلمية وانا شخصيا من الناس اللى قريت معظم مواضيعك ودايما متابع كل جديد منك...ربنا يوفقك وربنا يزيدك فى العلم والدين ويزيدنا معاك ويديم الحب بينا فى المنتدى ويديمه بين كل المسلمين...بس يايرت تشوفلى حل فى Scorpion007 بيطاردنى فكل مكان ههههههههههه:Big: :Big: :Big:

معلش بعتذر تانى للاخ Nightspy علشان خرجت عن موضوعه...اقبل اعتذارى

[Nightspy]

شكرا لكلل من شارك
اقتباس من shecko334
معلش بعتذر تانى للاخ Nightspy علشان خرجت عن موضوعه...اقبل اعتذارى
لا عادى مفيش مشكلة وممكن حتى تخليها ملعب كورة هههههههههه

طيب انا اخترت يات لسببين السعر والمستوى اية رائيكم
وحد يعرف مهندس كويس هناك فى يات مدينة نصر

[lumark_s]

ربنا يخليكوا يا إخوة، أنا معاكم دائماً وما يبعدني غير الله وقدره

وبعدهالك يا يا سكوربيون، متسيب الراجل في حاله يا أخي الله !

ههههههههههههه

أخي العزيز: اللغة الإنجليزية أصبح لا غنى عنها في هذه الأيام، ولكن هذا لا يعني أن تتكلمها بطلاقة وتصبح إنجليزي لكي تجتاز الإمتحان، ولكن لا بد أن تعرف جميع المصطلحات التي تدرسها، ولابد أن تعرف معناها.

هذا رأيي والله أعلم