CCNA في مصر ومن كيسي لتكنلوجيا المعلومات

[snafe]

السلام عليكم ورحمة الله وبركاته

كيف حال الأخون

حبيت أعرف رايكم في كيسي لتكنلوجا المعلومات والشهاده اللي من عندهم بالنسبه ccna
هل هي معتمده

وهل التدريب عندهم جيد وما مدا مصداقيتهم


وشكر لك من أدلا بمعلومه مهما كانت

هذا موقهم
https://www.kit.com.eg/arabic/Training/IC_Cisco_General.htm

وشكرا

[YasrKasem]

السلام عليكم
تقصد شركة KIT انها شركة كبيرة ولها خبرة فى مجال التدريب لكنى لم أخذ اى دورات معهم وعموما موضوع الاعتماد يرجع للامتحان وهو معتمد طبعا اما قدرتهم فى التدريس لا يعلمها الا الله

[snafe]

مشكور ما قصرت

أنتظر البقيه

[weamfox]

أنا أفضل إنك تروح لأي Cisco Academy ... في عندك في جامعه القاهرة وفي في الجامعه الأمريكيه وفي قي كليه الهندسه (عين شمس أعتقد) وفي YAT وفي رايه وفي IBM..
الكسيبي مش Cisco Academy ... ده مجرد معهد عادي.. صحيح فيه مدرسين 100 100 بس معندهوش LABs نهائيا وشغلين بـ Simulator زي Boson ... لكن في Cisco Academy حتقدر تمسك الـ Router أو الـ Switch بإيدك وتوسل الكابلات وتعمل الـ Configuration ...

المشكله اللي ح تقابلك هي
(1) الأسعار المختلفه... حتسمع شويه أسعار إنما إيه.. ح تصـــــــوت
(2) فتره التدريس... في ناس حتديلك الكورس في 6 أيام وفي ناس في 15 وفي ناس في 6 أسابيع.

بالنسبه لي بعد بحث مضني لقيت إنه الجامعه الأمريكيه أرخص وأحسن
4 سيمسترز ,السيمستر 6 أسابيع ,الأسبوع 3 أيام ,اليوم 4 ساعات... السيمستر بـ 950 جنيه

مع أي Cisco Academy حتمتحن كل يوم علي الـ Module اللي أخدته في اليوم اللي قبله. والإمتحان من Cisco علي الـ Web site بتاع Cisco

يعني من الأخر شغل نــــــــــــــار...

فكر وكلم المعاهد وإعمل إتصالاتك مع كل Cisco Academy وشوف إنت عايز إيه

[amna_ali]

بالرغم اني لا اعيش في مصر و لا اعرف معاهدها لكن اؤيد كلام الاخ weamfox بشدة احسن مكان تدرس فيه شهادات سيسكو هو سيسكو اكاديمي التعلم على راوترات و سويتشات حقيقية هو اهم جزء في التعلم و سيسكو اكاديمي بتطلع منها فاهم جدا جدا و على فكرة في ناس كثيرة بتستهون شهادة CCNA و بتقول انها ساهلة و ما محتاجة تعب بس صدقني هي الاساس لكل شهادات سيسكو و لو كان اساسك قوي اي شهادة تانية ما حتكون صعبة عليك

[باسم شكري]

طيب ياريت حد يقول رأيه فى الكلام الموجود بالرابط التالى

علشان فرق الاسعار كده كبير جداً

https://scc.cu.edu.eg/advs/t3.htm

وياريت لو تكرمتم اللى عنده ارقام تليفونات Cisco Academy لجامعة القاهرة وجامعة عين شمس

[Scorpion007]

اة دة High-tec بتاع جامعة القاهرة بيدى الكورس ب 800 ج للطلبة و 1200 للخريجين

صحيح السعر مغرى لكن هتقارن مثلا اى سنتر موجود زى جامعة القاهرة زى نيوهرايزن زى سيسكو

كل ما تدفع اكتر كل ما تستفيد اكتر وتلاقى المكان مجهز احسن مش مجهز يعنى يحطولك تكيف ومراوح

يغعنى اللى راجو سيسكو اكادمى صحيح الفترة طويلة لكن كل حاجة عملوها بايديهم بتشوف الكابلات والوصلات على الحقيقة وتتعامل مع الرواتر والسويتشات

علشان كدة انصحك لو هتروح مكان تختار حاجة من اتنين
يتروح مكان بيعتمد على السيمويلاشن وهتفهم وهتبقى كويس وحاول ان سنحت لك فرصة انك تدرب او حد يساعدك ويوريك الاب معمول ازاى ويفرجك شوية
صحيح والله كونك انك تشوف الاشكال دى حاجة كويسة جدا

او تروح سيسكو اكادمى او حاجة كبيرة

لكن لو روحت مكان شوية يشتغل سيميولاشن وشوية رواتر حقيقية ...هتلاقى الرواتر والسويتشات بتاعتهم عيانة مانتاش عارف العيب من الجهاز الميت اللى قدامك ولا انت اللى برمجتة وعملت Config غلط
بجد والله هيطلع عينك وهتبقى دورة كئيبة علشان كدة تحتار يا فوق اوى يا تحت اوى لكن اللى فى النص دة ضحك على الناس من وجهة نظرى وتضيع وقت وفلوس

[snafe]

مشكورين يا أخوان على المعلومات المفيده جدا

وانا مويد لكلام الاخ weamfox

[mohamad mf]

انا خدت ال ccna في جامعة القاهرة ب 850 جنيه بس
وكنا شغالين على سويتشات وراوترات حقيقية في الدورة و كانوا بيعرفونا ازاي كمان نشغل السيميوليشن عشان لو عايزين نتدرب في البيت

بصراحة الدورة جامدة قوي وميزتها انها ببتاخد في شهر بس بس شهر نفخ بجد وشغل بجد

وكل حاجة في الدورة بتعملها بايدك وبيوروك كل حاجة وبيحلوا معاك الtest king اغلبيته

بصراحة انصحك بيها لرخص سعرها وجودتها العالية بالنسبة للسعر

[clerck]

لااله الا الله 850 بس طب ممكن اعرف اماكن تايه بسعار كويسه

[MR_ENGINEER]

للأسف المدرب الوحيد المحترف لسيسكو في كيت تركهم (السبب لا يهم الاعضاء) وأنا تدربت على يده وكان روعة الصراحة .....
وصار مستوى التدريب هناك يضحك....
أحد أصدقائي حجز كورس ccna هناك قريبا....واذا قعدت معاه تفطس من الضحك على المستوى الردئ مرة..

[bandas256]

ليه انت مصر علي المعهد الكويس وعاوزو رخيص ومثل مايقول اخوتنا المصريين "الرخيص غالي" انا انصحك باخذ كلام الاخوة بعين الإعتبار فكونك تأخذ الدورة في معهد اي كلام دا مش حيعود لك غير بتعب القلب وانا أؤيد كلام الاخوة في انك تاخذها في سيسكو اكاديمي وصدقني مش حتندم..انا شخصيا اخذتها في الجامعة الأمريكية فالمعمل رائع ومستر رفعت قمة في الكفاءة والأمانة العلمية وصدقني مش حتندم.