بسم الله الرحمن الرحيم - اريد اتخاذ قرار من اين ابدا فى عالم الشبكات

[clerck]

بسم الله الرحمن الرحيم


السلام عليكم ورحمه الله وبركاته
انا بجد مش عارف ابدا منين بس بجد انا محتاج مساعداتكم انا كنت فاكر مواضيع النت دي كلها كلام فارغ لحد مدخلت علي منتدي عرب هردوير والله مش بجامل النواضيع هي الي شدتني علشان اسجل نفسي واكتب الموضوع ده ولقيتكم بتساعدو بعض فقلت انا مش هخسر حاجه ياصابه يااثنين عور المهم انا كنت داخل مجال الشبكات جديد وحبيته بجد انا عمري ماحبيت حاجه زي الشبكات مش عارف ليه ممكن علشا كترسمعت عنها مجالهاوبعدين لقيت نفسي بحب حاجه وممكن انفع فيها غير دي كان عندي حلم التفوق والابداع وبعدين اول خطوه لقيت نفسي وقعت لما لقيت صحبي مش عايز يساعدنس وبيتهرب مني لقيت الموضوع صحب والله صعب كان نفسي حد يوريني الطريق ويقولي امشي ازاي ويساعدني بس انا خت بالي ان مفيش حد بيساعد حد ببلاش............ايوه ببلاش لازم مصله المهم انا اسف علي التطويل انا كنت عايز اي حد يساعدني وادعيله انا عايز الطريق ............



mohamed_abdelwahed1987@yahoo.com


والسلام عليكم ورحمه الله

[Scorpion007]

اهلا كليرك .

اولا عنوان موضوعك مخالف لشروط المنتدى وكان يجب غلق الموضوع لكنة عدلتة لك وتركت الموضوع لانه اول مشاركة لك وقد تكون اغفلت عن قراءة الشرووط

https://www.arabhardware.net/forum/showthread.php?t=47601

ارجو عدم تكراراها وذلك بكتابة عنوان واضح يبيمن ما بداخل الموضوع
..........

بسم الله الرحمن الرحيم اخى الحبيب

بص يابنى صاحبك سابك ما سابكش بية من غيرة هتنجح هتنجح كل ماعليك حط وارسم الطريق قدامك وشوف المفروض تعمل اية

دلوقتى هتابع معاك انا والاعضاء والمطلوب منك انك تكتبلنا هل معاك شهادات فى الشبكات ؟
وما هية خبرتك فى المجال ؟

التكملة بعد ردك ...

[amna_ali]

الاخ clerck
اذا كنت تريد ان تتخصص في ادارة الشبكات و نظم الشبكات بمعنى ان تكون مسئول عن شبكة واحدة انت المسئول عن تطويرها و اعطاء الصلاحيات لمستخدمي الشبكة و حل مشاكلهم و مشاكل الشبكة اليومية فعليك بشهادات مايكروسوفت و ستجد في هذا القسم في موضوع الاخ ياسر قاسم كيف تصبح مهندس نظم MCSE (https://www.arabhardware.net/forum/showthread.php?t=56130) ما ستتعلمه من هذه الشهادات و كيف تحصل على معظم المواد مجانا من الانترنت
اما اذا كنت تريد التخصص في مجال تصميم الشبكات بمعنى ان تعمل في شركة تكون مسئولة عن تصميم الشبكات و تركيبها للجهات الاخرى مثلا شركات بنوك جامعات الخ فعليك بشهادات سيسكو خصوصا CCNP لاحظ انك هنا تصمم الشبكة و تركبها و تتأكد من انها تعمل بكفاءة لكن من يديرها بعد ذلك هو مهندس النظم هناك مواضيع مثبتة في قسم سيسكو للاخ لومارك يشرح هذه الشهادات بالتفصيل
اما اذا كنت تريد ان تعمل في شركة الاتصالات المسئولة عن خدمات الهاتف و غيره فعليك بشهادة سيسكو CCVP و ستجد بقسم سيسكو ايضا معلومات عنها
شهادة سيسكو CCNA تعتبر البداية لمعظم شهادات سيسكو و مدخل ممتاز لعلم الشبكات بصورة عامة

[clerck]

بسم الله الحمن الرحيم


الحمد لله الذي هداني لهذا انا شاكر جداا لمساعدتكم وثانيا انا اسف علي سوء سلوكي
اما بالنسبه لما ما انااحصل عليه من شهادات انا مش معايا اي شهادات في الشبكات بس كل الي انا قرأته فصلين في كتاب mcse full
اما بانسبه لما اريد ان اتخصص بيه انا نفسي اتختصص في مجال تصميم الشبكات بمعني ان اعمل ان اعمل في شركه تكون مسؤل عن تصميم الشبكات

ccna وبعدين اخيرا mcsa&mcse بس نفسي اكون شاطر في المجال كلل لان صاحبي قالي انك لازم تبد

وعشان كده انا نفسي اذاكرة mcse&ccna

[ashrafat]

س برضو لازم يكون عندك خلفية قوية عن الصيانة والبرمجة يعني حاول تكسب خبرة
في A+ برضو الA+ بتحكي عن الشبكات بالنسبة لNETWORK + أظن انها كمان منيحة بس CCNA أفضل منها يعني عملية أكتر ألك ومدخل للشبكات بمفهوم أوسع وادق من NETWORK +
علشان هيك انت عندك أساس قوي في الصيانة والبرمجة وله لا
باديء من الصفر يعني

[Scorpion007]

ورايا يا باشا الرجالة كلها قدام وفية اللى هيجى بعدك ااقف فى الطابوور فى مكانك

ابدا CCNA وبعد كدة MCSE او العكس هتقولى الافضل اية هقولك براحتك علشان مافيش حاجة معتمدة منهم على التانية لكن الاتنين بيكملو بعض يعنى مش هيسببلك عجز انك تفهم واحدة فيهم قبل ما تدرس التانية
وربنا يوفقك عندك منتدى ال CCNA ومنتدى ال MCSE ادخل لاهم المواضيع دة موضوع متثبت فى القسمسن فووق واتفرج وخد قرارك

[Scorpion007]

س برضو لازم يكون عندك خلفية قوية عن الصيانة والبرمجة يعني حاول تكسب خبرة
في A+ برضو الA+ بتحكي عن الشبكات بالنسبة لNETWORK + أظن انها كمان منيحة بس CCNA أفضل منها يعني عملية أكتر ألك ومدخل للشبكات بمفهوم أوسع وادق من NETWORK +
علشان هيك انت عندك أساس قوي في الصيانة والبرمجة وله لا
باديء من الصفر يعني

ايوة كدة يا اشرف باشا عاوزين تحليل سريع وقوى بعد كل مباراة ! بدانا نستفيد من خبرتك بارك الله فيك Clap!Clap

[amna_ali]

لو عاوز تمشي في مجال تصميم الشبكات يبقى تذاكر CCNA بعدين CCNP مش MCSE لان MCSEبتدرسك نظم تشغيل مايكروسوفت و CCNP بتدرسك شبكات سيسكو
على كل انت ادرس CCNA الاول وبعد كده حتقدر تحدد اكثر اذا انت عاوز تعمل MCSE او CCNP

[ashrafat]

وانا شايف هيك الي مع عندو خبرة في الشبكات يبدأ ccna بعدين يبلش mcse الا إذال كان عندك نوعا ماخبرة احنا عندنا بالمعهد دخلت ومعاي mcsa اخذت الفستا بعدين بلش معنا في ccna قبل مانكمل mcse لكن بالنسبة للطلاب خلصو ا الكورس 2276 وبلشو بccna قبل الكورس 2277 هذا بيقويهم وبأسسهم لكورس 2277 وكورس ال design في mcse
لكن عندنا في المعهد في بكج كامل بتكون دايما فيه icdl يعدين A+ بعدين CCNA بعدين MCSE
لكن توفيرا للوقت والجهد يبلش CCNA بعدين MCSE لانو برضو كورس الMCP بعوضو عن A+ نوعا ما بالعكس في شغلات بMCP مش موجودة بA+ بتتعلق بطرق تنزيل الوندوز للشبكات
ATTEND , UNATTEND,SYSTEM PRP
فانا شايف ياخذ CCNA بعدين MCSE

[clerck]

بسم الله الرحمن الرحيم
جزاكم الله خيرا والله ربنا يوفقكم ويهديكم وشطرا الف مره علي هذه المساعدات
اولا/شكرا ليك يااخ اشرف علي نجهودك لكن انا عايز اسأل سؤال هو لازم تكون بروفشنال في الصيانه والبرمجه الصراحه انا جبت الكمبيوتر من10 شهور اول ماجبته عرفت حاجات كتير في فتره صغيره انا مش وحش في الصيانه كويس بس مش بروفشنال يعني بعرف احل مشاكل جهازي وممكن اصحابي يعني مش صفر
اما بالنسبه للبلرمجه انا خالص مفيش كمن قرات فيها شويه ومحبتهاش وكمان ناس كرهوني فيها فسبتها ورخت الشبكات وحبتها وكان نفسي ابدع فيها حبتها بجد واول مره في حياتي كلها احس اني هتفوق في حاجه مش عارف ليه والله
ثم انا مش عارف يعني ايه A+ انا كنت قرات شويه في c# مش كتير
وانا كنت عايز اسأل سؤال هو لازم برمجه وصيانه ........

وثانيا/ انا اشكر حضرتك يا مستر سكوربيوم علي ردودك واهتمامك بس قبل ماابدء في الدراسه عندي سؤالين الاول هل ممكن اذاكر القرسات دي self studyبدون مساعده حد ؟
والتاني هي فعلا المذاكره دي صعبه وهتاخد وقت كبير مني ؟
خليهم تلات اسأله انت ايه نصيحتك ليا بعد ظروفي دي mcse or ccna

ثالثا / شكرا خاص لك يادكتوره amna_aliمش عارف اناليه قوت دكتوره بس مش همسحها انا كنت عايز اسلأحضرتك سؤال حضرتك نصختيني بالccna صح هي اسهل ولاmcseفي الدراسه يعني اقدر اخلصها الاول اصل انا نفسي احط رجلي علي اول الطريق وحاسس اني هطير بس خايف لابدء غلط وبس وشكرا لحسن استماعكم
وربنا يهدنا ويهديكم والسلام عليكم ورحمه الله وبركاته


وما نيل المطالب باتمني ولكن تأخد الدنيا غلابا

[Scorpion007]

انت بوصفك لنفسك اخ كليرك وعن معلومات
انت مش بروفيشنال لكن عارف فى مصر عندنا نقول هتمشى وفية منك رجا

انا شايف ان كفاية اوى النقطة دى تكون متوفرة وكويس انك حددت انك عاوز شبكات مش برمجة
يعنى علشان جربت الاتنين انا بصراحة دوست جامد فى البرمجة بس كنت حاسس ان هيجى دايما ناس افضل منى ولازم اعترف انى مش هقدر اسد فيها جامد اهم حاجة تجرب من المجالات اللى محيراك لحد ما تستريح يعنى انا مثلا لو ماكونتش جربت الشبكات ودرست فيها ماكونتش هسيب البرمجة لكن انا عندى ناس صحابى العكس تمام كل حياتهم برمجة وباكتر من لغة كمان

الخطوة التاينة / انا ارشحلك انك تاخد كورس فى CCNA اللى مش بياخدو فيها كورس ناس قادرة وانا بعترفلهم فيها بكدة بس فى حالة واحدة لما احس انهم فاهمين بعد ما خلصوها علشان فى ناس حفيظة بتخحفظ شوية اسئلة وتدخل الامتحان وتجيب الشهادة وبعد كدة يزاكر على مهلة " نظام تفكير وتخطيط عجيب"

بعد ما وضحت لينا معلوماتك المتواضعة الى كل واحد ابتدى بيها فى اول طريقة ماحدش اتولد معاها شهادات ..ابدا CCNA الاول وافهمها كويس جدا جدا علشان هتسيبها او هتبعد عنها فترة طويلة لما تنقل ل MCSE لو انت مزاكرها كويس مجرد انك تقرا عنواين فقط هتفتكرها

ال CCNA حاول تبدا وتخلصها قبل 1-11-2007 على فكرة لسة بدرى انت ممكن تتتفرغلها وتخلصها فى وقت قصير وطبعا الكورس بيوفر عليك وقت كتير جدا جدا فى المزاكرة والفهم يعنى ممكن تاخد منك لو متفرغلها وبتتدلع والظروف اللى كالعادة بتحصل فى النص ما بين 3 الى 4 شهور ... انت لو بدات الان ممكن تخلصها على نص سبتمبر
اسمع كلامى ما تخاليش حد يعقدك ويقولك دة واحد خلصها فى شهرين وواحد مش عارف اية انا اخر رقم سمعتة ان واحد زاكر ودخل الامتحان فى 8 ايام !! طبعا دى ناس ذكية جدا بتدخل تحل الامتحان فى 10 دقايق وتخرج ( حافظينة يابنى )
خليك فى نفسك المهم تبقى ماشى راضى على نفسك

والمزاكرة مش صعبة لو هتزاكر لواحدك فى اول الطريق طبعا بلا شك هتكون صعبة جدا جدا

لكن لما تاخد كورس هتبقى واثق من نفسك وهتجيب 70% من المادة لو انت بتركز مع الانستركتور

النصيحة دى عن تجربة شخصية وتجربة اصدقاء كتير

[clerck]

بسم الله الرحمن الرحيم
والله يااخ اسكربيون انامش عارف اشكرك ازاي مش هقدر اقول غير جزاك الله خيراَانا اقتنعت بيك والله انا مش بجامل والله العظيم
انا مش هنسالك الجميل ده والله انت وكل الي ساعدوني بس اخر حاجه انا كنت عايزك ترشحلي كتاب او اسطوانات ابدأ بيها لو موجوده في المنتدي وممكن انزلها
بس انا عايز اسأل سؤال افرض انا خلصت ccna في شهر.....

علي فكره انا من مصر من القاهره
علي فكره انا مش هنساك في المستقبل انت هتنساني

[clerck]

نسيت اقولك ياريت يكون الشرح لو موجود يبقي عربي انا عمال ادور ومش عارفابدء منين في ccna

[Scorpion007]

لا شكر على واجب بس خلص وربنا يوفقك
ادخل منتدى ال CCNA كمل هناك واكتب هناك
https://www.arabhardware.net/forum/forumdisplay.php?f=87

ستجد هناك موضوع بالعنوان
:::::: (((( افضل المواضيع و المشاركات القيمة فى منتدى ال CCNA )))) ::::::

اتفرج فية وبعد كدة قولى انت عاوز اية او اية اللى انت مش فاهمة
من افضل الكتب كتاب Sybex هتلاقية هناك

عادى ممكن تخلصها فى شهر شرح وتاخد 10 ايام تراجع بسرعة على اامنهج و تحل الباسفورشور وتخلص فى اقل من شهر ونص لان كلة بيعتمد على الظروف الطارئة والتغيبرات اللى ممكن تحصل فى النص
مثلا واحد صاحبى كان قرب يدخل يمتحن كمبيوترة اتحرق قبلها باسبوع طبعا اخد منة وقت عمال ما صلحة واشترى حاجات جديدة

[ashrafat]

قرار صائب انك تبلش بccna وبالنسبة لل A+ هي شهادة محترف صيانة كمبيوتر تؤخذ من شركة كومبيتا والمهم هي من جزأين جزء بيحكي عن قطع الكمبيوتر وأنواعها وعلى ماشاكلها يعني hardware والشق التاني بيحكي عن أنظمة الكمبيوتر متل windows xp وشويه عن الشبكات أنت أهم شي تجرب وتحاول تنزل جميع انواع الوندوز متل وندوز 2000 windows xp windows 2003 تكون عارف قطع الكمبيوتر واجزائها وتكون عارف البروتات والمداخل علشان لو جاك راوتر تعرف توصلوا فين متلا وتكون عارف شويه عن مشاكل التشغيل مش بالضرورة تكون محترف الإحتراف بيجي من الخبرة مش من الشهادة او الكورس بعدين
أنت الحين أهم شي بلش ccna واتقنها وبعدين أدخل mcse ويمكن انت تدخل على طول على شهادات الجيل الجديد يعني تعبلش بكورس windows vista الي بيعطيك mcp وبيعطيك mcts

[clerck]

[حاول تبدا وتخلصها قبل 1-11-2007 ]
السلام عليكم ورحمه اله وبركاته
ممكن اسأل سؤال هو شهاده ccna هتغير امتحانتها ولا منهجها انا مش فاهم وابدء بايه انا برده مش عارف في مواضيع كتير ومفيش حاجه عربي كمان انا اتفجاتلماعرفت اسعار الدورات لازم فلوس كتيييييييييييييييييير اوي كده علي فكره انا شكاي هنسي الموضوع كله عاي بعضه
يله مايش غيركو بعد ربنا


وما نيل المطالب باتمني ولاكن تاخذ الدنيا غلابا

[Scorpion007]

اة بعد 1-11 هيتغير المنهج

شوف هنا كل حاجة

https://www.arabhardware.net/forum/showthread.php?t=57712

[MMC]

اخي الكريم كلارك

انا اضم صوتي لصوت الاخ اشرف واشوف انك تبدأ بالتسلسل التالي

+A وهذي تعطيك الافكار الاساسية لصيانة اجهزة الكمبيوتر كهاردوير وسوفت وير ومبادء في الشبكات

+Network وهذي تكون لك قاعدة قوية في المبادئ الاساسية للشبكات وهذي اعتقد انها افضل مادة لمبتدء الشبكات وممتعه في نفس الوقت

بعد ذلك يكون امامك خيارين

اما تحترف الشبكات كأنظمة تشغيل عندها تذهب لدراسة MCSE او UNIX هما تقريباً الاكثر انتشاراً

أو تحترف الشبكات كهاردوير يعني الاجهزة المشغله للشبكات عندها يمكنك دراسة Cisco وهي الاكثر انتشاراً

واذا حبيت تجمع بين الاثنين خير وبركه ولا تشغل بالك بتغيير المناهج في الوقت الحالي :up:

هذا بأختصار اتمنى لك التوفيق :frnd"

[clerck]

بسم الله الرحمن الرحيم
انا شاكر جهودكو معايا بس انا مش عارف اختياري كان خطاء ولا ايه في اختيار ccna لما دخلت وقرأت في هذا المجال حسيت انه مش سهل لوحدي ويبدو اني الفشل ده في طبعي وليس عيب في المجالات المختلفه التي دخلتها في حياتي كلها
لماقرات اني الدوره حوالي 180 ساعه ده في الدوره وانت في حد بيشرحلك طب لماتكون لوحدك قول 200\250ساعه يبقي عايزه كام سنه في الدراسه بدون دوره بيقي الغي الفكره علشان دي ccna وامال اعمل ايه في الباقي من الكورسات الموضوع ده عايز حد ناجح في حياته بينجح في كل حاجه في حياته
عارفين انا لما دخلت هذا المجال قول انا مبحبش دراسني علشان كده فش شاطر فيها علشان كده كنت بعدي بالعافيه
واناشاكر جهودكم معايا وانا كمان بقول مش معقول يكون مجال شغال ومطلوب وكويس في شغله ويكون سهل والا كان كل الناس دخلته انا اول ماتكلمت قولت ايه """"""""""مفيش حاجه ببلاش لازم يكون ادمها مقابل... لازم """"""""""""
وانا كمان مره شاكر جهودكو معايا وادعيلكو ان شاء الله
والسلام عليكم ورحمه الله وبركاته

[Scorpion007]

يابنى مش تعقدها كدة
السلم واحدة واحدة انت رايح تاخد CCNA ولا قيتها صعبة .. مين قال ان CCNA دى اول الطريق

CCNA دى مقدمة فى عالم الشبكات اللى بحق وحقيق

لكن دخول المجال لية درجات انت عارف انك مثلا ضعيف فيها يبقى ابدا ب A+ وبعد كدة ابدا N+
ودول سهلين بعد ما تخلصهم بازن الله ادخل على CCNA مش عافية يعنى انك لازم تبدا CCNA يعنى لازم تبدا وماتحسبهاش بالمدة اهم حاجة تبدا صح وتبنى على اساس سليم صحيح انت ما تقعدش فيها سنة وكلام مدن دة لكن المدة طبعا فى المعقول وبعد كدة هتلاقى العملية ماشية فى الكورسات اللى بعد كدة .
والسلام عليكم

[clerck]

انا والله متحير سعات تقولولي ابداmsce او ccna وسعاتN+ او A+
هو الموضوع صعب اوي كده
طب ممكن تشرحلي يعني ايهN+وA+وتقولي ابدء منين وبايه..........وشكرا

[lumark_s]

يا أخي الحبيب ليش معقد نفسك !؟

أنت تريد أن تبدأ بالشبكات صحيح ؟؟ بما أنك جديد على المجال، عليك بأن تبدأ بشهادة Network+ ، مش شرط تمتحن فيها وتكون Certified ، فقط إفهم ماهو ال Networking ، أساسياته، بعد أن تنتهي من شهادة ال Network+ وتفهمها جيداً، الأن أصبحت مؤهل ولك المقدرة أن تتقدم خطوة للأمام في مجال الشبكات.

هذه الخطوة إما أن تكون بالبدء ب Cisco عن طريق شهادة ال CCNA، أو بالبدء ب Microsoft عن طريق شهادة MCSA في نظام ال 2003 ، أو بإمكانك أن تبدأ بالإثنين معاً لو عندك الوقت والتركيز.

هذا هو ببساطة ماقاله لك كل الأعضاء.

لا تعقد نفسك يا أخي، عامل شوشرة ومش عارف تبتدي من فين، ومتصل فيني الساعة 3 الصبح تسألني أبتدي من فين !!

ههههههههههههههههههههههههههههههه

أمزح معاك يا الحبيب ههههههههههههههه بس حاب أخفف من التشتيت اللي بداخلك

حياك الله وبياك أخي، وراجع المواضيع المثبتة وستجد فيها هذا المقال:

https://www.arabhardware.net/forum/showthread.php?t=49509

هذا فيه إجابة عن كل تساؤلاتك أخي فإقرأه بتمعن وتركيز وهذا المقال يركز على سيسكو، ولو أردت مايكروسوفت فإبحث في المواضيع المثبتة في قسم مايكروسوفت.

والسلام عليكم ورحمة الله وبركاته

[amna_ali]

السلام عليكم ياخ Clerck
كما قال لك الاخوة لو حسيت بان CCNA صعبة ابدأ ب Network+
و عشان Network+ تكون اسهل بالنسبة لك شوف السيديهات التعليمية بتاعتها اول بعدين اقرا الكتاب لانو لما تسمع الشرح اول وبعدين تقرأ الكتاب بتحس انو الكتاب سهل و قرآته غير مملة
انت اتوكل على الله و أبدا شوية شوية وما تفكر في الامتحان الان فكر بس في انك تفهم اساسيات الشبكات و ما شاء الله الانترنت فيها معلومات كثيرة جدا
اما اذا كنت تستطيع ان تأخذ كورس فهذا سيسهل عليك الكثير و بالتوفيق ان شاء الله

[clerck]

السلام عليكم ورحمه الله وبركاته
انا شاكر الي ساعدوني علي مجهودهم معايا كلكم والله
وانا هقول الي فهمته منكم اني ابدا N+ وبعدين اقدر اخش علي الطريق الصحيح هو اماccnaاوmcsaصح كده وياريت لو ابدأ الاول من الاسطوانات وبعدين لازم الكتاب صح لحد كده
علي فكره انا عامل شبكه DSLفي البيت هنا عندي هل ممكن استفيد مها في مجالي
في مشكله صغيره كمان هي الانجليزي بتاعي مش جيد فهل لازم اذاكر انجليزي علشان اكون شاطر في مجالي اعتقد كده انكو قمتوا بالي عليكو ا وباقي علي الله انه يساعدني علي اجتياز الصعاب ولز في شايف اني قولت حاجه غلط فايعدلي وشكرا علي ملسعدتكم واولكم الاخscorpion&amna_ali&ashrafat&mmc&lumark_sعلشا منساش حد وربنا يونفقكم و يهدينا
والسلام عليكم ورخمه الله وبركاته

[clerck]

علي فكره انا دخلت موقع ولقيت فيه شهادات ccna_ccnp_ccieوكنت عايز اعرفيعني ايهCarrer Academy


CBT NUGGETS


TESTOUt

Testout CCNA Suite

CISCO NETWORK ACADEMY 3.1.1

ودي كها دروس فيه وكنت بستأذكو ان اضع الينك بتاع الموقع........ هو موقع عربي
وكنت عايز اعرف هما فيهم حاجه تنفعني في الاول ولا لاوشكرا

[Scorpion007]

بقى كدة ياراجل انا اول واحد رديت عليك فووق ولما تشكر ترمينى فى الاخر (BB)(BB)(BB)

على العموم الناس اللى قبلى دول اساتذتى :D:D:D:D

تسمحلى ااقولك انك مكسل تدور فى المنتدى !!

لو دورت هتلاقى اكتر من اللى انت جايبة .. ممنوع وضع لينكات لمنتديات اخرى هنا

لكن فعلا كل حاجة موجودة عاوز تبدا A+ او N+ ادخل منتدى CompTIA

عاوز تبدا CCNA ادخل متندى Cisco CCNA

عاوز ميكاروسوفت ادخل ميكروسوفت

ادخل جوة كل منتدى و اتفرج على المشاركات المثبتة ولما تحتار او عاوز تاخد قرار فى حاجة اسال فى المنتدى

لكن كل المودا التعليمية موجودة ادخل المواضيع المثبتة فى كل منتدى وانت هتلاقى اللى انت عاوزة ..

الحاجات الى انت بتقول عليها دى حاجات CCNA قرر انت عاوز تاخد بقى بعد كلام الاخوة اى كورس فى الاول وادخل المنتدى بتاعة وكمل فية

مغلق