مفاجأه لكل المصرين الي بيستخدموا الDSL

[clerck]

بسم الله الرحمن الرحيم



مفاجأه لكل المصرين الي بيستخدموا الDSL



من اول الشهر الي جاي هيبقي الاشتراك ب50 جنيه بس الي هو شهر اغسطس

وده طبعا ضغط من الحكومه علي شركات النت ودعم كمان


الحمد لله


علي فكره الاخبار دي مش انا الي سمعتها

(لكن واحد انا احسبه علي خير ولا يكذبني في هذا الامروقال انه سأل فيte data)


والله المستعان وارجوا الدعاء لي علشان النتيجه


والسلام عليكم ورحمه الله وبركاته

[Scorpion007]

الف شكر على الخبر

لكن ليست ميزة الاشتراك سيكون لخط 256 ب 45ج ودون لووود مسموح فقط الى 2 جيجا

[هندسه العاشر]

ويتري الجيجا هتبقي بكام بقي

[Scorpion007]

اكيد يعنى لما تدون 12 جيجا هتدفع فوق تمن الخط الحالى

سيبهم يوفرو ويعملو اللى عاوزينة .. اول مرة اعرف انة لما يخلى كل بيت فية خط DSL واحد دة هيريح الناس .. عدد الخطوط فى السنترالات بهذة الطريقة ستكون 10 اضعاف على الاقل الخطوط الحالية والنت حاليا بيقطع

خلينا ورا التنمية والنهضة الاقتصادية لما نتفرج ونشوف هنوصل لفييين

[weamfox]

بص يا باشا الخبر بيقول إيه بالظبط وبالنص ....


1) سيتم تخفيض سعر الخدمة من ٩٥ جنيه حاليا إلي ٤٥ جنيه شهريا كحد أقصي لسرعة ٢٥٦ ك بت/ ثانية مع تحديد طاقة التنزيل بطاقة تحميل ٢ جيجا شهريا أو تحديد ساعات الربط حسب طلب المشترك.
تحديد ساعات الربط ده حيبقي كويس للشركات من الساعه 8 الصبح لـ الساعه 3 الظهر (ليه أدفع 24 ساعه وأنا أساسا بأستخدم 6 ساعات )... طبعا الكلام ده هطل في هطل وحيعملوا زي ما عملوا في فواتير التليفونات... كنا بندفع الفتوره بالسنه وكانت 250 جنيه دلوقتي بقت كل 3 شهور والفاتوره 450 جنيه سيادتك.

2) سيلزم المشترك بسداد مقابل شهري إضافي في حال طلبه طاقة تنزيل أو ساعات ربط إضافية.
يعنى لو الـ 2 جيجا مش عجبينك أو مش مكفياك تدفع فلوس زياده علشان تزودهم .

3) الدعم سيقدم لمدة قد تزيد علي العام الواحد علي سبيل التجربة.
قال يعني في حاجه بتفشل في البلد دي...!!!!

4) في حالة عدم تحقيق النجاح المرجو من تلك الخطوة سيتم البحث عن أساليب بديلة بالنسبة لسرعة ٢ ميجا يظل سعرها استرشاديا ٧٦٠ جنيها شهريا بطاقة تنزيل مفتوحة كأنها مخصصة للشركات والمؤسسات.
الله؟؟؟؟ أمال إنت منزل السعر ليه وبتلعب في طاقة تنزيل و ساعات ربط لما إنت عايز تثبت سعر ال 2 ميجا ؟؟؟!!!!!

5) المتوقع أن تقوم الشركات بتقديم عروض مبتكرة ومتنوعة تتناسب مع الاحتياجات المختلفة للمستخدمين علي مستوي ساعات الربط أو طاقة التنزيل.
يعني حنشوف لعب في الموضوع ده بالهبل... ممكن شركه تديلك 512 بـ 120 جنيه والشركه التانيه تدهالك بـ 240 جنيه حتقوللي (الله إشمعنا)حقوللك علشان الأولانيه حتديلك الـ 512 لـ 8 ساعات في اليوم وتنزل 4 جيجا في اليوم لكن التانيه الـ 512 مفتوحه 24 ساعه ونزل زي ما إنت عايز ....حتقوللي (الله.. طب ما أنا كان عندي 512 وبدفع عليه 190 جنيه والدون لود زي ما أنا عايز و 24 ساعه) حقولك الكلام ده كان زمان وجبر....


الخبر منقول من جريده المصري اليوم عدد 1131

[salem amen]

بص يا باشا الخبر بيقول إيه بالظبط وبالنص .... 1) سيتم تخفيض سعر الخدمة من ٩٥ جنيه حاليا إلي ٤٥ جنيه شهريا كحد أقصي لسرعة ٢٥٦ ك بت/ ثانية مع تحديد طاقة التنزيل بطاقة تحميل ٢ جيجا شهريا أو تحديد ساعات الربط حسب طلب المشترك. تحديد ساعات الربط ده حيبقي كويس للشركات من الساعه 8 الصبح لـ الساعه 3 الظهر (ليه أدفع 24 ساعه وأنا أساسا بأستخدم 6 ساعات )... طبعا الكلام ده هطل في هطل وحيعملوا زي ما عملوا في فواتير التليفونات... كنا بندفع الفتوره بالسنه وكانت 250 جنيه دلوقتي بقت كل 3 شهور والفاتوره 450 جنيه سيادتك. 2) سيلزم المشترك بسداد مقابل شهري إضافي في حال طلبه طاقة تنزيل أو ساعات ربط إضافية. يعنى لو الـ 2 جيجا مش عجبينك أو مش مكفياك تدفع فلوس زياده علشان تزودهم . 3) الدعم سيقدم لمدة قد تزيد علي العام الواحد علي سبيل التجربة. قال يعني في حاجه بتفشل في البلد دي...!!!! 4) في حالة عدم تحقيق النجاح المرجو من تلك الخطوة سيتم البحث عن أساليب بديلة بالنسبة لسرعة ٢ ميجا يظل سعرها استرشاديا ٧٦٠ جنيها شهريا بطاقة تنزيل مفتوحة كأنها مخصصة للشركات والمؤسسات. الله؟؟؟؟ أمال إنت منزل السعر ليه وبتلعب في طاقة تنزيل و ساعات ربط لما إنت عايز تثبت سعر ال 2 ميجا ؟؟؟!!!!! 5) المتوقع أن تقوم الشركات بتقديم عروض مبتكرة ومتنوعة تتناسب مع الاحتياجات المختلفة للمستخدمين علي مستوي ساعات الربط أو طاقة التنزيل. يعني حنشوف لعب في الموضوع ده بالهبل... ممكن شركه تديلك 512 بـ 120 جنيه والشركه التانيه تدهالك بـ 240 جنيه حتقوللي (الله إشمعنا)حقوللك علشان الأولانيه حتديلك الـ 512 لـ 8 ساعات في اليوم وتنزل 4 جيجا في اليوم لكن التانيه الـ 512 مفتوحه 24 ساعه ونزل زي ما إنت عايز ....حتقوللي (الله.. طب ما أنا كان عندي 512 وبدفع عليه 190 جنيه والدون لود زي ما أنا عايز و 24 ساعه) حقولك الكلام ده كان زمان وجبر.... الخبر منقول من جريده المصري اليوم عدد 1131



الله على الكلام فعلاً هو ده التقدم اللى إحنا مستنينه قال يعنى هههههههههه

بلد بتاعة شهادات صحيح

مغ الاعتزار لعادل إمام

أنا عندى اشتراك 256 كنت هارفع إلى 512 يعنى طلع الموضوع كله شغل حرامية فى حرامية

يعنى الواحد يلغى الاشتراك وخلاص كفاية كدة

والمضحك حكاية الـ 2 ميجا اشمعنى مخلينها زى ماهية قال يعنى للشركات هههههههههه

(BB)(BB)(BB)

[Scorpion007]

دة دليل على الجهل ان فى ناس فى مصر افراد بتشترى خطوط 2 ميجا على فردين فقط واعرف ناس شاريها لفرد واحد .. حتى الشركات كانت منتظرة 8 او 12 ميجا

ربنا يقويهم ويعملو اللى فية الخير هيبقى هوة والديال اب حتة واحدة فاتورة قد كدة ونت من غير دون لوود

[Im Hero]

السلام عليكم ورحمة الله وبركاته

معليش على المداخله : مادخل هذا الموضوع في قسم شهادات CCNA ؟

[Scorpion007]

مش غريب انك تسال السؤال دة وانت هيرووو :)

لكن هل وجود فعلا الموضوع مخالف اذعجك كعضو
انا اعلم انة مخالف لكنى اريد التاكد ان عندى حق فى نقل المواضيع او حزفها من المكان الغير مناسب لها دون ذكر السبب

لكنى فضلت اتركة لاعلم من يهتم ومن لا يكترث بهذة المواضيع

وكمان برضة المصرين يتفقو يعملو اية يعنى المواد التلعيمية تبقى امام اعيننا ببلاش ومش عارف اعمل دون لوود ليها ...

احنا نعمل منتدى المصرين للتعارف دة كل مجموعة ساكنين قريب من بعض يدون كل واحد فيهم حاجة مختلفة ويتبادلوها فى اخر شهر بدل ما كلهم يدونو نفس الحاجة على 4سنين

[clerck]

دا طلع فشنك وانا كنت ناوي............
خلاص بقي وانا الي كنت فاكره تنميه للبلد
البلد لا للشهادات ولا لغير الشهادات
واسف علي وضع الموضوع في هذا القسم .........وشكرا

[one-zero]

جهل معلوماني على اعلى مستوى
اخر مرة قلت لينك دونت راح اسويلكم محضر بالقسم
بالمناسبة عدد اشتراكاتي هو 5 منهم واحد 1ميجا يعني المفروض زبون كويس
ربنا يستر
اما اذا كان في حد هنا مشترك بهب فانصحكم بي تي داتا لو عرفتم تعملو كانسليشن في المشممش طبعا

[Nightspy]

النظام دة بسمية نصب بشياكة

[abdelrhman]

ديه مفاجأه كارثيه كعادة حكومتنا الفاسده فى استنطاع واستهبال الشعب ومعاملته على اننا جهله ومبنفهمش
الزير بتاع الاتصالات بيقول ان متوسط استخدام النت فى العالم من 1 الى 2 جيجا
او 60 ساعه فقط على مدار الشهر بدون تحميل
وبيقول كمان الزير بتاع الاتصالات ان النت معمول مش علشان الداون لود لا معمول علشان التصفح وجلب المعلومات فقط اللى عاوز يحمل فيلم ولا اغنيه ولا مهلبيه يدفع
خخخخخخخخخخخخخخخخخخخخخخخخخخخخخخخخخخخخخخخخخخخخخخ
الدول كلها بتتقدم واحنا نايمين ميتين بنتاخر
ده المغرب مش حقول دوله اوربيه محترمه
المغرب السرعات وصلت فيها الى 20 ميحا وب100دولار تقريبا
البتاع ده بيزلنا على 256
ربنا يضيق عليك زى ما ضيقت علينا

.........................................

لازم ياجماعه يبقى لينا موقف ووقفه ده المتنفس الوةحيد لينا هو النت
اولا :لازم نبعت شكاوى
لعل وعسى
وديه حمله فى جميع المنتديات
وكل واحد يبعتها بصيغه مناسبه
وللاعلام اهم حاجه
وسائل الإعلام
جريدة الجمهورية eltahrir@eltahrir.net
أخبار اليوم akhbarelyom@akhbarelyom.org
جريدة الأهرام ahram@ahram.org.eg
مجلة لغة العصر ait@ahram.org.eg
بريد الجمعه: baridelgomaa@ahram.org.eg
برنامج العاشرة مساءً: al3ashera@dreams.tv
عمرو أديب alkaheraalyoum@orbit.net
90 دقيقة 90min@elmehwar.tv

ثانيا : المقاطعه لمدة شهر كامل
وخلى بقى الوزير يدخل نت لوحده

ثالثا : المظاهرات اى مظاهره او تجمع اى قوى وطنيه تعمله لازم الكل يشارك فيه
كفايه بقى
حقنا مهضوم وضايع فى البلد ديه فى كل شىء
لازم يبقى لينا دور
حنفضل هبل لغاية امتى
شدور حيلكم يا جماعه وابعتوا شكاوى ولو لم يتم الاستجابه
يبقى نقاطع ونشوف بقى حيخسروا كام وغصبا عنهم حيعملوا اللى احنا عاوزينه

حتولع عليهم بإذن الله

ولازم الحراميه دول يعرفوا اننا مش حنسكت

ولو مستجابوش حنقاطع النت ... وحنتظاهر كمان لو تم تنظيم اى تجمع لهذا الامر

مش حنطاطى مش حنطاطى احنا كرهنا الصوت الواطى

[المهندس الرائد]

كنت ناوي أرفع 512 .. لكن بالطريقة دي هاضطر أستنى لما أشوف آخرة الهباب ده ايه ؟؟

المشكلة هما فاكرين كل اللي عنده 512 بيطلع وصلات .. طيب و اللي في بيته 4 أجهزة شخصية له هو يعمل ايه ؟؟

2 جيجا تحميل !!!!!!!! ده بال 256 كنت بعمل أكثر منهم في اليوم مش في الشهر ..

[sheko334]

ثالثا : المظاهرات اى مظاهره او تجمع اى قوى وطنيه تعمله لازم الكل يشارك فيه
كفايه بقى
تمام ودة طبعا اسهل طريق لأمن الدولة ...ومبروك الرزع على القفا :Big::Big::Big:


ثانيا : المقاطعه لمدة شهر كامل وخلى بقى الوزير يدخل نت لوحده

قاطع حتى لو هتقاطع لعشر سنين اودام بس برضه هتدفع تمن الاشتراك :Big::Big::Big:


مش حنطاطى مش حنطاطى احنا كرهنا الصوت الواطى

شكلك كنت فجامعة القاهرة ....بس هو دة مش اسمه برضه منتدى عرب هاردوير ولا اسمه منتدى عرب مظاهرات .... :)


حتولع عليهم بإذن الله ولازم الحراميه دول يعرفوا اننا مش حنسكت

معلش تعليق بسيط على دى برغم انه ملوش علاقة بموضوعنا ولا اصلا الموضوع دة ليه علاقة بالقسم دة..بس حابب انك تفكر وكلنا نفكر فمعناه لان دة على الوضع العام وهو تذكير بحديث الرسول صلى الله عليه وسلم وياريت نبص فمعناه ... ( قال رسول الله صلي الله علية وسلم
يأتي زمان علي أمتي يحبون خمس وينسون خمس
يحبون الدنيا وينسون الآخرة .... يحبون المال وينسون الحساب
يحبون المخلوق وينسون الخالق ....يحبون القصور وينسون القبور
يحبون المعصية وينسون التوبة
فإن كان الأمر كذلك ابتلاهم الله بالغلاء والوباء والموت الفجأة وجور الحكام )....ياريت تكون فهمت قصدي:)


3) الدعم سيقدم لمدة قد تزيد علي العام الواحد علي سبيل التجربة.
قال يعني في حاجه بتفشل في البلد دي...!!!!

هو دة الكلام المضبوط...بلدنا حلوة كل حاجة فيها ماشية تمام التمام والكهربة رخيصصة ومبتقطعش والمية نضيييييفة ومعقمة وشغالة 24 ساعة وكل حاجة بتنجح ..حد يقدر يقول فى حاجة فشلت...الحمد لله مفيش احلى من كدة :Big::Big::Big::Big::Big:

[Brdawy]

حسبى الله ونعم الوكيل
فعلا اكيد اكيد فى مصر
بالذمه دة كلام عاقلين 2جيجا فى الشهر اساسا ميكفوش تصفح
ايه خلاص يعنى دى كدة نهايه النت فى مصر

[3m.Ahmed]

انا عندي اشتراكين مع شركة ليينك حلغيهم قبل تطبيق القرار
و مبروك عليهم زير الاتصالات يبقي يشترك عندهم بقيمة ما الافراد حتلغي خطوطها

[clerck]

احب اقول حاجه الناس مش هتتخلي عن خطوطها الي استخدم النت مره ميقدرش يتخلي عنه ده ادمان والله
وعشان كده لازم يكون في حل وي الشكاوي
بس انا كنت عايز اعرف هما ليه غيرو النظام هل هو مجرد الربح فقط ولا في حاجه تانيه

[abdelrhman]

sheko334
مش عارف بتعمل الاقتباسات ديه ازاى
حتكلم بطريقه بدائيه :D

1-ياباشا احنا الشعب امل الدوله ديه متعرفش تعمل معانا حاجه Wink:
بس لو عرفنا حقوقنا

2-بالنسبه للمقاطعه يا عم شيكو والله لو قاطعنا حتولع على الوزير وده الحل للى فى ايدينا مادمت مش راضى تنزل معانا مظاهرات :Big:

3-لا جامعة اسكندريه ...والله احلى ايامى لما تبقى فيه مظاهره بستمتع بصراحه وانت واقف كده اما جحافل الامن تقول يسقط يسقط حسنى مبارك
يااااااااااااااه كانت ايام حلوه والله :o

4- دعوه للسلبيه ديه يا باشا ولا ايه
بص الواحد المفروض يعمل اللى عليه والباقى على ربنا بغض النظر على اى شىء
لاننا برده حنحاسب على حاجات كتير ساكتين عليها
يا اخى انت ذكرت حديث شريف وعممت على حال بلد مع ان اى مكان فيه الحلو والوحش وديه طبيعة الدنيا والزمان والمكان
وانت او انا او غيرنا ربنا مكرمناش وخلقنا علشان نختلق اسباب للسلبيه المفروض نختلق اسباب لكى نصبح ايجابيين
وافضل الجهاد كلمة حق عند سلطان جائر ...

[amna_ali]

يا ريت ينقل هذا الموضوع للقسم العام لانه غير مرتبط بشهادة CCNA Con:

[sheko334]

حبيب قلبى يا abdelrhman ...اولا اهلا باهل اسكندرية ورجالتها!Clap

ثانيا ...اقتباسات ايه اللى انا بعملها وانت مش عرفها ؟؟؟؟ مش فاهم :confused: اصل لو تقصد انا باخد الاقتباس فالمشاركات من الغير ازاى فدى سهلة ومش محتاجة شرح..اما لو قصدك حاجة تانية فاسالنى وانا تحت امرك

3- انا طول عمرى ضد المظاهرات مش لانى راضى عن وضع او حاجة لكن انا برفض اسلوب التخريب ...يعنى معلش لما نقوم نعمل مظاهرة ( طبعا انا بتكلم بوجه عام مش بخصوص موضوعنا دة ) ونقوم نلم بعض والعساكر تنزل والدنيا تتلخبط...ويبتدى ضرب ورزع وطوب فالشوارع وقزاز يتكسر ومحلات تقفل وشوارع تقف وبنات تنضرب وتتأذي زى الولاد بالضبط من دون مراعاة ان دى بنت مش ولد ( زى اللى بيحصل فمظاهرات الجامعة )...تقدر تقوللى استفدنا ايه؟؟؟؟ هتقوللى وصلنا كلمة ؟؟؟ هقلك المفروض الواحد بياخد قراره فاى حاجة باعلى نسبة فايدة واقل نسبة خسارة..فى المظاهرات العكس اللى بيحصل..واللى بنستفيده ايه؟ هقلك ضحكنا عدونا فينا وهو قاعد مبسوط وبيقول " مش محتاج اضربهم هما بيضربوا بعض فبعض " ... طبعا دة موضوع طوييييييييييل ومالناش علاقة بيه ومش مكانه هنا ومفيش داعى نخوض فيه لكن دى كانت توضيح فكرة .

4- دعوة للسلبية...ابدا وبكره السلبية ..لكن فى طرق كتير ممكن تعالج بيها المشكلة من غير متزود مشاكلك على نفسك...

5- الحديث الشريف ذكرتهولك ليه؟؟ كان نفسى بصراحة توصل لكدة لوحدك وخصوصا انى حددت على المقصود بالأحمر...انا ذكرت الحديث لاننا للأسف كل مابيحصل حاجة نقول فلان وربنا ينتقم منه ودة ظالم ودة كذا وكذا وكذا...ونسيين اهم حاجة...احنا ايه؟؟ رضينا ربنا ولا لأ ؟؟؟ عملنا الفروض اللى علينا علشان ربنا يرضى عننا ولا لأ ؟؟ مش هنيجى واحنا كلنا غرقانين فالذنوب وربنا مسلط علينا غضبه ومسلط علينا كل الاوبئة وما الى ذلك وبدل ما نستغفر ونتوب..لا .. نروح بس ندعى على الحاجة المسلطة علينا...اظن قصدى بقة واضح

6-كلمة الحق هنقولها وهنفضل نقولها لكن باسلوب يفيدنا وينفعنا مش يضحك عدونا فينا وباسلوب يحل مشاكلنا مش يزودها علينا

7- انت دخلتنى فمواضيع كبييييييييييييرة وطويلللللللة...ربنا يسامحك:)

8- يابختك قاعد انت بس فاسكندرية على البحر ومش حاسس باى حر ...ربنا يوعدنا

ربنا يصلح حالنا كلنا ويهدينا ويبعد عننا غضبه

[abdelrhman]

حبيب قلبى يا abdelrhman ...اولا اهلا باهل اسكندرية ورجالتها!Clap]

sheko334


اهلا بيك يا حبى :D



ثانيا ...اقتباسات ايه اللى انا بعملها وانت مش عرفها ؟؟؟؟ مش فاهم :confused: اصل لو تقصد انا باخد الاقتباس فالمشاركات من الغير ازاى فدى سهلة ومش محتاجة شرح..اما لو قصدك حاجة تانية فاسالنى وانا تحت امرك



لا خلاص عرفتها :D




3- انا طول عمرى ضد المظاهرات مش لانى راضى عن وضع او حاجة لكن انا برفض اسلوب التخريب ...يعنى معلش لما نقوم نعمل مظاهرة ( طبعا انا بتكلم بوجه عام مش بخصوص موضوعنا دة ) ونقوم نلم بعض والعساكر تنزل والدنيا تتلخبط...ويبتدى ضرب ورزع وطوب فالشوارع وقزاز يتكسر ومحلات تقفل وشوارع تقف وبنات تنضرب وتتأذي زى الولاد بالضبط من دون مراعاة ان دى بنت مش ولد ( زى اللى بيحصل فمظاهرات الجامعة )...تقدر تقوللى استفدنا ايه؟؟؟؟ هتقوللى وصلنا كلمة ؟؟؟ هقلك المفروض الواحد بياخد قراره فاى حاجة باعلى نسبة فايدة واقل نسبة خسارة..فى المظاهرات العكس اللى بيحصل..واللى بنستفيده ايه؟ هقلك ضحكنا عدونا فينا وهو قاعد مبسوط وبيقول " مش محتاج اضربهم هما بيضربوا بعض فبعض " ... طبعا دة موضوع طوييييييييييل ومالناش علاقة بيه ومش مكانه هنا ومفيش داعى نخوض فيه لكن دى كانت توضيح فكرة




ياباشا انا طول عمرى بفضل الله بنزل مظاهرات ومع جميع القوى الايجابيه اللى فى البلد ديه
وانا فى حياتى مشوفتش مظاهره عملاها اى قوى وطنيه محترمه وحصل فيها اى نوع من التخريب
بالعكس المظاهره بتكون باسلوب حضارى جدا وهتافات قاسيه جدا pls:
واى تجاوز بيبقى من قوات الامن مش من المتظاهرين او من ازيال الحزب الوطنى من البلطجيه اللى بسلطوهم على اى مظاهره علشان يخربوها بحماية قوات الامن
واتحدى لو فى مره حصل تجاوز من المتظاهرين
احنا بنقف فى مكان على سبيل المثال وبنهتف وبنتجمع بشكل حضارى وبنمشى بشكل حضارى برده
واختارنا افضل وسيله سلميه للتعبير عن غضبنا
لو عاوزين نكسر فيه طرق تانيه غير المظاهرات
فى المظاهرات ديه انا شاب اهوه ببقى ماشى جنب خيرة علماء ومثقفى البلد وده يكفينى انى اتعلم من الناس دول واستحاله دول يكسروا او يبوظوا حاجه
الناس اللى بتحب مصر فعلا مش ناس منتفعه ولا ناس منافقه

بالنسبه للفائده من المظاهرات
فذى ما قلت قبل كده ديه طريقة التغيير السلميه الوحيده المتاحه مع العصيان المدنى طبعا
المظاهرات غيرت بلاد
غيرت فى اوكرانيا غيرت فى ايران (سواء اختلفنا او اتفقنا معهم انا بتكلم عموما ) غيرت بلاد كتير
اما اننا نقعد ونقول ايه فايدة المظاهرات او الاعتصامات او المؤتمرات فديه مع احترامى الشديد ليك دعوه للسلبيه

صدقنى لو مليون مصرى يتجمعوا فى ميدان ويهتفوا بسقوط الظلم مهما كان الظالم عمره ما حيستحمل وحيهرب هو واهله على بنوك سويسرا
ده فى بعض الاحيان بتبقى مظاهره 20 فرد فقط وحوليها 1000 مجند امن مركزى
خوف رعب من اللى بيقولوا كلمة لأ فى مواجهة الجائر
تخيل بقى لو بدل 20 فرد دول بقوا مليون والله مصر تتغير
بس للاسف الاعلام المصرى الفاشل زرع فى الناس افكار سلبيه موجوده فيهم الى الان برغم الانفتاح الفكرى اللى موجود دلوقتى

واى امه عاوزه تحصل على حريتها لازم تضحيات طول ما احنا خايفين من ازازه نضرب بيها مش حنعمل حاجه
وهو قدر ومكتوب حتتفتح دماغك وانت فى الشارع وماشى ومش واخد بالك او تفتح وانت خارج بتجاهد ضد الظلم كله مقدر واظن الافضل دماغك تتفتح وانت بتقول كملة الحق فى وجه الظالم على الاقل لو حصل حاجه ابقى مت شهيد لانى طالع بجاهد وبقول كلمة الحق اللى ناس كتير خايفه تقولها





دعوة للسلبية...ابدا وبكره السلبية ..لكن فى طرق كتير ممكن تعالج بيها المشكلة من غير متزود مشاكلك على نفسك...


المظاهرات اقل طرق التعبير ضررا واكثرها رقيا لو كنا فى بلد بتحترم حق المواطن فى التعبير



5- الحديث الشريف ذكرتهولك ليه؟؟ كان نفسى بصراحة توصل لكدة لوحدك وخصوصا انى حددت على المقصود بالأحمر...انا ذكرت الحديث لاننا للأسف كل مابيحصل حاجة نقول فلان وربنا ينتقم منه ودة ظالم ودة كذا وكذا وكذا...ونسيين اهم حاجة...احنا ايه؟؟ رضينا ربنا ولا لأ ؟؟؟ عملنا الفروض اللى علينا علشان ربنا يرضى عننا ولا لأ ؟؟ مش هنيجى واحنا كلنا غرقانين فالذنوب وربنا مسلط علينا غضبه ومسلط علينا كل الاوبئة وما الى ذلك وبدل ما نستغفر ونتوب..لا .. نروح بس ندعى على الحاجة المسلطة علينا...اظن قصدى بقة واضح


صح يا جميل المفروض نبتدى من نفسنا كل واحد يصلح نفسه ده على المستوى العام
ولكن فى اصلاح الدول
الاصلاح مينفعش من تحت
لازم من راس الفساد راس الهرم
لما العرب عموما اللى فى بلدهم اغلبهم سلوكهم مش تمام ومفيش احترام للقوانين
لما يروحوا دوله اوربيه
سبحان الله بيتحولوا لناس تحترم قوانين البلاد اللى هما فيها لانهم فى بلاد تطبق القانون على الكبير قبل الصغير على الرئيس قبل اى فرد فى البلاد
وده لو حصل عندنا مع تمسكنا بدينا وتعاليمه حنصبح امه لا مثيل لها امه متكامله


انت دخلتنى فمواضيع كبييييييييييييرة وطويلللللللة...ربنا يسامحك:)




هههههههههههههههههههههههههههههههه
يا عم شيكو انت اللى اتكلمت انا مالى :D
انا بتكلم على كارثة النت اللى حتحصل قريب وبقول حلول انت اللى ولعتها بقى (z)



يابختك قاعد انت بس فاسكندرية على البحر ومش حاسس باى حر ...ربنا يوعدنا

اتفضل يا عم نعمل معاك احلى واجب والله بس انت تيجى بس :D




ربنا يصلح حالنا كلنا ويهدينا ويبعد عننا غضبه

امين


تحياتى ليك

[Scorpion007]

يا ريت ينقل هذا الموضوع للقسم العام لانه غير مرتبط بشهادة CCNA

DONE

[amna_ali]

DONE

Thanks :up:

[Scorpion007]

والله مشاكل مشاكل الواحد مش عارف يعمل اية والحر كمان واكتئاب من جميع النواحى
ما بمشيش فى الشارع والاقى حد ماشى فرحان الناس اتخنقت على الاخر

وكمان يقولك استنى لحد سنة 2050 من الساعة 11 الصبح للساعة 4 العصر الاشعة الاسفنجية اللى عدت من ثقب الاوزون بتنزل مصر كل يوم فى الوقت دة و بتخلى الجلد يوبر ويطلع منة فتل وخيوط اللهم ما احفظانا .. علشان الثقب قال اية وسع شوية ماهو كل سنة بندفع فلوس على حاجات كتيير دلوقتى هتنزل فواتير جديدة نلم من بعض علشان نبعت اتنين بلديات يسدو الثقب بالرمل والاسمنت ماهو اى حاجة وهيصة فى النص وتمثال نقولة اتكسر وتمثال كلفهم مش عارف كام علشان يتنقل هوة كان حد عاوز يسرق التماثيل اساسا علشان يدفعو كل دة وينقلوها

بشوف حاجات غريبة فى البلد مش عارف دى بلدنا ولا بلد الحكومة

[sheko334]

برضه مصمم تفهم كلامى على انى بقول نسكت...انا مقلتش نسكت .وبلاش كمان نخوض فموال المظاهرات علشان مايبقاش المنتدى بدل ما هو علمى يبقى سياسى..لكن انا شايف افضل حل هو نلغى الاشتراكات ويشبعو بالنت ونشوف فخلال الشهر دة الحجات اللى محتاجنها ونزلها ونحفظها...انا اعتقد دة احسن حل ومنعملش اى اشتراكات لا 2 ميجا ولا غيره...خليهم يتخرب بيتهم شركات النت...وانا اخدت قرارى ان شهر 8 هو اخر شهر ليا على الشبكة...استودعكم الله وعاشت مصر حرة أبية :Big:!Clap
شوف الموضوع دة للأخ Skeleton_eel فى فكرة حلوة وان شاء الله تجيب نتيجة

https://www.arabhardware.net/forum/showthread.php?t=58829

[MO3TAZ20]

يا جماعه والله البلد دي في التراوه يعني لغايه دلوقتي محدش عارف النظام الحالي هيتلغي ولا هيفضل طبعا لو فضل كل الناس مش هتروح للهبل اللي بيعلنوا عنه

اما لو النظام الجديد ده بقي الرسمي يبقي ده استهبال و اكيد موضوع ال2 جيجا ده بتاع متوسط الاسره اكيد اسره من اوغندا ولا احد دول الادغال اللي اصلا مدخلهاش النت و كأن الحاجات اللي بنشفها علي النت متحمله و الناس بتعملها دونلود في البلاد التانيه بتنزل شيطاني

ده لو افترضنا ان دونلود غلط للحاجات اللي احنا بنزلها المضروبه؟؟؟؟ يا اخي اعتبرني بدخل انزل برامج ديمو و بشوف التريلير بتاع الافلام تخيل مثلا تريلير بتاع فيلم جديد مش هيقل عن 20 ميجا ولا واحد دخل موقع اسلامي و قال ينزل اي خطبه او سوره هتلاقي برضو عمله 20 ميجا في ربع ساعه هتلاقي ال 2جيجا بتوع الشهر خلصوا قبل متخلص يومين ؟؟؟؟؟ده الكلام ده للناس اللي مبتنزلش الحاجات المضروبه ؟ انا حسبت لنفسي الشهر اللي فات عامل 30جيجا او اكتر شويه ده الدونلود مش حاسب البراوزينج اللي ممكن يعمله بتاع 4 جيجا ميت ؟؟يعني علي الحسبه اللي كاتبنها في الجرايد بتاعت الجيجا الزياده ب 10 جنيه يبقي المفروض ادفع 300 جنيه فوق ال45 جنيه يعني نقول 350 جنيه شهريا !!!!!!!!!! لا تعليق

[cisckawy]

السلام عليكم و رحمة الله و بركاته

اموضوع ده عجبنى جدا لأنه بيمثل مدى الـ .... لى احنا فيه

واضح أن غالبية من كتبوا ردود لم يكلفوا انفسهم بالاتصال بأى شركة و معرفة التفاصيل


أمس فى برنامج البيت بيتك اتصلوا بالوزير و قال ان الجديد ده اختيارى يعنى الاشتراك القديم كما هو.

للعلم منذ مده طويله و الموضوع ده متنفذ على السرعات الكبر من 256 فمثلا عند الواحد ميجا بـ 150 بحد اقصى تحميل 10 جيجا ( او 7 مش فاكر) و الاشتراك الغير محدود بـ 380 جنيه
و اظن ده مناسب لأى حد مش موزع وصلات

يبقى الجديد هو اضافو اشتراك جديد محدد التحميل أو الساعات بسعر أقل لى عايزه ياخده و لى شايف انه غير مناسب يخليه فى القديم

[Brigadier]

Thanks

[clerck]

جزاكم الله خيرا
اللهم نجح اولاد المسلمين امين