المساعد الشخصي الرقمي

مشاهدة النسخة كاملة : ارجو تقييم اجزاء جهاز ساقوم بشراءه



Alucard
30-07-2007, 12:25
السلام عليكم و رحمه الله و بركاته ...

يا جماعه انا باذن الله هشترى جهاز جديد .. و لكن قبل ما اقوم بشرائه كنت اود ان اطرح مواصفات هذا الجهاز حتى يتم تقييمه و ها هيا مواصفات الجهاز :

MB : Gigabyte - 945 - LGA - P - S3
Processor : 3.00 , Cash 2 MB Intel PIV
RAM : 2x1 = 2GB DDR2
VGA : GeForce 7300 GT ( 512 ) MB
H.D: 250 GB ( WD ) Sata
DvD R/W : NEC 18 - Double Layer

يا جماعه ارجو تقييم هذه المواصفات من فضلكم .. و شكرا جزيلا

GoldenLionTech
30-07-2007, 13:41
وعليكم السلام ورحمة الله وبركاته

أخي الكريم وفقك الله

حياك الله في عرب هاردوير

نفس المواصفات مع معالج
AMD Athlon 64 3200+ AM2
ولوحة من إختيارك من شركة MSI للمقبس AMD AM2
سيكون أقوى وأسرع، وأفضل بكثير في الترقية بالمستقبل

هذا رأيي الخاص

موفق إن شاء الله

Alucard
30-07-2007, 15:10
وعليكم السلام ورحمة الله وبركاته

أخي الكريم وفقك الله

حياك الله في عرب هاردوير

نفس المواصفات مع معالج
AMD Athlon 64 3200+ AM2
ولوحة من إختيارك من شركة MSI للمقبس AMD AM2
سيكون أقوى وأسرع، وأفضل بكثير في الترقية بالمستقبل

هذا رأيي الخاص

موفق إن شاء الله


شكرا على الرد .. :Big:

| Fusion |
30-07-2007, 16:39
جهازك هيبقا ممتاز جدا لو غيرت البروسيسور الى بروسيسور Dual core سواء من انتل او AMD .. لانه ال Pentium4 خلاص راحت عليه بعد ما طرحت المعالجات ال Dual Core و ال Quad Core .. لذلك ننصح دائما اي مشتري في هذه الفترة ان يبتعد تماما عن معالجات Pentium4 و يجب الا يجذبك ال 3جيجاهيرتز .. لان تكنولوجيا التصنيع تفوقت بكثير على رقم الجيجاهيرتز..

و عشان تعرف تقرر يا ريت تحط ميزانيتك كام للبروسيسور و الماذربورد؟؟

Alucard
30-07-2007, 23:46
جهازك هيبقا ممتاز جدا لو غيرت البروسيسور الى بروسيسور Dual core سواء من انتل او AMD .. لانه ال Pentium4 خلاص راحت عليه بعد ما طرحت المعالجات ال Dual Core و ال Quad Core .. لذلك ننصح دائما اي مشتري في هذه الفترة ان يبتعد تماما عن معالجات Pentium4 و يجب الا يجذبك ال 3جيجاهيرتز .. لان تكنولوجيا التصنيع تفوقت بكثير على رقم الجيجاهيرتز..

و عشان تعرف تقرر يا ريت تحط ميزانيتك كام للبروسيسور و الماذربورد؟؟


بص يا سيدى انا الجهاز بالمواصفات اللى انا كاتبها متكلف 2500 جنيه من غير شاشه .. فياريت لو حد مثلا يكتبلى مواصفات كامله و فى حدود الميزانيه دى ..يبقى عمل معايا الواجب و زياده .. و يا ريت بادق التفاصيل .. عشان انا هقوم بكتابة البيانات دى و اجيب الجهاز زى ما هوا مكتوب و شكرا ..

Modi_mma
31-07-2007, 00:41
المعالج : متوسط بس قدييييييم

الرامات : ممتازة

كرت الشاشة : متوسط

الحجم (الهارد ديسك) : ممتازة

| Fusion |
31-07-2007, 07:49
بروسيسور: AMD Athlon64 X2 3800 ... سعره: 450جنيه
ماذربورد: ASUS M2A-MVP .. سعرها: 550جنيه
رامات: رامتين 1GB باص 667MHz ... سعرهم: 450جنيه
فيجا: NVIDIA 7300GT ... سعرها: 560جنيه
هارديسك: Western 160GB SATA ... سعره: 310جنيه
دي في دي: Samsung WriteMaster 18x DVD Writer ... سعره: 190جنيه

المجموع: 2510جنيه.. السعر دا طبعا هيقل لما تيجي تشتري الجهاز كامل لانك لازم تفاصل.. و على فكرة الجهاز دا هيبقا ادؤه افضل من اللي انت ذكرته..

مستني رأيك..

Alucard
31-07-2007, 10:17
بروسيسور: AMD Athlon64 X2 3800 ... سعره: 450جنيه
ماذربورد: ASUS M2A-MVP .. سعرها: 550جنيه
رامات: رامتين 1GB باص 667MHz ... سعرهم: 450جنيه
فيجا: NVIDIA 7300GT ... سعرها: 560جنيه
هارديسك: Western 160GB SATA ... سعره: 310جنيه
دي في دي: Samsung WriteMaster 18x DVD Writer ... سعره: 190جنيه

المجموع: 2510جنيه.. السعر دا طبعا هيقل لما تيجي تشتري الجهاز كامل لانك لازم تفاصل.. و على فكرة الجهاز دا هيبقا ادؤه افضل من اللي انت ذكرته..

مستني رأيك..

طب معلش سؤال .. هوا البروسيسور دا Dual Core و بعدين هل المذر دى انضف من ال Gigabyte لانى بسمع انها انضف حاجه موجوده و شائعه فى مصر ...؟

| Fusion |
31-07-2007, 10:41
هوا البروسيسور دا Dual Core
ايوه Dual Core


هل المذر دى انضف من ال Gigabyte لانى بسمع انها انضف حاجه موجوده و شائعه فى مصر ...؟
المذربورد دي ممتازة ل AMD بالنسبة لسعرها و هي من ASUS و سمعتها حلوة جدا في السوق.. اما بوردات جيجابايت ل Intel Core2Duo هي اللي سمعتها جامدة في السوق بالنسبة لبروسيسورز انتل..

Alucard
31-07-2007, 11:14
المذربورد دي ممتازة ل AMD بالنسبة لسعرها و هي من ASUS و سمعتها حلوة جدا في السوق.. اما بوردات جيجابايت ل Intel Core2Duo هي اللي سمعتها جامدة في السوق بالنسبة لبروسيسورز انتل..

يعنى مثلا لما اشترى ال Gigabyte يبقى لازملها Intel و AMD لازملو Athlon يعنى مينفعش اعكس مثلا .. كل حاجه ليها المطابق بتاعها ؟

GoldenLionTech
31-07-2007, 11:44
السلام عليكم ورحمة الله وبركاته

اللوحات المصنوعة من شركة معينة وموجهه لمعالجات معينة لا يمكن تركيب معالجات الشركة الأخرى عليها

مثال لوحات MSI أو GIGABYTE أو ASUS والمصنوعة لتعمل على معالجات AMD AM2
لا يمكنها أن تعمل على أي من معالجات INTEL
والعكس صحيح

Alucard
04-08-2007, 12:39
طب فى سؤال .. هوا المعالجات ال Dual Core تختلف عن ال Core2Duo .. و يا ريت لو حد يعرفلى سعر ال Core2Duo فى مصر ..هوا و كارت الشاشه 7600 GT ياريت يقولهولى .. شكرا مقدما !!

| Fusion |
04-08-2007, 15:22
هوا المعالجات ال Dual Core تختلف عن ال Core2Duo
Dual Core .. نقدر نقول عليه انه الأسم العلمي اي "ثنائي النواة"
Core2Duo .. هو الاسم التجاري الذي اطلقته Intel على الفئة الجديدة من المعالجات ثنائية النواة


و يا ريت لو حد يعرفلى سعر ال Core2Duo فى مصر
.هوا و كارت الشاشه 7600 GT ياريت يقولهولى
شوف اللينكات اللي في توقيعي...

سلام عليكم

113
05-08-2007, 05:46
راجع الموضوع التالي بس المشكلة انا الاسعار اسعار السعودية والقطع - ان شاء الله - راح تحصلها في مصر

اضغط هنا (https://www.arabhardware.net/forum/showthread.php?t=60011)

و أنا اؤيد رأي الأخ GoldenLionTech (https://www.goldenliontech.com/forum/index.php?act=idx) شخصيا .. لأن الاي ام دي حاليا لا تقاوم مع معالجد ثنائية النواة .

Alucard
10-08-2007, 09:38
طيب هوا الوقتى فى سؤال .. انا عند نزولى السوق و بحثى عن المعالجات الانتل الجيل الجديد "Core2Duo " وجدت انها تبدأ من 1.8 كاش 2 ميجا .. فما الفرق فى الاداء بينها و بين بروسيسور Pentium 4 3.2 كاش 2ميجا ... يعنى ما الافضل فى الاداء ... 1.8 كاش 2 ميجا " كور تو ديو " .. او 3.2 كاش 2 ميجا " انتل بنتيوم " ؟ .. و شكرا

| Fusion |
10-08-2007, 15:51
معالجات Core2Duo تفوقت على جميع معالجات Pentium ... لان رقم الجيجاهيرتز لم يعد بنفس الاهمية التي كان عليها قبل ال Core2Duo و ذلك بسبب نكنولوجيا التصنيع الحديثة المصنع بها معالجات C2D.. لذلك نعم و بدون شك, ال 1.8 كاش 2 ميجا يتفوق على P4 3.2

Alucard
10-08-2007, 18:44
مع ان كلامك دى فعلا فى محله .. بس للاسف هضطر انزل فى الميزانيه شويه .. انى اجيب 1 جيجا رامات .. و اضطر اجيب البروسيسور الجامد دا LooL .. بس يا ترى المذربورد بتاعتى تدعم الCore2Duo اللى هيا .. Gigabyte-945-LGA-P-S3 ؟

Sh@rk
10-08-2007, 19:29
مواصفات المعالج و اللوحة الام ذكرها الشباب بشكل جيد و نصحوك بالنوعيات الممتازة و المناسبة لك


بالنسبة لكرت الشاشة, لا تغتر بحجم الميموري كثيرا بقدر اهتمامك بالمواصفات التفصيلية للكرت, مثل نقاط البيكسل التي يدعمها, عمق الالوان و رقم الفاصلة العائمة و عدد معالجات البيكسل و الظلال, سرعة المعالج و الميموري اهم بكثير من حجم الميموري نفسها التي ينخدع بها الناس, فتجد الناس مثلا يتهافتون على شراء كرت 7300GT بذاكرة 512 كالذي تود انت شراءه, لكن الحقيقة ان هذا الكرت معروف بضعفه و سرعان ما تجد ان الكرت لا يستطيع تشغيل الالعاب الحديثة في غضون سنة او سنتين على الاكثر بالدقة المطلوبة و التفاصيل الكاملة


انصحك بالانتقال الى كرت اخر برقم اعلى مثل 7600 او غيره, لكن يفضل ان تذكر الميزانية التي تود تخصيصها لكرت الشاشة, او الحد الاعلى الذي تضعه لسعره


بالتوفيق في اختيارك و جهازك المتسقبلي

| Fusion |
10-08-2007, 19:45
و اضطر اجيب البروسيسور الجامد دا
قصدك ال C2D واللا P4 ؟؟


بس يا ترى المذربورد بتاعتى تدعم الCore2Duo اللى هيا .. Gigabyte-945-LGA-P-S3 ؟
ايوه بتدعم ال C2D

و لك حرية الاختيار بين المعالجات .. بس احنا ذكرنالك الأفضل rule: :)

Alucard
10-08-2007, 19:46
اولا شكرا على الرد اخى Sh@rk .. و لكن انتا متعرفش الاسعار هنا فى مصر بالنسبه لكروت الشاشه شكلها عامل ازاى .. اسعار فعلا عاليه جدا .. فانا مضطر حاليا لشراء هذا الكارت مؤقتا .. و كل ذللك على اساس الميزانيه الموضوعه .. و لكنى باذن الله هشترى كارت احسن من اللى انا عايز اجيبه باذن الله فى خلال سنه بالكتير ..lolo:

Alucard
10-08-2007, 19:49
قصدك ال C2D واللا P4 ؟؟


ايوه بتدعم ال C2D

و لك حرية الاختيار بين المعالجات .. بس احنا ذكرنالك الأفضل rule: :)

شكرا اخى wmgc على اهتمامك بالموضوع دا .. مع انى عاارف انى صدعتك جامد و انتا نصحتنى كتيير بشأن الاختيارات و انا شاكرللك فعلا Wink: .. بس المشكله فى الحاجات اللى انتا قولتهالى انها فى القاهره .. و انا صعب اسافر و ومفيش حد ممكن يسافرلى :Unhappy: .. فمؤقتا بس لحين تحسن الاحوال باذن الله فى القريب العاجل .. هنشوف المواصفات اللى انتا قولتهالى دى .. و انا كان اصدى طبعا على البروسيسور ال Core2Duo ....

Sh@rk
10-08-2007, 20:07
انا فاهم عليك

و كروت الشاشة غالية في كل مكان مش بس عندكم في مصر, بس لو انت بدك تحط 700 جنيه مثلا للكرت و تشتري واحد جديد السنة اللي بعديها بـ 1200 جنيه مثلا, لازم تجمع الـ 1200 من الصفر و هيك بوقت اطول, لكن لو انت صبرت شوي على الكرت المدمج في اللوحة او كرت عتيق مهري يمشي لغاية متجمع الباقي للـ 1200 من عند 700 هيك بيكون وقت اقصر كمان اوفر لجيبك, هذه نصيحتي و انت حر اعمل مثل ما بدك, كرت الشاشة اللي انت حاطه مش قديم لكن تعبان, يعني ما بيمشي كثير

Alucard
10-08-2007, 20:23
اولا انا شاكر لردك .. و ثانيا انا مقدر وجهة نظرك .. بس انا كان فى نيتى انى مثلا بعد سنه ابيع الكارت اللى معايا او بمعنى اخر ابدله و بفرق تمنه اشترى واحد انضف .. و انا معايا يعنى تحت البلاطه زى ما بيقولو LooL .. مبلغ مش بطال .. فعلى بال لما السنه باذن الله تهل علياlolo: .. اكون معايا مبلغ كويس ممكن اشترى بيه الكارت اللى يمشينى لفتره اكبر باذن الله .. و بعدين المذربورد اللى معايا بتعمل support لحاجات كتيير جديده موجوده الوقتى .. و ربنا يوفق ... و شكرا على ردك .. :rolleyes:

Sh@rk
11-08-2007, 10:47
بالنسبة لكرت الشاشة انت حر


بالنسبة للمذربورد, حتى لو كانت تدعم اشياء متقدمة لن تشغلها كما ستشغلها اللوحات الجديدة التي صممت لها اصلا, هي مجرد قدرة على التشغيل و لا يعني انها تشغلها بأحسن صورة

مثلا الان هناك مذربوردات تدعم DDR3 لكن هل ستشغل الـ DDR3 كما ستشغلها لوحات السنة القادمة؟ لا طبعا لان هناك اشياء جديدة ستطرأ على نوعيات الميموري هذه


من تجربتي مع الاجهزة و قطعها, لا يوجد قطع تصمد معك حتى النهاية, مثلا انا اشتريت قبل سنوات مذربورد تدعم بينتيوم 4 لكنها اصلا تشغل بينتيوم 3, يعني اول طلوع البينتيوم 4 لكن لم تشغله كما هو متوقع, المعالج كان متطور و كبير على اللوحة و بالكاد تشغله, لذا اضطررت الى تغيير اللوحة و من ثم الجهاز كاملا, هكذا كل سنة تقريبا اجمع جهاز من جديد, لان القطع التي فيه صارت قديمة, ميموري 1 جيجا كانت في بداية السنة شيء ممتاز, الان اقل شيء لتشغيل الالعاب هو 1 جيجا و هكذا

Alucard
11-08-2007, 10:57
ما هى المشكله ان التكنولوجيا متبقفش .. و خصوصا فى حكايه الكمبيوتر .. كل شويه " شهرين - 3 شهور " يطلعللك حاجه جديده تعقدك و ماديا و معنويا rule: .. بس هنعمل ايه .. انا بقالى ولهى 4 اسابيع بعمل سيرش و مواضيع عشان اعرف ايه الاحسن .. و انا متاكد ان فى الفتره دى طلعت حاجات احدث من اللى انا كنت فاكرها احدث فى وقتها ..يعنى يا اشترى يا مشتريش .. و فوق كل دا اسعار القطع بتزيد بين اليوم و التانى بتاع مثلا 20-30 جنيه .. يعنى طالع و نازل .. ولهى انا فقدت الامل .. و بدأت اعيد تفكير فى حكاية الجهاز دى .. انا جالى احباط ولهى (H)Con::Unhappy:

mo-mikl-di
14-08-2007, 17:41
توكل واشتري الجهاز مواصفاته زينة