ممكن ملف البيوس ده

[EgY_Memo]

ممكن ملف البويس ده
عشان دورت عليه كتير وما قتهوش
البورده
shuttle

p4m266-8235
وده الرقم الى لما بفتح الجهاز بيظهرلى وفى كمان دول ةر435009
ambios
يا ريت الرد السريع الجهاز مش بيشغل ماوس خالص

[dishna66]

ربما لأنك تبحث بالشيبست وهو ماقد يكون متشابه فى أنواع أخرى من البورد . والأفضل هو البحث بموديل البورده , والسؤال هنا الجهاز مش بيشغل ماوس خالص ؟ مالذى جعلك تقفز مباشرة الى طلب البيوس , هل تخطيت الحلول التقليديه
1- هل الماوس كان يعمل من قبل ؟
2- ماهو اخر شىء حدث ثم صار الماوس لايعمل ؟
3-هل جربت ماوسات اخرى سواء usb أو ps2 بلا جدوى ؟
4- هل تتم قراءة الماوس عند بدء نشغيل الجهاز ؟
5- هل فحصت البيوس وتأكدت من عدم وجود تعارضات بين الماوس وقطع أخرى ,ونفس الامر فى ادارة الأجهزة
6- هل استبعدت مشكله ما فى نسخة الويندوز أو فيرس
7- هل قمت بازالة التعريف افتراضى بالماوس من ادارة الأجهزة ثم قمت بعمل ريستارت والتعريف من جديد
8- هل قمت بالدخول الى ايقونة الماوس داخل لوحة التحكم وفحص اعدادات الماوس
9- هل قمت بإزالة تعريف كارت الشاشة والمودم ثم عرفت الماوس من جديد قبلهما
10- هل أنت متاكد بعدم وجود مشكل حدثت بمخرج الماوس نفسه فى المذربورد

استنى عليا اللى مخليتك ترمى الجهاز كله مش الماوس بس ............... هههههههههههههه
أخى الكريم اذا كنت متاكدا بشكل قاطع ونهائى انك تحتاج الى تحديث البيوس , فليكن هذا قرارك , أولا لابد ان تكون متاكدا من موديل البورده وهذا البرنامج سيساعدك
قم بتنزيل هذا البرنامج

https://www.cpuid.com/download/cpu-z-140.zip

وقم بالضغط على الملف CPUZ.exe

وبمجرد الضغط عليه ستظهر لك نافذة بيانات جهازك من التيويبات بأعلى اختر

Mainboard

فى أول خانة لهذه النافذة ستجد اسم الشركة المصنعه للبوردة وفى الخانة الثانية ستجد الموديل ورقم الاصدار ان وجد . وبهذا يسهل عليك البحث عن ملف البيوس المطلوب , وتنزيل احدث اصدار منه

ماوجدته انا كالتالى
هذه هى البورده الخاصة بك

https://www.motherboard.cz/mb/shuttle/MV43VNV81a.htm
وذلك بناء على الشيبست p4m266-8235
وستجده هنا اخر موديل مذكزر فى الجدول
https://mainboard.cz/shuttle.htm

وبناء عليه هنا بورده من موقع الشركة Shuttle

https://eu.shuttle.com/archive/en/mv43.htm

وف هذه الصفحة ستجد كل التنزيلات الخاصة بالبورده بما فيها البيوس
https://eu.shuttle.com/archive/en/mv43_faq.htm#download

يرجى المراجعه لكل ماسبق مع خالص تحياتى

[EgY_Memo]

شكرا ليك يا غالى بس انا جربت ماوس usb وشغال تمام ونزلت وندوز ومفيش فايده ولا ماوس بيشتغل غير ماوس عادى ليزر ps2
ده الوحيد الى بيرضى يشتغل وده الى مجننى انما باقى الماوسات مش بتشتغل فى ال ps2

[EgY_Memo]

model mv43
chipset via p4m266 (vt8751)
biso
07..00t
ودى البنات الى لاقتها

[EgY_Memo]

وايه رايك فى البرنامج ده بيدور على تحديث البويس لوحده ويشغله حلو ولا ايه
Bios_Utilities_Team_Pachino

[EgY_Memo]

البرنامج ده جايبى الفيرجن بتاع البويس صح ولا غلط
62-1227-001131-00101111-040201-P4M266-8235-MV43C-00

ده البويس اى دى

[man_ay2000]

جرب تشغيل الجهاز فى وضع ال Safe Mood وشوف اخبار الماوس - وجرب الماوس تبعك على جهاز اخر
الماوس يستخدم IRQ 12 تـأكد انه لا يوجد تعارض مع قطع اخرى

وافدنا بالرد لنقرر الحل قبل عملية تحديث البيوس

[EgY_Memo]

الماوس شغال على اجهزه تانيه المشكله من جهازى انا وانامتاكد بس دلوتى اشوفه متعارض مع حاجه تانيه ازاى او منين

[man_ay2000]

اولا دا برنامج من Ami لمعرفة موديل البوردة للتأكد - فى المرفقات

ثانيا بالنسبة للتعارض يظهر فى الشاشة السوداء عند تحميل الجهاز حيث نجد قطعتين ياخذوا نفس قيمة ال IRQ
وعموما سنقوم بتفريغ قيم لل IRQ من الست اب
اعد تشغيل الجهاز وادخل الى الست اب وفى قوائم integerated peripherals او ماشبهها من مسميات اجعل قيم serial ports و parallel ports على disable واتجه الى PNP configuration وعند Reset اجعلها enable واحفظ واعد التشغيل
ملحوظة الاجهزة التى تعمل حاليا على منافذ serial او parallel سوف تتوقف - ان كان يوجد اى منها مثل عصا الالعاب او غيرها ولكن يمكن ارجاعها بعد ذلك بعكس الطريقة السابقة

بعد الدخول فى النظام اتجه الى Device manager وابحث عن الماوس ثم Properities وشوف ظاهر ام لا
وشوف ال resources ال IRQ على 12 ام لا

- ملحوظة هل جربت عدة انظمة تشغيل مثل Xp - winme

[EgY_Memo]

هجرب وهقولك

[EgY_Memo]

نفس المشكله برده يا ريت حد يجيبلى ملف البويس واجرب وخلاص

[man_ay2000]

ارفع تقرير عن اللوحة والبيوس بالبرنامج السابق فى المرفقات - او ببرنامج bios agent
https://scan.esupport.com/?CFID=14807486&CFTOKEN=96660948
للاطمئنان عن موديل واصدار البيوس

[EgY_Memo]

دى البينات الى طلعتن من الموقع ده

GAMAL
Your Ticket #: 35XZHGL
BIOS Type: AMI
BIOS Date: December 27th 2002
BIOS ID: 62-1227-001131-00101111-040201-P4M266-8235-MV43C-00
BIOS OEM: MV43S009 P4M266-8235 - 07.00T
Chipset: VIA 82C3148 rev 0
SuperIO: ITE 8705/SiS 950 rev 2 at port 002E
Manufacturer: Shuttle Inc
Motherboard: MV43
OS: Microsoft Windows XP Professional Service Pack 2.0
Maximum Memory: UnknownMB
Installed Memory: 256MB
Memory Config: Slot1:0 Slot2:256 Slot3:0 Slot4:0

[EgY_Memo]

??????????? يا ريت حد يجيبلى ملف الابديت بتاع البويس

[dishna66]

للمرة الثانية والأخيرة تحديث البيوس هو أضعف الحلول لحل المشكله ........... وممكن ما يحلش المشكله خالص , المشكله فى دائرة البورتات فى البوردة بتاعك . وغالبا ان لم يكن اكيدا محتاج تغير البورت بتاع ال ps2
وده الاحتمال العاشر اللى كتبتهولك قبل كده وباضيف الاحتمال الخامس قبل منه ,,,,, وليك القرار

[EgY_Memo]

معلشى تاعبكم معايا بس يا ريت شرح بالظبت اغير البورت ده منين انا جربت ماوس يو اس بى اشتغل انما البى اس تو لا يا ريت توضح ظبت شرح الحلول الى انت كتبتها بظبت واماكنها فين

[dishna66]

يا عزيزى ياريت تكون جربت الحلول البسيطة اللى حاطيتهالك فى الأول ومتكونش جابت نتيجة , علشان نكمل واحنا متطمنين , مسألة التعارض دى بين قطع اجهزة الكمبيوتر , ح تلاقى شرح بسيط هنا ...

https://www.arabhardware.net/forum/showthread.php?s=&threadid=4957

ايه المطلوب منك دلوقتى يعنى ياريت تحذف تعريف الماوس اللى عندك وتكون متأكد من وجود ماوس شغال كويس على اجهزة اخرى تعمل shutdown وتركب الماوس ال ps2 فى بورت الماوس اللى باللون الأخضر وتشغل الجهاز وتراقب الرسايل اللى حتظهرلك لغايه ماتوصل لسطح المكتب ونشوف الماوس ح يشتغل ولا لأ وبعدين امشى ورا الخطوات دى كالتالى :
1- اضغط كليك يمين على My Computer اختار اخر واحده properties
2- من النافذة اللى ح تظهرلك اختار Hardware
3- من نافذة Hardware حتلاقى القسم الأوسط فى النافذة مكتوب devices manager اضغط عليها
4- ح تظهرلك تبويبات فيها قطع الهاردوير بتاعتك اضغط على تبويب الماوس ..... ح يظهرلك نوعه ..اتاكد ان مفيش علامة صفرا أو حمرا جنب تعريف نوع الماوس . اضغط ضغطتين على النوع المكتوب تحت تبويب الماوس ,
5- من النافذة اللى ح تظهرلك اتأكد انه مكتوب the device is working properly
6- من التبويبات اللى فوق فى نفس النافذة اختار resources
7- من النافذة بتاعت resources بص للمربع اللى تحت شوف جمله conflicting device list ايه اللى مكتوب تحتها لو مفيش تعارض حتلاقى كلمة No conflicts ولو كان فيه حتلاقى كلام تانى يوضحلك التعارض ساعتها بقى ندور على التعارض الموجود مع اى قطعه بالظبط

8- هل أنت متاكد بعدم وجود مشكل حدثت بمخرج الماوس نفسه فى المذربورد .. ده الاحتمال العاشر اللى حطيتهولك يعنى بورت الماوس فى الكيسة حصل فيه مشكله .... وبالتالى يتغير .......

, المشكله فى دائرة البورتات فى البوردة بتاعك . وغالبا ان لم يكن اكيدا محتاج تغير البورت بتاع ال ps2

وأنا قلتلك الرأى ده . لأنى باخد حاليا دوره صيانة مذربورد ........... وطرحت مشكلتك على المهندس بتاع الدورة .. قالى تحديث الماوس ليس له علاقة بدائرة البورتات .. والحل هو تغيير بورت الماوس نفسه ... وعلشان كده انا قلتلك الراى اللى هو قاله ......... مسألة التغيير دى اعتقد انه ممكن تكون صعب عليك لكن فكرتها ان الجهاز بيروح شركه أو مكتب صيانه .. وبيتم شيل البورت البورت بتاع الماوس بما فيها الحاجه اللى مشتركه معاه فيها زى بورت الكيبورد نفسه ... وبيتم شرا نفس القطعه من السوق واعادة لحمها فى البورده مكان الجزء اللى اتشال ........ ارجو ان الفكرة تكون وصلت
طيب انا لو مكانك ح اعمل ايه ...... ح امشى ورا الاحتمالات اللى انا قلتهالك فى البدايه خطوة خطوة .... بما فيها تحميل نسخة ويندوز تانيه مختلفة عن نسخة الويندوز اللى انا حملتها ........ولو كان الماوس له تعريف خاص بيه ح أدورله على تعريف مناسب .......... يعنى ح استنفد كل الحلول البسيطة دى الاول .......... مسألة تحديث البيوس ح تشكل صداع فى دماغى وتزن فى دماغى كل ما فكر انى مقداميش غير تغيير تغيير البورت نفسه رغم أنى بعد كلام مهندس الدورة ان التحديث مش ح يحل المشكله .......... ودى القرار يرجعلك انت هل فعلا تحدث البيوس باعتبار أن قرار المهندس ده الصواب الذى يقبل الخطأ ,,,,,, وتحدث البيوس باعتبار أن كده كده تحديث البيوس مطلوب بصفة عامة .. النهارده وبكره وبعده .. ولا تفضل انك تستمر مع الماوس ال USB على طول ؟؟؟؟؟؟؟؟؟؟ وومكن تقول اجيب convertable تحويلة للماوس من ps2 الى USB رغم أن ده مايحلش المشكله ومجرد تحايل عليها ..........؟؟؟؟؟؟؟؟؟؟؟؟؟؟؟؟؟ القرار قرارك
انا بعتلك فى رسالة خاصة حاجه تانيه ....... يمكن تأكد الكلام اللى بنقوله أوتطرح حل ماتقالش
مع خالص تحياتى

[النديم]

الأخ EgY_Memo
الأخوة لم يقصروا في تحليل جوانب المسألة جزاهم الله كل الخير. أنا عندي لكَ كم سؤال :
1. هل كنتَ معتاداً على نزع أو توصيل الفأرة من الجهاز وإليه أثناء الأشتغال؟ إذا كان الجواب بالأيجاب... فقد أحدث هذا الأمر تلفاً بأحد مكونات الدائرة الألكترونية الخاصة بالفأرة على اللوحة الأم (مقاومة، مكثف، دائرة متكاملة IC) وهو تلف يصعب إصلاحه والحل معه يكون بأستعمال فأرة USB وكل سنة وأنت طيب.
2. هل تعرف أن اي خطأ في عملية تحديث البيوس يمكن أن يتلف اللوحة الأم والى الأبد؟ هل تعرف إن من يقوم بتحديث البيوس يُشترط فيه خبرة سابقة وتدريب مُسبق تحت إشراف من كان بالأمر خبيرا؟ ما مقدار علم وخبرة مَن أخبركَ أن تحديث البيوس هو الحل الوحيد للمشكلة (لا أزدري أحداً حاشا لله ولكني أسأل لمجرد العلم)؟
3. هل زرتَ موقع شركة Shuttle وبحثتَ عن الصفحة الخاصة بلوحتكَ؟ هل وجدتَ أنهم أصدروا تحديثاً للبيوس بعد رقم إصدار بيوس لوحتك الحالي... لحل مشكلة في إتصال اللوحة مع فأرة PS2؟
الدقة أخي الكريم أكثر من مطلوبة حين الحديث في مسالة تحديث البيوس، رغم أنها عملية لاتأخذ أكثر من 3 دقائق.
النديم