المساعد الشخصي الرقمي

مشاهدة النسخة كاملة : عايز أطور جهازي ليتماشي مع أحدث الالعاب , و هشتري الحجات من مصر


whitehorse_raad
24-09-2007, 13:04
السلام عليكم يا جماعه :) ,

أنا بحب ألعاب الكمبيوتر جدا ((تقريبا مدمن)) Wink: ,بس المشكله أن انا كان عندي كارت شاشه ATI RADEON 9250 128M بس اتحرق وطبعا دلوقتي مبلعبش خالص, وعلما بان انا عندي بورده GIGABYTE GA-8I848P بمخرج AGP 8X
CPU 2.4GHz
RAM DDR1 256
بورسبلاي 400 وات

, و ناس اصحابي:frnd" نصحوني بأني اغير البورده واجيب واحده PCI EXPRESS وطبعا انا عايز :

_ غير المزربورد

_ بروسيسور

_ كارت شاشه

_ ورامات (( عايزها 1GB))

_ كيسه مع بورسبلاي مناسب (( ان كان ال400 وات غير مناسب ))


ايه احسن حاجه اجيبها من كل حاجه عشان يبقي الكمبيوتر كويس بالنسبه للالعاب الحديثه :up: ؟ و اجيبها منين في مصر ؟ و بكم ؟ (( بشرط تكون الحجات كلها في حدود 2000 _ 2500جنيه )) .

_سوءال اخر :q:: هل ممكن ابيع الحجات القديمه ؟ وتيجي بكم كده ؟


ارجوا ممن يعرف الأجابه ان يفيدني ,

و شكرا .
dxbboy77
24-09-2007, 23:44
اخوي اول شي مثل شو تحب تلعب ؟؟

لو الالعاب الثقيله علي هذي الميزانيه .. ما اعتقد انك تحصل مواصفات حلوه ..

يعني تركب لك جهاز AMD افضل لك مع كرت شاشه 7600GT .. ولكن اتوقع ان السعر بيطوف الميزانيه المحدده ..
whitehorse_raad
25-09-2007, 04:30
اخوي اول شي مثل شو تحب تلعب ؟؟


أحب ألعب كل الألعاب الحديثه خفيفه كانت ام ثقيلهlolo: .



لو الالعاب الثقيله علي هذي الميزانيه .. ما اعتقد انك تحصل مواصفات حلوه ..


لو الميزانيه دي قليله .......طب ايه أقل ميزانيه تضمنلي اشغل أي لعبه موجوده حاليا و ياريت اللعب اللي هتطلع كمان سنتين ؟ عشان مش كل شويه أغير .


وياريت يا جماعه اللي يكتب مواصفات يكتبها بالتفصيل rule: , وياريت حد مصري يقلي علي مكان رخيص و مضمون اشتريها منه في مصر :q: ؟ و بكام :q: ؟

و شكرا .
whitehorse_raad
25-09-2007, 12:37
ليه محدش بيرد ؟؟!!! (BB) (BB) , هوه الموضوع بتاعي فيه حاجه غلط :confused: g: ؟

أرجوكم حد يعبرني و يرد عليا :Unhappy:
whitehorse_raad
26-09-2007, 02:21
يا جماعه فين الرد ؟؟؟؟؟؟؟؟
whitehorse_raad
26-09-2007, 06:54
لو الالعاب الثقيله علي هذي الميزانيه .. ما اعتقد انك تحصل مواصفات حلوه ..




طيب أنا ممكن أزود الميزانيه ل 3500 جنيه مصري

كده يبقي كويس :confused: ؟؟

ويا ريت بقي حد يعبرني من المشرفين أو غيرهم (B) :Angry: عشان أنا عايز أشتري و أخلص .
darkangel007
26-09-2007, 14:34
board giga byte 945P
processor; c2d 1.8ghz//cache 2 mb
vga..7600gt or 8500
ram.. kingston 1giga*2
هتلاقى الحاجات دى فى السخاوى مول 2 بس انشاء اللة مش هيعدو ميزانيتك و الجهاز دة تمام
اى خدمة
whitehorse_raad
26-09-2007, 22:11
شكرا ليك يا darkangel , بس انت مقلتليش علي الكيسه والبورسبلاي . وهل ياتري الجهاز ده يبقي كويس بالنسبه للألعاب ؟


, وياريت يا جماعه لو حد عنده تعليق علي الحجات دي أو أي رأي اخر يقلي عليه
GTX
27-09-2007, 00:24
المعالج
core 2 due e4400 حوالي 700 جنية

البوردة
gigabyte ga p35 ds3r حوالي 950 جنية
البوردة دية بتدعم الجيل القادم من معالجات انتل

رام
2x512mb kingston ddr2 667mhz بين 250 الى 285

كرت الشاشة
امامك خياران اما انك تاخد كرت قوي لكن بيدعم directx 9 او تاخد كرت متوسط الاداء بيدعم directx 10

الاول directx 9
radeon x1950 pro حوالي 850 جنية

الثاني
xfx geforce 8600 gt حوالي 1100 جنية


الكيسة

Chassis Gamma + Power supply HEC 400W حوالي 400 جنية (انتظر اراء الخبراء في موضوع الواط لانة ممكن الــ400 مكنش كافي)
و لو لقيت كيسة بــpower supply بواط اعلى يبقى احسن بس يكون نوع ممتاز

كدة المجموع 3200 جنية (بكرت الـradeon) و ممكن يقل او يزيد

لو عايز جهاز amd

المعالج
amd athlon x2 4800

بوردة
Gigabyte GA-M57SLI-S4

للاسف معنديش فكرة عن اسعارهم
whitehorse_raad
27-09-2007, 06:17
شكرا ليك GTX علي ردك و اهتمامك ,

و كان عندي كم سؤال :

_ ايه الفرق بين core 2 due و amd ؟ وايه الأحسن للألعاب ؟


البوردة
gigabyte ga p35 ds3r حوالي 950 جنية
البوردة دية بتدعم الجيل القادم من معالجات انتل



هل معني ده اني ممكن أغير المعالج من غير ما أغير البورده ؟



رام
2x512mb kingston ddr2 667mhz بين 250 الى 285



أيه الفرق بين الرام ال 667 MHZ , ال 800 MHZ ؟ وهل الأخيره أحسن للألعاب ؟



كرت الشاشة
امامك خياران اما انك تاخد كرت قوي لكن بيدعم directx 9 او تاخد كرت متوسط الاداء بيدعم directx 10

الاول directx 9
radeon x1950 pro حوالي 850 جنية

الثاني
xfx geforce 8600 gt حوالي 1100 جنية


أيه الكارت الأحسن للألعاب ؟ وهل واحد منهما يضمنلي أشغل كل الألعاب الحديثه الموجوده حاليا واللي هتطلع كمان سنه مثلا ((سواء كانت خفيفه أو ثقيله )) ؟

شكرا ليك مره تانيه و معلش طولت عليك .
whitehorse_raad
27-09-2007, 06:32
يا ريت يا شباب أي حد عنده رأي تاني او تعليق علي التجميعات اللي فاتت يقلي عشان انا مش عارف ايه الأحسن فيهم أو لو حتي فيه حاجه احسن منهم .

ملاحظات :

1_ أهم حاجه يا جماعه أنا عايز أحسن حاجه في المزربورد والبروسيسور بحيث مش كل شويه أغير ( اصل دول اساس الكمبيوتر و مش كل ميطلع كارت شاشه جديد مثلا أضطر اغير الكيسه كلها ) .

2_ الميزانيه ممكن تزيد ل 4000 بالعافيه (B).


3_ يا ريت كل واحد يأخد في باله اني جايب الكمبيوتر عشان غرض اساسي ومهم جدا وهو الألعاب
Amirally
27-09-2007, 14:52
فى الاول لازم تعرف انك لو عايز تجمع جهاز قوى للالعاب ويستمر معاك لمده سنتين على الاقل
يبقى ميزانيتك لن تقل عن 6500 جنيه (بالأسعار الموجوده حاليا)
وطبعا 40% من الميزانيه دى هتروح على كارت الشاشه
فأنت ممكن تستغنى عن الكروت اللى بتدعم directx 10 دلوقتى لان مفيش اى العاب نزلت بتحتاجها, والأحسن انك تستنى لحد ما يتم تجربه كفائه الكروت المدعمه لdirectx 10
سعر



كرت الشاشة
امامك خياران اما انك تاخد كرت قوي لكن بيدعم directx 9 او تاخد كرت متوسط الاداء بيدعم directx 10

الاول directx 9
radeon x1950 pro حوالي 850 جنية

الثاني
xfx geforce 8600 gt حوالي 1100 جنية

الأول سعره رخيص واداءه قوى جدا وهتقدر تشغل بيه اى لعبه بتدعم directx 9
الثانى علشان تجيبه بنفس سعر الاول او بسعر متقارب هتلاقى أداءه متوسط ولكن بيدعم directx 10
وعلشان تجيب واحد اداءه قوى وبيدعم directx 10 هتحتاج على الاقل تلات اضعاف سعر الكارت الاول
whitehorse_raad
28-09-2007, 08:17
شكرا ليك يا Amirally علي ردك ,

بس انا كنت عايز أعرف لما هوه مفيش ألعاب بتحتاج dx10 طب ما أجيب الx1950 pro احسن................ولا هوه فيه ألعاب تحتاج dx10 هتنزل قريب ؟؟

كمان عايزك تقولي أيه مواصفات الجهاز اللي ب 6500 جنيه ده ؟؟ ((بس يا ريت تقلي المواصفات بالتفصيل))

معلش يعني هتعبك , وشكرا مره تانيه .