المساعد الشخصي الرقمي

مشاهدة النسخة كاملة : تجميع جهاز من مصر للالعاب


sofiman
03-10-2007, 16:34
السلام عليكم

جهازي الحالي P4 3.0 /1 GB RAM/ nVidia 660LE
و احس انه بدأ يحصل مشاكل من انه يفتح مرة و مرة لا و ما الى ذلك ..

ما هي المواصفات الحالية الجيدة ولا اريد ان ادفع كثير يعني بمعدل 3000-4000 جنيه (بدون هارد او شاشة )

هل AMD x2 ? او Core 2 duo ?
اي فيجا ؟ و اي رام ؟
و ماذر بورد ؟

و فين بمصر اقدر الاقي هذه القطع و اسعارها ان امكن :)

شكرا
| Fusion |
04-10-2007, 10:23
بص يا باشا:
بروسيسور: Intel E6750 .. سعره 1160جنيه
ماذربورد: GIGABYTE P35-DS3R .. سعرها 930جنيه
رامات: Kingston 2GB (2x1GB) bus 667MHz .. سعرهم حاليا 450جنيه
فيجا: ATI X1950Pro 256MB .. سعرها 825جنيه
كيسة: اي كيسة على ذوقك يكون سعرها في حدود 200جنيه و يفضل تكون واسعة من جوا عشان التهوية..
باورسبلاي: Mazoori 550W .. سعره 160جنيه

كدا المجموع: 3725جنيه..

شوف كدا و قللي رايك.. و بالنسبة للفيجا فال X1950Pro افضل من ال 8600GT


و فين بمصر اقدر الاقي هذه القطع
الحاجات دي كلها موجودة في مولات السخاوي 1 و 2 في شارع السخاوي المتفرع من شارع الخليفة المأمون - مصر الجديدة
sofiman
04-10-2007, 12:32
ممتاز جداً كمواصفات و كسعر كمان مناسب.

لكن هل هناك فرق بين الGIGABYTE P35-DS3R و بين الGIGABYTE 945P لأنها تقريبا بنصف السعر .
و هل هي DDRAM3 ؟ و كم IDE فيها ؟ و الحد الاقصى للرام فيها كام ؟

و معلش تقلت عليك بالاسالة بس الحاجات دي تكون عند وطنية ؟ لأن وطنية في اسكندرية و ممكن يجيبلي الحاجات لو موجودة في فرعهم بالقاهرة .

و اخيراً, هل بيكون مناسب للالعاب ؟

و شكرا لك :)
| Fusion |
04-10-2007, 13:14
لكن هل هناك فرق بين الGIGABYTE P35-DS3R و بين الGIGABYTE 945P لأنها تقريبا بنصف السعر .
فرق كبييير..

1)ال P35-DS3R مبنية على شرائح انتل P35 الجديدة المعروفة بأدائها الذي يفوق شرائح 945 و هي اكثر ثباتا و اداءها افضل تحت الضغط.
2) شرائح P35 تقبل التطوير لمعالجات انتل رباعية النواة Quad Core بالاضافة الى دعمها لمعالجات انتل المستقبيلة Penryn المصنعة بتكنولوجيا ال 45nm .
3) شرائح P35 تقبل باص البروسيسور لغاية 1333MHz (و هو باص البروسيسور اللي رشحتهولك), اما ال 945 فتقبل لغاية باص 1066MHz فقط..
4) البوردة P35-DS3R تقبل الرامات لغاية 8GB بباص يصل الى 1066MHz اما ال 945 فتقبل لغاية 4جيجا باص 667MHz فقط.
5) البوردة P35-DS3R فيها عدد منافذ ال SATA و ال USB اكتر من ال 945P.
6) جودة ال P35-DS3R افضل لانها مصنعة من مكثفات صلبة اللي بتزيد عمر البوردة + حلول التبريد فيها افضل بكتير من ال 945P.

... تمام؟؟


و هل هي DDRAM3 ؟ و كم IDE فيها ؟ و الحد الاقصى للرام فيها كام ؟
1) لا مش DDR3 .. وعلى فكرة لسا البوردات اللي بتدعم DDR3 منزلتش مصر ..
2) كل البوردات الجديدة فيها IDE واحد بس و الباقي SATA
3) الحد الاقصى للرامات 8 جيجا زي موضحتلك قبل كدا..


و معلش تقلت عليك بالاسالة بس الحاجات دي تكون عند وطنية ؟
معظم القطع دي موجودة عند الوطنية .. بس كلمهم و اسألهم عشان تتأكد اكتر..


و اخيراً, هل بيكون مناسب للالعاب ؟
مناسب جدا للألعاب.. بس برضو حسب انت بتحب تلعب ايه او ناوي على ايه من الجديد.. بس انت كنت خيرتني بين ال X1950Pro و ال 8600GT .. و الافضل طبعا من غير كلام هو ال X1950Pro ..

و اي استفسار, انا جاهز ان شاء الله...
sofiman
04-10-2007, 13:28
جميل جداً ..

بس X1950pro وطنية قالي دلوقتي ب890 جنيه .. هل هي بره فعلا ب825 ؟

و الباور سبلاي ده كويس ؟ لأني شفت اسعار الباور سبلاي من فترة افتكر 400 جنيه

و بالنسبة للالعاب انا مش لعيب اوي يعني, انا شغلي على الانترنت فالجهاز بيبقى مفتوح تقريبا 24 ساعة و الالعاب من وقت للتاني بس لما اكون زهقان يعني و حاجات عادية كده .
| Fusion |
04-10-2007, 13:34
بس X1950pro وطنية قالي دلوقتي ب890 جنيه .. هل هي بره فعلا ب825 ؟
انا سمعت برضو انه عند الوطنية اغلى من برا.. بس في اخ من اسكندرية اكد في موضوع من المواضيع انه الكارت دا موجود في محلات كتير اوي في اسكندرية و السعر في حدود 825 - 850 جنيه .. و انا كاتبلك اقل سعر..


و الباور سبلاي ده كويس ؟ لأني شفت اسعار الباور سبلاي من فترة افتكر 400 جنيه
الباورسبلاي دا محترم جدا و سمعته كويسه اوي في السوق و هيشغلك جهازك من غير اي مشاكل.. فيه باورسبلايز ب 400 و فيه 600 كمان.. بس انا رشحتلك المناسب لامكانيات الجهاز و المناسب برضو للميزانية..


و بالنسبة للالعاب انا مش لعيب اوي يعني,
يبقا الجهاز دا امكانياته اعلى من استخدامك كمان.. و هيقعد معاك فترة كويسة جدا ان شاء الله..
sofiman
04-10-2007, 13:41
تمام .. انا نازل اشوف اسعار الحاجات دي كام هنا و هكتب اقلها برده للافادة

و شكرا مرة تانية :)
| Fusion |
04-10-2007, 13:45
العفو يا باشا... و على فكرة البوردة ال P35-DS3R اقل سعر ليها هو 930 و مش 960 زي ما كنت كاتب..

و ربنا يوفقك .. و ابقا طمني..
sofiman
04-10-2007, 18:32
من افضل الاسعار اللي لقيتها :

بروسيسور: Intel E6750 .. ال 1150جنيه
ماذربورد: GIGABYTE P35-DS3R .. ال 940جنيه
رامات: Kingston 2GB (2x1GB) bus 667MHz .. ال 440جنيه
فيجا: ATI X1950Pro 256MB .. سعرها 830جنيه

بالنسبة بقى للكيس, لقيت GAMMA بباور سبلاي الاصلي بتاعها 420 وات بسعر 650 جنيه (علما ان الباور سبلاي وحده الخاص بها لقيته بيتباع ب410 جنيه) و هي كبيرة الحجم و بضع لك صورة خاصة بها صورتها اليوم.

فما رأيك ؟ و هل الباور ده بيكون كويس 420 وات يعني ؟ لاني ملقيتش خالص مازوري, بس لقيت حاجة اسمها circualmate او حاجة كده مش فاكر بس غالي اوي ب700 جنيه

و ايه رأيك بجاما عاما ؟ كويسة اجيبها بالباور ده ولا ؟

و لقيت ماذر تانية P35 DQ بس غالية 1700 جنيه افتكر, بس فهمت انها نفس الchips بس فيها حاجة اسمها silent pipes و كده. مش مستاهلة الفرق ده كله صح ؟

و صحيح, لقيت رامات كينج ستون HyperX بس الموديول الواحد الجيجا ب700 جنيه و الراجل بيقولي بس حاجة اكتر من خيالية :D

و شكرا :)
| Fusion |
04-10-2007, 19:17
بروسيسور: Intel E6750 .. ال 1150جنيه
ماذربورد: GIGABYTE P35-DS3R .. ال 940جنيه
رامات: Kingston 2GB (2x1GB) bus 667MHz .. ال 440جنيه
فيجا: ATI X1950Pro 256MB .. سعرها 830جنيه
اسعار ممتازة :up: .. في اسكندرية صح ؟؟


بالنسبة بقى للكيس, لقيت GAMMA بباور سبلاي الاصلي بتاعها 420 وات بسعر 650 جني
كيسات GAMMA محترمة جدا طبعا و الباورسبلاي بتوعها بيبقوا كويسين جدا.. بس لو تقدر تفتكر مواصفات الباورسبلاي خصوصا ال 12V مكتوب قصادها كام امبير .. يعني مثلا المازوري 550واط و ال 12V بيدي تيار 36امبير و دا مهم جدا لمعرفة قوة الباورسبلاي.. يعني ال 8800GTS محتاجة باورسبلاي بيمد على الاقل 34A يعني المازوري يستحمله.. شوف كدا و قللي..


و لقيت ماذر تانية P35 DQ بس غالية 1700 جنيه افتكر, بس فهمت انها نفس الchips بس فيها حاجة اسمها silent pipes و كده. مش مستاهلة الفرق ده كله صح ؟
لا ال P35 DQ6 متستاهلش الفرق دا كللو و فعلا هي نفس ال Chipset بتاعت ال P35 DS3R بس الفروقات الواضحة بينهم ان ال DQ6 فيها فتحتين PCI Express عشان لو هتوصل كارتين فيجا ATI مع بعض Crossfire .. و الفرق التاني ان فيها فتحات USB و SATA اكتر من ال DS3R بشوية لان الجسر الجنوبي SouthBridge بتاعها هو بالشريحة الجديدة Intel ICH9R بالاضافة ان تبريدها افضل بقليل.. بس انا شايف انها متستهلش ال 800جنيه فرق دول.. خصوصا لو انت مش ناوي تركب كارتين فيجا..


لقيت رامات كينج ستون HyperX بس الموديول الواحد الجيجا ب700 جنيه و الراجل بيقولي بس حاجة اكتر من خيالي
طبعا رامات ال Kingston HyperX معليهاش كلام في اداءها المتميز بس شوف سعر الجيجا قد ايه !!!
sofiman
04-10-2007, 21:06
ايوة اسكندرية ..

بصراحة مشفتش موضوع الامبير ده لأني مكنتش اعرف .. بس هشوفه .. لحد كام يبقى كويس ؟

و عموما صورة الكيس في المرفقات.

*و الATIX1950 Pro افضل ولا 8600GTS ؟ الفرق بينهم كبير طبعا حوالي 500 جنيه بس تفرق جامد ؟ غير الدايركت اكس10
| Fusion |
04-10-2007, 21:11
الكيسة يبدو انها محترمة جدا - ما شاء الله - ..


*و الATIX1950 Pro افضل ولا 8600GTS ؟ الفرق بينهم كبير طبعا حوالي 500 جنيه بس تفرق جامد ؟ غير الدايركت اكس10
ال X1950Pro بينافس بشدة ال 8600GTS و بيتغلب عليه في اختبارات كتير.. و فرق السعر دا مش قد فرق الاداء خالص و لو هتجيب كارتة فيجا تدعم DX10 و يكون اداءها محترم يبقا متجبش اقل من 8800GTS 320MB و دي اقل سعر ليها 1900جنيه
dxbboy77
04-10-2007, 21:36
مواصفات حلوه لكن لو تحصل لك ATI 1950 XT 512mb .. بيكون فوق الممتاز ..!!
sofiman
05-10-2007, 00:47
طيب كده تمام.. خليني في الX1950 Pro -256 دلوقتي احسن لأن الX1950 XT موجودة بس ضعف السعر, و انا مش محتاجها اوي في رأيي بما اني مش مهتم للدرجة بالالعاب غير بحاجات يعني معينة. لكن ممكن عادي اغيرها بعد كده لو حسيت اني محتاج .

لكن الباور سبلاي بس اللي باقي دلوقتي.. 420 وات جاما (HEC 420W) ده كفاية ؟ ولا اشوف كيس تانية عادية غير دي و اجيبلها مثلا باور 520 ؟ و يكون ايه افضل نوع لو في حاجة افضل من HEC/GAMMA
mr_zezo
08-10-2007, 09:03
و عموما صورة الكيس في المرفقات.
كيسة حلوة جدا من الشكل

وشكلها حاجة احترافية مش اي كلام

بس ممكن سؤال يا باشا

هل دي الـــ ( سيرفر ولا الميني سيرفر )

وهل فيها مروحة جانبية ولا لأ ؟؟؟؟

والكيسة متركب فيها كام مروحة ؟؟؟

اصلي بفكر اجيب حاجة محترمة زي كده

والف مبروك على الجهاز يا برنس مقدما
sofiman
12-10-2007, 19:18
معلش على التاخير بالرد بس انا فعلا مخدتش بالي غير دلوقتي

الكيس دي اللي جبتها سيرفر و فيها مروحتين امامية و خلفية علما ان الامامية عليها فلتر.. و الكيس بها ايضا Air duct اللي يسحب الهواء من البروسيسور

حجم المروحتين كبير 12*12

و اي اسئلة تانية اتفضل طبعا
| Fusion |
12-10-2007, 21:10
انت جبت الجهاز يا باشا؟؟

لو آه.. يبقا طمني جبت مواصفاته ايه؟؟

يا رب تكون زي ما اتفقنا عليها :)
sofiman
13-10-2007, 03:16
يا باشا .. انت بجد تمام التمام

انا جبت C2D e6750
P35-DS3R
ATI X1950 Pro
2 GB KIT Corssair
Asus DVD writer SATAII
GAMMA Case Full server tower HEC 420 WAT اللي وريتك صورتها فوق طبعا هي بجد ماشاء الله عجباني اوي باستثناء حجمها الضخم و التقيل اوووي 15 كيلو :D

يعني زي ما اتفقنا بس الاسعار جبتها اغلى شوية 10-30 جنيه. لكن فعلا دي اقل اسعار جبتها هنا بالعافية و بالتوصية كمان.
عدا الرامات جبتها اغلى كتير عشان لقيت كورس اير و عرفت انها كمان افضل من كينج ستون فقلت مش هستخسر .

فاضلي بس دلوقتي الLCD عشان تبقى تمام مع الالعاب و كمان شغلي على الانترنت. هنزل القاهرة ان شاء الله اخر يوم العيد على كمبيو مي اشوف عنده ايه كويس.. عندك اي اقتراحات كويسة ؟
sofiman
13-10-2007, 03:36
اه و بخصوص الLCD ... انا كده كده المفروض ان شاء الله نازل مصر في الخليفة المامون و هيبقى بيني و بن السخاوي مول حوالي دقيقتين او 3 مشي يعني ممكن ابات عنده حتى :D

فايه رايك اجيب نوع ايه او موديل ايه (بس مش عايز ادفع كتير اوي) و من السخاوي افضل او كمبيو مي ؟