مطلوب جهاز فى حدود 4500 جنية

[virus1001]

السلام عليكم و رحمة الله و بركاته
أريد جهاز متقدم فى حدود ( 4000-4500 )
و لكن أريد أن يكون هذا الجهاز فائق السرعه
بمعنى أنا لا اريد ان انفق 700 جنيه على سماعات سب من نوع كذا لأنه الاقوى و تلك الاشياء
بل اريد فقط كيسة متقدمه + شاشة lcd 17 أو 18"

الجهاز سوف يستعمل للتصاميم الجرافيك و البرمجه بإذن الله
و جزاكم الله خيرا و تبه فى ميزان حسناتكم جهدكم هذا :up:

[| Fusion |]

بص يا باشا:
بروسيسور: E6550 .. سعره 960جنيه
ماذربورد: GIGABYTE P35-FS3R .. سعرها 930جنيه
رامات: Kingston 2GB (2x1GB) bus 667MHz .. سعرهم حاليا 380جنيه (إلحقهم, فرصة)
فيجا: ATI X1950Pro 256MB .. سعرها 825جنيه
هارديسك: WD 160GB SATAII .. سعره 300جنيه
شاشة: SAMSUNG SyncMaster 720N 17" .. سعرها 915جنيه
كيسة: GAMMA MiniServer 420W .. سعرها 320جنيه

كدا المجموع: 4540جنيه .. و مناسب جدا جدا لاستخدامك و قابل للتطوير..

شوف كدا و منتظر رأيك..

[virus1001]

بص يا باشا:
بروسيسور: E6550 .. سعره 960جنيه
أعتقد أنه انتل صح لكن ما رأيك فى الا AMD
و ايها أقوى برأيك و هل يناسب هذا المستخدمين اللى بيطولوا فى تشغيل الجهاز ؟
علما بأنى كنت بشغل الجهاز اكتر من يومان متواصلين بالبرسيسور بتاعى انتل اللى هوه 1.72 جيجاهرتز بس مش عارف الموديل عذرا ..(BB)
يعنى يا ريت تقولى تردده كام جيجا هرتز

ماذربورد: GIGABYTE P35-FS3R .. سعرها 930جنيه
أوكى اللى تشوفه لأنى لا أفهم بهم
بس بيقولوا Asus أقوى انت ايه رايك ؟؟

رامات: Kingston 2GB (2x1GB) bus 667MHz .. سعرهم حاليا 380جنيه (إلحقهم, فرصة)أعتقد أن سعرهم مغرى :up: لكن ينفع يبقم (3x1GB) طيب لو ينفع يبقوا بكام

فيجا: ATI X1950Pro 256MB .. سعرها 825جنيه
و الله هيه ال Ati قوية لكن ما سعر ال 512
و هل يمكن تركيبه ؟

هارديسك: WD 160GB SATAII .. سعره 300جنيه
و الله أنت :up:

شاشة: SAMSUNG SyncMaster 720N 17" .. سعرها 915جنيه
ما فى رأى بعد رأيك :up:

كيسة: GAMMA MiniServer 420W .. سعرها 320جنيه
الكسيه بقى انا عندى مشاكل فى الكيسه لأن الخرم اللى بحطط فيه الكيسة ضيق
فهل اى كيسة تناسب و لا ايه ؟؟!


كدا المجموع: 4540جنيه .. و مناسب جدا جدا لاستخدامك و قابل للتطوير..

شوف كدا و منتظر رأيك..
على العموم يا باشا انا مش ماسك على 4500 جنيه ناا ممكن أزود لو الامكانيات هتبقى اقوى
أنت نسيت السى دى يوم
أنا عاوز سى دى روم / روتر أسوس أيه اسعارهم و موديلاتهم و ترشحلى ايه
يا باشا هوه فيه رأى بعد رأيك
وفى الختام أتمنى من الله أن يكتبه فى ميزان حسناتك يا رب!Clap

[virus1001]

طيب هوه يا هل هيشغل نظام windows Vista Ultimate بمرونه و لا هيعملى مشاكل علما بأنى تعبت جدا من مشكلات التهنيج و انا فى نص شغلى و الكلام ده
انا جهازى كان قاطع 3200 جنية فى سنة 2001 دلوقتى منهيألى يقطعله 14.5 جنية
معلش انا عارف انى صدعتك

[| Fusion |]

أعتقد أنه انتل صح لكن ما رأيك فى الا AMD
ايوة انتل و مواصفاته: 2.33GHz , Cache 4MB, Bus 1333MHz
و عايز الفت انتباهك انه المعالج دا ثنائي النواة يعني يعمل كأنك مركب 2بروسيسورز و لكن على نفس السوكيت.. لذلك بيدي كفاءة اعلى بكتير من اي معالج من معالجات Pentium4 القديمة حتى لو كانت سرعاتهم اكتر من 4GHz فال E6550 بسرعته 2.33GHz يكسحهم في كل حاجة..


و ايها أقوى برأيك و هل يناسب هذا المستخدمين اللى بيطولوا فى تشغيل الجهاز ؟
بص يا باشا,, بميزانيتك دي و بالنسبة لأسعار السوق المصري, فتجميع جهاز من انتل هيكون مناسب جدا لاستخدامك و قابل للتطوير و بصورة كاملة لجميع معالجات انتل القادمة المصنعة بتكنلوجيا 45نانوميتر..


بس بيقولوا بوردات Asus أقوى انت ايه رايك ؟؟
في موديلات معينة من ASUS قوية جدا بس مش موجودة في السوق المصري.. و الموديلات الممتازة اللي موجودة هي من GIGABYTE و فعلا عاملين في الفترة الأخيرة دي بوردات قوية جدا في الأداء و منهم اللي انا رشحتها لحضرتك.. فمتقلقش منها خالص سمعتها ممتازة و اداءها معليهوش كلام و بتنافس بوردات ASUS القوية..


أعتقد أن سعرهم مغرى لكن ينفع يبقم (3x1GB) طيب لو ينفع يبقوا بكام
ينفع يبقوا 3 و 4كمان و سعر الواحدة 190جنيه.. بس انا رأيي انك مش هتحتاج 3جيجا خالص دلوقتي.. 2 جيجا فوق الممتازة و كمان هيشتغلوا Dual Channel على البوردة و دا بيرفع اداؤهم قليلا..


و الله هيه ال Ati قوية لكن ما سعر ال 512
و هل يمكن تركيبه ؟
سعر النسخة ال 512MB من الكارتة دي 1350جنيه.. بس ال X1950Pro 256MB بتديك اداء ممتاز و قريب لل 512MB و بسعر ممتاز جدا..
و عشان برضوا حضرتك تكون على نور, العبرة في اداء الكارتات مش بحكم ذاكرة الكارته 128 واللا 256 و اللا 512 , العبرة بسرعة هذه الذواكر في نقل البيانات.. و انا عايز اقللك انه فيه كارتات 128MB اغلى من كارتات 512MB و السبب زي مذكرتلك قبل كدا هو نوعية الذواكر و سرعتها..

و ال X1950Pro 256MB نوع ذاكرته DDR3 و ال Bandwidth بتاع الميموري 256Bit و دا ممتاز جدا بالنسبة لسعره..

و قبل متسأل السؤال الشهير :) .. هجاوبك بانه نوع ذاكرة كارت الفيجا ملهاش دعوة بنوع الرامات يعني في حالتك دي, الرامات DDR2 و ذاكرة كارت الفيجا DDR3 و دا مفيهوش اي مشاكل خالص و هيشتغلوا مع بعض عادي جدا..


لكسيه بقى انا عندى مشاكل فى الكيسه لأن الخرم اللى بحطط فيه الكيسة ضيق
فهل اى كيسة تناسب و لا ايه ؟؟!
يفضل دايما انك تجيب كيسه واسعة عشان التهوية تكون كويسة داخلها و تكون واخد بالك ان الباور سبلاي بتاعها محترم..

يعني مثلا في كيسات ب 135جنيه و بباورسبلاي كمان و ممكن تكون تهوية الكيسة و شكلها حلو بس الباورسبلاي اللي فيها من اللي ابو 50جنيه التعبات دا .. و دا منصحكش بيه بالنسبة للتجميعة بتاعتك.. فممكن تختار اي كيسة على ذوقك و تركبلها باورسبلاي منفصل زي ال Mazoori 550W و دا ممتاز جدا لمواصفات جهازك و سعره 160جنيه..


أنت نسيت السى دى يوم
أنا عاوز سى دى روم / روتر أسوس أيه اسعارهم و موديلاتهم و ترشحلى اي
آآآ نسيت :)

ارشحلك ASUS DVD Writer SATAII with LightScribe .. ودا سعره 220جنيه


طيب هوه يا هل هيشغل نظام windows Vista Ultimate بمرونه
مرونة بس !!! .. دا بمرونة و سلاسة و هداوة و حلاوة و...الخ :)
متقلقش خالص.. دا فيستا ولا حاجة بالنسبة للامكانيات دي -ما شاء الله-

و لو عندك اي استفسارات يا باشا, لا تخجل من السؤال و انا متابع معاك ان شاء الله لغاية مالجهاز الجديد يبقا في بيتك..

منتظر ردك..

[arnge]

call me on 0123898090

and i will help you with the best PC for the best prices

[virus1001]

ربنا يخليك يا رب
أن شاء الله لما أجيب الجهاز بعد أجازة العيد أصورة و أحطها هنا

[virus1001]

لكن زى ما قلتلك المكان اللى بحط فيه الكيسه ضيق و التهوية مقولقش
أنا بقرى عن حاجات كده غريبة فى التبريد و الكلام ده فى مرواح معينه بتنصح بيها و لا المراوح بتيجى معاها و لا ايه
معلش انا عارف أنى غبى و اسألتى أغبى

[virus1001]

بروسيسور: E6550 .. سعره 960جنيه
ماذربورد: GIGABYTE P35-FS3R .. سعرها 930جنيه
رامات: Kingston 2GB (3x1GB) bus 667MHz .. سعرهم حاليا 570جنيه (إلحقهم, فرصة)
فيجا: ATI X1950Pro 512MB سعرها 1350
هارديسك: WD 160GB SATAII .. سعره 300جنيه
شاشة: SAMSUNG SyncMaster 720N 17" .. سعرها 915جنيه
كيسة: GAMMA MiniServer 420W .. سعرها 320جنيه
الكتابة اللى بالاحمر مظبوطة و لا فيه أخطاء املائية


أنا قريت فى المجلة بتاعت حضرتك
Intel Q6600 2.4GHz, Cache 8MB, Bus 1066MHz = 1650 LE
أيه رأيك
يستاهل الثمن و لا متفرقش كتير

[| Fusion |]

طبعا يستاهل.. ال Q6600 دا معالج رباعي النواة يعني كأنه 4بروسيسورز على السوكيت الواحد.. انا كنت مرشحهولك في الاول بس لما لقيت الموضوع هيزيد عن ميزانيتك قلت بلاش.. بس لو تقدر عليه.. فهو احسن بكتيييير جدا من ال E6550 و هيدعم تطبيقات المستقبل كلها..

و بالنسبة للكيس فال GAMMA miniserver اللي رشحتهالك في الاول هي الحل الامثل طالما المكان ضيق.. لانها تهويتها كويسه و حجمها مش كبير..

و بالنسبة للزيادة في الرامات فانت مش هتحتاجها دلوقتي خالص و هتبقا زيادة تكاليف عليك.. و القرار يرجع لك في الآخر..
و بالمناسبة 3x1GB يعني 3شرائح كل واحدة منهم 1جيجا.. يعني المجموع 3جيجا و يتكتبوا كدا Kingston 3GB (3x1GB) bus 667MHz

و بالنسبة للفيجا.. فانا وضحتلك سابقا و القرار في النهاية ليك..

و يكون احسن يا باشا لو قلتلي ميزانيتك من الآخر كام عشان نقدر نحتار بيها افضل حاجة..

[virus1001]

اخر حاجه ممكن أدفعها هيه 5500 و مقدرش تماما أزود عن كده أصلى من كفرالشيخ و المبلغ ده يعتبر عندنا كبير الى حد ما
و فى نفس الوقت عاوز حاجه تغيب حديثة تلات أو اربع سنين
...
معلش تعتبتك و انا اسف على قله زوقى و بعتانى لك رسلة خاصة

[virus1001]

أنا كنت ناوى أجيب كارت لان دى لينك أعتقد انه الافضل بلا منازع صح D-Link
بالنسبة للكيسات أيه رأيك فى الكيسات دى (https://www.tigerdirect.com/applications/Category/category_tlc.asp?CatId=32) طبعا انا مش هجيب منها لأن أكيد سعرها جامد لكن هيه موجوده
https://www.tigerdirect.com/applications/Category/category_tlc.asp?CatId=32

[| Fusion |]

بص يا باشا:
بروسيسور: Intel Q6600 .. سعره 1650جنيه
ماذربورد: GIGABYTE P35-DS3R .. سعرها 930جنيه
رامات: Kingston 2GB(2x1GB) bus 667MHz .. سعرهم 380جنيه
فيجا: ATI X1950Pro 256MB .. سعره 825جنيه
هارديسك: Seagate or Western 300GB SATAII .. سعره 400جنيه
شاشة: SAMSUNG SyncMaster 720N 17 .. سعرها 915جنيه
دي في دي: ASUS DVDwriter SATAII w/LightScribe .. سعره 220جنيه
كيسة: GAMMA Miniserver 420W .. سعرها 320جنيه

كدا المجموع: 5640جنيه و لو عايزو تحت ال 5500 يبقا غير الهارديسك الى 160GB و سعره 300جنيه

و بالنسبة لكارت ال LAN فمش هتحتاج تجيب واحد منفصل لان البوردة فيها فتحة LAN ..

و مفيش تعب ولا حاجة يا باشا احنا كلنا اخوة هنا و لازم نقف جمب بعض ...منتظر ردك

[virus1001]

الف شكر يا باشا ان شاء الله بعد ما أجيب الجهاز هصوره و احطه هنا بأذن الله
و الله المفروض تكون مشرف قسم تجميع الطلبات لأنك بجد تستاهل
لكن أعذر غبائى
لما يكون البروسيرور بيتحكم فى سرعة الجهاز يعنى لو انت تلاقينى عاوز أرفع الرامات باى طريقة لأنى لما جيت انزل الفوتوشوب الجديد اللى هوه 10 رفض و قالى لازم على الاقل 512 رام ده اللى خلانى متهيألى انه الرمات العالية ضرورية للرسوميات
أمال الرامات دى بتتحكم فى ايه

انا باذن ناوى أبدل بدل ما أخود 3 جيجا كينج ستون
أبحبح أيدى و اخود
APOGEE GT 2GB(4x512MB) bus 800MHz
أعتقد أنها اسرع و بكده أضمن انى اشغل الككورل دراو و الفوتوشوب و الفلاش و الجهاز زى الاستيك و لا ممكن يعملى مشاكل برده (B)



ممكن بقى بالمرة أجيب كرة تلفزيون أو كرت دش او زى ما نتوم بتسموه مش عارف
بمعنى أنا عندر ريسيفر عاوز أوصله بالكبيوتر علشان أشغل عليه القنوات و كده ترشحلى ايه برده


و زى كل مره أناا اااااااااااااااااااااااااااااااااااااااااااااااااا ااااسف على تعبك معايه

[| Fusion |]

أمال الرامات دى بتتحكم فى ايه
طبعا للرامات عامل مهم جدا.. و ببساطة, جميع البرامج و التطبيقات الحالية لن تستفيد بأكثر من 2جيجا من الرامات و لكن مستقبلا بالتأكيد ستزيد متطلبات البرامج.. و انا اقصد انك تجيب دلوقتي ال 2جيجا و قدام لما تحس انك محتاج اكتر يبقا تزود و هتلاقيها اوفر ساعتها كمان..

فرق السرعة غير محسوس على الاطلاق بين ال 667MHz و ال 800MHz و انا بفضل ال Kingston عن ال APOGEE و كمان لو جبت 4 شرائح كل واحدة 512MB مش هتقدر تزود رامات بعدين و هتتزنق في ال 4 شرائح اللي عندك و هتضطر تبيع و شغلانة كدا.. فالحل الامثل دلوقتي انك تجيب شريحتين كل واحدة 1جيجا..

و على العموم يا باشا.. زيادة الرامات عن 2جيجا زي ما قلتلك مش هتفيدك دلوقتي بس هتفيدك قدام.. لو عايز تجيب دلوقتي زيادة مفيش مشاكل.. اصل انا شايفك متحمس جدا انك تجيب اكتر من 2جيجا :)

[virus1001]

طيب و بالنسبة لموضوع
ممكن بقى بالمرة أجيب كرة تلفزيون أو كرت دش او زى ما نتوم بتسموه مش عارف
بمعنى أنا عندر ريسيفر عاوز أوصله بالكبيوتر علشان أشغل عليه القنوات و كده ترشحلى ايه برده

[| Fusion |]

بص يا سيدي كل اللي موجود في السوق صيني.. و انا الصراحة مش متابع في الموضوع دا اوي.. ممكن احد الأخوة يقدر يفيدك..

[sofiman]

معلش, بس حبيت اصحح حاجة بسيطة لاخي و عزيزي wmgc .. و هي
GAMA Minitower = HEC 350 WATT = 270 جنيه
GAMA Midtower = HEC 400 WATT = 350 جنيه
GAMMA Full Tower = HEC 420 WATT = 630 جنيه

المواصفات و الاسعار دي بعد لف طويييل في كل المولات عن كيسة كويسة و في الاخر جبت الاخيرة الحمدلله .
طبعا ممكن تلاقي اسعار اقل في القاهرة بس دي اللي لقيتها هنا في اليكس

و مبروك مقدما على الجهاز ان شاء الله :)

[virus1001]

خلاص ماشى همشى نفسى بأى كارت غالى و أكيد هيكون تمنه فيه لكن أيه
GAMA Minitower = HEC 350 WATT = 270 جنيه
GAMA Midtower = HEC 400 WATT = 350 جنيه

مش دى تبع الكيسه
مش انت كاتب GaMa Miniserver
؟؟؟؟؟؟؟؟؟؟؟؟؟؟؟
أعذرونى
و بالنسبة لطول الكيسه و حجمها فشوف الصورة دى كده

دا رابط تانى لو الصورة اللى تحت مظهرتش (https://www.up1up2.com/uploads/b4a8bc605b.jpg)

https://www.phroon.com/up/file2/Remoo119203.jpg

يعنى لو ينفع الاقى فحجمها او أقل يااااااااااه دى تبقى عسل :)
و على رأى اللى قال الفرخة الجعانه بتحلم بسوق الحب :Big:
المهم طول الكيسة زى مهو مكتوب 40 سم

[sofiman]

انا معرفش غير اللي هي اكبرهم و طبعا متنفعكش تماماً لأنها حوالي 52 سم
الصغيرة اوي فيهم اللي هي ب270 جنيه دي صغيرة فاعتقد هتيجي 40 سم
اما اللي ب350 جنيه هي في الوسط بينهم, بس مش عارف تجيب 40سم ولا لا.

[TheInfernal]

الكبيرة طولها بالضبط 54 سم.
و المتوسطة 46.5 سم.
معرفش حجم الصغيرة لأنها مش موجودة عندي.


و لكن نصيحة لا تضع الكيس بداخل الفتحة دي لأنها هتسخن. ممكن تحطها فوق المكتب أو بجانبه .

[virus1001]

خلاص ماشى هخلى الخندق ده للصوت و الاسطوانات المركونة هشوفله صرفه
يله عليه العوض و منه العوض و ربنا ياخود النجار الغبى ده
على العموم شكرا يا جماعة على مساعدتكم دى و ان شاء الله أحط صورة الجهاز بعد أجازه العيد
بس يا جماعه نا دخت علشان الالقى موقع للشركة دى ملقتش اللى هيه جاما دى
محدش يعرف موقع الشركة

[sofiman]

https://www.compucase-hec.co.uk/mainpages/product_listing.asp?generic=01

[TheInfernal]

>>>>

[salem amen]

ألف مبروك على الكمبيوتر الجديد

[virus1001]

طيب يا جماعة انا شفت كيسات عريضة و قصيرة فى المواقع دية محدش شافها هنا فى مصر قبل كده
؟؟؟؟؟؟؟؟؟؟

[virus1001]

طيب أنا ربنا هدانى للجهاز ده ??
بروسيسور: Intel Q6600 .. سعره 1650جنيه
ماذربورد: GIGABYTE GA-P35-DQ6 سعرها 1600
رامات: Kingston 2GB(2x1GB) bus 667MHz .. سعرهم 380جنيه
فيجا: ATI X1950Pro 256MB .. سعره 825جنيه
هارديسك: Seagate or Western 300GB SATAII .. سعره 400جنيه
شاشة: SAMSUNG SyncMaster 720N 17 .. سعرها 915جنيه
دي في دي: ASUS DVDwriter SATAII w/LightScribe .. سعره 220جنيه
كيسة: GAMMA Miniserver 420W .. سعرها 320جنيه


هل يا ترى الماذربورد الجديده هتحسن من عمل الجهاز كتير
طيب هيفرق فى ايه لو جبتها
جزاكم الله خيرا :)

[| Fusion |]

هل يا ترى الماذربورد الجديده هتحسن من عمل الجهاز كتير
لا يا باشا.. الا لو انت ناوي قدام تركب كارتين فيجا مع بعض CrossFire .. او محتاج لكم فتحات ال USB وال SATA اللي فيها..

انا الصراحة منصحكش بيها لان سعرها عالي جدا و فرق الاداء بينها و بين ال P35-DS3R يكاد لا يذكر.. الفرق بس زي مقلتلك قبل كدا في عدد المنافذ و ال Crossfire و التبريد الأفضل..

اما بقيت الجهاز.. فتوكل على الله, امكانيات ممتازة..

[virus1001]

أخى العزيز wmgc
Dolphin Pro = 300 LE
GAMMA MiniServer 420W = 320 LE
أنا مشتت بينهم السبب ان أحد الاعضاء قال ان الدولفين برو دهويتها ممتازه و أنا عاوز أقوى تهوية ممكنة
ممكن تعليقك

[virus1001]

أخى العزيز wmgc
لقد بحثت كتيييير هنا عن المواصفات دى فى كفرالشيخ
و كل أما اقول لواحد يتريق عليا
المواصفات دى بتتباع فين بالضبط فى القاهره و انا انزل اشتريها من هناك