المساعد الشخصي الرقمي

مشاهدة النسخة كاملة : كيف تمتلك معمل سيسكو متكامل وانت في بيتك؟؟؟


هندسه العاشر
11-10-2007, 14:30
بسم الله الرحمن الرحيم
اخواني اعضاء عرب هرد وير
احبيت ان اعرض عليكم موضوع جامد جدا يمكن وصلتني فكرت اني اطرحه من موضوع اسمه هام جداجداجا وده كان كاتبه احد الاعضاء لشراء روترات سيسكو وانا مكنتش اعرف الاسعار ولما سئلت اتقلي اسعار وهميه ولكن في الحقيقه الموضوع طلع غير كدا خالص
لان اسعار روترات سيسكو طلعت في الارض
واللي نبهني للنقطه ديه هو الاخ الكبير العزيز Lumark_s
فأنا قلت اضع موضوع مثل ده عشان نتكلم عن الاسعار ولان لومارك علي ما قال انه بيشتري من موقع الebay
حبيت اوجهله حبت اسئله تفيد جميع مشتركي المنتدي وتفدني انا كمان معاكم طبعا Wink:
المهم اللي انا عرفته من ردود لومارك ان الروتر بيبقي في حوالي 80 الي 100 دولار
وفيه اسعار تانيه والسويتشات غاليه حبه
بس المهم هي ان حد الناس اللي اشترت من خلال الebay ترد علي اسئلتنا
وتنصحنا بيه ولا بموقع ايه تاني
واسئلتي انا شخصيا هي الاسئله التاليه , وقبل الاسئله اقترح ان كل واحد يحط الاسئله اللي في دماغه ونستني حد قام بالشراء بالفعل بالرد علينا
المهم اسئلتي اهه
1: هل موقع الebay مضمون في ان يصل لك اللي اشترته من 100% ؟
2: هل لو لم تصلك الاشياء اللي اشترتها تقدر تسترد اموالك ؟
3: هل يصل مشترياتك الي اي بلد في العالم وهل من ضمن البلاد التي تصل مشترياتك مصر ام لا؟
4:هل اذا وجد اشياء لاتعمل او بايظه يمكن استبدال هذه الاشياء ؟
5: هل يوجد مواقع اخري ومضمونه ولها اسم .فما هي وهل فيها ردود اسئلتي السابقه بنعم ؟
واخيرا احب اقول طبعا ان لما فهمت من احد ردود الاخ الكبير لومارك في موضوع الدراسه في الهند
انه الشغل علي الروترات يعلمك العملي بس العمل في الشركات يعطيك الخبره العمليه الحقيقيه
فأنا عن نفسي اريد ان اصل الي الصح بعد ذلك اصل الي الاصح
وده في نظري الترتيب المنطقي
في انتظار ردود كل من اشتري وكل من يريد ان يطرح اسئله
وفي انتظار رد اخينا الكبير والعزيز Lumark_s
تحياتي
أخوكم محمد عادل
khalid20
11-10-2007, 15:41
اولا أخى الحبيب أحب ألفيت نظرك بأن خدمة موقع الebay بتتعامل مع paypal فى كل معاملات البيع و الشراء
و أن خدمة paypal غير متاحه فى مصر فبتالى موقع الebay يصبح غير متاح التعامل معه فى مصر

ثانيا أخى الفاضل لو بالفرض عرفت تشترى من على النت أجهزة سيسكو و بسعر كويس و تشحنت الى مصر فعند دخولها لمصر هيدفعوك جمارك كتير وكمان سمعت أنه لازم تجيب تصريح من وزارة الاتصالات فى مصر
هندسه العاشر
11-10-2007, 18:13
مهو عاوزين نسأل كمان عشان نعرف
وايه الpaypal يعني ايه ؟؟؟؟؟؟؟؟؟؟ يا اخ خالد
زبالنسبه للتصريح نقدر نتصرف فيه مش هنغلب يعني
والله انا اخلص بس واجيب التصريح حتي لو من اكبر حته في مصر ايه المانع يعني ؟؟؟
ايه سبب منع استيرادنا الاجهزه اللي نتعلم عليها
ويتري فيه مواقع ايه تانيه يا خالد
ويتري حد ممكن يحللنا مشكله الpaypal اللي انا مش عارفها ديه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
اخوكم محمد عادل
khalid20
11-10-2007, 21:14
أخى الحبيب ال paypal هو عباره عن بنك بتضع فيه فلوس و تفتح فيه حساب ليك و عن طريق رقم الحساب بتاعك بتقدر تشترى من مواقع النت المدعمه لهذه الخدمة ولكن غير موجود له فروع فى مصر
هندسه العاشر
12-10-2007, 01:50
طب لو خليت حد يشتركلي فيه من بره اقدر اشتري واوصل الحجات لمصر ؟؟
ولا ايه ؟؟؟
Marc_kamel
12-10-2007, 21:23
اخى الكريم
يمكناك شراء هذة الاجهزة مباشرة من مصر دون الداعى لمواقع الانترنيت
اذا اردت شراء اجهزة سيسكو يمكن معرفة الشركات التى يمكنك الحصول منها على هذه الاجهزة و ذلك بالذهاب للموقع التالى
https://tools.cisco.com/WWChannels/LOCATR/openBasicSearch.do
و تختار البلد الذى تريد معرف الشركات التابعة لسيسكو و يمكناك الاتصال باحدى هذه الشركات و شراء ما تريد
دون تصريح و ذلك تبعا لنوع الاجهزة التى تنوى شرائها
ارجوا ان كون مفيدا لك
cisckawy
13-10-2007, 11:46
السلام عليكم و رحمة الله و بركاته

انا كان لى تجربه شراء راوترين و سويتش من على ال ebay

وان شاء الله احاول اجاب على اسألتك

أولا الموقع هذا موقع مزادات يعنى كل واحد يعرض لى عنده و الناس تشترى من بعضها بمعنى ان الموقع نفسه لا يبيع اى شئ.

ثانيا الاسعار لى ذكرتها طبعا غير الشحن و الجمارك لاحظ ان الحاجات دى و زنها تقيل
1: هل موقع الebay مضمون في ان يصل لك اللي اشترته من 100% ؟

الموقع لا يضمن لك وصول البضائع لكن لو دفعت من خلال paypal فهو لى بيضمن لك الفلوس الى حد ما.

2: هل لو لم تصلك الاشياء اللي اشترتها تقدر تسترد اموالك ؟

فى حالات معينه كما بالاعلى

3: هل يصل مشترياتك الي اي بلد في العالم وهل من ضمن البلاد التي تصل مشترياتك مصر ام لا؟
الغالبية العظمى يرفضون الشحن خارج امريكا
4:هل اذا وجد اشياء لاتعمل او بايظه يمكن استبدال هذه الاشياء ؟

حسب الوصف المذكور فى الاعلان و شروط البيع عاده البائع اسبوع من تاريخ الشحن و عن وصول المشتريات ليك فى مصر بيكون الوقت مر
5: هل يوجد مواقع اخري ومضمونه ولها اسم .فما هي وهل فيها ردود اسئلتي السابقه بنعم ؟

يوجد مواقع تبيع اجهزة سيسكو فقط لكن اسعارها اعلى و هى اضمن نعم
Tech_Admin
13-10-2007, 17:38
thank you
هندسه العاشر
15-10-2007, 17:35
مشكورين اخواااااااااااااااااااني والله جزيل الشكر
هندسه العاشر
17-10-2007, 23:34
سيسكاوي انت ازاي اشتريت ومفيش في مصر paypal ?????????
هو ممكن اشتري ومفيش بي بال
memoragaa
18-10-2007, 09:04
اخوانى الكرام يتم الشراء من موقع epay عن طريق انك بتفتح حساب لدى شركة أرامكس بالدولار وتعطي لك كارت فيه بيانات الحساب الخاص بك وبتعطى لك عنوان بأمريكا والآخر بإنجلترا لأنه الموقع مش بيدعم مصر تمام وبتشترى الحاجة والشركة بتخلص كل الجمارك المطلوبة وبتحاسبك عليها وغالبا لما بتكون حاجة واحدة بيبقى مفيش جمارك تذكر والشركة بتتصل بيك لما الحاجة بتوصل مصر وبتروح تستلمها بعد كده بس كده
هندسه العاشر
18-10-2007, 17:26
ميه ميه يا شبكاوي قديم يا باشا يا كبير يا مظبطنا ومنورنا ومخلنيا نقدر نمتلك كل شئ لغايه مصر يا باشا
الف الف شكر
يعني مليون شكر
ومني انا بقي يعني مليار يا باشا
شكرا علي المعلومات الهامه اوي ديه
اخوكم .....
Nightspy
18-10-2007, 22:27
ياجماعة انا اعرف واحد صحبى بيشتغل فى مبيعات سيسكو قالى الاسعار نارررررررررررررر بالدولارات

يعنى لو الواحد هيجيب من النت او من الهند برضوة فى مشكلة الاسعار
هندسه العاشر
19-10-2007, 02:43
طب ياريت تسئل وتقولنا يا نايت سباي
يتري ممكن ؟
Nightspy
19-10-2007, 17:56
قالى ثلاث الاف دولار مثلا اسعار فى المستوى دة
memoragaa
21-10-2007, 13:33
اخوانى الأعزاء بالنسبة لأسعار الراوترات انا هشوفلكم الأسعار مستواها كام وارد عليكم بالنسبة للمستعمل اما بالنسبة للجديد مش عارف سعره غير عند الوكيل فى مصر فقط
ادخل على ebay واكتب used cisco router هيطلعك راوترات زى الفل واسعار من 200$ وطالع بالنسبة للجمارك لو كان جهاز واحد مش هيحسب حاجة خالص وان حسب هيحسب حاجات بسيطة جدا دى حاجة واشتريهم على مراحل واسماء مختلفة علشان الجمارك ما تلعبش الدنيئة معاك

بقولكم ايه فيه واحد صاحبى قالى دلوقتى ان ebay ممكن تبعت على مصر علطول من غير اراميكس بس يكون معاك فيزا انترنت بالدولار وظبط نفسك على فكرة فيه واحد زميلى فى مصر ممكن يشترى ليكم اللى انتوا عاوزينه من على ebay لو حد عاوز ممكن ابعتلكم رقم تليفونه هوا معاه فيزا ارامكس ويوفر عليكم كتير
هندسه العاشر
21-10-2007, 15:47
شكرا وبجد مجهودك كتير وتعبينك معانا يا باشا
مش عارف اشكرك انا لوحدي وشكري يكون كافي ولا مستني المزيد من الشكر
حقا انك ساعتنا كتير وشكرا علي المعلومات الحلوه اوي ديه يا باشا
memoragaa
21-10-2007, 16:32
مفيش شكر على واجب الواحد نفسه اللى يعرفه من المعلومات البسيطة جدا عن الشبكات الناس كلها تعرفها ومحدش يتفوق على اى مسلم شبكاوى
ربنا يجازى كل مسلم بينفع اخوه المسلم كل خير
salem amen
21-10-2007, 17:01
الله يعينكم على فعل الخير
هندسه العاشر
26-10-2007, 02:00
امين يا رب العالمين وربنا يوفقنا جميعا ان شاء الله