موضوع خطير وارجو المساعده

[botygool2010]

السلام عليكم

انا عندى router و واحد صاحبى عنده router وهوه ساكن فى العماره الى جنبى
انا عاوز اشوف الحجات الى عنده على الجهاز وهوه كذلك
مع العلم ان مفيش اى اتصال بيننا غير ال internet
ممكن شرح لهذا الموضوع ضرورى بجد ياجماعه محتاجه ضرورى اوى
ارجو الافاده
والسلام عليكم ورحمه الله وبركاته

[lumark_s]

السلام عليكم

انا عندى router و واحد صاحبى عنده router وهوه ساكن فى العماره الى جنبى
انا عاوز اشوف الحجات الى عنده على الجهاز وهوه كذلك
مع العلم ان مفيش اى اتصال بيننا غير ال internet
ممكن شرح لهذا الموضوع ضرورى بجد ياجماعه محتاجه ضرورى اوى
ارجو الافاده
والسلام عليكم ورحمه الله وبركاته


يا أستاذ botygool2010

انا ملاحظ إنه سعادتك يعني مطنش حاجة إسمها قوانين منتدى، يا أستاذ فوق لو سمحت، إحنا هنا شغالين على نظام، قانون، يعني مش بنلعب خالص يا استاذ.

حضرتك انا بنهتك قبل كده على عدم كتابة عناوين مبهمة وغير مفهومة ولا تعكس مضمون المقال، وقبل كده بنهتك على إنك بتكتب مواضيع مكررة لنفس الطلب، بس انا شايف حضرتك مطنش خالص خالص!!

إيه يا أستاذ فيه إيه يا عم، مكلنا شغالين حلوين هنا في المنتدى، كلنا بنحب بعض وبنحترم بعض، متحترمني شوية يا ريس، يعني انا والله كويس وبحترم كل الناس وبحبها.

ديت أخر مرة أنبهك فيها ياريس بعدم كتابة مواضيع مبهمة، وعدم التكرار كمان، ياريت تلتزم ياباشا بقوانين المنتدى.

بالتوفيق ياريس في موضوعك.

[botygool2010]

ارجو من سعتك الرد على الموضوع اولا
ثانيا انا مش قصدى عدم احترام عشان انا محترم والله
ثالثا انا بشوف مواضيع كتير فى المنتدى بعناوين مبهمه وملهاش دعوة بالمضمون وسعتك مش بدقول حاجه يعنى ولا هوه ايههههههههههههههههههههههه
اما بالنسبه للتكرار فهى مش مقصوده والله انا مش فرحان بال keybord الجديد ولا حاجه بس نفسى لو حد يعرف واكيد فى ناس كتير تعرف اجابه الاسئله الى الاعضاء بيسئلوها ومش بيردوا اظاهر الناس شبعت من دعواتنا
على العموم انا اسف بسبب المواضيع بتعتى الى مزعلاك اوى دى
وياريت تهتم اكتر بالاجابه على اسئله الاعضاء وشكرا

[botygool2010]

و دى بعد الروابط لمواضيع مبهمه
https://www.arabhardware.net/forum/showthread.php?t=66144
https://www.arabhardware.net/forum/showthread.php?t=65675
https://www.arabhardware.net/forum/showthread.php?t=65989https://www.arabhardware.net/forum/showthread.php?t=65956
https://www.arabhardware.net/forum/showthread.php?t=65856
https://www.arabhardware.net/forum/showthread.php?t=66013
https://www.arabhardware.net/forum/showthread.php?t=65896

وان حكمتم بين الناس فحكموا بالعدل
صدق الله العظيم

[lumark_s]

ارجو من سعتك الرد على الموضوع اولا
ثانيا انا مش قصدى عدم احترام عشان انا محترم والله
ثالثا انا بشوف مواضيع كتير فى المنتدى بعناوين مبهمه وملهاش دعوة بالمضمون وسعتك مش بدقول حاجه يعنى ولا هوه ايههههههههههههههههههههههه
اما بالنسبه للتكرار فهى مش مقصوده والله انا مش فرحان بال keybord الجديد ولا حاجه بس نفسى لو حد يعرف واكيد فى ناس كتير تعرف اجابه الاسئله الى الاعضاء بيسئلوها ومش بيردوا اظاهر الناس شبعت من دعواتنا
على العموم انا اسف بسبب المواضيع بتعتى الى مزعلاك اوى دى
وياريت تهتم اكتر بالاجابه على اسئله الاعضاء وشكرا

لا يا أستاذ انا مش حرد على موضوعك عشان انا مش عارف أرد، في غيري يرد عليه لأنهم بعرفوا أكثر مني.

ومين قال لك إنه شغلانتي هنا أرد على الإستفسارات بس؟؟؟؟ انا شغلانتي مشرف، يعني أرد على إستفسارات (لو عرفت) وأطبق قوانين!

بعدين يا أستاذ متحطليش لنكات ، متشتغليش بقصص لوي الدراع ديت ، إنا مش لوحدي مشرف هنا، ومش بشوف كل المشاركات عشان في مشرفين تانيين غيري.

الموضوع مش موضوع عناد يا أخي، الموضوع إني لما بشوف مقال مخالف بنبه صاحبه بإسلوب مهذب وجميل، يعني أنا مش بعاديك، أنا بطلب منك تلتزم، وبعدين أنا مبشفش كل المواضيع، في غيري من المشرفين بشوفوها، ومش معنى إنه في مواضيع مخالفة يعني الكل ملتزم، لا طبعاً، في بعض الناس ميعرفوش قوانين المنتدى، عشان كده بنذكرهم فيها بس، يعني بنرشد مرة وإثنين وثلاثة وعشرة، إحنا بنحبكم وبنخدمكم هنا مش عايزين نكون جلادين لا سمح الله، إحنا إخوات ياعم مش أعداء.

مكان موضوعك أصلاً غلط، مكان موضوعك في قسم الشبكات، بس عشان عايزك تستفيد منقلتش موضوعك، قلت ممكن حد من الإخوان يساعده، يعني انا مش شرير زي ما إنت متخيل!! انا متساهل معاك كتير أوي، وعايزك تستفيد كتير أقوي، عشان كده منقلتش موضوعك للقسم الصحيح!!! ياريت تكون مقدر ده على الأقل !!!!

بعدين إزاي عايز الأعضاء تجاوبك وإنت بتستهزأ فيهم !!!! يعني سبحان الله يا أخي، منطققك عجيب جداً، جاي تسأل الأعضاء عن مساعدة وعمال تستهزأ بالناس ديت وتقول هم مش بيردوا اظاهر الناس شبعت من دعواتنا!!!!! سبحان الله منطق غريب جداً في طلب مساعدة من الناس والإستهزاء بهم بنفس الوقت، ربنا يهدينا ويهديك يا أخي.


بعدين يا أستاذ إحنا مش في محكمة هنا، أنا قلتلك بوضوح أكثر من مرة متكررش مواضيع ومتكتبش مواضيع مبهمة، أظن الرسالة وصلت!!


نسيت أقول لحضرتك ، لو عندك أي شكوى أو ملاحظات على إدارتي أو إسلوبي في الإدارة، فبإمكانك تقديم شكوى بهذا الخصوص للمشرف العام في قسم الشكاوي في المنتدى، المشرف العام بيكون سعيد جداً لما بيشوف شكاوي وملاحظات هدفها الرقي بالمنتدى، حتى لو كانت الشكوى على مدير أو مشرف أو عضو، كله بيتحاسب هنا، معندناش واسطات ولا محسوبيات خالص!!

[Scorpion007]

botygool2010 باشا .. مالك مزعل الناس الغالين هنا
اوللا قبل كل شيىء لازم تعرف اننا مش بنستقصد حد هنا خالص .. لكن ممكن تعتبرها سوء حظ ان المشاركات المخالفة اللتى لوحظت كانت لك .. ارى ان هذا لايضايق ولكن اللذى يضايق بعد التحزير عدة مرات انت لم تلتزم
انت عضو نتمنى وجودك بيننا وعناد اى عضو هنا ليقوم بمخالفة يعرضة لشطب عضويتة من المنتدى وقد تتم دون سابق انزار وهذا على حسب الماخلفة
لكن انظر للامر لا نتبع هنا هذا الاسلوب فى قسمنا كمشرفين وكلنا هنا اخوات وما ينفعش تخالف ولما مشرف يكلمك تقول ما غيرى بيخالف وتجيب مواضيعهم .. صدقنى هذا ضعف وكما قلت لك ان لو واحدمنهم تم تحزيرة من قبل واكتشف بعد ذلك انة مصمم على عنادة سيتم اضافة مخالفات لة

ارجو ان يتم التعاون بين الجميع يا اخوان للمصلحة العامة قبل مصلحة الفرد

---------------------------------------------------------------------------

بالنسبة لسؤالك

انت عاوز تشوف الحاجات اللى عند صاحبك اللى فى العمارةا للى جنبك واكيد هتحتاج تنقل من عندة حاجات وهوة بردة ينقل من عندك اشياء اخرى

حضرتك ممكن توصل كبل عادى بوصلة Cross بين جهازك وجاهزة .. طبعا شوارعنا كلها سلوك فى الجو دة اسهل حل
او ممكن توصل كابل شبكة بين الروترين مباشرة لو الروتر يوجد بة اكثر من بورت او بين السويتش الموجود عندة والسويتش الموجود عندك
خد بالك من الكونفيجريشن للروتر لانك هتكون فى Network ID مختلفة عن النتوورك بتاعتة فتظبط الاعدادات من الداخل .. للاسف لم تدلنا على نوع روتر ASDL المستخدم

بالنسبة للحلول الغير مباشرة .. انك تعمل شبكة Wireless بينك وبينة وتعمل Password .. هذة طريقة مكلفة
او تشتغل VPN Connection لا توجد فيها تكلفة راجع شرح استاز احمد جودة لكورس الاكس بى.. وسرعة نقل البيانات بطيئة فى هاتين الحالتين فلا افضلهم وخصوصا ان صديقك فى المبنى المجاور

[shacky_4]

السلام عليكم
صديقى العزيز botygool2010 الكلام اللى هقوله ده والله مش هقوله علشان ارفع اسهمى عند حد . معاذ الله ان اكون من الحاشيه الباطله. انا فعلا لما دخلت موضوعك كنت داخل مش علشان اقرئه ولكن علشان اقولك مينفعش الاسماء اللى بتضعها لمواضيعك دى . يعنى لو كل واحد عمل زيك كده انا هكون اول واحد خارج من المنتدى ده . لانى مش علشان عايز موضوع معين اضطر انى ادخل على عشرين موضوع اللى اسمه بقى مهم جدا . والتانى والنبى ياجماعه والتالت حاجه لله والشغل ده. موضوعك ده مثلا انا دخلته ولم يفيدنى بشئ بس دخلته لان طبعا عنوانه (موضوع خطير وارجو المساعده) فالمفروض انه يكون متعلق بميكروسوفت لكن للاسف لا . وانا طبعا بلوم المشرفين لاننا ياجماعه بندخل علشان نستفيد ونفيد ولكن بترتيب يعنى الموضوع ده مكانه الشبكات مش عارف ليه لم ينقل. ع الاقل علشان مفيش واحد زى كده يدخل الموضوع ولا يستفيد منه . معلش ياصاحبى لو كان كلامى ضايقك بس النظام مطوب والصدق اكتر منه
اخوكم فى الله
محمد طه

[botygool2010]

ياجماعه والله انا مش قصدى وخلاص عرفت غلطى
ممكن حد يشوفلى رد لهذا الموضوع
وارجو من لومارك نقل الموضوع لمكانه الصحيح وتغير العنوان بتاعه ممكن

[Scorpion007]

تم النقل لقسم الشبكات


ياجماعه والله انا مش قصدى وخلاص عرفت غلطى
حصل خير


ممكن حد يشوفلى رد لهذا الموضوع
لا تعليق