مشكلة في السي دي روم و الدي في دي مش عارف من ايه ارجو المساعدة

[holoman]

السلام عليكم يا شباب عندي مشكلة في جهازي مجنناني و مش لاقيلها حل قلت اعرضها عليكم

دلوقتي انا جهازي جديد و بمواصفات عالية و كان شغال تمام لمدة 5 شهور و فجأه الدي في دي رايتر بطل يشتغل خالص بعد ما كان شغال تمام المشكلة انه الرايتر واصله باور عادي جدا و الباب بتاعه بيفتح و يقفل عادي بس مش بيقري أي سي دي هات أو ديفيديهات

و طبعا جربته علي كذا جهاز تاني خالص و نزلت ويندوز عندي تاني و نفس المشكلة

المشكلة الكبري بقي ان الجهاز شغال تمام و كل حاجة بس كل لما اركب عليه سي دي روم أو دي في دي أو سي دي رايتر . الرايتر او السي دي ده يشتغل يوم ولا حاجة و يبوظ بنفس العيب اللي حصل مع الدي في دي رايتر الاولاني و انا مش عارف بقي العيب دة عيب موزر بورد ولا عيب باور سابلاي ولا عيب ايه بالظبط
انا لحد دلوقتي الكمبيوتر شغال كويس بس من غير ولا سي دي روم ولا رايتر ولا دي في دي لأنه ببساطه باظ مني لحد دلوقتي اربع رايترات و دي في دي رايتر و مش عارف العيب من ايه ؟؟؟؟

لو سمحتوا ساعدوني عشان انا زهقت من المشكلة دي

و شكرا مقدما

[Iraq IT]

ممكن الـ Head صارت بيه مشكلة

جرب CD Cleaner لتنظيف الـ CD ROM والـ DVD ROM

يعني اذا عدة CDs لاتشتغل عندك وتشتغل بحاسبة ثانية يعني المشكلة بنفس الـ CD/DVD ROM

[holoman]

يا باشا انا اقصد الجهاز نفسه مش السي دي اللي مش بيشتغل يعني الرايتر نفسه أو الدي في دي نفسه

[Iraq IT]

يا باشا انا اقصد الجهاز نفسه مش السي دي اللي مش بيشتغل يعني الرايتر نفسه أو الدي في دي نفسه

والله مش فاهم كلمة!

[Om51]

اذا مازال على الضمان فبدله ببساطة , يبدو العدسة تالفة
جرب شراء نوع آخر , شخصيا أسرشح Samsung - مصنعة من toshiba وهناك اصدارة SATA
وأحد أبسط الافكار بالطبع تبديل كيبل الداتا

[holoman]

والله مش فاهم كلمة!

هو انا بتكلم هندي يا باشا ولا ايه ؟
قولت لحضرتك جهاز الدي في دي نفسه هو اللي مش بيشتغل يعني مش اسطوانة الدي في دي فهمت كدة ولا ااااااااااااايه ؟؟؟؟؟

و كذلك مع جهاز الرايتر كمان ولا حتي بعد تجربتهم علي اجهزة كمبيوتر أخري بردو نفس العيب ولا تعمل علي اجهزة الكمبيوتر الاخري بالرغم من انها كانت تعمل جيدا قبل تركيبها علي جهازي و لكن بعد تركيبها علي جهازي (الكمبيوتر يعني ) اصبحت لاتعمل علي أي جهاز نهائيا (باظت بمعني أصح ) فهمت كدة ؟؟؟؟؟؟؟؟

[holoman]

اذا مازال على الضمان فبدله ببساطة , يبدو العدسة تالفة
جرب شراء نوع آخر , شخصيا أسرشح Samsung - مصنعة من toshiba وهناك اصدارة SATA
وأحد أبسط الافكار بالطبع تبديل كيبل الداتا


يا أخي المشكلة مش مشكلة ضمان ولا حاجة المشكلة اني كل لما اركب رايتر علي الكمبيوتر سواء كان سي دي رايتر أو دي في دي رايتر يشتغل من أي نوع بيشتغل لمدة ساعة او اتنين و يبوظ بعدها

دا انا حتي لسة واخد رايتر واحد صاحبي قولت اجربه عندي و كان الرايتر شغال عنده عادي جدا و بعد ما ركبته عندي اشتغل ساعة و باظ و بقي مش بيشتغل لا عندي ولا عند صاحبي

يبقي ايه المشكلة دي ؟؟؟؟؟؟؟؟؟؟

[dishna66]

اذا تجاوزنا مشكلة الكابلات وكنت متأكدا أتها ليست السبب ..... فالشك عندى فى شيئين
1- الباور سبلاى أى كابل الباور للسبلاى يؤثر تأثير مباشر على بوردة السيدروم او الرايتر ...... والحل بتجربة كابل باور أخر أو باور سبلاى اخرى ... ويمكن لبرنامج ايفرست أن يعطيك قراءات فروق الجهد للبارو سبلاى ويمكن تجنبينا التبديل وحسم الشك باستخدام القياس للباور سبلاى وهو يعمل بعد فصل جميع كابلات الباور من الهارد والسيدرو م ..... .الخ ويفضل طبعا أن يكون ولو هناك كابل باور موصل بأى مكون مثل الرايتر أو السيدروم العطلانة .. لوضع الباور سبلاى تحت ضغط عمل حقيقى ثم نقوم بوضع القياس فى الأفوميتر على الوضع DC ووضع مؤشر الأوفوميتر على 200 فولت ثم التجربة مرة اخرى على 20 فولت وذلك عند وضع سلك الأفوميتر الأحمر بكابل أخر باور للسيدروم أو الهارد ديسك فى مكان سلك الباور الاحمر الخاص بكابل باور السيدروم أو الهارد ووضع سلك الأفوميتر الأسود فى مكان سلك الباور الاسود فيعطينا فرق جهد +5 أو رقم قريب مثل 4.5 أو 4.75 أو حتى 4 مثلا ثم تغيير الوضع وضع سلك الأفوميتر الأحمر فى مكان سلك الباور الأصفر الخاص بكابل باور السيدروم أو الهارد والاسود ثابت ويعطينا فرق جهد +12 أو رقم قريب 11.50 أو 11.75 أو حتى 11
2- الاحتمال الاصعب وهو وجود تعارض بين سوكيت كابل الداتا للبوردة فى البوردة نفسها وبوردة السيدروم أو الرايتر ......... ورغم أنى أخشى من نصيحتك هنا بتبديل وضع سوكيت الداتا للسيدروم مكان سوكيت الهارد والعكس ... لانه ان صح هذا التعارض فيمكن أن يكون له تأثير سلبى على الهارد فيحدث ماحدث للسيدروم أو الرايتر .......... وأفضل أن تجرب وصل كابل الداتا للسيدروم مكان سوكيت الهارد ويكون الهارد خارج الكيسة طبعا ... وادخل اسطونة ذاتية الاقلاع مثل هيرن مثلا واترك الجهاز يعمل بالسيدروم فقط تلك المدة التى تتوقعها لحدوث المشكله ساعة ,, اتنين ولنرى النتيجة
3- اذا كان لديك هارد صغيرا تستطيع المجازفة به فيمكن ان تقوم بتبديل كابل السيدروم على سوكيت الهارد والعكس أو تجرب وصل الالهارد والسيدروم بكابل داتا واحد مكان سوكيت الهارد أى بالتبادل
فى مشكله السابقة لهارد لم يقبل عمل مع بوردة بعينها ونظر لوجود تعارض بين مغنطة سوكيت كابل الداتا ومغنطة الهارد نفسه لم يعمل مع تلك البورده الا بعد وضعه رأسيا بحيث يكون مكان كابل الباور بأسفل ومكان كابل الداتا بأعلى .. وكان عيبا فى تلك البوردة نفسها

[holoman]

يا لهوي علي الكلام الكبير ده علي العموم ألف شكر يا باشا علي ردك بص يا باشا انا فهمت علي قد ما اقدر من كلام حضرتك لأن انا تخصصي نتوورك مش صيانة خالص بس هو فيه معلومة مش عارف هتفيد حضرتك ولا لأ
انا فالبوردة اللي عندي مفيش غير سوكيت IDE واحد بس و انا الهارد اللي عندي نوعة IDE بردو و بالتالي أنا موصل الهارد و الرايتر أو السيديروم مع بعض بكابل داتا واحد و لما بعمل كدة بتواجهني مشكلة صغيرة و هي اني لما بوصل الاتنين مع بعض مفيش حاجة فيهم بتتقري أصلا عند تشغيل الجهاز يعني البوردة لا بتحس بالهارد ولا بالسيديروم أو الرايتر و بيكون حل المشكلة اللي بينفع معايا هو اني بفضل اجرب اغير كابل البارو اللي داخل سواء للهارد أو السيديروم لحد ما تتحل المشكلة و يتقري الاتنين و بيشتغل الجهاز عادي جدا بس لو في يوم فصلت مثلا كابل باور مروحة الكيس ترجع نفس المشكلة تاني مفيش حاجة تتقري و ارجع ابدل كابل الباور لحد ما كل حاجة تقري تمام ده أولا .

فيه حاجة كمان انا واخد كهربة الشاشة من الباور سبلاي ذات نفسه يعني مش حاططها علي فيشة لوحدها هل دة مسبب ضغط زيادة عليه ولا ايه ؟؟؟؟؟
اما بالنسبة لموضوع مغنطة الهارد ده و السوكيت بتاعه فمكدبش عليك انا مفهمتش حاجة في الموضوع دة بس عاوز اقولك اني طالما فصلت السيديروم أو الرايتر و بقي الهارد لوحده مشكلة عدم القراية دي مش بتحصل و الهارد بيتقري علي طول من غير مشاكل .

مع العلم اني غيرت كابل الداتا لأني شكيت فيه و كمان لسه مشتري رامة جديده معتقدش انها تكون السبب ولا ايه رأيك انت ؟؟؟؟؟

فيه كمان حاجة مش عارف هتنفعك ولا لأ امبارح اخدت السيديروم من واحد صاحبي و قولت عشان اجرب الرامة الجديدو فيها مشاكل ولا لأ (لأني مش مشتريها بوكسيد) قولت اجرب انزل ويندوز عشان انت عارف طبعا ان احسن طريقة لتجربة الرامة فيها مشاكل او حاجة بايظة انك تنزل بيها ويندوز و الرامة دي مساحتها جيجا و كان راكب زاحدة قبل كدة 512 المهم بعد ما ركبت السيديروم بتاع صاحبي و هو كان شغال و نسخة الويندوز بتاعتي نضيفة و بستخدمها علي طول لقيت ان الويندوز اخدت وقت كبير أوي فالتنزيل و بعدين فجأه سمعت صوت السيدي بيلف بسرعة أوي في السيديروم و بعدين راح مصفر و فاصل و حصل نفس العيب و باظ هو كمان هل تعتقد ان الرامة ليها علاقة بالموضوع مع العلم ان موضوع بوظان السيديرومات و الرايترات دة كان من قبل ما اشتري الرامة الجديدة اصلا و لما سألت عن مشكلة سرعة الدوران بتاعت السي دي فجأه و بعدين انه يصفر قالولي يبقي الباور سبلاي بيرمي كهربة زيادة عشان كدة بيبوظ هل الكلام دة صح ولا ايه رأيك ؟

أخيرا بعد كل الحكاية دي ايه نظرتك للموضوع ؟؟؟؟؟؟ لحسن انا خلاص زهقت من المشكلة دي

[النديم]

أنظر بأرتياب لمجهز الطاقة، ربما أعطى فرق جهد أكثر من اللازم وأتلف الدوائر الألكترنية للمشغلات.
ثم يا أخي طريقتكَ في التوصيل والفصل خاطئة جداً ولا داعي لها، أخشى أنكَ تجريها "على الساخن" يعني أثناء عمل الجهاز، وتلك الطامة الكبرى. بأمكانك أن تضع موصل (Jumper) القرص الصلب على وضع (سيدMaster) كما هو موضح على ظهره وتضع موصل مشغل الأقراص (CD, DVD) على وضع (تابع Slave) فقط لاغير.
بخصوص كهرباء الشاشة، فمن الأفضل تغذيتها من مكان آخر تخفيفاً عن مجهز الطاقة ومكوناته لاسيما إذا كان من الأنواع الصينية الهشة المكونات.
النديم

[holoman]

أنظر بأرتياب لمجهز الطاقة، ربما أعطى فرق جهد أكثر من اللازم وأتلف الدوائر الألكترنية للمشغلات.
ثم يا أخي طريقتكَ في التوصيل والفصل خاطئة جداً ولا داعي لها، أخشى أنكَ تجريها "على الساخن" يعني أثناء عمل الجهاز، وتلك الطامة الكبرى. بأمكانك أن تضع موصل (Jumper) القرص الصلب على وضع (سيدMaster) كما هو موضح على ظهره وتضع موصل مشغل الأقراص (CD, DVD) على وضع (تابع Slave) فقط لاغير.
بخصوص كهرباء الشاشة، فمن الأفضل تغذيتها من مكان آخر تخفيفاً عن مجهز الطاقة ومكوناته لاسيما إذا كان من الأنواع الصينية الهشة المكونات.
النديم

هههههههههههه لا طبعا يا أخي أكيد مش بغير كبل الباور علي الساخن (يعني و الجهاز شغال ) مش للدرجة دي يعني الجهل و بعدين طريقة الماستر و السليف فعلا أنا بعمل كدة و مع ذلك مش بيتم قرائتهم غير لما اغير ف كابلات الباور اللي داخلة للهارد أو مشغل الأقراص زي ما شرحت قبل كدة

[dishna66]

خلاص ياهولومان بلاش الكلام الكبير ده ........... خلينا نختصر فى نقط واضحة :

1- أولا ياريت تكتبلى اسم المذربورد وموديلها بدقة ... حكاية سوكيت IDE واحد نادره شوية ومحتاجه مراجعة موقع البورده والمانول

------------------
2- أنت بتقول لما بوصل الاتنين مع بعض مفيش حاجة فيهم بتتقري أصلا عند تشغيل الجهاز يعني البوردة لا بتحس بالهارد ولا بالسيديروم أو الرايتر و بيكون حل المشكلة اللي بينفع معايا هو اني بفضل اجرب اغير كابل البارو اللي داخل سواء للهارد أو السيديروم لحد ما تتحل المشكلة و يتقري الاتنين
----------------------
الطبيعى أنه حتى لو فيه سوكيت IDE واحد ممكن نظبط الهارد والسيدروم عليه -ماستر وسليف - طيب خلينا أنا وأنت مبتدئين خالص ونبدأ من الأول ونحاول نظبط وضع الجنابر بحيث نوصل للوضع الصحيح للماستر والسليف ... ومعانا كابل داتا نضيف جايبينه على حسب سوكيت ال IDE يعنى سوكيت ال IDE ممكن نلاقيه اسود نجيب كابل داتا طرفه اسود وممكن يبقى أزرق Ultra dma 33 وبالتالى نجيب كابل داتا طرفه أزرق ... ولو كان السوكيت على البورده أحمر يبقى Ultra dma 66 نجيب كابل داتا طرفه أحمر ..........
- ونشوف الدنيا ح تمشى ولا لأ معانا ... اشتغلوا معانا من أول مرة بعد التظبيط ده مع أى كابل باور خير وبركه ... ماشتغلوش نمشى ورا نقطة الهارد اللى أنا ذاكرها بعد كده
- -------------------------
نجرب باور سبلاى تانيه غير اللى معانا ......... أنت بتقول.... بفضل اجرب اغير كابل البارو اللي داخل سواء للهارد أو السيديروم لحد ما تتحل المشكلة .. خلاص يبقى نحط شكنا فى الباور سبلاى
------------------------------------------------------------------------
-ياريت تجرب تشغيل السيدروم وحدها يعنى طلع الهارد بره الكيسه ....... وشغل ياسيدى أى اسطوانة زى هيرن مثلا أو اى اسطوانة برامج ذاتية الأقلاع واقعد اتسلى فى البرامج دى من الدوس ساعة ساعتين ... أو حتى شغلها وسيب الجهاز الفترة دى وشوف النتيجه ايه
-----------------------------------------------------
النقطة اللى فاتت دخلت الهارد فى القصة ......... مسألة التعارض ..يعنى لو جربنا هارد تانى مع اى سيدروم على نفس الجهاز ...يتقروا على طول وندخل حتى على الدوس او جربنا الهارد بتاعنا مع سيدروم على كيسة تانية ووصلناهم بنفس الكابل يتقروا على طول برضه وندخل حتى على الدوس وبدون ماندخل على الويندوز يعنى اسطوانة زى هيرن أو اسطوانة برامج ذاتية الاقلاع ... نبوت منها فى وجود الهارد بتاعنا .. لان اعتقد لو بوت من الهارد سواء الهارد التانى على كيستك أو هاردك على الكيسة التانيهح تديك الشاشة الزرقاء لان الهارد مش بتاع الكيسه ... طبعا ده مع الاكس بى لكن لو هاردك عليه ويندوز 98 أو ميلنيم ممكن تدخل الويندوز على الكيسه التانيه مع شوية قرق فى الأول على التعريفات البديهية .. اللى عايزين نوصله ياترى تجربة الهارد بتاعك على الكيسة التانية مع السيدروم .أو الهارد التانى مع السيدروم على كيستك .. ح تكون النتيجة زى كل مرة
-----------------------------------
مسألة الرامة الجديده دى ماعتقدش لأن النتيجة واحده بالقديمة أو الجديده
----------------------------------------------------------------------------------
ياريت وأحنا بنجرب عامة نشغل الجهاز بأقل مكونات ممكنه ..... يعنى افصل اى حاجه مش اساسية .. كفاية الهارد والسيدرو وكارت الشاشة والرامات والكيبورد والماوس والشاشة طبعا
--------------------------------------------------------------------------------
بص ياهولومان أنا عارف أنك زهقت وقربت ترمى الجهاز كله من الشباك لكن ما باليد حيلة خلينا فى الخطوات السهله أولا
- تجربة باور سبلاى تانيه نضيفة وياريت تاخدها من صاحبك يعنى مضمونه
- تظبيط كابل الداتا ماستر وسليف زى ماقلتلك .. أصل كمان مايبقاش عندى سوكيت IDE واحد وماعرفش اشغل هارد وسيدروم عليه ......... بوردة ايه دى اللى معقده كده ... الا اذا كان الباوسبلاى هوه السبب فى القلق ده
- وبعدين نجرب مسألة السيدروم لوحدها .... ونجرب الهارد مع السيدروم على كابل داتا واحد .على بوردة تانية .. بالطريقة اللى قلتهالك
- --------------------------------------
نوع البورده وموديلها .؟؟؟؟.......... يعنى ممكن تفتح باب لفهم المشكله بصورة أكبر ........ ماخبيش عليك أنا دماغى رايحه لثلاث حاجات ,,,,,,,,, الباوسبلاى......الباور سبلاى ..... الباورسبلاى كررتها لك ثلاث مرات لأنها ( أم الكوارث ) وبعدين.... تعارض بين سوكيت ال IDE الهارد ده تحديدا وأى قارىء أقراص سيدروم أو رايتر .....الخ ................ تفكير بعيد شوية لتحديث البيوس لكن مش حا أجربه الابعد يأس من أنى عملت كل حاجه

[holoman]

بص يا باشا علي فكرة أنا مش مبتدئ أوي كدة بس يا سيدي الحلول اللي حاولت اعملها و بردو من غير فايدة.

1 - مسألة الماستر و السليف دي أكيد مش حاجة هتفوت عليا و انا فعلا مبظبط الجامبرز علي كدة و بالفعل الهارد و الرايتر بيتقروا عادي بس طبعا بعد اللعب في كيابل الباور زي ما شرحت لحضرتك.

2- موضوع نوع الموزر بورد هي Asus 945 GZ و هي نازلة بسوكيت IDE واحد و 4 ساتا و موضوع كابل البور و الوانه فأنا فعلا كنت شغال بواحد عادي و بعدين جيبت واحد جديد من ابو الوان دة و هو لونه أزرق فالموزر بورد و فعلا مركب الطرف الأزرق في الموزر بورد .

3- فعلا قمت بتحديث البيوس الي اخر فيرجن متاحة علي النت .

4- الهارد القديم ال IDE بيشتغل علي الجهاز لوحده عادي و علي أي جهاز تاني عادي جدا .

5- اشتريت هارد جديد ساتا عشان اتفادي موضوع السوكيت الواحد بتاع ال IDE دة و فعلا الاتنين اتقروا مع اول تركيب و بمجرد ما جيت انزل ويندوز عليه اخد وقت كتير شوية بالنسبة لامكانيات الجهاز اليل مش أول مرة انظل عليه سيستم و راح الرايتر بتاع صاحبي اللي كان شغال علي جهازة تمام قبل ما اخده منه راح عمل صوت عالي و بعدين سمعت السي دي بيلف بسرعة أوي و راح مصفر و كل سنة و انت طيب كدة حصل اللي قبله .

6- موضوع اني اجرب السيدي روم لوحده دة تم فعلا زي ما قولت قبل كدة في حالة تشغيل حاجة واحدة بس يعني سواء هارد أو رايتر فالجهاز بيشتغل عادي و بيتقري بسرعة علي الموزر و فعلا جربت اني اشغل الرايتر لوحده من غير هاد و اشتغل فعلا بس بصراحة مجربتش اسيبه ساعة ولا اتنين لاني خسران لحد دلوقتي اربع اجهزة زي ما قولت قبل كدة .

متهيألي كدة بقي العيب علي كلامك متوجه كله للباور سبلاي ولا ايه رأيك انت ؟ و خصوصا اني واخد كهربة الشاشة منه يعني عامل مجهود كبير عليه و هو الحاجة الوحيدة اللي لسة مجربتش اغيرها

[dishna66]

أولا أنا مقصدتش أنك مبتدىء ...أنا قلت ..طيب خلينا أنا وأنت مبتدئين خالص ونبدأ من الأول ... يعنى جمعت نفسى معاك .. يعنى نرجع نتعامل مع أ ب من أول وجديد أو زى الكتاب مابيقول ... وان كنت أنت مش مبتدىء .. أنا بجد عن نفسى باتعامل مع كل مشكله عندى كمبتدىء .. يعنى دايما ببدأ بألف باء زى مابيقولوا
-------------------------------------------------------------------------------------------------------------
1- خلاصة كلامك أن الهارد الساتا مع الرايتر يعنى بعيد عن سوكيت ال IDE حدثت نفس المشكله .. يعنى مع تغيير السوكيت والهارد برضه نفس المشكله
2- الهارد القديم ال IDE بيشتغل علي الجهاز لوحده عادي و علي أي جهاز تاني عادي جدا ... هل جربت ده مع السيدروم أو الرايتر يعنى الاتنين على جهاز تانى ؟؟؟؟؟؟؟
3- كده المسألة بتعفى الهارد والسوكيت من المشكله وبتحصر المشكله فى البور سبلاى أو حدوث تعارض بين سوكيت ال IDE والهارد وأى قارىء أقراص سيدروم أو رايتر .....الخ ........ مش عايز أقول عيب فى البوردة قبل ما جرب
1- تجربة باور سبلاى محترم مضمون وعلى فكره حكاية أنه متاخد منه كهربة الشاشة يعنى مش عامل رئيسى قوى فى المشكله لانه هنا عامل زى المشترك مش أكتر ...... لكن مفيش مانع من قبيل الاطمئنان والحرص نخلى تغذية الشاشة بكابل مستقل من فيشة المشترك العادى أو فيشة الكهربا مباشرة
2- اشتريت هارد جديد ساتا عشان اتفادي موضوع السوكيت الواحد بتاع ال IDE دة و فعلا الاتنين اتقروا مع اول تركيب و يعنى الهارد الساتا فى سوكيت الساتا والرايتر كان متركب وحده فى سوكيت ال IDE وحدثت نفس المشكله ...... كده اشارة الى عيب فى البورده نفسها يعنى التعارض مزمن بين سوكيت ال IDE واى قارى أقراص سيدروم أو رايتر ... يعنى براءة الهارد تماما
- خلينا مع الباور سبلاى كأخر حل ...... ولو تمت تبرئة الباور سبلاى فيه حل أخير يبدو ساذج لكنه حل مشكله مع هارد قبل كده وهو وضع السيدروم خارج الكيسة بشكل رأسى يعنى تخليها واقفه على جنبها مش نايمة زى وضعها جوه الكيسة بحيث يبقى كابل الباور تحت وكابل الداتا فوق ...... وده مش ح ينفى عيب البورده لكن ح يؤكده
- جرب سيدروم بلاش رايتر
----------------------------------------
أنا حاراجع مانول البورده وان شاء الله نلاقى حلول جديده

[dishna66]

عزيزى ...... بوردتك هى P5GZ-MX ....... وللأسف بعد تنزيل المانول ومراجعة بيانات البورده ومندى تلك البورده على موقع اسيوس بما فيها من مشاكل واعطال .. وكذلك البحث فى جوجل .. لاتوجد اى اشارات لتلك المشكله ... فدعنا نتعامل بمالدينا من حلول الى حين اشعار أخر

[Om51]

كما ذكر الاخ dishna66 الله يعطيه العافية
بدل البورسبلاي , احتمال انه يعطي خط ال5 فولت أكثر من الازم ويسبب التلف

[holoman]

شكرا اخواني علي اهتمامكم الكبير و جاري تجربه باورسبلاي جديد و سوف اوافيكم بالنتيجة بس لما اجيب الدي في دي اللي في الضمان عشان بيتصلح