مواصفات عالية وجهاز بطى!!خبراءAMD [الأرشيف]

مشاهدة النسخة كاملة : مواصفات عالية وجهاز بطى!!خبراءAMD

الصفحات : [1] 2

oracle

15-11-2007, 20:25

سلام عليكم ورحمة الله وبركاتة

لو سمحتم يا شباب انا شارى جهاز جديد ..الجهاز مواصفاتة كويسة بس الجهاز بطى ويهنج كمان ساعات لما يكون فى صفح كتير او شى ...مواصفات الجهاز

Amd athlon x2 4800 EE
1giga ram kingstone bus 667
Gigabyte M52
Gigabyte Nvidia Geforce 8600GT
HD westren 250 sata

الجهاز مثلا فى فتح ويندز فيستا او العمل علية بطى بالمقارنة بجهاز بنتيم 4 سرعتة 3/2 ميجا كاش!!!!...يعنى لما بيحمل تلاقى التحميل فى البنتيم بيعدى شريط التحميل مرتين ونص ...عندى بقى ممكن يعنى 5 ونص ولا 5 !!!! ...طيب ازاى بس(B)

فأزاى يكون الجهاز مواصفاتة كدة وجهاز بنتيم اسرع منة(BB)...انا مش عايز اظلم AMD لانة ناس كتيرة بتشكر فية ولكن اعتقادى المشكلة فى البروسيسور ...

حيث انى منأكد ان الهارد تمام والباور تمام لانى مغيرة 550 وات ...واعتقد المشكلة فى البروسيسور لانى ساعات اشغل مثلا تطبيق وتلاقى البروسيسور اداءة ضعيف تلاقية مثلا 7 % ولا 30 % ...ما بيستخدم كامل طاقتة مش عارف لية !!!! مع العلم ان البروسيسور حرارتة مستقرة ومفيش اى مشاكل فى الحرارة يعنى من 30 الى 45

الجهاز قارى جميع المكونات سليمة قارى البروسيسور زى مانا شارية والهارد والرامات وكلة يعنى مفيش حاجة غلط !!!!!

وهذا تقرير ايفرست

https://www3.0zz0.com/2007/11/15/18/53634269.jpg

انا حاليا حاطط ويندز اكس بى العادى من اسطوانة ويندز اصلية قولت لعل الويندز السبب وانما مفيش فايدة الجهاز بردوا بطى ولما بيفتح بطى .....

فياريت يا شباب تساعدونى فين المشكلة ...انا مش عارف بس انا اعتقد انها من البروسيسور ولو من البروسيسور هيكون بايظ ولا اية ..انا اعرف لو هو بايظ ما كان يشتغل من الاول !!!!!

يا ريت يا شباب تساعدونى او انا مستنى الرد ومتابع علطول ....

وألف شكر ليكم مقدما

Om51

15-11-2007, 21:46

مبروك أخي العزيز , وبداية المعالج آخر ما يمكن لومه من قطع الجهاز ( اذا كان يمكن لومه أصلا ) , طبعا بافتراض سرعة المعالج مناسبة والمعالج سليم وحرارته منطقية

شخصيا مع كل جهاز جديد أقترح :
- احصل على أحدث التعاريف للقطع مسبقا , مثلا تعاريف nVidia للكروت الجديدة وليست القديمة يتم تحديث تعاريفها دوريا , أيضا Realtek شريحة الصوت المتوافرة في معظم أنواع المذربورد يتم تحديثها وتحسينها بشكل دوري
- احصل على أحدث النسخ للبرامج المراد استخدامها عادة , مثلا Nero , WinRAR , CCleanel , MPlayer 11 وغيرهم
- ثبت البرامج الضرورية , لا داعي لتنزيل برنامجين نسخ وبرنامجين انتي فايرس و خمس برامج للصوتيات والفيديو والبعض يقوم بتثبيت العديد من البرامج المتفرقة والتي لا ضرورة لها
- بعد تثبيت البرامج شخصيا أدخل لOptions كل برنامج وأتأكد من أمرين : عدم عمل البرنامج مع بدء الويندوز وفصل خاصية auto update ان كانت موجودة ( مثلا تكون على الانترنت ثم تجد الخط شبه توقف عن العمل والسبب أحد البرامج يبحث عن تحديث )
- فرمت ونزل نسخة XP من جديد ( اذا كان الهاردسك قديم ومنزل عليه XP من قبل ) , شخصيا لا أستخدم النسخ المحسنة المشهورة في المنتديت واعتبرها bloat ware , أفضل استخدام النسخة XP SP2 دون تعديل أو مع تعديلها بأحدث حزمة تحديثات من موقع RyanVM وشخصيا هذا ما أستخدمه , وعملية دمج حزمة التحديث سهلة ومشروحة في موقعهم .
- بعد الفومات أقوم بعمل بعض Tweaks البسيطة للويندوز , مثلا التأكد من فصل البرامج التي تعمل مع بدء التشغيل ان كان لا ضرورة لها , فصل Auto update للويندوز وكذلك System Restore , وبالطبع بعد تنزيل الويندوز وتثبيت البرامج والجيمز لا بد من عمل Defragment للهاردسك
- اذا كنت تستخدم ويندوز XP فلا تنسى تثبيت AMD Dual Core Optimizer , ابحث عنه بجوجل
- أخيرا , اذا كنت تستخدم Vista فجرب XP , للتو تذكرت أنك تستخدم Vista :)
اقتراحات بسيطة للاخوة عموما

Modi_mma

15-11-2007, 21:57

مشكلة التهنيج هذي تحصل لي

بالذات عند اقلاع الويندوز اشوف الجهاز يهنق فترة تقريبا دقيقتين

بعدين بحمل كل شي

والسبب اتوقع انه من تحديثات الويندوز!!!

يعي ماله علاقة باي من قطع الجهاز

النديم

16-11-2007, 01:36

الأخ Om51 لم يقصر في شرح الوصايا العامة للحصول على الأداء الجيد من أي جهاز، فله الشكر.
أنا أريد أن أوجه إهتمامكَ أخي الى موضوع الذاكرة، لماذا إخترتها قطعة واحدة وكان بأمكانكَ أن تختار الحجم ذاته مقسوماً على شريحتين متماثلتين لتستفيد من ميزة السرعة في العمل التي توفرها تقنية الذاكرة المزدوجة (Dual Channel)؟ يعني 2x512 .
بالنسبة للتعاريف، من المهم أن تثبت "تعريف معالج AMD" مباشرة بعد الأنتهاء من تثبيت الوندوز، يعقبه تعريف طقم الرقائق (Chipset) من nVidia ويتلوهم باقي التعاريف.
النديم

3m.Ahmed

16-11-2007, 03:02

مبارك علي الجهاز
و اتفق مع الاخوة
لن يخرج الامر عن مشاكل سوفت وير و ويندوز

من فضلك لي سؤال
كام سعر البروسيسور
لاني اناوي عمل ابجريد بهذا البروسيسور اول الشهر ان شاء الله

oracle

16-11-2007, 14:03

شكرا لكل من وضع رد على الموضوع ...

الاخ om51

شكرا كثيرا على هذة النصائح الغالية...

ولكنى الان ما املك الا حوالى 5 برامج وما يفتحوا فى بداية تشغيل الويندز
بالنسبة للويندز انا كنت حاطط فيستا وبعدين دلوقتى حاطط اكس بى من اسطوانة ويندز اصلية... وال جعلنى اعمل كدة انى بردوا كنت شاكك انة يكون من الويندز ...بس للاسف ليس من الويندز او البرامج ...

انا حملت AMD Dual Core Optimizer ولكن ما هو ذلك البرنامج وما فائدتة ؟؟؟؟
وكمان حملت
AMD Athlon™ 64 X2 Dual Core Processor Driver Version 1.3.2.0053 for Windows XP and Windows Server 2003 (x86 and x64)

حيث انى لقيتة معاها فى نفس الصفحة وموجود بتاريخ سبتمبر 2007

شكرا لمشرف التورنت على المداخلة ولكنى لاغى تحديثات الويندز اتوماتيك !!!!

مشرفنا ..مشرف قسم المشكلات ...

انا جبت واحد جيجا رامات لانى ناوى اجيب كمان واحدة ان شاء الله ولكنى اتغاظت لما لقيت جهاز بنتيم سرعتة 3 اسرع من جهازى ضعفين!!!!!

ولكن ما هو تعريف amd هل يأتى مع البروسيسور اسطوانة تعريف ام ماذا هو تعريف amd ..هل تقصد الموجود مع اسطوانة المازربورد AMD Cool & Quiet CPU Driver؟؟

الاخ نوبل

اعتقد ان المشكلة هارد وليست سوفت لان مرة مثلا لقيت الويندز حمل وظهر شريط التحميل فى البداية مرة واحدة فقط ثم اقلع الويندز اما حاليا الشريط يظهر 5 مرات اثناء بداية الويندز !!!!!!!

اما عن سعر البروسيسور هو كان اقل سعر من 20 او 25 يوم ب 650 ...معرفش حاليا ظروف السعر اية

وشكرا لحضراتكم مرة تانية وفى انتظار مشاركتكم

النديم

16-11-2007, 14:35

لايأتي مع المعالج وإنما هو بالضبط الموجود معكَ
AMD Athlon™ 64 X2 Dual Core Processor Driver Version 1.3.2.0053 for Windows XP and Windows Server 2003 (x86 and x64)
من ناحية أخرى عندي إستفسار عن القرص الصلب، كيفية تقسيمه وتهيئته بأي نظام ملفات. فلو تعطينا فكرة لأن الموجود الطراز والسعة فقط.
النديم

oracle

16-11-2007, 15:02

المشكلة ما زالت قائمة

اما عن التقسيم والنوع
هو هارد
Driver Description WDC WD2500JS-08NCB1
دة مساحتة 250 جيجا
النوع هو NTFS لانى كنت حاطط فيستا فى الاول ..بس المشكلة قائمة على الفيستا والاكس بى

32 ل C
والباقى 4 درايفر كل واحد منهم خمسين جيجا

ولكن أحب انوة بردوا ان المشكلة مش فى الهارد لانى كام قبلية جبت سيجيت 160 ساتا ونفس المشكلة كانت قائمة فقولت يمكن الهارد فجبت واحد اكبر ونوعة ويسترن

وشكرا

3m.Ahmed

16-11-2007, 17:40

almoha

16-11-2007, 17:48

oracle

16-11-2007, 18:28

شكرا لردك
طالما متاكد من الويندوز
تعالي نشوف سوفت تاني فيه المشكلة
ايه رايك في سوفت لبوردة
البايوز يعني
جرب كده تعطل الاوبشن بتاع ان البروسيسور يغير سرعته علي حسب الحاجة و خليه فوول باور علي طوول
لو عندك اوبشن كده
او جرب تعمل البايوز اعدادت المصنع و جرب كده

سؤال كمان
هو بطء بس و لا ايرور بتطلع اثناء البدء او تسطيب البرامج

فين الاوبشن بتاع تعطيل تغير سرعتة حسب الحاجة دة؟؟
انا فعلا غيرت الباور اون فى الكنترول بنال فى خانة باور اوبشن وخلتة اون ..هل هو دة ال تقصدة؟؟؟...

من فين اقدر اعمل البايوز اعدادت المصنع؟؟

على فكرة البوردة طالع لها تحديث جديد وكل ما احدث مش راضى انا دخلت على موقع الشركة قالى لازم الهارد يكون fat32 علشان كدة مش عايز يحدث

بالنسبة للبطء هو بطء بس من غير اى ايرور او اى حاجة

وشكرا

oracle

16-11-2007, 18:32

علي فكره يا اخي العزيز ممكن يكون في تعارض او قفله عندك في المازر بورد

افحص جهازك كويس

معلومه اخري :: مش معندي ان الشريط يعدي مره او مرتين يعني اسرع وده بناء عن تجاربي الشخصيه بل الحمل كله علي ما ياخذه من ثواني في التحميل

احسبها ثواني وقل لنا بالظبط من بعد مابتقفل الجهاز وتفتحه تاني بياخد كام ثانيه في عمليه التحميل .

ومنتظرين ردك

شكرا على الرد

بس يعنى اية قفلة او تعارض فى المازر بورد !!!! ...ماهو كلة ماشى مع بعضة الرمات ماشية مع البوردة ..الهارد...البروسيسور socket am2 والبوردة بردوا ...والرامات مكتوب على البوردة v 1.8
وبردوا على الرامة نفس النظام؟؟؟

لا على فكرة هو بطى انا شوفت جهاز جنبة بتاعى بطى ...هاحسبها واكتبها هنا حاضر

وشكرا

oracle

16-11-2007, 18:44

الجهاز بيفتح فى 31 ثانية

ويندز xp home edition
اسطوانة اصلية ...ولا يوجد اى برامج تفتح فى بداية الويندز ....انا لاغى اى برنامج start up مع الجهاز

وعلى الجهاز الجهاز ذات نفسة بطى مش بس فتح الويندز وكدة انا بقول بس اثبات مقارنة بمعالج بنتيم ...

وساعات لما افتح كذا صفحة تلاقية عملت not responding !!!!!

امال لو حطيت بس فيستا اية ال هيحصل(BB)

oracle

16-11-2007, 18:57

انا دخلت على الاوبشن بتاع البايوس فى بداية تحميل الويندز وعملت اعدادت المصنع فى كل واحدة ومفيش فايدة

حاليا انا قمت بتحديث البايوس الى اخر نسخة ولكن لم تحل المشكلة بعد

النديم

16-11-2007, 22:26

إضافة لماسبق، أجد من الضروري التنبيه الى أن Windows XP Home نسخة ضعيفة والأقوى منها نسخة Pro المُدمج معها حزم الخدمات الأولى والثانية وغير معدلة. لايشفع لنسخة Home التي تستعملها أنها أصلية.
بالنسبة للقرص الصلب، فطالما أنه كان يحتوي نظام وندوز فيستا من قبل... فمن الأفضل نقل الملفات المهمة منه الى وسط تخزين آخر ثم إلغاء جميع أقسامه وتقسيمه وتهيئته من جديد بنظام ملفات NTFS . لأعادة التقسيم والتهيئة من الأفضل أن يتم الأمر بغير أدوات قرص الوندوز، شخصياً أستعمل برنامجPartition Magic ، وقد ألجأ أحيانا لتصفير القرص الصلب (Writing Zero) ببرامج مثل Kill Disk أو Disk manager وتجدهم جميعاً في القرص الخدمي HBCD. كل ذلك المقصود منه التخلص من أي عوالق لنظام التشغيل السابق أو تقسيماته وتثبيت الوندوز "على بياض".
النديم

oracle

17-11-2007, 00:10

الاول حضرتك انا حطيت فيستا يعنى وكان بطى بردوا ...فدة مش معناة انة من الويندز

اما بالنسبة للقرص الصلب انا عملت فورمات ل سى ...والهارد لسة جديد وعلى فكرة كان نفس المشكلة فى الهارد ال فات ....

انا بصراحة شايف انها مشكلة هارد وير بس مش عارف احلل المشكلة فى اية بالضبط !!!!
هل بروسيسور ولا بوردة ولا رامة ولا اية بالضبط!!!!1

اعتقد يا البوردة يا البروسيسور والله اعلم

النديم

17-11-2007, 02:57

أنت بالتأكيد تعلم أن الحد الأدنى لتشغيل الفيستا هو 512 ميغابايت، إذن فبطؤه كان أكثر من طبيعي.
أما تهيئة القسم C وحده في قرص صلب عليه فيستا من قبل(يعني نظام ملفاته NTFS متطور أكثر XP) فليس وضع مُطمئن أبداً. هل تأمن تأثيرات ال (System Volume Information) التي تركها فيستا في باقي الأقسام على ال Home الهش؟
النديم

3m.Ahmed

17-11-2007, 07:12

oracle

17-11-2007, 13:32

أنت بالتأكيد تعلم أن الحد الأدني لتشغيل الفيستا هو 512 ميغابايت، إذن فبطؤه كان أكثر من طبيعي.
أما تهيئة القسم C وحده في قرص صلب عليه فيستا من قبل(يعني نظام ملفاته NTFS متطور أكثر XP) فليس وضع مُطمئن أبداً. هل تأمن تأثيرات ال (System Volume Information) التي تركها فيستا في باقي الأقسام على ال Home الهش؟
النديم

حضرتك من اول يوم جبت فية الجهاز وكان فية الهارد 160 السيجيت ...كان الجهاز بطى مقارنة بجهاز بنتيم سرعتة 3 ...حتى تنزيل الويندز جهازى خد ضعف الوقت ال خدة الجهاز البنتيم ...

وعلشان بردوا اتأكد انا غيرت الهادر وجبت واحد ويسترن ومفيش فايدة ..هى المشكلة فى حاجة بس انا مش عارف فى اية وليست الهارد لانة من اول تشغيلة لية كان بطى وكان قد تم تقسيمة ببرنامج بارتشن ماجيك بردوا !!!

oracle

17-11-2007, 13:40

-اضبط خيارات البايوز علي ماهو مناسب لجهازك و معاك كتيب التعليمات
و اقفل الحاجات اللي ملهاش لازمة و افتح بس الحاجات اللي محتاجها

- غير كابل الساتا الواصل للهارد
- جرب تشغله بباور مختلف
طبعا كلامي عبيط نوعا ما
لكن اول ما اشتريت جهازي رفض الهارد يشتغل بباور الساتا و اشتغل بالباور العادي غريبة بس ده اللي حصل
و لاحظ تركيب سوكت باور واحد فقط في الهارد يا اما ساتا يا اما العادي

- لو موصل ديفيدي في الجهاز افصله باور و داتا و جرب بدونه

اضافة لما سبق انصحك
بتفعيل خاصية الدول شانل للرامات اذا كنت مشغل الرامات بقطعة واحدة و حتلاقي تحسن ملحوظ في الاداء بيوصل 15%
وجرب تحط من اعدادات الرام في البايوز
command rate علي1T
وجرب لو حصل عدم استقرار حطها 2T
لو مفيش فرق سيبها 1T افضل للAMD

هل في كروت اضافية راكبه قي PCI
جرب تفكها و تجرب من غيرها
و تاكد ان كل الدريفرات علي احدث نسخ لجميع المكونات

- هل انت متوصل بADSL
جرب تفصل كابل النيتورك لعل الويندوز فيها مشكله من ناحية النيتورك و بتدور علي حاجات في بداية اقلاعها و ده اللي مسبب زيادة الوقت

طيب حضرتك تقصد اية بالضبط حسب ما هو مناسب لجهازك مانا شوفت الكتيب مفهوش حاجة يعنى كلها تضبيطات عادية ...هل فى حاجة معينة ابص عليها ؟؟؟

انا الجهاز يعتبر شبهة فاضى لسة علشان موضوع القفل والفتح الهارد كلة على بعضة مستخدم منة 23 جيجا بالويندز بكلة !!!!! وتم الغاء خاصية تشغيل البرامج مع بداية فتح الويندز ...

بالنسبة للباور حضرتك انا مجربتش واحد لا انا جربت 3 باورات وكلة زى بعضة مفيش فايدة انا حاليا شغال على مازورى 550 وات..

فصلت الدى فى دى وزى ماهو مفيش فرق ...

أزاى افعل خاصية الدويل اتشانل ؟؟؟....بس هو اساسا الجهاز بطى بقول مقارنة بجهاز اقل منة بكتير !!!!يعنى حتى محصلوش

(وجرب تحط من اعدادات الرام في البايوز)

فين دى ؟؟؟؟

بالنسبة لكارت الشاشة جربت من غيرة وبالنسبة لنت بردوا جربت من غيرة مفيش اى فايدة

وبعدين انا عايز انوة هو اساسا الجهاز بطى مش مسالة فتح ويندز وبس انا بعطى اثبات بس لكنة اساسا كلة على بعضة بطى سواء برامج تشغيل اى حاجة بطى وساعات يهنج!!!!!

انا ممكن بقى الخميس دة اروح اسافر القاهرة واروح لضمان بتاع الرامة والبروسيسور وبوردة ولما نشوف هيعمل اية !!!

بس هل موجود فانة بتاعت سيستم !!!!! ...هى فين مكانها دى لانى متهيألى مفيش اساسا فانة سيستم

3m.Ahmed

17-11-2007, 15:07

قصدي تحط اختيارات البايوز مش علي اعدادات المصنع
لكن حسب اختياراتك
عند كارت صوت اقفل بتاع البوردة لو مش عندك افتحه
و هكذا

بالنسبة لظبط اعدادت توقيت الرامات
هي بتختلف من بوردة للتانية
لكن حتلاقيها اعدادت متقدمة للرامات بظبط فيها التوقيت
بس علشان اكون صريح معاك
الفرق اللي انت بتقوله
مش حيعوضه الضبط ده

بالفعل وديه الضمان لان كده ممكن نقول في حاجة غلط في البوردة
و ان شاء الله خير
و كلنا بيطلع عنينا في الاول لحد ما الدنيا تستقر و الجهاز يتزبط

oracle

19-11-2007, 05:11

السلام عليكم

حدثت تطورات جديدة خاصة بالجهاز

انا نسيت اخبركم انى لما كنت بحط ويندز فيستا كان ساعات بجيب شاشة لونها ازرق بدل ما
الويندز يفتح...ساعتها كنت بحسب الويندز وقع او المشكلة من الويندز ولكنننن....

حدث هذا الفعل مرة اخرى مع النسخة الاصلية وهو دة ال اتكتب على الشاشة الزرقاء....rule:

IF this is the first time you;ve seen .this stop error screen, restart your computer. if this screen appears agein ,follow these steps;
Check to make sure any new hardware or software is properly installed. if this is a new installation,
sak your hardware or sofutware manufacturer for updates you might need.
if problems, continue disable or remove any newly installed hardware or software,
disable bios memory options such as caching or shadwing. cheek your hard drive to make sure it is properly configured and terminated. if you need to use safe mode to remove startup optins. and then select safe mode .
refer to your.cetin started manual for more information on trouble shooting

Stop:0x00000051 (0x00000003,0x00000001,0x00007000,0xE1221070)

دة ال اتكتب اول مرة لما الويندز مرضيش يشتغل

بس يعنى اية
disable bios memory options such as caching or shadwing

واين هو هذا الخيار ...هل الميمورى دة خالص بالكاش بتاع البروسيسور ولا الرامة؟؟؟

انا دخلت على أوبشن البوردة على
usb memory type
لقيت تختار
shadow or 640KB
يعنى اية كل منهم

نكلم بقى الموضوع
لما فتحت الجهاز وعملت ريستارت جاب الشاشة الزرقاء تانى ولكن غير الكود
مرة ظهر
Stop:0x00000051 (0x00000003,0x00000001,0x00007000,0xE1232070)

ومرة جاب
Stop:0x00000051 (0x00000003,0x00000001,0x00007000,0xE122F070)

ومرة تانية
Stop:0x00000051 (0x00000003,0x00000001,0x00007000,0XE1223B070)

أعتقد ان الاكواد دى بتفسر الخطأ ..لو حد تيكنكل يعرف معناها اية
متهيألى لو قعدت اعمل ريستارت كل شوية هيجيب ارقام جديدة !!!!!

وبعدين نزلت الويندز وقبل ما يفتح الويندز جاب شاشة زرقا بردوا وكتب حاجة عن الميمورى وقعد يعالج حاجات كدة وبعدين الجهاز فتح وبعدين ظهرت الرسالة دى من الويندز

Windows has recovered from an unexpected shutdown

Problem event neam: blue screen

Os version : 6.0.6000.2.0.0.256.1

More details

Locale :3073

Bccode :gf
Bcp1:00000003
Bcp2:88EF0030
Bcp3:87E9DAC8
Bcp4:82FD47C0

أعتقد الاكواد دى المفروض بتفسر الخطأ يعنى

بس لو تلاحظوا فى حاجة متشابهة اعتقد الاكواد دى بتفسر مشكلة فى الهارد وير على ما اظن

بص كدة التشابة قبل ما الويندز يتحمل طلع
Stop:0x00000051 (0x00000003,0x00000001,0x00007000,0xE1221070)
وبعد ما الويندز اتحمل وخلاص فتح ..طلع رسائل الخطأ دى ونفس بردوا الكود

Bcp1:00000003

هو دة ال قدرت اجمعة قولت عسى حد يساعدنى من اخوانى ....يا ريت تساعدونى فى الموضوع دة..

وانا اعتقد اى حد تكنيكل مختص هيعرف الاكواد دى يعنى اية ...لانها فعلا لما بيحصل مشكلة فى الهارد وير كل مشكلة ليها رقم

وجزاكم الله خير وجعلة فى ميزان حسناتكم

وشكرا جزيلا مقدما:up:

3m.Ahmed

19-11-2007, 06:46

وجود ايرورز
يجعلنا نشك في قطعة الرام
و اعتقد انها من النوع العادي سبيكتيك و امثالها و التي تتداول باليد
يمكنك استخدام برنامج Memtest86 من علي ديسك لاختبار الرام
لو وجدت بها ايرورز و لو واحد عليك باستبدالها
و انصحك بشراء كينجستون المغلفة داخل غلافها الواقي

و كان لي تجربة مريرة من محل في الدور الثاني لموول الاسيوطي بعد عذاب حوالي 3 اسابيع و ذل لا يطاق لدرجة انه قال ازاي ابعت موظف مخصوص بالرامه للتوكيل المفروض تستني لما يكون رايح هناك و ياخد رامتك معاه
و انا شغلي و جهازي عطلان عنده و لا حول و لا قوة الا بالله
تركت له الرام الله ينتقم منه و يجازيه علي غشه رغم انه سني و له لحيه لكنها لحية منظر و ليست لحية عمل
و تكلفت مبلغ 1200 جنيه اضافية لشراء رام كينجستون و لن اشتري ماركة اخري نهائيا ثانيا و لن اتعامل مع محله
معلش بقي اصلي مضايق من ساعتها و الكلام ده حصل من سنه تقريبا

ان كانت ماركة الرام كينجستون فانسي ماقلت مسبقا
و الاختبار هنا اختياري لو اردت فقط التحقق من عدم وجود ايرورز

لو عندك شك في نسخة الويندوز غيرها و فرمت الهارد
و لا انصحك باستخدام فيستا للتجربة لانها غير مستقرة تماما

جربXP و ممكن تاخذ نسخة من صديق او تنزلها من الانرتنت بحجم حوالي 600 ميجا
غير كده ارجع للمحل هو عنده القدرة لمعرفة سبب العيب

oracle

19-11-2007, 08:59

شكرا يا باشا على الرد ...ومعلش كلنا بنقابل مشاكل مع التجار

انا الرامة بتاعتى كنج ستون ....

بالنسبة لنسخة لا اعتقد ان فيها حاجة سواء الفيستا او ال اكس بى ...لان الاكس بى اصلية والفيستا جايبها من عند واحد مشغلها عندة وزى الفل والجهاز طلقة وبنتيم بردوا....

أما بالنسبة للمحل يعرف العيب انا اشك فى الموضوع دة بصراحة

لان الراجل ال هناك مثلا مرة كان قدامى واحد جايب لة جهاز بيقولة بيعمل صوت شغل الجهاز وكان سيرفس باك 3 هو استغرب كدة ...وقال لة لا الويندز السبب غير الويندز وكل حاجة هتبقى كويسة!!!!....وكان السبب المروحة وكانت باينة اوى يعنى ..بس معرفش هو بيستعبط ولا عامل عبيط ولا مش عارف ولا اية بالضبط ...يلا ربنا يهديهم

انا بس عايز اعرف هى فين المشكلة ..مكان المشكلة من اى قطعة وعلى اساسها اقول لراجل مش اقعد ألف ويقولى البوردة واروح التوكيل ويطلع مفيهاش حاجة وكلام من دة ...مش ناقصة بهدلة يعنى وبعدين الواحد كمان مش من القاهرة يعنى الموضوع صعب شويتيين

ومشكور على الرد ..ومستنى برداو اراء بقى الاخوان يمكن يعرفوا اية الموضوع

hamido

19-11-2007, 11:02

السلام عليكم

نزل يا اخي البرنامج ده و اختبر به الذاكرة مع انها نوع كويس لكن الامر لا يسلم
https://oca.microsoft.com/en/mtinst.exe

و قولنا النتيجة
بالتوفيق

النديم

19-11-2007, 17:28

تقنياً، فأن معنى رمز الخطأ 0x00000051 (هو وحده المهم دون باقي الرموز) هو الآتي:
1. دليل على مشكلة في سجل الجهاز أو إدارة إعداداته.
2. خطأ في عمليات الأدخال / الأخراج حدث حينما كان الجهاز يحاول قراءة أحد ملفات السجل (سببه مشكلة عتاد أو مشكلة في نظام ملفات الجهاز).
3. ويمكن أن تظهر رسالة الخطأ هذه بسبب من عمليات إدارة الذاكرة.
-----------------
يعني..... رغم أن ما سأقوله معاد هنا، لكني أستغرب إصراركَ على عدم الأخذ به، ولديكَ هذا الجهاز المتطور ما شاء الله:
1. إمسح القرص الصلب بأكمله ببرنامج (Kill Disk).
2. أعد تقسيمه من جديد ببرنامج (Partition Magic) بنظام NTFS الأصدار 3.1 المناسب لوندوز XP.
3. ثبّت Win XP Pro. SP2 نسخة غير مُعدلة، أو نسخة Home .
4. أثناء تثبيت الوندوز... هيء القسم C فقط تهيئة سريعة بواسطة معالج التثبيت (يعني من قرص الوندوز) هذه الخطوة بسبب أن مايكروسوفت لا توافق 100% على NTFS إلا من صنعها ((H)). بعد الأنتهاء من التثبيت... إعمل تفحص أقراص (Scan Disk) من الوندوز لباقي الأقسام.
5. نأتي الآن للذاكرة
أخرجها ممسكاً إياها من الأطراف وإمسح اسنانها النحاسية بقطعة قماش قطني مرطبة بقليل من الكحول الطبي، لابأس أن تمسح كذلك سكة مقبسها على اللوحة الأم. راعي أثناء عملكَ محاذير الشحنات المستقرة لذا لاتلمس الأجزاء المعدنية في شريحة الذاكرة أو اللوحة الأم، ويُفضل أن يكون جسمكَ متصل بالأرض.
في حال إستمرت العوارض رغم ذلك... إستعر من صديق شريحة ذاكرة موثوقة على سبيل التجربة ولحسم موضوع صلاحية شريحتكَ.
دعنا نسمع التطورات.
النديم

almoha

20-11-2007, 03:39

ألموضوع اتطور قوي

ربنا يفرجهالك من عنده

oracle

20-11-2007, 11:47

شكرا يا شباب على المساعده والله

ان شاء الله هاعمل اختبار الرامات وافرمت الهرد واقسمة من جديد ...ينفع افرمت الهارد بالpratition magic
وخلاص مش لازم الكيل ديسك ....

وكمان انا عايز احط ويندز فيستا لسبب ..علشان اعرف الجهاز سريع ولا تقيل ...بس هو دة السبب ...ممكن احطة مثلا من اسطاونة ويندز اصلية vista home edition ...

ان شاء الله هأعمل الموضوع دة اخر الاسبوع واقولكم ..علشان بس هاحتاج انقل الحاجات ال على الهارد وكدة

وشكرا جزيلا مرة تانية

TheInfernal

20-11-2007, 12:42

نزل برنامج Orthos ثم اتركه يضغط الجهاز لمدة 4 ساعات و أخبرنا ان وجدت أي أخطاء.
https://sp2004.fre3.com/beta/beta2.htm

cody

20-11-2007, 23:53

شكرا يا باشا على الرد ...ومعلش كلنا بنقابل مشاكل مع التجار

انا الرامة بتاعتى كنج ستون ....

معلش يا باشا .. ياريت تتأكد ان الشيب نفسها على الرامة kingston
ومن فضلك ياريت تكتب موديل البوردة بالضبط

وتمنياتي باكتشاف سبب المشكلة والتعافي منها ان شاء الله