ياريت حد يدلني علي الطريق الصحيح [الأرشيف]

bkbk20032003

07-12-2007, 13:53

والله ياجماعه انا كنت متردد علشان اكتب الكلام دة اولا انا ماعرفشي هوة مخالف ولا مش مخالف بس علي العموم انا عايز اقولكوا علي مشكلتي :
انا بقالي 6 سنين اشتغل في مجال IT واتخرجت من حاسبات ومعلومات واخدت شهادات كتييييييييييير منها الخبرة ومنها من ميكروسوفت واشتغلت في مجال التدريس والتدريب في اكبر السنترات في مصر ومجال الشبكات بس كل دة كان برة بلدي لأن بلدي مافهاش شغل IT قد كدة وجالي شغل في شركة محمول (ام نبيل ) ههههههههههه خدمة عملا لأنها هاتفتح في البلد عاندنا روحت اتقدمت زي زي اي حد وكانت المفجاءة انهم قابلوني ودخلت مجاااااااااال جديد انا بعدت عن المنتدي والمشاركات لمدة اسبوع ودة علشان كانوا بيدربونا وانا النهاردة في اجازة وراجع بكرة علي التدريب لمدة اسبوع كمان مش عارف بقي اكمل ولا اية لأن دة مجال جديد وقالي مخوفني اني خايف اسيب الكمبيوتر والمجال والحوف اكبر اني لو اشتغلت هابعد عن الموضوع وانتوا زي ماعرفين قالي بيبعد يوم عن المجال يبقي متأخر سنين لأن كل يوم فية جديد مش عارف اعمل اية ولا احاول اوفق بين الشغل واحاول ادرس في البيت بجد محتاج منكوا نصيحة ياريت تفدوني

Iraq IT

07-12-2007, 14:49

يعني اذا محتاج الراتب فعصفور باليد احسن من عشرة على الشجرة!

اذا عندك ثقه بالحصول على شغل باختصاصك فعليك بالصبر!

طبعا المهم ان تعمل في مجال او اختصاص تحبه والا سوف لن تبدع بالعمل!

ماهو مجال الاختصاص بالعمل الجديد اذا مافي تدخل؟

bkbk20032003

07-12-2007, 16:04

اختصاصي الجديد مبيعات وخدمة عملا ودة اول مرة اشتغل الشغلانة دية بس انا خايف ابعد عن IT
بس انت زي ماقولت انا فعلا محتاج للمرتب بس انا متأكد اني مش هادوم في الشغلانة دية يمكن ناس كتير تتمني تشتغلها واحنا كنا اكتر من 30 واحد متقدم اخدوة منهم 4 وانا والله كنت مقدم ومش حاطط في دماغي خااااااالص هية جات معايا كدة المشكلة اني خايف ابعد عن مجال الشبكات لأني بعشقة وخايف انسي او مافضلشي ولما اسيب الشغل يبقي انا اتأخرت كتير والخمس سنين قالي اشتغلتهم في المجال راحوا عاليا هية والشهادات

bkbk20032003

07-12-2007, 16:05

فية ناس قالتلي اشتغلها وخليك في مجال الاي تي مزاكرة وخد الفلوس خد بيها قورصات دة حل بس ان مش عارف هاعرف اوفق ولا دة كلام وخلاص دة لما كان الواحد فاضي امتحنت MCSE بالعافية علي العموم رددكوا اكيد هاتساعدني

Iraq IT

07-12-2007, 16:34

اخي طبعا" صعب بتختار شغله بغير اختصاصك بس حاول تطلب ان تكون الوظيفة ادارية وفيها دورات حتى تكسب خبرة جديدة ولاترتبط بعقد عمل طويل خاصة اذا جاءت فرص جديدة والله اعلم.

khaled_gti

07-12-2007, 17:51

انا رائيي ماتبعدش عن مجال الــ IT وفي القاهره في شركات كتيير طالبه ناس في المجال ده جلوبال وسينرجي و ايكوانت وارورانج لو انت بتدور علي شغل و خليك في مجالك احسن . حرام طول عمرك تفضل تذاكر و يطلع عينك في الاخر تسيبها وبعد سنة هتنسا كل ده حتي لو هتاخد نص المرتب اللي هتاخده في شغلك التاني ومع الوقت انت بنفسك هتشوف وهتقول كان عندي حق . علي العموم القرار ليك في الأخر

botygool2010

07-12-2007, 18:13

اخى انا لو مكانك حشوف هل الشغلانه الجديده مرتبها كويس وليها مستقبل ومع مرور الوقت ححبها وحكبر فيها ولا لا .لوملهاش مستقبل يبقى فكك منها وخليك فى ال it .وربنا انشاء الله حيعوضك احسن منها وفى المجال الى بتحبه . على العموم ده رأءى وانت لك حريه القرار
وتمنياتى ليك بالتوفيق فى اى من المجالين

ونصيحه حاول تصلى استخارة وتوكل على الله

C|EH

07-12-2007, 18:26

صلي صلاة الاستخارة ،، والله يكون بعونك ،،

D.D.T

07-12-2007, 19:08

ياعم اشتغل هو حد لاقي

Iraq IT

07-12-2007, 19:15

صلي صلاة الاستخارة ،، والله يكون بعونك ،،

اكيد هو الحل الاسلم :up:

ياعم اشتغل هو حد لاقي

الله يكرم الكل ان شاء الله

shacky_4

07-12-2007, 23:17

عايز اقول شئ حصل لواحد صديق ليا فى شركه توشيبا العربى . الرجل ده خاله ماسك مدير التوكيلات . محمد صاحبى ده لما راح يشتغل فى توشيبا قاله تختار مجال المحاسبه (هو محاسب) ولا مجال المبيعات وطبعا مجال المبيعات فيه فلوووووس كتير جدا خصوصا فى شركه زى دى بس تعرفوا ايه اللى حصل خاله دخله قسم المحاسبه تعرفوا قاله ليه . قاله مندوب المبيعات ده ملوش مستقبل اى واحد معهوش حاجه بيشتغل مندوب مبيعات لانه لايملك اى شهاده قاله انا دخلتك المحاسبه علشان يكون لك مستقبل مش المبيعات اللى كل من هب ودب يدخلها . انا عايز يكون لك مجال محترم وتخصص . مش اقدر اقولك ياصاحبى غير اللى قاله خال صاحبى ده . والله اعلم

alasmer68

08-12-2007, 00:43

عفوا أخي شاكي إسمحلي أخالفك الرأي في هذا الشأن.
هل تعلم يا أخي أن الشركات الكبرى يقاس مدى نجاحها في قوة كادر المبيعات الخاص بها
يعني المبيعات اليوم أصبح علم مستقل بذاته.
ولكن للأسف عندنا في الدول العربية صحيح كلام خال صاحبك.... نوعا ما لأن مجال المبيعات لدينا أصبح لمن لا شهادة لديه أو تخصص.
فكر معي للحظة هناك بضائع متميزه جدا وليست مشهوره أو نقول مرغوبه بشده بينما بعضها أقل شأنا في الجوده وأحيانا أغلى ثمنا لكنها تباع بكثره والسبب هو قوة كادر المبيعات.
يعني عند الشركات الضخمة والدولية بمعنى الكلمة قسم الـ ( Sales ) له شأنه.
والله أعلم.
طبعا أخي bkbk20032003 لا أقول هذا لكي أحثك على الموافقة ولا أطلب منك الرفض في نفس الوقت.
أعتقد أنك أقدر شخص يستطيع الحكم على هذا الأمر يعني من الصعب نصيحتك لأننا لسنا في موقعك.... أنت ترى أنه بموافقتك على العمل الجديد ستنسى ما درسته وأنت أدرى.
أخي bkbk20032003 أنت الأقدر على تقدير الوضع ** إعرف قدراتك ** إعرف وضعك المادي ** إعرف طموحك ** إعرف ماذا تريد أن تكون بعد عشر سنين ** لا تتصرف بناءا على اليوم . ثم استخر كما قال أخونا C|EH وأخونا botygool2010 وتوكل على الله.
أتمنى لك التوفيق من الله
وتقبل تحياتي

Pc_AnGeL

08-12-2007, 00:55

بص اخي العزيز bkbk20032003
لو في مجال الـ IT ممكن يتعرض عليك مرتب اعلي لو انك تدرس حاجة تاني او تاخد شهادة يبقي مفيش مشاكل تبقي تدرس وتاخد شهادات وانت شغال عادي مع ان العمليه هتبقي صعبه عليك ودا كان واضح من كلامك ومع العلم ان في كلتا الحالتين هتبقي صعبه عليك شوية بس مفيش مشاكل اللي كنت هتاخده في شهر مثلا خده في شهرين والمهم انك توصل لهدفك في الاخر اما لو انت حاسس ان العجلة خلاص وقفت وان دا اخر مرتب تقدر توصله عن طريق مجال الـ IT يبقي سيبك وشوف مجال الموبييلات وانت في مجال الموبييلات حاول انك تبقي مميز عن اللي هناك وشوية شوية مرتبك هيزيد طبعا
ومش هتبقي خسرت اي حاجة لانك دخلت مجالين واستفدت من المجالين وبدل ما كان باب واحد مفتوح هيبقوا بابين الا وهم باب الـ IT وباب الـ Mobile وفرصك بالتأكيد هتزيد ان شاء الله , عن اللي يعرفوا في مجال الـ IT أو اللي يعرفوا في مجال الـ Mobile لانك هتكون ملم بالاتنين
والرأي الاول والاخير ليك انت طبعا وحاول تفكر تاني وبتأني وفي الاخر صلي صلاة استخارة واتكل علي الله
وربنا يوفقك ونسمع اخبار حلوة

عباس شاهين

08-12-2007, 01:14

السلام عليكم
انا رأيي انك تقبل الوظيفة خصوصا انك محتاج الراتب وتجرب الشغل الجديد يمكن تبدع فيه اكثر من الشبكات ومش عيب الواحد يجرب علم غير الي درسه.
ثاني حاجه ممكن في نفس الشركة الي انت حتشتغل فيها تفضى وظيفة مستقبلا في تخصصك (الشبكات) وتقدر تقدم عليها وحيكون لك الاولوية في هذه الوظيفة باعتبارك موظف عندهم من مده .
الحاجه الثالثه والاهم انت سيد قرارك وانت ادرى الناس بمصلحتك احسبها في دماغك كويس واستخير وتوكل على الله .
اتمنى لك التوفيق وللجميع

عباس شاهين

08-12-2007, 01:17

وملاحظه اخرى اعتقد شركة موبنيل شركة كبيرة وكونك اشتغلت فيها وعندك خبره فيها ده برضه يدعملك الCV في اي وظيفه اخرى قد تتقدم لها مستقبلا

bkbk20032003

08-12-2007, 02:00

انا ياجماعه فعلا متشكر جدا جدا جدا جدا ومش عارف اقولكوا اية الاخوة كلهم قالي اشتركوا في الكلام فعلا اخوات بجد وماكنتش متصور ان اصلا حد حيقولي الكلام دة انا خلاص ياجماعه رايح بكرة امضي العقد لمدة سنة بس في مجال خدمة العملا بموبينيل وانشاء الله انا هاحاول مابعدشي عن المنتدي لأنة هوة هايبقي الوصلة بتاعتي في مجال IT ويعرفني بالجديد انشاء الله وحاحاول علي قد مااقدر ازاكر اكتر انا ناوي احضر CCNA لو مااخدتهاش في تلات شهور او اربعه من الشغل مش مكمل الشغل وهافسخ العقد وابقي ادفع الشرط الجزائي وانا فكرت كمان اني اشتغل في شركة صغيرة كمان مع موبينيل في مجال IT وهية موجودة بس علي قدها خااااااااااااااااااااااالص ياعني مايعتبرشي مجال IT ( شركة تجميع كمبيوترات وحاجات من دية ههههه) واسيبكوا اسبوع وارجعلكوا يوم الاربعاء الجاي انشاء الله لأني مسافر اكمل بقيت التدريب وعلي فكرة همة مظبطنا علي الاخر حاجزنلنا فندق واكل وفريق تدريب علي اعلي مستوي ههههههههههه واشوفكوا بخير ياجماعه يوم الاربعاء القادم سلاااااااااااااامي للكل قالي شاركوا في الموضوع
اخوكم محمود ابراهيم

shacky_4

08-12-2007, 02:11

Tiina

08-12-2007, 21:08

اخي الكريم

صلي استخارة وربي يسهلك

MO3TAZ20

09-12-2007, 00:10

الاول انا عايز اعرف ازاى الناس كلها بتدرس شهادات ميكروسوفت علشان تشتغل فى مجال الاى تى وانت تطلع منه . طيب اذا كان المجال ده مش رائج فى مصر انصحنا على الاقل نوفر فلوسنا ونشوف مستقبلنا بدرى
اشاطرك الراى اخى alasmer68 لكن زى ماقولت ده فى الخارج مش عندنا وخصوصا مصر . يا افندم عندنا هنا فى مصر اللى ملوش شغلانه بيدخل المبيعات عارف ليه لانه هو اساسا كان يبيقى قعد على القهوه بتاع 3او 4 سنين اتعلم فيهم الصياعه وازاى يضحك على الناس وعلشان كده بيخدوه انما واحد محترم زى اخونا ده هايعمل ايه وسط معظم الناس دى

انا بس عاوز اعلق علي كلامك المجال ده طلع مش مفتوح قوي زي ما انا كنت فاكر قبل ما ادخله يعني فعلا بقالي فوق الشهرين بدور علي شغل فيه ومش لاقي كل ما اروح هي مجرد مقابله تعارف وشكرا بعد كده ؟؟ الصراحه ابتديت اتخنق انا خلصت الاسبوع ده الكورس بتاع الmcse ومخلص قبل كده ccna وممتحن حتي الان ccna و امتحانين في الmcse وبطلت امتحن لغايه ما شوف العمليه هتوصل لفين

bkbk20032003

14-12-2007, 02:11

ياجماعه الاول انا بشكر كل قالي شاركوا الراي بجد اكتر من رائع
ثانيا انا لسة راجع من فترة التدريب قالي عدوهالنا بجد كانت اكتر من رائعه وهوة مجال جديد بس انا حاسيت اني مابعدتش عن الاي تي ولا حاجة انا كنت غلطان علي فكرة ياجماعه انا القورص بتاعي سوفت سكيلس في خدمة العملا كانت مدتوة اسبوع علي حساب الشركة والفندق والاكل كماااااااان (هههههههه)
بجد انا اتعلمت حاجات كتيرة جدا جدا جدا وبجد هاتفيدني في مجال الاي تي وهية ازاي تقدر تتكلم مع قالي قدامك وتعرف تتعامل معاه لأن معظم بتوع الكمبيوتر من كتر قاعدتهم قدام الكمبيوتر ومابيتكلموش مع حد يهتيالي نسوا الكلام ( هههههههههههههه )
علي العموم ياجماعه للتوضيح بس انا ماسيبتش الاي تي ولا حاجة دة بيجري في دمي انا معاكوا وهشارك اكتر معاكوا بس بجد انا كنت خايف ودالواقتي الحمد لله مش خايف وبشكر بجد كل قالي ساعدوني من اول مشاركة لأخر مشاركة

alasmer68

14-12-2007, 02:17

بالتوفيق أخي العزيز
وربك كريم يا أخي.

bkbk20032003

14-12-2007, 02:19

الاول انا عايز اعرف ازاى الناس كلها بتدرس شهادات ميكروسوفت علشان تشتغل فى مجال الاى تى وانت تطلع منه . طيب اذا كان المجال ده مش رائج فى مصر انصحنا على الاقل نوفر فلوسنا ونشوف مستقبلنا بدرى
اشاطرك الراى اخى alasmer68 لكن زى ماقولت ده فى الخارج مش عندنا وخصوصا مصر . يا افندم عندنا هنا فى مصر اللى ملوش شغلانه بيدخل المبيعات عارف ليه لانه هو اساسا كان يبيقى قعد على القهوه بتاع 3او 4 سنين اتعلم فيهم الصياعه وازاى يضحك على الناس وعلشان كده بيخدوه انما واحد محترم زى اخونا ده هايعمل ايه وسط معظم الناس دى

لا هية االفكرة ان مجال الاي تي مش متوفر في محافطتي قالي عايش فيها يمكن مش متوفر اصلا
وانا تعبت من السفر في الشغل في مصر والاسكندرية وعايز اقعد في بلدي شوية ومنها اتابع شغل ولدي لأن مافي غيري ( استرجل شوية ) وباردوة مش هابعد عن المجال والحمد لله انا استفدت من المجال الجديد هحاول اضموة لمجال الاي تي والحمد للة انا بدأت في شغل في شركة تدريب باردوة علي الاي تي بس هية صغيرة بس علشان مانساش وافضل معاكول علي طول وهاحول ابقي بمشاركاتي وازودها علي قد مااقدر وعلي معرفتي