المساعد الشخصي الرقمي

مشاهدة النسخة كاملة : ازاي ابقي فاهم مش حافظ !؟


aloha
08-12-2007, 19:38
السلام عليكم ورحمه الله وبركاته :)
ازيكم يا جماعةةةةة عاملييييين اييية ؟؟ lolo:

أنا عايز أسال سؤال ومش عارف ابتدي منين !! انا في كلية كمبيوتر ساينس في السنه الاخيرة , وكالعاده ما طلعتش بحاجه من الكلية لانها كلية في مصر .

بدأت أحسن المستوي بالويب ديفيلوبمنت لاني بموت فيه , ودرست شويه بي اتش بي ( يعني نقول وصلت لمستوي متوسط ) , العقدة اشتغلت بقي , قلت طيب عمنا Rasumus lerdorf (https://www.lerdorf.com/bio.php) اللي اصلا كان سبب في ظهور البي اتش بي , عملها ازاي !!!؟؟ ايه الخبرات الازمة لصنع لغة برمجه !! ليه انا مابقاش زيه ؟؟ قمت ساحب المشكلة خطوة لورا , قلت اصلا لغة البرمجة دي شغاله ازاي !! والاوبيريتنج سيستم اللي ببرمج عليه ده اتعمل ازاي !!!! ... صدقوني دورت بس فوجأت بكم رهيب من المجالات والمعلومات اللي لازم تتقري وأغلبهم بادئ من نصف الطريق ومش كاتب اساسيات جايز اكون عارفها بس الاكتر مش هكون عارفو .
وبعدين تفريعه التكنولوجيات ,, مايكروسوفت بشبكاتها بلغات برمجتها بويندوزها LooL , وفيه لينكس بأوبن سورسه ومافي الموضوع ده من مميزات , صن , اوراكل .... إلخ .
بصراحه انا عايز اخد الموضوع تاتا تاتا كده من اوله ان شا الله حتي اقرا تاريخ انشاء اول كمبيوتر ( احم ... مش اوي كده , مش عايزين ملل ) ,,, واقدر اقول ان لغتي الانجليزية مش بطاله ومابحبش ادرس الا مع نفسي ..



ياريت حد يساعدني اكون شاكر جداااااااااااااااااااااااااااااااا

السلام عليكم !!!!!1:Big:
chikou
10-12-2007, 18:07
و الله مثلي مثلك تايه و حيران و أيضا في آخر سنة في الجامعة و مرة أقول اتخصص شبكات و مرة أقول سكيوريتي و مرة مطور ويب و و و و و و و و و أفكار و أفكار لمشاريع دون الوصول إلى شيء معين صرت أتمنى أن استيقظ يوما ما و أجد نفسي بوظيفة و في تخصص معين و انتهى الامر لكي استقر و اركز في تخصصي
اتمنى لك حظ سعيد
aloha
10-12-2007, 20:48
شكرا ليك يا شيكو ولكل الحزائر.
اللي يغيظ بقي ان فيه 26 دلوقتي شايفين الموضوع , ومن عنوانه واضح انه سؤال ومن محتوي الموضوع اعتقد انه سهل الاجابة عنه نوعا ما من حاملي الشهادات هنا , ومافيش حد رد .. عجبي !
aloha
10-12-2007, 20:51
ده اول سؤال ليا يا جماعه , طيب اجبروا بخاطري ولا حتي قولولي يا شيخ اتنيل روح ذاكر زي ما كل الناس بتذاكر شهادة او اتنين واحمد ربنا في سنتك ... ايه التعقيد اللي انت فيه ده .. اي حاجه بس عبروني يعني :s
D.D.T
10-12-2007, 22:51
ياعم الحج مهو كلامك مفهوش مضمون
شوية بتقول انا بحب تصميم المواقع وليك فية طيب ماشي وبعدين شوية نقلت الموضوع تاريخ وجغرافيا وعايز نشأة الكمبيوتر ومش عارف اية
عايز تبتدي الليلة من الأول روح ابدأ ادرس الهارد وير عشان تعرف الكمبيوتر والذاكرة شغاله أزاي والداتا ماشية ازاي ومنين رايح فين وبعدها ادرس لغة التجميع assembly وبعد كدة اتعلملك كام لغة برمجة من بتوع الhigh level واولهم لغة سي وبعدها اتعامل مع شوية انظمة مفتوحة المصدر زي اللينكس وادرس نواة نظام النشغيل واعرف ازاي تقدر تعمل توزيعة علي قدها كدة الاول من توزيعة سابقة (ليف) وبعد كدة ظبط انت توزيعة خاصة بيك تكون كاملة وبعد متخلص دول ازا كنا لسة عيشين ابقي عدي علي الموضوع دة عشان نشوف هنعمل اية تاني
C|EH
10-12-2007, 22:54
يا اخي الله يرحم والديك ،، اتكلم بلغة عربية فصحى ، مع حبنا للهجة المصرية ،، بس مرات اشياء ما نفهمها ،،

يعني شنو هذه ( تاتا تاتا ) هذه لغة وبرمجة ولا شنو ؟
Iraq IT
10-12-2007, 22:59
يعني شنو هذه ( تاتا تاتا ) هذه لغة وبرمجة ولا شنو ؟

تاتا باص منشا هندي بس بيطلع دخان اهوايا :D
Nightspy
11-12-2007, 10:11
يا جماعة يا جماعة اسمعوا نصيحتى

اولا اياك اياك اياك ثم اياك من التوهان

اتنين مفيش حاجة اسمها فاهم فى كل حاجة او تعرف كل حاجة

عليكم بالتخصص بالتخصص بالتخصص

تاتا تاتا يعنى خطوة خطوة وليك الحق فى اننا نستخدم الفصحة والله مافى احسن منها

انت ممكن بالتخصص تبتكر

اسمع نصيحتى اخوك كان تاية وكان هيضيع نفسة لحد لما لحقت نفسى وانضميت للساسكاوين

من الاخر حدد انت عايز تتخصص فى اية وليك عليا انى اساعدك على اد ما اقدر
aloha
12-12-2007, 22:41
ياعم الحج مهو كلامك مفهوش مضمون
شوية بتقول انا بحب تصميم المواقع وليك فية طيب ماشي وبعدين شوية نقلت الموضوع تاريخ وجغرافيا وعايز نشأة الكمبيوتر ومش عارف اية
عايز تبتدي الليلة من الأول روح ابدأ ادرس الهارد وير عشان تعرف الكمبيوتر والذاكرة شغاله أزاي والداتا ماشية ازاي ومنين رايح فين وبعدها ادرس لغة التجميع assembly وبعد كدة اتعلملك كام لغة برمجة من بتوع الhigh level واولهم لغة سي وبعدها اتعامل مع شوية انظمة مفتوحة المصدر زي اللينكس وادرس نواة نظام النشغيل واعرف ازاي تقدر تعمل توزيعة علي قدها كدة الاول من توزيعة سابقة (ليف) وبعد كدة ظبط انت توزيعة خاصة بيك تكون كاملة وبعد متخلص دول ازا كنا لسة عيشين ابقي عدي علي الموضوع دة عشان نشوف هنعمل اية تاني


ياراجل !! مافيهوش مضمون ازاي ؟؟ سدقني لو ركزت كنت هتفهم ...لغة البرمجه بتاعت الويب ديفيلوبمينت دي مش معموله اساسا بلغة برمجه تانيه High level اللي بتتكلم عنها !!!؟؟ ولغه البرمجه التانيه دي مش اللي عاملها كان دارس حاجات تانية خلته يعمل اللغه دي .. انا عارف ان الموضوع لافف ومعقد بس ده للتميز !!! مش ابقي انا ولا انت زي باقي الناس ومافيش جديد ونعيش علي التكنولوجيا اللي بتجيلنا من بره .... ولا ايه رايك ؟؟
aloha
12-12-2007, 22:43
يا اخي الله يرحم والديك ،، اتكلم بلغة عربية فصحى ، مع حبنا للهجة المصرية ،، بس مرات اشياء ما نفهمها ،،

يعني شنو هذه ( تاتا تاتا ) هذه لغة وبرمجة ولا شنو ؟



أسف يا كبير ,, انا غلطان اني استخدمت تاتا تاتا ,, بس علي فكرة حذفها مش هيأثر في مضمون السؤال .. وهابي نيو يير !!
aloha
12-12-2007, 22:46
تاتا باص منشا هندي بس بيطلع دخان اهوايا :D

اوعي تقولي انك بتهزر ؟

وبعدين ماسكين في تاتا تاتا ,, وسايبين العبري ده , بذمتك يا شيخ يعني ايه " باص منشا هندي " .. ده المفروض ياخد BAN , مش جايز بيشتم :D
aloha
12-12-2007, 22:52
يا جماعة يا جماعة اسمعوا نصيحتى

اولا اياك اياك اياك ثم اياك من التوهان

اتنين مفيش حاجة اسمها فاهم فى كل حاجة او تعرف كل حاجة

عليكم بالتخصص بالتخصص بالتخصص

تاتا تاتا يعنى خطوة خطوة وليك الحق فى اننا نستخدم الفصحة والله مافى احسن منها

انت ممكن بالتخصص تبتكر

اسمع نصيحتى اخوك كان تاية وكان هيضيع نفسة لحد لما لحقت نفسى وانضميت للساسكاوين

من الاخر حدد انت عايز تتخصص فى اية وليك عليا انى اساعدك على اد ما اقدر

والله انت اللي شكلك فاهمني فيهم ..بص .انا اصلا عايز ابقي ويب ديفيلومبر ,,, بس افهم انا بكتب ايه .. فيه فنكشن في البي اتش بي مثلا اسمها asort بتعمل sort لل array .. طيب يعني انا المفروض ادخل array وتطلعهولي sorted ..يا حلاوة ! ايه بقي اللي بيحصل ورا الكواليس !!! وطلعتلي ازاي بالشكل ده , !!! لو انا فكرت بالطريقه دي هبقي فاهم شغلي واقدر اواجه مشكلات كتيرة وانا مستريح ,, مش احفظ الاوامر وخلصت !! ,, عموما انا شايف كده وممكن اكون غلطان وبصعب الموضوع علي نفسي .. وياريت نصيحتك ..
aloha
12-12-2007, 22:59
علي فكرة يا D.D.T انت قلت كلام زي العسل بس عايز اعادة ترتيب مع شويه تفاصيل اكتر .
يعني انت قلت :
1- ادرس هاردوير وشوف عملية نقل البيانات
2 - ادرس assembly
3 - لغة برمجه high level
4 - ادرس نظام مفتوح المصدر زي لينكس واحاول اعملي توزيعه

هل بقي ,, , الخطوات دي بالترتيب الصحيح ونهائية؟ ... وهل , كمان مرة , مافيش حاجه مثلا ناقصه في النص لازم اعدي عليها ...؟؟


علي فكرة انت مصّعب الموضوع اوي ...!! يعني الكلام ده مش هياخد مني سنه ونصف بالكتير ان شاء الله ,, واحنا ورانا ايه :Big:
aloha
12-12-2007, 23:20
يا جماعة يا جماعة اسمعوا نصيحتى

اولا اياك اياك اياك ثم اياك من التوهان

اتنين مفيش حاجة اسمها فاهم فى كل حاجة او تعرف كل حاجة

عليكم بالتخصص بالتخصص بالتخصص

تاتا تاتا يعنى خطوة خطوة وليك الحق فى اننا نستخدم الفصحة والله مافى احسن منها

انت ممكن بالتخصص تبتكر

اسمع نصيحتى اخوك كان تاية وكان هيضيع نفسة لحد لما لحقت نفسى وانضميت للساسكاوين

من الاخر حدد انت عايز تتخصص فى اية وليك عليا انى اساعدك على اد ما اقدر

نايت سباي !! انا مش تايه علي فكرة ,, انا بس عايز اجيب الموضوع من اوله ... يعني افوت حاجات تكون مش هتفدني ويكون مش مبني عليها حاجات تفيدني ...الموضوع سهل بس مكبرينه علي الفاضي !! :) ,, ده هوا ده عين التخصص يا زعيم ..
D.D.T
14-12-2007, 09:02
رتبها زي ميعجبك ودي طبعا مش كل حاجة بقيت الحاجات انت من نفسك هتعرفها في وقتها


علي فكرة انت مصّعب الموضوع اوي ...!! يعني الكلام ده مش هياخد مني سنه ونصف بالكتير ان شاء الله ,, واحنا ورانا ايه

خلاص اشوفك بعد سنة ونص في نفس الموضوع ومعاك نسخة من نظام التشغيل اللي أخترعتة
aloha
14-12-2007, 15:08
رتبها زي ميعجبك ودي طبعا مش كل حاجة بقيت الحاجات انت من نفسك هتعرفها في وقتها



خلاص اشوفك بعد سنة ونص في نفس الموضوع ومعاك نسخة من نظام التشغيل اللي أخترعتة


LOOOL:Big: