دعوة للنقاش .. المحاضر؟ هل الشهادة تجعلك محاضر أم هي موهبة؟ كيف اكون محاضر؟ [الأرشيف]

Iraq IT

06-01-2008, 21:42

السلام عليكم

مع قرب وصول الكتاب الذي اشتريته من amazon.com واسمه Training for Dummies والذي يعطي ملاحظات ونصائح وطرق عن كيفية ايصال المادة الى الطالب او المتدرب بصورة فعالة والكتاب توصلت لقناعه شرائه بعد مقارنته بـ 5 كتب اخرى لكن رأي الناس اعطته الافضلية.

اليوم احب ان اناقش معكم وظيفة المحاضر، مالها وما عليها؟ هل اي شخص يستطيع ان يصبح محاضر ويكون استاذ قد التشريف الذي حصل له؟ هل هناك صفات للمحاضر ليكون متمكن من المحاضرة؟ هل صوت وشكل المحاضر له تاثير؟ هل العمر والجنس له تأثير؟ والاهم كيف اصبح محاضر؟

هل شهادات Certified Technical Trainer من CompTIA و Microsoft Certified Trainer من Microsoft واخرى من Cisco كافية لتكون محاضر؟ او تحتاج للموهبة؟

بانتظار خبراتكم ورأيكم للفائدة العامة ...

تحياتي
Iraq IT

mohammedsn

06-01-2008, 22:56

اخي المشرف الكريم موضوع جميل و مميز كالعادة
اولا الشرح بالذات موهبة بدليل انك تجد دكتور جامعي لدية شهادات عالية جدا و لا يستطيع ايصال المعلومة
و لكن
الموهبة ليست كل شئ
لابد من ان يتعلم بعض القواعد و يا ريت لو اول شهر يدخل معه واحد يحاول يأخذ عليه ملاحظات و يوجهها له
من الصوت قوي او ضعيف
هل يمزح كثير ام لا
هل طريقة الشرح جيدة
متي يسمح بالمزحة احيانا لتخفف ضغط المحاضرة و متي يكون صارم احيانا باسلوب مهذب جدا حتي لاي فقد وقاره و لا تضييع المحاضرة في تهرييج كما حدثني بعض من يحضر الكورسات
و .. و .... هذه اشياء مكتسبة قد تساعده الكتب في ذلك و قد لا تساعده و ان كنت اري ان تكون عن طريق احد سابق قام بالتدريس افضل

اسلوب الشرح بيفرق جدا ....القرب من المحاضريين .. استخدام اسلوب مرح ( أحيانا) ليخف من وطئة الشرح.. التكرار و السؤال عن حالهم ... محاولة التعود حفظ الاسماء ومنادتهم باسمائهم يقربك منهم
التعود على فهم من اعين المحاضرين ل فهموا ام لا ؟؟؟؟؟؟؟؟؟؟؟؟

كل ده

مكن غير ان ينسي
انه وضع علي عاتقه ان يكون محاضر فلابد من الالمام بالمادة جيد جدا بل بامتياز
اكثر مما كان يذاكره لنفسه لما اخذ الشهادة
يتوقع السؤال في كل كبيرة و صغيرة

يسهر و يركز و يضع همه كيف هذا الجزء الصعب الذي سيقوم بشرحه غدا يوصله للناس باسلوب سهل و بسيط و يجعلهم يحبوا المادة اكتر ..
يعني يجمع بين قوة العلم بالمادة مع بعض التعليمات يكتسبها بالخبرة و بمساعدة محاضرين قبله و ممكن يحاول الاعتماد علي كتاب و الموهبة عامل عالي جدا لا يمكن اغفاله

هذا رايي الشخصي و منتظر معكم راي باقي الأعضاء

Iraq IT

06-01-2008, 23:14

رأي رائع اخي المشرف

لابد من ان يتعلم بعض القواعد و يا ريت لو اول شهر يدخل معه واحد يحاول يأخذ عليه ملاحظات و يوجهها له من الصوت قوي او ضعيف

انا اول شخص اقوم بهذا العمل امام المراية سواء للتحضير لمقابلة او مناقشة او اجتماع وصحيح كلامك بان يقوم شخص او صديق بتقيم صوتك وحركات جسمك لانها تشكل اكثر 70% من الاتصال الفعال.

متي يسمح بالمزحة احيانا لتخفف ضغط المحاضرة و متي يكون صارم احيانا باسلوب مهذب جدا حتي لاي فقد وقاره و لا تضييع المحاضرة في تهرييج كما حدثني بعض من يحضر الكورسات

هل انت مع المزاح الدائم طول المحاضرة ام فقط بالبداية؟

محاولة التعود حفظ الاسماء ومنادتهم باسمائهم يقربك منهم

انه وضع علي عاتقه ان يكون محاضر فلابد من الالمام بالمادة جيد جدا بل بامتياز اكثر مما كان يذاكره لنفسه لما اخذ الشهادة يتوقع السؤال في كل كبيرة و صغيرة

يعني يجمع بين قوة العلم بالمادة مع بعض التعليمات يكتسبها بالخبرة و بمساعدة محاضرين قبله و ممكن يحاول الاعتماد علي كتاب و الموهبة عامل عالي جدا لا يمكن اغفاله

ملاحظات قيمة جدا" ...

mohammedsn

06-01-2008, 23:43

المزاح الدائم ؟؟؟؟؟؟؟؟؟؟؟؟
لا طبعا
هذا سيضيع قيمة المحاضرة و كمان سيفقد الفارق و الخط الاحمر الذي لابد ان يظل بين الذي يقوم بإلقاء المحاضرة و المحاضرين
و لكن لا مانع في وسط المحاضرة من استخدام كلمة او اتنين خفيفة الظل فقط حتي يخرج الطالب من الشد العصبي و تسهيل الامر أمامه
و لكن لابد ان تكون بذكاء متي و اين يقوم بها

أذكر مرة أني شغلت الجهاز و حاولت ان أدخل عليه كونسل للروتر و لم يعمل ثم التفت لللروتر ووجدته مغلق
يعني فحاولت باسلوب مرح ان اقول انه عيب خطير عن سيسكو ان لو الجهاز مش واصل اليه كهربا مش ممكن يشتغل
في المحاضرة التي تليها كنت سالقي بعض المحاضرة و كان معي شتب يتدرب ليشرح فيما بعد فقال لي سؤال عجيب
هو انت مش هتفصل الكهربا علشان تقول ان من عيوب سيسكو انها مش بشتغل لو الكهربا مش موجودة
قولتله لاء مش كده
لا تفتعل الموقف ؟ حتي لا تفقد قيمتك مام الطلبة لو جاء موقف ممكن يستحق ان تعلق خلاص و الا فالأصل اننا ندخل للشرح لا للمزحة
و إن كان اتعرف عني اني المحاضرة بتاعتي احيانا تكون لطيفة لاي في وسط المحاضرة احاول أن ادخل كلمة أو اتنين للنخفيف من وطئة المحاضرة ... و إن كنت لسة مش متعود في الفيديو هههههههههه

أخيرا أؤؤكد اخي المشرف العزيز
انا ضد المحاضر اللي المحاضرة بتاعته بتنقلب ضحك و تهريج علي طول و نصها في الحديث علي مبارة كرة القدم و ماشاكل من وقت المحاضرة
الطلبة او المحاضرين هذه كلمة الطف دفعوا مال و لعله يكون مبلغا كبيرا لكي يحصلوا علي مادة علمية لا ليشاهدوا فيلما كوميديا
فيجب اخذ ذلك في عين الاعتبار

طباعا مش ينفع ان اشارك ببعض نصائح قابلتني و معنا المشرف الكبير عراق it يعلمنا مما تعلمه من الكتب التي حصل عليها
فانتظر مع اخواني مشاركاته المميزة

mohammedsn

06-01-2008, 23:50

طبعا مما يزيد مهارة الانستركتور بعض اشياء
اعتقد من اهمها ورقة لابد ان تقدم في نهاية كل كورس و هي استبيان عن حالة الكورس
انا بؤؤكد علي الطلبة اني لن اخذ الورقة بيضاء ابدا و لابد ان تكتب اهم الايجابيات و اهم السلبيات او احدهما علي الاقل
قد لا يكون عندي شئ لم اخذ بالي منه ضايق الطلبة مني و قد يكون هناك شئ بسيط نال اعجاب الطلبة فاكثر منه
لانهم هم الهدف الاعلي من وراء الكورس
و مهما تم هذا الكورس على خير أو علي خير ههههههههه فانا اريد الذي بعده افضل منه و ان تجنب السلبيات التي توجه الي
و هذه السلبيات لا تجعل المحاضر يغضب تجاه

يمكن هناك ملاحظات لكن بعد الاستماع على راي اخواننا الاعضاء و مشرفنا العزيز يمكن كلامهم يكفي و يفيض و هو العهد بهم

Iraq IT

06-01-2008, 23:59

أذكر مرة أني شغلت الجهاز و حاولت ان أدخل عليه كونسل للروتر و لم يعمل ثم التفت لللروتر ووجدته مغلق يعني فحاولت باسلوب مرح ان اقول انه عيب خطير عن سيسكو ان لو الجهاز مش واصل اليه كهربا مش ممكن يشتغل

هههههه LooL:DLooL ياعم ضحكتنا والله

انا ضد المحاضر اللي المحاضرة بتاعته بتنقلب ضحك و تهريج علي طول و نصها في الحديث علي مبارة كرة القدم و ماشاكل من وقت المحاضرة الطلبة او المحاضرين هذه كلمة الطف دفعوا مال و لعله يكون مبلغا كبيرا لكي يحصلوا علي مادة علمية لا ليشاهدوا فيلما كوميديا

انا معك بان تكون المحاضرة تحتوي على اساليب ذكية تجعل روح المزاح موجودة حتى نجعل الطلاب بتركيز كامل مع المحاضرة لان التدريس المتواصل الروتيني يجلب الملل والنعاس لذا المحاضر عليه اختيار الوقت المناسب.

طبعا مش ينفع ان اشارك ببعض نصائح قابلتني و معنا المشرف الكبير عراق it يعلمنا مما تعلمه من الكتب التي حصل عليها فانتظر مع اخواني مشاركاته المميزة

انا لسا محاضر مبتدى وخبرتي ساشاركها بالتأكيد والمهم ان نعلم ان الكل سيكون محاضر يوم ما لاننا نساعد بعضنا البعض لهذا يجب علينا الالمام باسلوب ايصال المادة ونشارك الاراء حتى نفعل دور المحاضر العربي وميسيطرون الهنود علينا :D.

Iraq IT

07-01-2008, 00:06

اعتقد من اهمها ورقة لابد ان تقدم في نهاية كل كورس و هي استبيان عن حالة الكورس انا بؤؤكد علي الطلبة اني لن اخذ الورقة بيضاء ابدا و لابد ان تكتب اهم الايجابيات و اهم السلبيات

و هذه السلبيات لا تجعل المحاضر يغضب تجاه

انا دائما اكتب السلبيات بورقة الاستبيان لانها مهمة لتطوير التدريب للمركز والمحاضر.

يمكن هناك ملاحظات لكن بعد الاستماع على راي اخواننا الاعضاء و مشرفنا العزيز يمكن كلامهم يكفي و يفيض و هو العهد بهم

نعم بانتظار رأي بقية الاعضاء ...

بالمناسبة ماهو رأيك بشهادة MCT و CTT ؟ هل الشهادة ضرورية للمحاضر او هي شكلية ؟

ahmedhalo

07-01-2008, 07:27

لا انا شخصيا شايفها شهادة شكليه وان موضوع التدريب دة وكيفية توصيلة للمعلومة وتمكنة من المنهج ولباقتة وقوة شخصية واكيد يكون عندة موهبة في توصيل المعلومة على حسب الي بيشرحلهم وظروفهم وانة يكون بالة طويل وصبور ويجاوب على اي سؤال مهما كان الشهادة دي معظم الناس بتخدها لتقوية السي في فقط او ان يكون معاهم شهادات كتير لكن انا رايي الواحد ياخد الشهادة في الوقت الي يكون ادى او شرح كورس او كورسين
او اكتر لو ثبت كفاءة وشاف انه موهوب في توصيل المعلومة والناس اقتنعت بيه وشكرت فيه فهو يكون مؤهل انه ياخد الشهادة دي علشان يطور نفسة اكتر ويعرف حاجات مكنش يعرفها في كيفية الشرح ومهارات توصيل المعلومة وكيفية استخدام الاجهزة الخ واتمنى ليكم التوفيق

Iraq IT

07-01-2008, 12:55

mohammedsn

07-01-2008, 15:49

بيني و بينك انا شايف ان الضشهادة ده شكلية و ما لهاش علاقة خالص بكفائة المحاضر
طيب
حكاية انه يفشل من اول محاضرة ؟؟؟؟؟؟؟؟
بص الفشل ده حجاة نسبية لكن مش يتوقع انه من اول محاضرة يبقي المحاضر الاول في العالم
يعني لازم يكون عنده بعض الاخطاء
ممكن يتلخبط او بقي يحس بخوف كتير او مش عارف بقي ركبة تخبط في بعض ههههههههههههههههه
عادي بقي
المشكلة الاكبر انه ممكن يتلجلج اول او تاني مرة لو جاله سؤال مفاجئ مش يعرف يرد
علشان كده برشح انه اول محاضرتين او تلاتة اول ممكن اول كورس يكون معاه محاضر قديم
حتي لو اتلخبط ممكن يساله باسلوب شيك هو انت ايه رايك في كذا

طبعا مهما حصل اياه يجاوب علي سؤال مش عارف اجابته فيجاوب غلط
يخرج من السؤال ده بكذا طريقة
طيب ممكن نخلينا حاليا في الجزء ده علشان متصل و نخلي اجابة الاسئلة ده اول الكورس الجاي و مش ينام غير لما يلاقي اجابة بتاعته
او يخرج بطريقة تانية انه يخلي جزء كامل للاجابة عن الاسئلة في محاضرة
او انه يكون بيسال عن حاجة قدام في المنهج و هو لسة مش محضرها كويس يقوله لما يجي قتها
لكن المهم اوعي يجاوب عن سؤال مش متاكد منه و بعد كده يطلع شكله وحش قدام الطلبة
لان لابد ان يكون الانستركتور محل ثقة امام الطلبة
حتي لو قال معرفش و هادور عليها المرة الجاية
انا بحاول اعلم المحاضرين (او اللي بيحضروا الكورس يعني مش عايز اقول الطلبة علشان يعني هما من سني و اكبر كمان احيانا)
بحاول اعلمهم اني اللي مش يعرف اي حاجة يقول معرفش و مش يفتي
علشان كده في نظام امريكي للاجابة ان اللي يجاوب غلط السؤال يتحسب بالسالب و يضيع واحد صح
علشان نتعود اما نجاوب صح او نقول مش عارفين
()الحمد لله انه مش بيطبق خلينا نخلص الامتحانات اللي ناقصة لينا علي خير هههههههههههههه)

المهم انه لو اهتز او حصل اي حاجة نسي يقول حاجة كان محضرها اتلخبط كل ده مش مشكلة
مع اثقال التدريب و اكتساب الثقة في النفس كل ده ممكن يتعالج و يقدر يربي مهارته
عارف يا استاذ عراق it بالرغم من التعب و التحضير و .. و اللي ممكن يحصل للمدرب او المحاضر او اللي بيدرس الكورس
علي قد فرحته يوم ما يستلم الاستبيان و الناس بتشكر فيه
و تلاقي الناس جاية تسلم عليه و تقوله هتوحشنا و واحد او اتنين يصمم انه ياخدك بالحضن ده لوحدها فرحتها تنسيك الدنيا
كفاية ان الكورس ده بالذات هتعرف كل خباياه فما مش تستخسر فيه اي تعب و مجهود
صدقني مش هتتساوي ابدا انت و اللي اخدته

amna_ali

07-01-2008, 18:32

انا بحاول اعلم المحاضرين (او اللي بيحضروا الكورس يعني مش عايز اقول الطلبة علشان يعني هما من سني و اكبر كمان احيانا)
بحاول اعلمهم اني اللي مش يعرف اي حاجة يقول معرفش و مش يفتي

فعلا يا استاذ محمد دي نقطة مهمة الطلبة بتفقد الثقة في الاستاذ اللي بيجاوب غلط مش اللي بيقول مش عارف انا سألت استاذي في الجامعة قبل كده كذا سؤال و قال لي لا اعرف و لكني سابحث لك عن الاجابة او دعينا نجرب هذا عمليا و نرى ما سيحصل و كان دائما يفي بوعده و يبحث عن الاجابة و ياتي بها لذلك اثق باجاباته اكثر من اي استاذ اخر لاني اعلم انه لا يختلق الاجابات و لا يدعي معرفة ما يجهله

Iraq IT

07-01-2008, 18:37

الله عليك يا استاذ محمد ... متى تالف كتاب لنا عن التدريس !Clap

المشكلة الاكبر انه ممكن يتلجلج اول او تاني مرة لو جاله سؤال مفاجئ مش يعرف يرد علشان كده برشح انه اول محاضرتين او تلاتة اول ممكن اول كورس يكون معاه محاضر قديم حتي لو اتلخبط ممكن يساله باسلوب شيك هو انت ايه رايك في كذا

ملاحظة ممتازة لكن ماذا اذا سئلك احد سؤال لاتعرفه ويريد الاجابة مباشرة؟ انا اعمل هكذا بالمحاضر فقط لاختبر كيفية تقبله للسؤال وهل سيعصب اذا الححت بالسؤال؟

لكن المهم اوعي يجاوب عن سؤال مش متاكد منه و بعد كده يطلع شكله وحش قدام الطلبة

بحاول اعلمهم اني اللي مش يعرف اي حاجة يقول معرفش و مش يفتي

نعم اتفق معك وقوله تعالى " وما اوتيتم من العلم الا قليلا "

اللي ممكن يحصل للمدرب او المحاضر او اللي بيدرس الكورس علي قد فرحته يوم ما يستلم الاستبيان و الناس بتشكر فيه

لكن ممكن ان يكون الكروب من شركة او جامعة يتفقون على اعطاء المحاضر اسوء درجة فهل ورقة الاستبيان هي المقياس؟

تحياتي

Iraq IT

07-01-2008, 18:40

فعلا يا استاذ محمد دي نقطة مهمة الطلبة بتفقد الثقة في الاستاذ اللي بيجاوب غلط مش اللي بيقول مش عارف انا سألت استاذي في الجامعة قبل كده كذا سؤال و قال لي لا اعرف و لكني سابحث لك عن الاجابة او دعينا نجرب هذا عمليا و نرى ما سيحصل و كان دائما يفي بوعده و يبحث عن الاجابة و ياتي بها لذلك اثق باجاباته اكثر من اي استاذ اخر لاني اعلم انه لا يختلق الاجابات و لا يدعي معرفة ما يجهله

طيب اخت امنة، الا تعتقدي انها نقطة ضعف ايضا"؟

نفرض اني نسيت شي بسيط وسئلني عليه احد الطلاب، هل اقول نسيت او سابحث لك؟ السؤال بسيط لكني نسيت Con:

amna_ali

07-01-2008, 18:58

لا اعتقد انها نقطة ضعف لاننا كلنا نعلم ان الكمال لله وحده و اذا نسيت شيئا من الممكن ان تقول انك لا تتذكر الاجابة بالضبط الان و لكنك ستتاكد منها و تجيب عليه بعد البريك او بعد انتهاء الحصة او في الحصة القادمة المهم ان تفي بوعدك و تاتي بالاجابة
طبعا على المحاضر ان يحضر جيدا لمحاضرته لان كثرة الاجابة بلا اعرف تهز صورة المحاضر امام الطلبة

mohammedsn

07-01-2008, 20:41

طيب اخت امنة، الا تعتقدي انها نقطة ضعف ايضا"؟

نفرض اني نسيت شي بسيط وسئلني عليه احد الطلاب، هل اقول نسيت او سابحث لك؟ السؤال بسيط لكني نسيت Con:
نقطة ضعف ؟؟؟؟؟؟؟؟؟
انا لا اريد ان اقول لك انها نقطة قوة
أولا لا يستطيع ان يقول ذلك الا محاضر واثق من نفسه جدا

و أن الانسان ينسي ده شئ اي حد معرض له باسلوب بسيط جدا ممكن تخبره انها تاهت عنك الىن و انت لا تريد ان تعطيه اي اجابة الا اجابة شافية ووافية
و يا ريت ما تنساش سؤالك و تكرره لي المرة القادمة و أوعدك بإجابة وافية جدا

mohammedsn

07-01-2008, 20:52

لكن ممكن ان يكون الكروب من شركة او جامعة يتفقون على اعطاء المحاضر اسوء درجة فهل ورقة الاستبيان هي المقياس؟

تحياتي

أخي هذا ما اعرفه الا في الأفلام البوليسية فقط :D

هل من المعقول انك تتعب نفسك جدا من أجل مجموعة و تحاول تراجع معهم و تشتغل معهم عملي و تبذل جهدا كبيرا معهم
و بعد ذلك يكتبوا فيك كلام سئ
هل تعتقد ذلك

انا شخصيا لا اعتقد و لم اره و لا تمني
نعم ممكن تجد من طالب او اثنين اعتراض علي حاجة معينة فيك
اول حاجة تراجع نفسك في النقط ده كويس مش تتهم الآخرين انهم مش عجبهم اسلوبك
بعد كده ما تقلقش اوي المهم الاغلبية بيقولوا ايه و لو فيهم واحد قال عيوب كتير يبقي حلو انه قالها حتي لو كان فيها مبالغة لكن هيلفت نظرك لحاجة انت كنت بتعملها ممكن تكون مش عجبت البعض و استحي يقولك
عارف احيانا بسال بعدها و اقول طالب معي او زميل لي حضر لي مرة انت تري اني بعمل كده و الناس فعلا ممكن تتضايق

اخي احنا في الاول و الآخر بشر فلاازم تعرف حاجتين
1- استحالة مش يكون عندك اخطاء فلابد تتعلم من من انتقاد لا اقول طالب حضر لك بل حتي اشخاص يكرهونك
2-اوع ابدا هذه الاشياء تنقص من ثقتك بنفسك او انك علي ما يرام انت تعرف نفسك و تعبك و جهدك
صدقني اخر يوم في الكورس ده يوم جميل جدا
-----------------------------

بل انا ذهبت الي شركة تدريب قريبا و قلت لهم لابد من عمل ورقة استبيانى تشمل كل شئ لاني لم اجد هذه الورقة عندهم
و قلت لهم لانه ببساطة لو احد أخذ كورس موبايل وحش هيسؤ سمعة الشركة كلها و لو أحد طلب انه ياخد كورس نتورك مثلا في هذه الشركة يقولوا لاء المحاضرين فيها ليسوا علي المستوي المطلوب
و قولتلهم و لو انا كده بقولكم لو جه في تقرير سيئ يعني معناه اني مع السلامة
ربنا يستر علي بقي هههههههههههههه

2M-LOvers

08-01-2008, 04:46

بالنسبه للمحاضر الجيد ليها صفات عديده جدا مهم ان توجد فيه وتتوافق مع اى شخص يحضر له مهما كان علمه او شخصيته القويه فى الحياه العامه...

انا هقول بعض الصفات وبعض الخبرات العمليه من الحياه الواقعيه

اولا الصفات:
=======
1- اهم شيىء الآخلاق داخل المحاضره واحترام الطالب جدا يجعله يحبك تلقائيا

2- الذكاء الشديد داخل المحاضره ( ذكاء بينك وبين الطلبه ولا اقصد ذكاء علمى ومعرفه )

3-بناء علاقه بينه وبين الطلبه او بعضهم وهيكسب من وراها الكثير واضعف الايمان هو حصولك على سمعه طيبه بينهم وثقتهم بيك وافضل شيىء تحصل عليه من علاقتك بيهم انهم لو امامهم فرصه عظيمه ليك هيبلغوك اول واحد والكلام ده ملموس عمليا ولبس كلام من كتب

4-ولاتنسى البدء بإسم الله وان كان فى سرك حتى يعينك ويوفقك فى كل كلمه ويذكرك دائما بما تنساه

5- إلمامك الجيد بالماده وتطبيخ المعلومات بعقليتك انت وترويض المعلومات باسلوبك الخاص حتى تكون مميز
ولا تقول المعلومه كما قرأتها او كما سمعتها من محاضرات فديو فهذا لا يكسبك خبره كثيرا فأنت ليس الا ناقل فقط لهم كالرسايل من ... وإلى

الخبرات العمليه داخل المعمل:
=================
1-اول شيىء دخولك المعملو احساسك بالطلبه من عيونهم وقت التعارف فوقتها هتعرف مين متلهف لسماع المعلومه ومين داخل مش فارق معاه الكلام ده

2- عدم مقابله عينك دائما بأى طالب يحاول هز ثقتك بنفسك باى طريقه ما

3-عدم الالتفات كثيرا لهذه النوعيه من هؤلاء الطلبه الذين يتربصون وهذا سهل معرفته من خلال علاقتك وذكائك بهم

4- دائما حضر أسئله للطلبه قويه وفى نفس الوقت فى المضمون فهذه تكسيبك شيئين:
I-ثقتك بنفسك وزياده قدرك امامهم علميا وشخصيا
II- تحجيمهم فى مكانهم ومعرفتهم قدرهم امامك حتى لو بالحب فهذا يعمل انعاكس داخلى انهم ليسوا على المستوى الذى يجعلهم يقيموك فى عقولهم ويعملو لك سمعه طيبه بان خبرتك العمليه عاليه جدا وأسئلتك من الحياه الواقعيه للعمل وليس روتنيى

5-عدم اتهام أحد منهم بالخطأ وان كان أخطأ فهذا يسبب له الاحراج والمضايقه منك دائما لان الهجوم ليست وسيله للاتصال بين الاخرين ولو أخطأ فقول له نسمع كلنا الحل الامثل ولا تقول نسمع الحل الصحيح
فدائما فهمهم ان حل الطالب هذا حل ينفع ولكن هناك حل افضل من حيث اداء العمل فيه

6-ملاحظتك دائما اللمتربيصين وهذه حقيقه انهم يتفقون بعض الطلبه على شيئين:
I- الاجتماع على هز ثقتك بنفسك عن طريق الاسئله المتكرره والتى خارج المنهج دائما وتقيمك على هذا الاساس فى التقييم النهائى
II- يسئلوك دائما أسئله كانوا سمعوها من قبل من أحد الاساتذه الواثقين فيهم او قرؤها من الانترنت ويختبروك بها وانت لاتعلم وهذا يوضح من نظرات عينهم لبعض وقت اجابتك إما بالسلب او بالايجاب

7- إذا جاوبت أى سوال غلط لاحد وردك وقال لك انى سمعته بهذه الطريقه ويتناقش معك فهم وقتها يحبونك وواثقين فيك ولا تقلق والعكس اذا سكتوا واحسست منهم بالاحراج وعدم المناقشه لك

اتمنى ان اكون قد وضعت فيما تذكرت فى هذه المسائل لخبرتى العمليه التى تتجاوز ال 3 سنوات حتى الان ونتمنى من الجميع التوفيق فى كل شيىء

اخوكم فى الله المهندس محمد

Sh@rk

08-01-2008, 16:24

و الله يا ريت الاساتذة في المدرسة بيسمعوا لنصائحك اخي محمد, فلو ناقشت بعض الاساتذة في مسألة كما قلت, و قلت انني سمعتها هكذا او هكذا يبدأ يصرخ من هو هذا او ذاك, او انا اريد هذا الجواب ولا اقبل غيره و يلتف حول الموضوع بطريقة خبيثة و يشغل الجميع بقضية اخرى

بالنسبة اليك اخي عراق, اعتقد ان الموهبة و الشهادة مطلوبتان معا, و ان كانت المهارة في مواقف افضل من الشهادة في مواقف و العكس, فلا الموهبة دون المعلومات تفيد, و لا المعلومات بدون الموهبة و الخبرة تنفع

Iraq IT

08-01-2008, 16:38

اتمنى ان اكون قد وضعت فيما تذكرت فى هذه المسائل لخبرتى العمليه التى تتجاوز ال 3 سنوات حتى الان ونتمنى من الجميع التوفيق فى كل شيىء

اخوكم فى الله المهندس محمد

بارك الله فيك استاذ محمد على النصائح القيمة ...

دائما حضر أسئله للطلبه قويه وفى نفس الوقت فى المضمون

فكرة جميلة بتحضير اسئلة صعبه للطلبة ...

عدم مقابله عينك دائما بأى طالب يحاول هز ثقتك بنفسك باى طريقه ما

الـ Eye Contact مطلوبة باي اتصال فعال ومع اي شخص وليس فقط المحاضر ...

الاجتماع على هز ثقتك بنفسك عن طريق الاسئله المتكرره والتى خارج المنهج دائما وتقيمك على هذا الاساس فى التقييم النهائى

ماهي نصيحتك على هكذا مواقف تضع المحاضر تحت الضغط والاحراج؟

بناء علاقه بينه وبين الطلبه او بعضهم وهيكسب من وراها الكثير واضعف الايمان هو حصولك على سمعه طيبه بينهم وثقتهم بيك

هل تنصح بالخروج عن سياق الموضوع ومساعدتهم في امور اخرى مهمة؟ يعني انا لدي مثلا" خبرة بالادارة والتوظيف فهل اقدم لهم مساعدة او اتبرع بمساعدتهم في اي وقت حتى اكسب ثقتهم للعلم ان المحاضرة مثلا" CCNA؟

2M-LOvers

08-01-2008, 20:13

2M-LOvers

08-01-2008, 20:25

بارك الله فيك استاذ محمد على النصائح القيمة ...

فكرة جميلة بتحضير اسئلة صعبه للطلبة ...

الـ Eye Contact مطلوبة باي اتصال فعال ومع اي شخص وليس فقط المحاضر ...

ماهي نصيحتك على هكذا مواقف تضع المحاضر تحت الضغط والاحراج؟

هل تنصح بالخروج عن سياق الموضوع ومساعدتهم في امور اخرى مهمة؟ يعني انا لدي مثلا" خبرة بالادارة والتوظيف فهل اقدم لهم مساعدة او اتبرع بمساعدتهم في اي وقت حتى اكسب ثقتهم للعلم ان المحاضرة مثلا" CCNA؟

انا فى البدايه اشكرك جدا جدا اخى عراق وبحترم مواضعيك جدا لكونها تحمل معانى علميه كبيره ومفيده فى الوقت نفسه وتتصف بالبساطه ايضا فهذا اعجابى الخاص بك ......

من جهة الاسئله اللى حضرتك طرحتها او حبيت تاخد رأيى فى مشاركتى فهناك بعض الامور :

بالنسبه للاسئله التى خارج الموضوع او المنهج او حسيت منهم انها هتسببلك مشكله شكليه اماهم فهناك حلين ...
إما أن تأجل الاسئله للبريك او الراحه ووقتها اقعدوا دردشوا سوا وهيه فكره كويسه بينك وبينهم
أو لا تداخل فى اسئله وحاول انك تفهمم ان الاسئله لما مانع من الاجابه عليها ولكن انها خارج الموضوع اولا وثانينا هتأثر على وقت الكورس نفسه فهذا اداره السنتر ترفضه وهكذا

وهكذا الاجابه اذا حبيت ان تخرج عن سياق الموضوع وفى حدود لا تتعدى 5 دقائق لامانع اذا كان هناك علاقه طيبه بينكم والسوال لا يستغرق وقت طويل فهى خطوه جميله ايضا لانهم واثقين دائما فى رأيك فى اى كورس اخر او فى اى موضوع قابلهم عموما فلا تصدهم فى حدود المعقول
ولو تكلمت عن التوظيف وهكذا دخل الموضوع فى سايق الكورس ايضا وخليك ذكى بمعنى..
ان مثلا التوظيف حاليا بيحتاج CCNA ولكن اكتر حاجه ركز عليها فى الكورس ده كذا وكذا لانهم مهمين جدا فى العمل فى الواقع العملى وان هناك مقابلات شخصيه تسأل فى هذه الجزئيه كتير فهتلاقيهم انتبهوا بلا اراده لك لتحفيزهم الداخلى للعمل ايضا وليس ككورس فقط

وانا تحت امركم فى اى استفسار وجزاكم الله خير على هذا الموضوع الرائع و المفيد

محمـــ شـــوقى ـــــــد

Iraq IT

09-01-2008, 11:02

انا فى البدايه اشكرك جدا جدا اخى عراق وبحترم مواضعيك جدا لكونها تحمل معانى علميه كبيره ومفيده فى الوقت نفسه وتتصف بالبساطه ايضا فهذا اعجابى الخاص بك

يا اخي انا اللي احترمك على نصائحك الغالية ولا ادري لماذا كثير من الخبراء بالمنتدى لايظهرون الا بالمناسبات؟

لدي بعض الاسئلة لك:-

1 - كيف تتعامل مع درس فشلت في تطبيقه؟ يعني درس على الـ DNS Server وعند عمل الفحص Test لم يعمل وضحك بعض الطلاب وبدأ الاستهزاء الضمني ؟ هل تكمل الفحص الى اشعار اخر ام تتوقف؟

2 - هل انت مع الـ Presentation او القراءة من الكتاب أو حفظ درس المحاضرة ولماذا؟

شكرا" مقدما" ...

mohammedsn

09-01-2008, 14:50

لدي بعض الاسئلة لك:-

1 - كيف تتعامل مع درس فشلت في تطبيقه؟ يعني درس على الـ DNS Server وعند عمل الفحص Test لم يعمل وضحك بعض الطلاب وبدأ الاستهزاء الضمني ؟ هل تكمل الفحص الى اشعار اخر ام تتوقف؟

2 - هل انت مع الـ Presentation او القراءة من الكتاب أو حفظ درس المحاضرة ولماذا؟

شكرا" مقدما" ...

بداية : انا اسف لو اني جاوبت علي سؤال ليس موجها لي

أولا لو كنت بتشتغل جزء لاب و حدث مشكلة
ففي شوية أشياء لابد أن تعتني بها
1- أصلا المفروض أنك اشتغلت اللاب ده قبل ما الطلبة يجوا النهاردة خصوصا لو أنك اول أو حتي تاني مرة تدرس الكورس ده للتاكد من أنك تجيده جيدا و أن هذا لن يحدث
2- طيب فرضا لو أنك بدأت تشتغل الكورس و حدثت مشكلة
ا- اول حاجة لابد أن تكون واثق من نفسك جدا فأنت اشتغلتها اكثر من مرة و أنك إن شاء الله قادر أن تحلها
قدامك طريقين لو أنك متملك من نفسك
تقولهم طيب ده شئ جميل أن حصلت المشكلة ده لانه اسهل حاجة أنك تكون بعمل شئ مكتوب في الكتاب و لكن الاصعب انك تعمل troubleshooting و تحاول تتبع المشكلة
انا بقولهم طيب انا لو منكم دلوقتي لابد ان اركز كويس جدا في كل حاجة بيعملها الانستركتور و ايه هي طرق الي بيحاول يعملها ليكتشف الخطأ و يحاول علاجه
و انت باذن الله واثق انه شئ سهل و هتقدر تحله
ب : طيب انت خايف انك تقول كده و متقدرش تحل المشكلة :
طيب يا جماعة نحاول نعمل التجربة من الأول ممكن بس مشكلة صغيرة حصلت و ماتحاولش تعالج و تخلي كل الناس تتابعك لو انت ما أصبحتش متمرس للدرجة ديت
حتي لو ما اشتغلتش توعدهم انك تعمل الاب ده ليهم المرة اللي الجاية و تدرس ايه المشكلة اللي حصلت كويس
في الحالة ده قبل ميعاد الكورس بحوالي ساعتين علي الاقل قاعد في اللاب تحاول تعرف المشكلة من ايه و ايه كيفيه علاجها علشان تشرح لهم هذا الجزء بالضبط

ثانيا
بالنسبة للشرح انا بفضل الشرح يكون باستخدام presentation بس مش الاعتما الكلي عليها
يعني بس علشان هي فيها الرسومات بطريقة جيدة و الصور التوضيحية هتمون اكيد افضل مني ثم أقوم أنا بالشرح بالقلم علي الصورة او اوقف ال data show و أبدأ اشرح

طيب ليه الاعتماد علي ال presentation أولا أنا قولتلك حكاية الصور ده
2- غير انها بتذكرك برؤس المواضيع فانت تكون متاكد انك مش نسيت حاجة و انت بتشرح
3- ليه الشركات الكبري زي مايكروسوفت و سيسكو و ... بيعملوا بوربوينت
علشان يتاكد ان الانستركتور و هو بيشرح منها شرح المنهج كاملا بمستوي عالي من خلال انه لازم يقسر كل slide ايه اللي موجود فيه
لذلك ينصح يعني ان الانستركتور يجيب كتاب ال student guide اللي بيقدم للانستركتور لشرح كل slide و أنا بيني و بينك ساعات بحب اذاكر منه اكتر من الكتاب الاصلي فطريقة الشرح فيه ممتعة بيني و بينك و ممكن كمان تلاقي فيه معلومات اكتر
4- ممكن لو ان الطالب حصل عليها و أنت بقي عارف إزاي تدله يجيبها من فين من غير ما تدهاله لإن السنتر مش هيسمح أنك تدهاله أو لو وافقوا بيقي خير
وجود ال slide ده مع الطلبة ده بتبقي مراجعة جميلة جدا و مركزة علي الكورس

Iraq IT

09-01-2008, 15:14

بداية : انا اسف لو اني جاوبت علي سؤال ليس موجها لي

الموضوع هو دعوة للنقاش والكل يشارك لاي سؤال او ملاحظة فلا داعي للاعتذار استاذ محمد ...

حتي لو ما اشتغلتش توعدهم انك تعمل الاب ده ليهم المرة اللي الجاية و تدرس ايه المشكلة اللي حصلت كويس

نعم الاحظ اكثر المحاضرين يقوم بتاجيل عمل الـ Lab الى المحاضرة اللاحقة لمعرفة الخلل وممكن ان نكون اذكياء كما تفضلت وجعل المشكلة عامة بمشاركة الجميع لحلها ويكون درس مفيد للكل حتى لو لم تتم حل المشكلة بنفس المحاضرة لكن على الاقل تم عمل درس جماعي ...

ماهو سلاحك الفعال لجعل المحاضرة ممتعه؟ ممكن تكون هذه اسرار المهنة فانت حر بالاجابة؟

mohammedsn

09-01-2008, 15:52

ماهو سلاحك الفعال لجعل المحاضرة ممتعه؟ ممكن تكون هذه اسرار المهنة فانت حر بالاجابة؟
أسرار مهنةهههههههههه طيب تدفع كام و أقولهالك :D
أخي المشرف العزيز احنا هنا كلنا أخوات و انا مش بحب اي احد يخبي معلومة عن الناس فما بالك باخواته

حتي تكون المحاضرة ممتعة لابد من بضع شوية نقاط
1- طبعا اولا احنا متفقين انك ملم بالمنهج كويس جدا
لكن انا عايزك بعد ما تكون متاكد من المادة العلمية كويس تحاول تفكر ازاي اوصل المعلومة باسلوب بسيط جدا من غير ما يحسوا ان المحاضرة صعبة
يعني انا ساعات اخرج عن ال slide خالص علشان اوصلهم المعلومة بطريقة كويسة و سهلة
يعني مثلا ال accesslist اول مرة افرض انت عايز تجيب حد يحرس ليك الفيلا اللي ان شاء الله هاتشرتيها وسط الرخص الي احنا فيها ده و بعد كده تعاقد مع شركة امن لتحرس ليك الفيلا ديت
ايه الاسئلة اللي ممكت يوجهها الامن لصاحب الفيلا هل المطلوب مني ان اسمح أو امنع و المفروض فين المكان اللي اقف فيه بالضبط و هل المفروض بعد ما اتفقت اني خلاص هامنع و هاقف علي الاوضة ديت هل المفروض اني امنع الناس اللي جوه انهم يخرجوا يعني لو أنت حابسس حد نثلا عليه فلوس هههههههههه و لا تمنع اللي برة أنهم يدخلوا
طيب هي ده نفس اسئلة ال accesslist لل router ايه هي ال condition و المفروض يكون علي اني انترفيس و فين الاتجاه بتاعه
طريقة الربط ده تخليه مش ينسي المعلومة ابدا بالرغم اني في الاخر وصلت لنفس المعلومات اللي كنت هاتقولها بس بالطريقة ديت وصلتها بطريقة سهلة مش هينسوها ابدا
لان كل واحد فيهم نفسه يشتري فيلا LooLLooL
فاقعد فكر ايه الطريقة اللي هاوصلهم المعلومة ديت بيها و مش ينسوها
2- ممكن تقول اسلوب الابهار أو بلاش الكلمة ديت ممكن نقول محاولة قوية من بداية الكورس بكسب ثقة الطلبة جدا من خلال شهاداتك و ثقتك في نفسك و أنت تشرح

تعرف ساعات لما حد يسالني عن حاجة لسة جاية قدام في المنهج و انا مش عايز أخرج عن الموضوع أقوله:
ياااه يعني لازم تحرجني كده في وسط الطلبة و تعرفهم اني مش عارف اجاوب طيب شكلي ايه كده في وسطهم
قولي السؤال ده بعد محاضرتين لما نبقي نشرح الموضوع ده اكون زاكرته و ارد عليك هههههههههه
ما اقدرش اعمل كده غير لما أكون واثق ان الطلبة اللي معاي واثقين في و عارفين اني أمزح و اني مصمم اني لا أخرج عن الموضوع حتي لا اشتت الجميع و لعلي اول مرة استخدم العبارة ديت بنبهم
يا جماعة الاسئلة الجانبية جدا و اللي لسة هتتشرح بعد كده لو جاوبت عليها وسط الشرح لشتت باقي الطلبة و مش فهموا و ضاع منهم راس الموضوع و الطالب اللي سال نفسه مش هيقدر يفهم كويس لانه اخذ جزء من موضوع و أجابتي بس ليه علشان اثبت لنفسي اني عارف اجاوب و ده حاجة انا واثق منها
3-جميل جدا انك تحاول جاهدا أن تحفظ اسمائهم و لو في تدعوهم للنقاش باسمه ده يخليه يحس انك قريب منه جدا
4- محاولة ان تدخل علي الاقل كل مرة اسلوب مرح و لو لمد قليلة في وسط الشرح حتي يحب الناس الكورس مش داخلين علي شئ صعب و ملم و كده كده مش فاهمين ههههههههه
5- يا ريت لو تقدر تربطلهم بين اللي بيتشرح و study case بتطلب فعلا بالعمل أو اسئلة ممكن تتطلب منه في انترفيوا في سؤال خفي
فالطالب بيبقي مسمتمع انك عايز تفيده جدا و تحب مصلحته في العمل بعد كده و في المقابلات الشخصية ( خصوصا الحتة ده بتاعتك بقي :D)

طولت عليك أوي كده و بقالي فترة قاعد اكتب ههههههههههه يلي بقي نكمل المرة الجاية
انا عارف هتقولي تاني دا أنت صدعتني خالص و بقالي ربع ساعة قاعد اقرا هههههههههه

amna_ali

09-01-2008, 16:13

Iraq IT

09-01-2008, 16:35

أسرار مهنةهههههههههه طيب تدفع كام و أقولهالك :D
أخي المشرف العزيز احنا هنا كلنا أخوات و انا مش بحب اي احد يخبي معلومة عن الناس فما بالك باخواته

انا كنت عارف جوابك حيكون كده لان اعرف معدن الشخص من كلامه لكني احب اختبار الناس :)

2- ممكن تقول اسلوب الابهار أو بلاش الكلمة ديت ممكن نقول محاولة قوية من بداية الكورس بكسب ثقة الطلبة جدا من خلال شهاداتك و ثقتك في نفسك.

اذن هل شهادة الـ MCT والـ CTT مطلوبة للمحاضر ؟

انا احبذ ان أرى المحاضر لديه عدة شهادات ...

تعرف ساعات لما حد يسالني عن حاجة لسة جاية قدام في المنهج و انا مش عايز أخرج

اولا" قد لا اتفق معك بهذه النقطة لاني اسئل 100 سؤال للمحاضر بكل محاضرة (H) واخلي الاستاذ بيشمر وينسى اسمه :D

انا مع ان يقوم الاستاذ بتوضيح اي سؤال حتى لو كان خارج الموضوع لان لم تجيبني فاني سافقد التركيز بالمحاضرة وأبدا بالتشويش ...

3- جميل جدا انك تحاول جاهدا أن تحفظ اسمائهم و لو في تدعوهم للنقاش باسمه ده يخليه يحس انك قريب منه جدا

:up:

طولت عليك أوي كده و بقالي فترة قاعد اكتب يلي بقي نكمل المرة الجاية انا عارف هتقولي تاني دا أنت صدعتني خالص و بقالي ربع ساعة قاعد اقرا

امثلتك دائما جميلة ومفيدة ... بارك الله فيك

Iraq IT

09-01-2008, 16:39

من الاشياء التي اجدها ممتعة في المحاضرة حينما يربط المحاضر الدرس بما يحدث حولنا في العالم و كيف يمكن ان تغيير هذه التكنولوجيا ما حولنا مثلا في دروس الوايرلس ذكر المحاضر عدة امثلة لتطبيقات متطورة في تكنولوجيا الوايرلس و في السيكيورتي ذكر نماذج لسرقات تمت بواسطة الدخول على شبكات الكومبيوتر و هكذا مثل هذه الامثلة تنعش الطلبة و تزيل الملل وتساعدنا كطلبه على التركيز

هذا يقودنا الى سؤال مهم جدا" ...

هل وظيفة المحاضر تجعلك تراوح في مكانك ؟ سبب سؤالي هو لانك تعطي نفس المحاضرة يوميا" وعملك روتيني فاين التطور ومواكبة المشاكل اليومية التي تتعرض لفني الشبكات وكيف يوسع اداركه بمشاكل اكبر ؟

انا بعملي كنت اتعلم كل يوم شي جديد ومعلومة جديدة فاين المحاضر من هذا pls:

mohammedsn

09-01-2008, 20:42

اذن هل شهادة الـ MCT والـ CTT مطلوبة للمحاضر ؟

انا احبذ ان أرى المحاضر لديه عدة شهادات ...

أنا متفق معي أخي الكريم انها تفيد الانستركتور و لكن خلي بالك انا أول مرة قولتلي هي تفيد المحاضر يعني من طريقه تعامله مع الطلبة اقصد تفيده في اسلوب الشرح فأنا لا أري ذلك
و أنا شخصيا لا اسعي إاليها لسبب تاني اني لا أريد أن أكمل حياتي كمحاضر
انا واخدها فترة مؤقتة لحد لما أحصل علي شهادات معينة لان المكان مناسب من حيث أنه مكان طيب للمذاكرة ههههههههه
ربنا يستر و مش يشوفوا المقالة ده في الشغل عندي هههههههههههههه

انا مع ان يقوم الاستاذ بتوضيح اي سؤال حتى لو كان خارج الموضوع لان لم تجيبني فاني سافقد التركيز بالمحاضرة وأبدا بالتشويش ..

تبدا بالتشويش ههههههههههههه أنت أصلك طيب و ما تعرفنيش بقي
بص يا أخي ليس الانستركتور المحترف و لا أي محاور عموما يجعل الشخص المقابل هو اللي يقود الحوار كما يريد هو
بس افهمني الاول انا قصدي ايه
يعني الناس كلها مركزة في موضوع اللي المحاضر بيشرحه فجأة جت في دماغ واحد كده سؤال عجيب ( لو هتشتغل انستركتور هتقابل من ده كتير ) أو تفصيله هيجي قدام
لو أنت أجبته هتظلمه هو ؟؟؟؟؟؟؟؟؟؟؟ ليه بقي
لأنه هو لسة مش ملم بأبعاد الموضوع اللي لسه هيتشرح كمان محاضرتين تلاتة هتجاوب إجابة جزئية
تاني حاجة هتخرج تركيز الناس اللي معك من أنهم مركزين معك ليفهموا هذا الجزء من الدرس اللي بيشرح

طيب يعني اتجاهله ؟؟؟؟؟؟؟؟؟
لاء أنا مش قلت كده يا أستاذي الغالي
ممكن بعد ما تنتهي من شرح المنظومة اللي بتشرحها تتعرض لسؤاله و تجيبه و كده تكون حافظت علي تركيز الناس
خلي بالك لو تشتت الناس من سؤال السائل صعب جدا أنك تجمع تركيزهم تاني
دا انا لسة بقولك ان المحاضر يفكر في فكرة كويسة يوصل بيه المعلومة علشان يشد الانتباه يخرج الناس بعد كده من التركيز الللي قعد يجمع فيه بالعافية علشان يجاوب علي سؤال من برة

أنا أري اخي انك تجاوب فقط علي الاسئلة المتعلقة بالدرس اللس بيشرح فقط و لما تنتهي تبقي تجاوب علي باقي الاسئلة
مع اني اقولك يجب يكون المحاضر مرح ....... بس لازم يكون حازم لو حد حب يشوش :D