المساعد الشخصي الرقمي

مشاهدة النسخة كاملة : اريد استشارتكم


sad man
26-09-2003, 07:20
بسم الله الرحمن الرحيم

السلام عليكم

اخواني انا مشترك معاكم جديد في منتداكم الرائع

انا حابب اشتري كمبيوتر جديد لكن ماحصلت المواصفات اللي في بالي بالنسبه لاجهزة الشركات المعروفه
والتجميع خايف منه لان مالي خبره فيه وخايف ايضاً يغشوني في القطع وانتم عارفين ان التقليد منتشر بشكل كبير
وحتى لو تاكدت من القطع انها اصليه في مشكله اخرى وهي وين احصل مهندس ثـــقـــه
اتمنى يااخواني تساعدوني وتنصحوني
وعموما هذي المواصفات اللي اتمناها

المذر بورد تكون نوعيه ممتازه جداً

المعالج
ntel® Pentium® 4 Processor 3.20 GHz with Hyper-Threading

الذاكره
2 GB لم احدد النوع اي ماركه تنصحوني؟

كرت الشاشه اي ماركه تنصحوني ؟ بس يكون نوع ممتاز

القرص الصلب لم احدد نوعيته انتظركم تساعدوني في اختياره
لكن حجمه يكون 200GB او اكثر

قارئ وكاتب اقراص مدمجه
CD-ReWriter - PlexWriter 52/24/52A

كرت الصوت
Echo layla24 او Sound Blaster® Audigy™ Sound Card

السماعات
Klipsch ProMedia GMX D-5.1 Personal Audio System

كرت فيديو اي نوعيه تنصحوني؟

الشاشه تكون LCD بحجم 19 او 21 ياريت تحددون افضل ماركه


هذي اعتقد اهم الاشياء
اتمنى تقولون لي اذا هي متوافقه مع بعض او لا وبالنسبه للسعر مافي مشكله المهم القطع تكون نوعيه ممتازه

اتمنى اشوف ارائكم واقتراحاتكم

واذا في محلات معينه تنصحوني فيها في الرياض لشراء القطع منها

ومحل ثقه يركبها لي راح اكون شاكر لكم وممتن
:)
sad man
26-09-2003, 19:54
السلام عليكم ورحمة الله وبركاته

اخواني اتمنى اتمنى اشوف ردودكم لاني محتاج لخبراتكم امثال اخوي الولــــيــــد وغيره من الاخوان الاعزاء فاارجوكم ساعدوني ولاتبخلون علي :(

وجزاكم الله الف خير
أنور
26-09-2003, 20:08
السلام عليكم

مواصفات ممتازة جدا ولكن ماهو نوع اللوحة الأم ؟

كرت الشاشة يعتمد على حسب استخدامك يعني إذا كنت من هواة الألعاب تحتاج كرت بمواصفات عالية
sad man
26-09-2003, 20:27
اهلا اخوي انور مشكور على ردك :)

اخوي انا انتظرك انت والاخوان تحددون لي ايش القطع الممتازه

طيب انا حاب اخذ رأيك في شئ شراء الاجهزه عن طريق النت ايش رأيك مثل دسك تــوبات فايو من سوني
هل في موقع ثقه ويوصل للسعوديه وايش المطلوب علشان اقدر اشتري عن طريق النت

اتمنى اشوف ردك يالغالي

وجزاك الله خير:)
أنور
26-09-2003, 20:33
السلام عليكم

شوف دليل شراء الحاسب لشهر سبتمبر 2003
https://www.arabhardware.com/modules.php?name=Content&pa=showpage&pid=22

ما عندي اي خبره في الشراء عن طريق الأنترنت للأسف ما اقدر افيدك
sad man
26-09-2003, 21:12
شكراً اخوي انور ماقصرت يكفي انك تكرمت ورديت على موضوعي :)

جزاك الله الف خير

انتظر رد باقي الاخوه
blackfox
27-09-2003, 07:56
السلام عليكم



والله مواصفات رائعه

مع هالمواصفات الحلوه لا انصحك الا بقيقا بايت لثباتها


GA-8KNXP هذي اللوحه قويه جدا انصحك فيها اذا كنت لا تهتم بالسعر لأن سعرها بعتقادي من 800 الى 1000 ريال يمكن رخصت
GA-8KNXP Ultra وهذي اللوحه تتفوق عن الي فوقها بتقينه Ultra320 SCSI controller

اعتقد مالها داعي لأنه SATA كافي و SCSI قطعه غاليه وغير متوفره بشكل كبير


وال GA-8KNXP Ultra لا تحتوي على منفذ IEEE1394 يعني اول وحده انصحك بها بشكل كبير

طبعا المعالج الي انت مختاره قوي جدا وهذا اخر سرعه وصلتها انتل لكن ماعندي فكره اذا وصل الخليج او لا طبعا سعره مرتفع

انصحك بذواكر Corsair



بالنسبه للقرص الصلب فنصيحتي لك اخي لا تاخذ واحد ويكون حجما كبير ليدرجه 200 انا افضل اثنبن احسن لأنه دايما الأقراص الكبيره تحدث لها مشاكل اكثر يعني قرصين تمام بس انت حدد الحجم يعني لو انت تبي حجم كبير لأستخداماتك قرصين من ماكستور 80 قيقا تمام واذا كنت تبي اكبر في 120 طبعا الراي بالأخير يعود لك

كاتب الأقراص ماعلي كلام فوق الممتاز

وانصحك تركب DVD-ROM للقراءه واسعارهم رخاص لأنه استخدام كاتب الأقراص للقرائه والكتابه يقلل من عمره يعني الرايتر بس خله حق الكتابه والسي دي روم للقرائه افضل


كرت الصوت هذا Echo layla24 قوي قوي جدا ويتغلب على اوديجي بفرق شاسع لقوته لكن لا اعتقد متوفر بالخليج هل عندك فكره وين موجود لأن سعره فوق ال 250 دينار كويتي والى الأن ماشفته بالكويت عندنا

Audigy2 ايضا ممتاز وطبعا لل video games فهو يتفوق على Echo layla24
اذا كنت من هواة الألعاب وتهتم بالصوت

طبعا نصيحتي اذا كنت مو من هواة تحرير الصوت بشكل كبير فهذا الكرت فوق الممتاز

Audigy 2 ZS Platinum اخر واحد من كريتف

اذا ما حصلته فخذ هذا Audigy 2 Platinum لكن الي فوقه داعم لل 7.1 قنوات

الا اذا كنت من هواة تحرير الصوت بتعمق اكثر فهذا شي ثاني

والشاشه LCD طبعا سامسونغ



Klipsch ProMedia GMX D-5.1 Personal Audio System


سمعت عن هالماركه Klipsch الكثير لقوه جودتها لكن اذا حصلتها بالخليج فهذا من حظك

اما كرت الشاشه تعرف اقوى شركتبين

ATI
NIVDIA


لا اعرف بالأنواع لكن الخلاصه انه اذا انت مهتم بالجرافيكس اكثر ودقه رائعه وصوره واضحه اعتقد ال ati تتفوق

اما اذا كنت تبي السرعه في اللعب ف NIVDIA تتفوق


ايضا NIVDIA بالجرافيكس ممتازه


نصيحتي لك خلك على NIVDIA حدد السعر الي تقدر تدفعه وانشالله الأخوان يفيدونك

وبالتوفيق انشالله
sad man
28-09-2003, 00:36
اشكرك اخوي الثعلب الاسود على هذه النصائح الغاليه اقدر لك مرورك وشرفتني بردك يالغالي على موضوعي وان شاء الله راح اخذ بنصائحك

جزاك الله الف خير عزيزي:) :) :) :) :)
sad man
28-09-2003, 00:48
وين باقي الاخوان ارجوكم زودوني بمحل ممتاز في الرياض اقدر اشتري منه القطع ويكون ثقه ووين اقدر اجمعه

يعني هل في محل فيه مهندس ثقه ارجوكم يااخواني ساعدوني ولاتبخلون علي انا محتاج لنصائحكم

وجزاكم الله الف خير:) :) :)
shabab202
28-09-2003, 01:07
أخوي الفاضل sad man
بالنسبة للأسعار فأنا أنصحك تتفرغ يوم واحد فقط ..
وتدور على كل المحلات وتاخذ الأسعار بشكل مبدئي وتشتري من المحل اللي تشوف إنه بالفعل صادق في أسعاره أما عن التركيب فبسيطة أي فني في أي محل مستعد إنه يركب الكمبيوتر في مقابل مادي أعتقد لن تزيد عن 100 ريال على أحسن الأحوال .
وياريت لو تكون معاه أثناء التركيب ..
ومن الضروري الإحتفاظ بالفواتير الأصلية وذلك للضمان على القطع
ولو في مجال تشتري من الوكيل سيكون ذلك أفضل بكثير وأضمن
sad man
28-09-2003, 07:30
اشكرك اخوي shabab 202 على نصائحك وان شاء الله راح اخذ فيها

وتسلم اخوي على مرورك على الموضوع وجزاك الله الف خير
sad man
28-09-2003, 08:04
اخواني لو افترضنا ان هذي القطع اللي راح اشتريها باإذن الله اللي جمعها اخوي الوليد في جهاز الاحلام تقريباً مع بعض الاختلافات كم بتكون اسعارها تقريباً ووين اقدر احصلها بالرياض

القطع هي :

المعالج Intel xeon 3.06

المذر بورد Tyan Thunder i7505 s2665

الذاكره Corsain Twinx1024-4000 عدد 2 كل وحده 1GB

كرت الشاشه Asus v9950 Ultra

القرص الصلب Fujitsu Map3147 -raid 0+1 عدد 4 اقراص 147 لكل واحد

محول الطاقه Antec True 550

قارئ وكاتب الأقراص Plextor Plex Writer 52/24/52A

DVD ROM Toshiba SD - M1712

كرت الصوت CREATIVE Audigy2zs Platinum Pro

السماعات CREATIVE Inspire 6.1 6600

الشاشا بتكون ان شاء الرحمن19 او 21 LCD من سامسونج بس ماحددت الموديل

الكيبورد والماوس Logitech Cordless Desktop Mx Blutooth

لو القطع هذي بعضها مش متوفر في الرياض ياريت تكتبون لي البديل لها

واهم شئ اخواني المحلات او الوكلاء تدلوني عليها

وشكراً مقدماً وجزاكم الله الف خير


:)
DDesigns
28-09-2003, 08:33
اعتقد فوق 10000 ريال الى 13000 ريال !!

ولا ايش تتوقعون السعر ؟؟
sad man
28-09-2003, 08:52
اهلاً اخوي DDesigns متأكد يالغالي من السعر طيب وهل هي القطع متوفره ولو مش متوفر ممكن تكتب لي البديل لكل قطعه راح اكون شاكر لك وممتن

وجزاك الله خير على ردك:) :)
DDesigns
28-09-2003, 09:22
شوف حبيبي ..

المعالج يفضل انك تاخذ واحد عادي بانتيوم 4 بسرعه 3.06 او 3.2 جيجا هرتز بتردد 800 ميجا هرتز .

الموذيربورد يفضل ASUS وان لم يوجد فا GigaByte او MSI .

الذاكره سوف تجدها .

كرت الشاشه سوف تجده

الهارد ديسك لا اعتقد انك سوف تجده ولكن تستطيع ان تاخذ قرص Maxtor SATA 7200RPM buffer 8MB بالحجم الذي تريده .

محول الطاقه سوف تجده ولكن ياخذ وقت طويل جدا جدا ونادر الوجود .

السيدي رايتر مممم لم ارى احد جلبه هنا ولكنه احتمال كبير انه سوف يصل هنا .

الدي في دي روم قم باخذ LiteON DVD-ROM 166S لانك لن تجد Toshiba وطبعا لايت اون ممتاز جدا جدا .

كرت الصوت سوف تجده بعد مده قليله .

اما البقيه فا لا تعليق ..
sad man
29-09-2003, 00:32
اشكرك اخوي DDesigns على نصائحك لكن لماذا لايكون المعالج من نوع Intel xeon والمذر بورد من نوع Tyan ارجو ان توضح لي الاسباب لاني اريد جهاز قوي جداً فاانا استخدامي له متعدد

وايضاً على اي ساس اختار البوكس او الصندوق يعني هل يوجود ماركات معينه تنصحني بها لاني اريده ان يكون صغير وجميل في نفس الوقت

وجزاك الله الف خير عزيزي على تكرمك وردك:) :) :)
sad man
29-09-2003, 21:53
السلام عليكم

اخوي DDesigns وينك ماشفت ردك ووين باقي الاخوان ارجوكم ساعدوني

جزاكم الله خير
DDesigns
29-09-2003, 23:17
انا قلت نصحتك بغير Xeon لان سعره غالي وايضا سعر البورد غالي ..

وتوقعت ان استخدامك عادي او متوسط ..

يعني Xeon كثير كثير جدا ويستعمل في السيرفرات الكبيره ..

فما هو طبيعه عملك ؟؟

اما بخصوص الكيس فا ينصح ان يكون الكيس المنيوم حتى تحصل على تبريد ممتاز ..

عندك ماركات كثيره منها cooler master .
sad man
30-09-2003, 00:36
شكراً لردك عزيزي اهم شئ هذا المعالج له عيوب او المذر بورد ؟

استخداماتي متعدده واحتاج جهاز قوي جداً

مره ثانيه اشكرك واسف اذا ازعجتك معاي:)
DDesigns
30-09-2003, 03:24
شوف حبيب خليني ابسط الموضوع شوي ..

معالجات XEON مصممه لكي تعمل على اكثر من معالج يعني تركب معالجين على نفس لاموضيربورد وبهذا سوف تحصل على اداء هائل وايضا سعر غالي ..

اما اذا ركبته لوحده فا تقريبا نفس الشيء ..

فا نصيحه انك تاخذ 3.2 بانتيوم 4 بتردد 800 مع اخر موديلات ASUS .

اما اذا كنت تنوي الانتظار فا انصحك بمعالجات Athalon FX الجديده او بانتيوم 4 الجديده نسيت اسمها .
blackfox
30-09-2003, 20:17
السلام عليكم

صحصح كلام اخي DDesigns

اذا انت ناوي على Intel xeon

حط ببالك احسن لك تاخذ منه 2

اما اذا ببالك تاخذ واحد فابتعد عن xeon واخذ بانتيوم

اقوى شي متوفر حاليا P4 3.2 800 وهذا فوق الممتاز اعتقد مهما كانت اشغالك بالكمبيوتر فهو راح ينفعك



وطبعا اذا ابتعد عن الزيون فابتعد عن
Tyan

وخذلك جيقا بايت

لأنه مواصفاته اكثر واحسن

اعتقد هالمواصفات تكلفك تقريبا 1200 دينار او 1500

يعني بحدود 15000 ريال

طبعا ارتفاع السعر يعود الى اهم شي وهو اختيارك لشاشة سامسونغ 19 او 21 LCD فالسعر مرتفع جدا

خصوصا الي عرضها اخي الوليد ذات ال 24 بوصه في جهاز الأحلام يوصل السعر الى 16500 الف ريال سعودي

بس تسوى


اخيديزاين غريبه الديفيدي روم Toshiba معقوله مو موجود عندكم

لأنه التوشيبا لهم وكلاء بالخليج واغلب منتجاتها متوفره يمكن لأنك بالخبر

طبعا الله يعينك شكلك تعاملك كله بالأنترنت وهذي مشكلتنه

انا انتظر هالكرت وانشالله راح اشتري CREATIVE Audigy2zs Platinum

متى راح تتوقع ينزل عندكم اخي ديزاين هل شهر تقريبا

لأني الصراحه ابي بخلال هالجم يوم او الأسبوع هذا


ومشكوريين
sad man
02-10-2003, 03:36
السلام عليكم

اخواني DDesigns وبلاك فوكس اشكركم من اعماق قلبي على انك تحملتوني وجاوبتي على اسألتي وان شاء الله راح اخذ بنصائحكم

تحياتي:) :) :)
blackfox
03-10-2003, 11:18
العفو اخي sad man :)
DDesigns
03-10-2003, 11:58
بخصوص التوشيبا فا مره يجي ومره يختفي اشهر كثيره لا ادري ما السبب .

ولكن انا عندي الاثنين LiteON و Toshiba وانصح LiteON حيث انه اقوى في مجالات كثيره ولكن يظل توشيبا محترم وافضل من الكثيرين .. سبب تفضيلي LiteON فقط بسبب سرعته الهائله في DVD ولكن التوشيبا سرعته الهائله في CD .