طلب تجميع جهاز AMD وكارت شاشة جيجابايت

[Dahab_Dahab]

تحية عطرة ،،
انا كنت عايز أعمل ابجريد للجهاز بتاعي وهو :
مازر بورد + كارت شاشة + بروسيسور

ونزلت السوق في مصر اليوم ولاقيت القطع اللي أنا شايف انها جيدة بالنسبة لي من حيث الأداء والسعر ، وعلى فكرة أنا حعمل الأبجريد ده عشان الألعاب الجديدة زي call of duty4 ولعبة Superme commander وغيرها .
عايز رأي الخبراء في الأجهزة ديه :
مازر بورد جيجابيت موديل :
GA-M57SLI-S4 سعرها 700 جنيه
بروسيسور AMD X2 6000 سعره 1200 جنيه تقريبا

كارت الشاشة نوع جيجابايت موديل GV-NX86S256H سعره حوالي 1200 جنيه
اللي هو GeForce 8600 GTS وهل هو أفضل أم XFX أم ماركة أخرى من نفس الفئة ؟

وباقي القطع عندي ومش محتاج أشتريها وهي
هارد ديسك 240جيجا
رامات 3 جيجا كينج ستون
فكنت عايز رأيكم في المواصفات ديه حتنفع معايا وحتشغل الألعاب كويس ولا لاء ؟ وهل تنصحوني بلوحة أم جيجا بايت لمعالجات AMD أم لا ؟

وهل AMD أفضل أم انتل في الألعاب والقوة

أنا محتاج اقتراحتكم وأرائكم ، ساعوني عشان أشتري جهاز كويس

ومشكورين مقدماً

[khallodah]

كللو تمام , بس انا عايز أعرف ايه نوع المعالج اللي حيطلع معاك من انتل بنفس السعر في مصر ,
ياليت لو تسأل , واللوحة كمان بشيب P35 , 965
وبعدها ممكن نقرر !!

[yazan soft]

معالج E6750 ب 1020 جنيه مع تفوقه على AMD 6000X2 ,
GIGABYTE GA-P35-DS3R ب 820 جنيه ,
P31-DS3R ب 540 جنيه ,

الاسعار من مجلة اسعار الهاردوير المصرية ,
من قسم البيع والشراء ,

[Dahab_Dahab]

كللو تمام , بس انا عايز أعرف ايه نوع المعالج اللي حيطلع معاك من انتل بنفس السعر في مصر ,
ياليت لو تسأل , واللوحة كمان بشيب P35 , 965
وبعدها ممكن نقرر !!

شكراً على مرورك ،،
انا مش حشتري معالج انتل ، لأني ناوي أغير وأشتري جهاز AMD
أنا من مستخدمين انتل ، والمرة ديه حبيت أغير لـ AMD

[Dahab_Dahab]

معالج E6750 ب 1020 جنيه مع تفوقه على AMD 6000X2 ,
GIGABYTE GA-P35-DS3R ب 820 جنيه ,
P31-DS3R ب 540 جنيه ,

الاسعار من مجلة اسعار الهاردوير المصرية ,
من قسم البيع والشراء ,

أها ، أنا آسف انا نقلت الاسعار غلط ، آسف جدا
وجدت ان سعر اي ام دي بـ حوالي 960 جنيه ي المجلة

[| Fusion |]

السلام عليكم..

اهم سؤال دلوقتي, ميزانيتك للأبجريد دا قد ايه؟؟

[Dahab_Dahab]

السلام عليكم..

اهم سؤال دلوقتي, ميزانيتك للأبجريد دا قد ايه؟؟

ميزانيتي للأبجريد هي لثلاث قطع هاردوير هم :
مازر بورد + كارت شاشة محترم + بروسيسور AMD
الميزانية من 2500 جنيه إلى 3000 جنيه

ومشكور على مرورك الكريم

[Dahab_Dahab]

اخواني هل ترشحوا لي مازر بورد جيجا بايت أم MSI ، ما هو الأفضل بالنسبة لمعالج AMD ؟

لأني خلاص زهقت من انتل P4 3Giga 2M cash ، بصراحة المعالج ده فااااااااااااشل عشان كده ققرت ان يكون جهازي الجديد AMD بعد الكلام والتجارب اللي سمعتها عنه الممتازة

[| Fusion |]

بص يا سيدي:
بروسيسور: AMD X2 6000 .. سعره 920جنيه
ماذربورد: MSI K9A2 CF .. سعرها 670جنيه
فيجا: GIGABYTE 8800GT 512MB .. سعرها 1600جنيه

كدا المجموع: 3190جنيه..

منتظر استفساراتك :)

[GoldenLionTech]

السلام عليكم ورحمة الله وبركاته

خيار AMD أفضل سعراً مقابل الأداء
لذا فالأخ خالد يرغب في التأكد من أن
سعر معالج AMD الذي طرحته صحيح
حتى لا تشتريه بسعر أعلى من الطبيعي

أو أنه يريدك أن تشتري Intel بحكم قوته
في مجال كسر السرعة ..

لا أعلم ماذا يعني برسالته

على العموم ذاكرة 2GB كافية
وأنصحك بلوحات MSI مع AMD
وكذلك كروت الشاشة خذ XFX أفضل من GIGABYTE

موفق إن شاء الله

[Dahab_Dahab]

بص يا سيدي:
بروسيسور: AMD X2 6000 .. سعره 920جنيه
ماذربورد: MSI K9A2 CF .. سعرها 670جنيه
فيجا: GIGABYTE 8800GT 512MB .. سعرها 1600جنيه

كدا المجموع: 3190جنيه..

منتظر استفساراتك :)

بالنسبة لتقنية SLI الخاصة بكرت الشاشة ، استفساري هو :
هل اشتريت البورده ديه ، ينفع أركب كارت الشاشة بتاعي القديم مع الكارت الجديد جيجا بايت 512 ؟

علماً بأن كارت الشاشة القديم XFX 7300 GS ، هل بينفع أم لازم يكون من نفس الموديل والماركة ؟ أرجو توضيح هذه النقطة ضروري .

[Dahab_Dahab]

عفوا تصحيح للخطأ ،
عند "هل اشتريت البورده ديه"
التصحيح هو : "لو اشتريت البورده ديه"
:)

[| Fusion |]

علماً بأن كارت الشاشة القديم XFX 7300 GS ، هل بينفع أم لازم يكون من نفس الموديل والماركة ؟ أرجو توضيح هذه النقطة ضروري .
لازم يكونوا متطابقتين تماما في كل شيء..

و لعلمك هذه الماذربورد تدعم خاصية Crossfire من ATI و ليست SLI من NVIDIA , لذلك لازم يكونوا كارتين متطابقتين تماما من ATI

[| Fusion |]

تعديل مهم جدا

قرات هذا اليوم بخصوص هذه الماذربورد:

Addendum 28/01/2008: In light of recent events where the MSI K9A2 CF is not warranted to use AMD CPUs of 125W TDP - including the AMD Athlon 64 X2 6000+, 6400+ and future Phenom 9700 and 9900 CPUs, we have decided to remove the previous award for this product. Unless you want to use other CPUs and not overclock, we can no longer recommend this motherboard for everyone.

و بالتالي, فلا انصحك بهذه الماذربورد و ممكن تجيب مكانها الماذربورد الممتازة MSI K9A Platinum و لكنها ليست ب AMD Chipset الجديدة بس اداءها متميز..

[Dahab_Dahab]

تعديل مهم جدا

قرات هذا اليوم بخصوص هذه الماذربورد:


و بالتالي, فلا انصحك بهذه الماذربورد و ممكن تجيب مكانها الماذربورد الممتازة MSI K9A Platinum و لكنها ليست ب AMD Chipset الجديدة بس اداءها متميز..

أخي هل هذا الكلام صحيح ؟ وهل هو من موقع الشركة أم من موقع آخر ؟
انا كنت خلاص حشتريها ، يعني كده ده معناه انها مش بتدعم معالجات معينة ولا ايه ؟

[| Fusion |]

يعني كده ده معناه انها مش بتدعم معالجات معينة ولا ايه ؟
بالظبط, مش هتدعم المعالجات اللي شغالة على 125W , و الكلام اللي ذكرته في المشاركة السابقة دا اقتباس من احد ال Reviews و رحت اتأكد من موقع الشركة, لقيت فعلا الكلام دا -للأسف- صحيح, مش عارف ممكن ينزلوا تعديل للكلام دا واللا لا, بس ليه تجيب حاجة عليها قلق, لو تأكد نزول تعديل معين, و نزل مصر, يبقا توكل على الله, انما غير كدا, فبلاش منها..

[Dahab_Dahab]

بالظبط, مش هتدعم المعالجات اللي شغالة على 125W , و الكلام اللي ذكرته في المشاركة السابقة دا اقتباس من احد ال Reviews و رحت اتأكد من موقع الشركة, لقيت فعلا الكلام دا -للأسف- صحيح, مش عارف ممكن ينزلوا تعديل للكلام دا واللا لا, بس ليه تجيب حاجة عليها قلق, لو تأكد نزول تعديل معين, و نزل مصر, يبقا توكل على الله, انما غير كدا, فبلاش منها..



خلاص انا حنزل انهارده معرض الأهرام اللي في معرض الكتاب أشتري مازر بورد جيجا بايت

بس حجيب موديل يكون الشيبسيت بتاعه AMD 790x لأن جيجا بايت أنا شايف انها مناسبة أكثر للألعاب ، إيه رأيك ؟ ده بالإضافة إلى اني حجيب كارت شاشة 8800GT جيجا بايت عشان الإثنين يعملوا شغل تمام مع بعض

أما البروسيسور اللي حجيبة AMD 6000 أو فينوم ، بس لما أشوف أسعارهم الأول وحظبط ان شاء الله
إدعولي يا جماعة

وأنا أشكرك جداً بجد لأنك انت السبب في توضيح حاجات كتيرة ليا قبل شراء المنتج

[| Fusion |]

العفو اخي الكريم, دا واجبي, و على فكرة انا رديت على موضوعك في قسم المعالجات و اللوحات الام..