من يريد شراء سماعات CREATIVE فى مصر ادخل هنا اولا وأقرا تجارب المصريين مع CREATIVE

[abou_914]

السلام عليكم ورحمة الله و بركاته
زملائي الاعزاء اعذاء عرب هارد وير ، ارجو من سيادتكم المشاركة بهذا النقاش الخاص بمنتجات كرييتف الموجودة فى السوق المصري حاليا والتي اصبحت مثلها مثل اى شئ يصنع بشارع عبد العزيز - ولقد رأيت ضرورة اجراء هذا النقاش نقدمة لكل من يريد ان يشتري سماعات كرييتف ان يقرأة اولا لكي يستفيد ولا يقوم بالشراء والسلام ثم يفاجأ بأنه قد خسر اموالة هباءا دون الاستفادة من اقتناء سماعات جيدة
السؤال ما هي خبراتك مع سماعات كرييتف فى مصر ؟؟
ارجو الدخول والمشاركة لكي يستفيد الجميع فى مصر
وسأبدأ انا اولا ً - بسم الله- :
اشتريت سماعات Cambrige SoundWorks 4.1 (https://ecx.images-amazon.com/images/I/71TJPXKE6KL._AA280_.gif)
من زمان جدا حوالى 7 سنين وكانت اجمد سماعات سمعتها وراحت مع واحد قريبي ،
قمت بشراء سماعات creative inspire 4.1 (https://img.clubic.com/photo/00032249.jpg)
بحوالى 250 جنية وكانت الهيدفون احسن منها لأنها كانت مضروبة تقليد سئ جدا ، قمت بشراء creative ispire 5.1 t5900 (https://www.xbitlabs.com/images/multimedia/creative-t5900/system.jpg)
من التوكيل الموجود فى سوق العصر براندز وكانت بحوالى 650 جنية الصوت جبار وكانت زى الفل قعدت سنة بالظبت ويا المفاجأة الرهيبة الريموت كنترول بتاعها ابتدي يقطع ويقطع قلبى معاه لأني حاولت اصلحة لكن بدون فائدة بعد ما لفيت فى مصركلها على بديل وكلمت مترا كمبيوتر وقالولى ( عدى علينا بكرة يا سيد ) يمكن نجيب الريموت بشكل منفصل من برة وساعتها تبقى تيجي تشترية ومن ساعتها وانا قاعد جنب السماعات كل ما اشغل الجهاز احاول اظبط الريموت كنترول علشان يشتغل كويس :cool: (https://www.xbitlabs.com/images/multimedia/creative-t5900/control.jpg)
وبعد كدة حاولت ادور على اول سماعات استخدمتها cambridge soundWorks فى المنتدي هنا على مستعمل او حتي من برة علشان استريح.:confused:
ودى كانت حكاية اخوكم مع سماعات كرييتف فى مصر
فى انتظار حكاية كل واحد من حضراتكم مع السماعات بتاعتة (H)

[abou_914]

76 مشاهدة ولا فى اى رد ؟ سبحان الله مع اني كنت عايز الموضوع يبقى مفيد لأكبر قدر من الاعضاء
للسادة المشرفين ارجو حذف الموضوع

[P_MASTER.]

اخوي اتمنى ان يكون موضوعك في المنتدى اكثر شموليه وتميزآ لأن عرب هاردوير غنيه عن التعريف
لا يوجد هنا دردشه ....الخ وإنما الإستفاده ونصائح وكم هائل من المعلومات في مجال PC , والتقنيه

لذلك اسمح لي ان اقول ان موضوعك ليس في محله وشكرآ

[depoo]

اخى العزيز لقد اقتنيت مثلك Cambrige SoundWorks 4.1

و هى افضل سماعة رأيتها حتى الان على الاطلاق

وضوح و نقاء و قوة و كل شىء مازلت تعمل الى يومنا هذا بكفاءة عالية بعد ان بعت الجهاز لواحد معرفة

اما موضوع التقليد والمضروب الله يكون فى عون المستهلك

[GoldenLionTech]

وعليكم السلام ورحمة الله وبركاته

شكراً لك على طرح تجربتك
ربما 76 مشاهد كانوا من خارج مصر
وربما كلهم لم يشتروا Creative ومكتفيين بسماعات الشاشة :)

بالتوفيق إن شاء الله

[abou_914]

اخوي اتمنى ان يكون موضوعك في المنتدى اكثر شموليه وتميزآ لأن عرب هاردوير غنيه عن التعريف
لا يوجد هنا دردشه ....الخ وإنما الإستفاده ونصائح وكم هائل من المعلومات في مجال PC , والتقنيه

لذلك اسمح لي ان اقول ان موضوعك ليس في محله وشكرآ
اخي الفاضل اشكر حضرتك على مشاركتك ، ولكن موضوعي ليس للدردشة والحكايات كما ذكرت ولكن كل الهدف منه هو الاستفادة من التجارب الفعلية للاخرين وبهذة تستطيع الرجوع اليها للحكم على منتج معين قبل الشراء بدلا من الشراء بغير مرجع يفيد فى معرفة درجة جودتة
ولأن عرب هاردوير غنية عن التعريف فهي تستحق ان تكون مرجع لكل الاعضاء فى كل مجالات ال pc ومنها السماعات وخصوصا الماركات العالمية وما يشوبها احيانا من مشكلات ، نحن كمستخدمين نحتاج لمعرفة درجة جودتها فى مصر .
وشكرا مرة اخري :)

[ASF]

موضوع حلو جميل
وايه جاى انت فى الوفت الحساس وتسال ......
بص انا هحكى لك قصه كبيييييييييره قوى مع السمعات دى

انا بدات بسمعات كريتف نوعها cambridge soundWorks 2.1
https://https://www.aiyamicro.com/pc-parts-peripherals/pics-computer-parts/SP-CSW100.jpg
وكانت ماليزى الصنع وبصراحه كانت قويه جدا وحلوه كنت بسمع رجه البيت كلها من صب حجمه صغير جدا وكان مصنوع من البلاستيك بخلاف دلوقتى مصنوع من الخشب.... وكانت نقيه جدا
والكلام ده تقريبا من عشر سنين او اكتر بعد كده اعدت معايا فتره كبيره بعد كده حبيت اجيب سمعات احدث منها .. رحت مديها لخالى هديه علشان انا عارف انى لما هبيعها هخسر فيها قلت اديها لاى حد يستفاد بيها احسن من بيعتها ... واشتريت بعد كده cambridge soundWorks 4.1 وللاسف كانت صينى
https://www.dansdata.com/images/speakersets/fps1600440.jpg
وكان الصب وفر بتعها مصنوع من الخشب دا علشان يكون صوته اقوى وللاسف كان صوتها مش زى السمعات الى قبلها ... وكنت كل ما انزل المول اتفرج على السمعات الى احدث منها واقول لنفسى ان شاء الله هشترى حاجه احلى من الى عندى دى .. وبعد كده بعت السمعات الى جبتها 4.1 وانا من جوايا بحسد خالى على الهديه الى ادتها له ... وطبعا مش هينفع اقول له هات الهديه تانى :):) المهم رحت حوشت مبلغ حلو قوى واشتريت سمعات كنت بحلم بشرائها او اقتائها وهيه الجباره
soundWorks digital DTT3500
https://www.hardware-one.com/reviews/dtt3500/images/package_big.jpg
ودى كانت ماليزى برضو كانت سمعات حلوه جدا كانت ديجيتال وكان معاها رموت وامبلفاير كده وكان الصب وفر بتاعها كبير جدا وكنت بسمعه من الدور الاول وانا ساكن فى الدور السادس ... كانت عظمه بصراحه كان معاها ستاندات وكبلات كتير قوى وكان شكلها فى غايه الشياكه وكنت مقتنع بيها 100% كنت عمرى ما بعلى الصوت اكتر من الربع لانه كان راااااااااائع .. بس للاسف اتزنقت فى فلوس وكنت محتاج فلوس جامد قوى بعتها بعد سنه تقريبا كنت شاريها بــ 1300 جنيه بعتها بتمن النص 700 جنيه تقريبا وكنت حزين وانا ببعها بس للاسف مكنتش اعرف قيمتها خالص ولحد دلوقتى بضرب نفسى ميت ( شوذ ) انى بعتها وللاسف بعتتتتتتتتتتتتها ..... كنت معتقد انى ممكن اعرف اشتريها تانى .. المهم بعد ما بعتها اعدت فتره من غير سمعات .. وفى الوقت ده بدا يتشال الموديل ده من السوق وينزل الــ Inspire الى كانت شيك فى الشكل والمنظر بس وللاسف كانت حلوه بس للناس الى مسمعتش السمعات الى كانت عندى الديجيتال .... وكل ده وانا من جوايا بحسد خالى على الهديه الى ادتها له ... وطبعا مش هينفع اقول له هات الهديه تانى :):) المهم طبعا المره دى محوشتش حاجه السمعات الى اشتريتها كانت عاديه مش غاليه اشتريت موديل 5.1 لان كان صعب الواحد ينزل على حاجه قليليه قوى واعدت معايا فتره وبعد كده زى ما شرح اخونا فوق الكنترول فوليم بتاعها بدا يعلق رحت مريح نفسى وبايعها علشان مزهقش منها وارميها بعد كده ... والى اشتراها قالى ( هصلح انا الزرار ملكش دعوه ) على اساس انه زرار تلاجه مثلا مش عارف .... المهم رحت بعتها وبقى معنديش سمعات خالص واعدت شويه وانا مش عندى سمعات وكل ده وانا من جوايا بحسد خالى على الهديه الى ادتها له ... وطبعا مش هينفع اقول له هات الهديه تانى :):) المهم رحت اشتريت سمعات 4.1 زى الى بعتها لان مكنش فى فرق كبير بنها وبين 5.1 فى الصوت وفى القوه بتاعتها وكمان كنت فى الفتره دى سمعتها عند ناس كتير من صحابى فحسيت ان مفيش اى فرق بين دى ودي خالص الا الشكل وشويه كلام مكتوب على الموقع ..... لحد دلوقتى وانا عندى 4.1 العاديه الى فى السوف بتاعت زمان الى صوتها نوعا ما كويس مش زى الى نزلت دلوقتى صوتها زى الزفت ... وفعلا المشكله دلوقتى ان بقت السمعات دى مضروبه فى المولات كلها وبفى فى ميت موديل وفى ميت كرتونه وكل واحد بيقول لك يا بيه دى سمعات كريتف اصللللللللللللى وهوه اصلا مش عارف ايه الى بيقوله ده .......
وفى الاخر انا دلوقتى بقرر انى اشترى سمعات لوجيتك على اساس سمعتها القويه فى العالم كله وعلشان لسه مضربتش ولسه مش موجوده فى مصر ولا متوفر لها توكيل بس طبعا محتار فى كل الموديلات الى على النت .. ربنا بس يكرمنى كده واشترى حاجه محترمه ومش هبيعها تااااااااااااااانى
وهسيب خالى فى حاله ومش هحسده على سمعاته الى لحد دلوقتى بقول عليها ومن جوايا بحسده على الهديه الى ادتها له ... وطبعا مش هينفع اقول له هات الهديه تانى :):)

:):):):):)

طولت عليكم بس موضوع جمممممممممممممميل قوى
ملحوظه تانيه انا برضو عمال اغير كروت الصوت من وقتها
من
sound blaster AWE64
sound blaster vibra
sound blaster live 5.1
sound blaster audigy
واخيرا ربنا هدانى على
sound blaster audigy 2 zs
وده الحمد لله لحد دلوقتى معايا ومش عاوز اغيره بالــXfi الا لما اسمع صوته واتأكد انه كويس او فى فرق كبير .. بينه وبين الى معايا

[abou_914]

[
:):):):):)

طولت عليكم بس موضوع جمممممممممممممميل قوى
ملحوظه تانيه انا برضو عمال اغير كروت الصوت من وقتها
من
sound blaster AWE64
sound blaster vibra
sound blaster live 5.1
sound blaster audigy
واخيرا ربنا هدانى على
sound blaster audigy 2 zs
وده الحمد لله لحد دلوقتى معايا ومش عاوز اغيره بالــXfi الا لما اسمع صوته واتأكد انه كويس او فى فرق كبير .. بينه وبين الى معايا [/quote]

أخي العزيز سماعات Cambridge SoundWorks من وجهة نظرى افضل كثيرا من اى سماعات اخري موجودة الان ( من نفس الفئة ) أرجو من الاخ العزيز مراد البخاري التكرم بالدخول وافادتنا عن فكرة سماعات Cambridge SoundWorks والتي تجعلها من افضل الماركات التي تعاملنا معها فى مصر وهذا ليس رأيي فقط ولكن رأى كل من أقتناها وياريت يقولنا لو فى اى سماعات زييها وبنفس جودتها .
شاكرين جميعا على كل الردود واتمني ان يستفيد كل من يريد الشراء من كل ما تقدم من خبرات للاخوة الاعضاءWink:

[abou_914]

وعليكم السلام ورحمة الله وبركاته

شكراً لك على طرح تجربتك
ربما 76 مشاهد كانوا من خارج مصر
وربما كلهم لم يشتروا Creative ومكتفيين بسماعات الشاشة :)

بالتوفيق إن شاء الله
يا فندم حضرتك شرفت موضوعي المتواضع ، اعتذر للتأخير فى الرد

[رجب 1]

والله يا أخى فعلا موضوعك رائع بالفعل

وأنا ليه تجربه مريرة مع هذة المدعوة كرياتف

كان عندى سماعات4 فى 1 وكانت سيئة جدا

وبعتها وحاليه مشغل الكمبيوتر على الكاسيت

وفية واحد عارض عليا كرياتف برضوة بس 7 فى 1 بس انا متردد من التجربه المريرة اللى مريت بيها مع كرياتف

فأرجو منكم النصيحه

ولو أمكن حد يقولى على حاجه محترمه فى حدود من 300 الى 400 جنيه

ولكم جزيل الشكر

[Sh@rk]

يا اخي هناك مشكلة معروفة في سماعات كرييتف, بعد سنة او اكثر من الاستعمال تصبح وظيفة السب ووفر هي اضدار الضجيج و التشويش و ليس التضخيم!
و هذه المشكلة قرأتها في منتديات المانية و فرنسية, يعني ليست فقط مشكلة في مصر, سماعات كرييتف SoundWorks كلها تعاني المشكلة, و اعتثد الاخ مراد البخاري20 عرض مشكلة مماثلة في المنتدى

ربما سماعات GigaWorks افضل, لكنها غالية

انا بفضل تشوف سماعات JBL او Logitech, اذا معك مصاري حول على JVC او Pioneer
طبعا تحتاج معهم مخرج SPDF لانهم سماعات احترافية و بيحتاجوا مخرج صوت قوي و واضح

[why_not]

بجد موضوع جميل وبكدة حذرت ناس كتير يمكن كانت تشتري السماعات من كرييتيف
اخويا كان مجمع كمبيوتر من سنة 2001 كان جايب سماعات Cambrige SoundWorks 4.1 كانت سماعات خرافية بصراحة صوتها نقي وقوي ومعملتش اي مشاكل
واما جمعت انا كمبيوتر سنة 2003 جبت creative inspire 2.1 ولسة معايا للنهاردة بس مشكلتها الوحيدة الساوند كنترولر (اللي بتعلي وتوطي منه الصوت) السلك بتاعه بيبوظ بسرعة وبيعمل تشويش انما السماعات نفسها تمام وصوتها معقول بس مش دايما بعليه لان اللي في البيت بيشتكوا من الصوت العالي

[bedotop]

أنا بقا بفضل zoltrix

[salah1234]

انا لحد الحين مش قادر افهم العلاقة بين creativeو المصريين .

انا لما كنت بدرس في مصر كان اي مصري يشوف كمبيوتري يسال : ده كرييتف؟؟

ولما اروح اشتري كمبيوتر من السوق اول كلمة يقولها لي البايع : دة كمبيوتر كرييتف!!!!

حتي اني لما اشتريت كمبيوتر في مصر اشتريت كرت صوت كرييتف وبعدها بعدة اشهر اشتريت كرت كرييتف اجدد منه !!!!!

بس خارج مصر بدلت عشرة كمبيوترات ولا واحد منهم فية كرت كريياتف !!!!

[ramy]

يا اخي هناك مشكلة معروفة في سماعات كرييتف, بعد سنة او اكثر من الاستعمال تصبح وظيفة السب ووفر هي اضدار الضجيج و التشويش و ليس التضخيم!
منذ حوالي العام اشتريت سماعات انسباير وكان صوتها رائع ولكن بعد فترة حصل نفس الشيء تماما ولكن صديق لي اشترى ايضا سماعات انسباير ولكن من موديل اخر و السب ووفر لا يزال لديه حتى الان وكانه جديد!!!..


سماعات غيغا ووركس اكثر من ممتازة وهي تاتي بعد اقوى سماعات لوجيتك بفارق قليل..وثمنها حوالي 400 دولار ..