منحه مجانيه

[mahmoud saad]

المنحه دى يا اخوانى زى ما هم بيقولو مجانيه وهاتلاقي التفاصيل فى الملف ربنا يعينكم




]تحت رعاية السيدة الفاضلة / سوزان مبارك



مبادرة نشر ثقافة السلام باستخدام تكنولوجيا المعلومات



تعـــــــــــــــــــــــــــــــــــــــــــلـــن



جمعية أفق التنمية



[بالتعاون مع وزارة الاتصالات وتكنولوجيا المعلومات و شركة سيسكو



CISCO العالمية



عن فتح باب الالتحاق بمنحة تدريبية مجانية للتدريب على شهادة خبير شبكات معتمدة من أكاديمية سيسكو للشبكات

[Cisco Networking Academy (Cisco Certified Network Associate) يتم تدريب المستفيدين من المنحة على الدورات التدريبية الاتية:

1-Business Skills

• Communication Skills / Business Writing

- Business Writing Series

- Grammar Skills Series

• Personal Development / Self Development

- Career Development Series

- Creativity and Innovation Series

- Self Development Series

- Time Management

2-IT Essentials

- IT Essentials (PC Hardware & Software)

- IT Essentials (Network Operating System)

3-Cisco Certified Network Associate (CCNA Discovery)

• Networking for Home and Small Businesses

• Working at a Small-to-Medium Business or ISP

• Introducing Routing and Switching in the Enterprise

• Designing and Supporting Computer Networks
يحصل المتدرب فى هذه المنحة على شهادات دولية معتمدة من سيسكو سيستمز وأكاديمية ديجيتال
مدة المنحة خمسة أشهر 440 ساعة تدريب
الشروط المطلوبة فى المتقدم للمنحة:
1-مصرى الجنسية
2-السن من 18 سنة الى 25 سنة
3-ملتحق أو خريج أحد الجامعات الحكومية المصرية المعتمدة
4-اجتياز الاختبارات المؤهلة للمنحة
·اجتياز اختبار فى أساسيات الشبكات
·اجتياز اختبار فى اللغة الانجليزية
·اجتياز المقابلة الشخصية
يتم فتح باب التقدم للمنحة فى الفترة من 1 فبراير 2008
بتقديم الاوراق التالية :
1-صورة البطاقة الشخصية 2- صورة من اخر مؤهل دراسى حصل عليه
3- عدد 6 صور شخصية 4- صورة من شهادة الميلاد
5-صورة شهادة التجنيد - ان وجد
على أن يقوم المتقدم للمنحة بشخصه بتسليم هذه الأوراق باليد بمقر جمعية أفق التنمية الكائن
العنوان: 26 أ شارع بهجت على الزمالك الدور الارضى 2
التليفون: 27351220/27352588
البريد الالكترونى: Ofok.Scholarship@ofok-ngo.com
Ofok.Scholarship@gmail.com


وده الملف كامل اللى عايز يحتفظ بيه

https://www.4shared.com/file/39511728/a65ee316/CCNA_Scholarship_18-25.html?dirPwdVerified=df8b50d3

[سحر العين]

المنحه للمصرين فقط وفي مصر

والله ياريتني كنت هناك :)

الي ما يستغل هالمنحه حرام عليه

فعلا رائعه

وشكرا لك اخي على النقل

[أ بـو بـد ر]

سلم لي على مصر

فيه هناك ناس تفكر صح

[mawkely]

اخي ان شاء الله انا رايح اشوف بكره .......ادعولي يارب اقبل
بس هي تفتح باب الالتحاق من يوم 1فبراير يارب استر وابقي 100 وادخل يارب
والله المستعان

[mawkely]

السلام عليك
الحمد لله انهارده روحت قدمت _دبيت مشوار امنا ايه علشان اوفر نصف ساعه مشيت ساعه _
الراجل بكل احترام قالي املي الCVوبعدين قالي احنا هنبعتلك علي الاميل ونحدد معاك الامتحان

[mawkely]

يا اخواني كلام في سركوا Wink:Wink:Wink:يمكن الحجز للامتحان من خلال التليفون ومش لازم تدب المشوار ال انا عملته (BB)(BB)الشعب المصري ميعرفش يقول مايعرفش لما تقولوا اروح فين يااااااااااااااااا ه تلاقي العتبه جنب الجيزه والهرم جنب مدينه نصر ونتقلوا اسوان في المعادي بس انا ال مش بقرأ صحف (BB)(BB)(BB)(BB)(BB)(BB)(BB)(BB)
هذا ما فعله احد الاشخاص اثناء كتابتي للCV اتصل واعطاهم الاميل
يارب القي حد من عرب هاردوير معايا :frnd":frnd":frnd"
والله المستعان

[ahmed350711]

انا معاك يا زعيم سجلت اسمى فى الجمعية و ياريت الاعضاء العظماء فى ذلك المندى الاول عربيا الن يقوموا بوضع منهجاو خطة لكى نقدرعلى اجتياز جميع الاختبارت للحصول على المنحةضرورى جدا

[hamdy916]

ينفع اقدم واحجز دلوقتى عن طريق التلفون ولا خلصت اصلا

[mawkely]

ينفع اقدم واحجز دلوقتى عن طريق التلفون ولا خلصت اصلا

بص يااخي هما لحد دلوقتي مبتليش علي الاميل علشان اروح امتحن قالولي اسبوع وبقالي اسبوعين
1-ياأما انا كتبت الاميل غلط
2-يا أما الاميل اتبعت غلط
3-ياألسه متمش الامتحان حتي الان
اعتقد انك ممكن تحجز من التليفون :بس انا بقالي يومين بحاول اتصل ومش عارفيأما مشغول او مش حد بيرد
والله المستعان

[ahmed350711]

ياجماعة حد يساعدنا عشان الامتحانات هتكون مش سهلة عايزيين حد يساعدنا بنماذج امتحانات او اى شىء

[ahmed350711]

يعنى ما فيش حد رد علينا

[MOHAMMEDTA]

thank you

[gmmt2002m]

السلام عليكم ورحمة الله وبركاته

خلى بالك الناس دول حرامية ونصبين
فى واحد اشمو شعراوى وواحد اسمو عبدج الباسط شعراوى جايب اخواتو كلهم شغالين معاهم بيجيبو ناس مش فاهما ويخلوهم يدرسو بص اقولك على حاجة حلوة اسئل الناس الى بدات عندهم من فترة كدة وقابلهم واقعد معاهم وهما ان شاء الله هيفهوم على الدنيا كلها

[mahmoud saad]

السلام عليكم ورحمة الله وبركاته

خلى بالك الناس دول حرامية ونصبين
فى واحد اشمو شعراوى وواحد اسمو عبدج الباسط شعراوى جايب اخواتو كلهم شغالين معاهم بيجيبو ناس مش فاهما ويخلوهم يدرسو بص اقولك على حاجة حلوة اسئل الناس الى بدات عندهم من فترة كدة وقابلهم واقعد معاهم وهما ان شاء الله هيفهوم على الدنيا كلها

بص يا اخى انا عموما لا اثق فى ابو بلاش ولو فركت انى اخد كورس هاخده فى سنتر ليه سمعه وهاسال عنه مليون مره
ان القيت المنحه دى واحد بعتهالى قالى شوفها قولت احطها يمكن حد يستفيد بيها لا اكثر ولا اقل يمكن حد يستفيد ويدعيلى
وشكرا ليك على التوضيح

[mawkely]

السلام عليكم ورحمة الله وبركاته

خلى بالك الناس دول حرامية ونصبين

ياريت يكون الاتهام مبني علي اساس انت تعرف معني نصاب (قد اكون اخطأـ مثلك في يوم من الايام)

ص اقولك على حاجة حلوة اسئل الناس الى بدات عندهم من فترة كدة وقابلهم واقعد معاهم وهما ان شاء الله هيفهوم على الدنيا كلها
انا اتشرف اني اتعرف عليهم وده اميلي وده اميليmawkely_2@
yahoo

[mawkely]

* { visibility: hidden; } .replbq{width:100%}
اخواني قد جائي الرد وانا لا اعرف وقد تحدد الموعد
* { visibility: hidden; } .replbq{width:100%}

وبعد الامتحان سأضع ملخص للوضع ان شاء الله
ادعولي

[fxmaster]

الموضوع يتلخص فى التالى

ينص الاعلان على انه سوف يتم تدريب المتقدمين مجانيا على التالى

it essentials 1 وهى تخص ال hardware وال software
it essentials 2 وهى تخص ال network operating systems ويندوز ودوس ولينكس ويونيكس
soft skills
ثم اخيرا ccna

المفروض انه مجانا ....100 فى الميه مجانا

ذهبت وقدمت اوراقى .. فاخبرونى بموعد اختبار بدائى فى اساسيات الشبكات .. ذهبت فى الموعد المحدد ووجدت عناك المئات ... المهم دخلت اللاب وكان فيه حوالى 15 واحد .. شباب وفتيات....اعطونا يوزرنيم وباسوورد للدخول للاكاديميه ثم بدا الاختبار ( الاختبار كان فى ite 1 مع انه المفروض انهم يدربونا على it1 ولكنهم امتحنونا مره واحده !!!!!! من غير تدريب !!1 )
لم ينجح فى الاختبار سوى 2 ... وكنت انا الاول والحمد لله ......قلنا باه خلاص احنا فى المنحه

فوجئت بالنصابين يقولوا لا هناك امتحان اخر بعد علينا اجتيازه لكى نفوز بالمنحه العظيمه !!!
ما هو ؟؟ قالو هو اختبار فى ال it essentials 2 !!! مش المفروض انو يتم تدريبنا عليه قبل ما نمتحن !!!!!
قلنا ok فوجئنا بيهم يقولوا ان سعر الاختبار 50 جنيه قلنا مش مشكله !!!
قالوا لسه هتدفعوا عضوية جمعية افق ... ففكرت فى الموضوع

اكتشفت انهم مجرد بيختبروك طبعا برسوم اختبار . بيختبروك فى حاجات المفروض انهم يدربوك عليها بنص الاعلان مش يختبروك فيها علطول !!!!!!!!!!!!!!!!!!!!!!!!!!!!!!!!!!!!!!!!

ودهشت ان المنحه تحت رعاية السيده سوزان مبارك اذا فلم لا نرى اى اعلان عنها سوى فى قناة otv (نجيب ساويرس ) ولا نقرا عن الاعلان فى الصحف او على القنوات المحترمه ......

نصيحه منى لكم ..... ابعدوا عنهم ..

[hima88]

يعني انا مقدم الورق هناك والصور اروح اجيبهم ولا يعوض عليا ربنا فيهم

[mawkely]

بسم الله
اولا انا امتحاني بكره
وانا كنت ناوي اقعد اذاكر بس....(H)(H)
انا كنت سمعت حاجه زي كده وانا في كليه الهندسه كانت الطلاب بيقولوا للدكتور انهم بيطلبوا اشتراك للجمعيه 250جنيه ويعدين المنحه مجانيه وده غير رسوم الامتحان 50 وده غير عفريت العلبه ؟ شوف بكام ده التاني
يعني واحد بيقول ان المستوي مش عالي والتاني بيقول نصب في الفلوس (اه الفلوس مش كتير بس ده مرتب شهر )
انا مش عارف اعمل ايه والله مش عارف
بعد ماكان في احلام بتتهد بس انا اتعلمت حاجه
(لازم يكون في بديل للخطه ال انت حاططها )
الحياه مش سهله
والله المستعان

[gmmt2002m]

يا جماعة الناس دول وخدين منى 1000 جنية وفى ناس واخدين منهم 3500 لكورس ccna acadyme انا مبفتريش على حد
وربنا معاكم

[mawkely]

انا بتكلم من هناك دلوقتي والله
اناقاعد علي الجهاز
المفروض اني همتحن
احنا تسعه في الاب حتي الان
سلام دلوقتي

[Emadetch]

طب ياجدعان قولي ابعد عن الناس دي ولا ايه
انا نجحت في اول امتحان واانا دلوقتي المفروض اذاكر
IT Essentials Network Operating System
وهما يبعتولي معاد الامتحان واروح امتحن
انا مش فاضي وعندي مليون حاجة مشروع تخرج
ومذاكرة مواد وحاجات كتير
لو الموضوع نصب قولولي عشان متعبش نفسي
ياريت حد يفدني وفي واحد بيقول انه دافع 1000 جنية ليهم
ليه دفع المبلغ دة
ياريت تردو عليا

[gmmt2002m]

السلام عليكم ورحمة الله وبركاته
اخى العزيز عماد
انا مش بفترى على الناس دى بجد زى مبقولك وهقولك الدليل الى انتا تقدر تقتنع بية
1- المكان دة كان سيبر قديم
2- المنحة الى انتا بتقول عليها دى فعلا منحة جيلهم بس هما بيستخدموها غلط يعنى ازاى تذكرها فى البيت وتروح تمتحنها دى تبقى منحة هما عرفو للاسف يضحكو عليك قولى انتا ازاى اروح اذاكر فى البيت وامتحن عندهم بس فين المنحة فى كدة
3- حاول تقعد مع الانستركتر الى هناك واسئلو سئال فى حاجة كويسة يعنى مش اى حد يفهمها يعنى مثلا على الاقل اسئلو فى السب نت مسك
4- الى هناك اسمهم شعراوى ومعتز و وليد وعبد الباسط كلهم اخوات ماعدا عبد الباسط دة صاحبهم



انا روحت وكنت هاخد كورس عندهم سى سى ان اية اكاديمى والحمد لله جت سليمة على الف جنية مش مشكلة الحمد لله على قد كدة بس انا الى زعلان علية ان فى ناس لسة مشتغلتش وراحت دافعة ال 4500 بتاع الكورس وبردو نصبو عليهم
طريقة النصب بقا ازاى اقولك
انتا بتدفع جزاء من الكورس وبعد كدة انتا اصلا مبتسفدش من الكورس لان الانستركتر كان زيك كدة وخلوة ياخد الكورس مضغوط وخلوة يدرس هوة فاهمنى ولا لا يا عماد
وربنا يوفقك
ابعد عنهم

[Emadetch]

شكرا ليك علي جدا يا اخي الكريم علي ردك عليا
انا حطلع عي وزراة الاتصالات واحاول اكلم ناس هناك
عشان لو كدة ميلعبوش تاني وغرمو ناس
والدنيا مش ناقصه نصب
شكرا ليك جدا اخي

[hima88]

يا رات يا اخولنا تقولنا انا جالي معاد الامتحان الاول

ولو نصب اوفر الحوارات دية الواحد مش ناقصي ارف
وحسبي الله ونعمة الوكيل لو نصابين

ارجو الرد ارررررررررروح ولا لا وشكرا ليكم

[samynasry]

دول حراميه يا جماعه وانا اتأكدت من مستشار جامعه حلوان للتكنولوجيا اتصلت بيه شخصيا وقالي متدفعش اي شيء لأانها مجانيه وانا منتظره هيتصل بيا عشان يقولي وصل لأايه مع النصابيين دول