استشارة عل الماشي في تركيب الجهاز (عنوان معدل)

[soolygoy]

السلام عليكم ورحمه الله وبركاته
صباح الخير على اعضاء عرب هارد وير وكل من يحب هذا المنتدى الرائع بكثرة معلوماته وباعضاءه ومشرفينه المحترمين
اخوانى انا عضو جديد
وباذن الله اكون متواجد معكم لاعلم ما لم اعلمه بفضل ربنا ثم فضلكم

اخوانى انا جهازى لسة محدثه من شهرين واريد احدثه من تاانى

دى مكونات الجهاز بتاعى الحالى
البروسيسور انتل 3جيجا كاش 4 ميجا
رامات 2 جيجا كينج استون
ماذر بورد جيجا بايت 945 فرى بس مشكلتها انها موش بتقبل غير 2 جيجا رام فقط :(

طيب اخوانى انا عاوز اغير الماذر بورد لحاجة تكون كويسة وتقبل رامات 8جيجا مثلا او 4 جيجا
انا سمعت عن جيجا بايت p35 وسمعت انها بتقبل رامات 8 جيجا او 4 تقريبا
وسمعت عن الausus d35 وسمعت انها كويسة
انا عاوز ماذر بورد وبروسيسور يكونه كويسين
مع العلم ان الهارد دييسك 250 جيجا هل هياثر على الجهاز ؟
هل الجيجا بايت p35 تشتغل كويس على البروسيسور الا عندى ولا اغير واجيب الكول دول 2
انا اسف على الاطالة بس اريد ان اجيب حاجة كويسة

[alayoubi]

انا عاوز ماذر بورد وبروسيسور يكونه كويسين
مع العلم ان الهارد دييسك 250 جيجا هل هياثر على الجهاز ؟
هل الجيجا بايت p35 تشتغل كويس على البروسيسور الا عندى ولا اغير واجيب الكول دول 2

أهلا بك أخي الكريم

طبعا شيبات P35 أفضل بكثير سواء من اسوس أو جيجابايت مثل الموديلات التالية :
جيجابايت : P35-DS3L او P35-DS3R
أسوس : مش فاكر الموديلات تمام .
طيعا اللوحات دي بتشغل المعالج الي عندك اذا كان lga يعني بدون بنااات وطبعا بتاخد رامات لحد 8 جيجا .

الهارد الي عندك ممتاز وخاصة اذا كان ب 16MB كاش ويمشي مع اللوحات الجديدة طبعا .
البروسيسور : طبعا يفضل تغيره بأحد معالجات Core2 Due الحديثة لأن الفرق بالأداء بينها وبين الي عندك كبير جدا . مثل:
E6320 , E6420 أو أعلى .
وأيضا يوجد أرخص مثل:
E2160, E2180 أو أعلى . لكنها ممتازة في نقس الوقت لو تم كسر سرعتها .
كله حسب الميزانية الي عندك .

[soolygoy]

مشكور اخى alayoubi على ردك الجميل بس لدى بعض الاستفسارات لو امكن



جيجابايت : P35-DS3L او P35-DS3R ما الفرق بينها ومن احدث اصدار فيهما
الهارد الي عندك ممتاز وخاصة اذا كان ب 16MB كاش ويمشي مع اللوحات الجديدة طبعا .
اسف يا غالى كيف اعرف الكاش للهارد
E2160, E2180 أو أعلى . لكنها ممتازة في نقس الوقت لو تم كسر سرعتها .
عملية الكسر يا غالى هو تشغيل البروسيسور اكتر من طاقته وتسرعه ارجو التوضيح انا لسة جديد واكون شاكر لكم وياريت افضل واحد فى الاتنين E2180 ولا E2160

[alayoubi]

اللوحتين نفس الشيب سيت P35 يعني بنفس المستوى , الفرق :

L : لوحة عادية وفيها تقريبا كل ما يحتاجه المستخدم العادي .
R : بها شوية اضافات مثل عدد منافذ USB , SATA اضافي وتقنية ربط هاردين وأكثر مع بعض Raid 0,1
واللوحتين نفس التصميم تقريبا وطبعا L ارخص من R

بالنسبة للهارد لازم تدخل عالسايت بتاعه وتحط الموديل المكتوب عليه وبعديها هيديك كل التفاصيل , طبعا سواء كان 16MB أو 8MB هيشتغل معاك البورد الجديدة .

عملية كسر السرعة : هي الرفع من سرعة المعالج الى حدود عليا لا تضر بيه وبنفس الوقت هيديك أداء عالي أفضل من اداءه الاصلي . يعني مثلا :
معالج زي E2160 سرعته 1800 ممكن ترفع سرعته الى 2800 بشكل مبدئي أو 3000 أو حتى 3200 اذا كانت امكانيات جهازك تسمح لكن سرعة 2800 كويسة جدا .
المعالجات دي تقريبا نفس الشيء ولكن الفرق الوحيد بينها السرعة :
E2140 سرعته 1600
E2160 سرعته 1800
E2180 سرعته 2000
كلها بسرعة بص 800 وواحد ميجا كاش .
وفي أسرع من كده لنفس الجيل لكن أنا انصحك تاخد E2160 مع لوحة P35-DS3L وبعدين ترفع سرعته ببساطة بانك تطرح موضوع بقسم كسر السرعة والتبريد. وظبعا لو تجيب رامات 2 جيجا حبتين كل وحدة 1 جيجا بسرعة 800 يبقى كويس .

[Sh@rk]

راجع هذا الرابط

https://arabhardware.net/forum/showthread.php?t=77025

و لمناقشة الامر:
https://arabhardware.net/forum/showthread.php?t=77488